مجانين البلاك بيري

[قايد الريم]

حوار بين صاحب محل وزبون
الزبون : عندك بلاك بير ي
صاحب المحل: نعم موجود لو اي نوع
الزبون : اي شي ييب اي بلاك بيري المهم بلاك بيري وخلاص
صاحب المحل: زين اي نوع في انواع فيه الكيرف البولد وفي نوع يديد
الزبون: وهو مستعجل اي شي اي شي
صاحب المحل: وهو يطلع الفون ومستغرب انه ياي يشتري وحتى ما سال عن المواصفات هذا ب1700
الزبون: خلاص زين يود الفلوس حطه بكيس
صاحب المحل: وهو يحط الفون ويفكر ليش مستعجل جي الريال قال في نفسه يمكن شارنه لربيعه حد مو مهم
الزبون : شكرا
صاحب المحل: اخوي بسالك انت شار الفون لحد او للك
الزبون: لا لي شارنه
صاحب المحل : عيل ليش ما سالت عن مواصفته
الزبون: ما يحتاي المهم بلاك بيري الا ما عنده بلاك بيري مو مواطن يقولون عنه



حوار خلاني افكر هل نحن المواطنين اغبياء لها الدرجه ونتبع الموضه بهبل جي
والله ما اعرف شو رايكم بس الموضوع متروك للنقاش وارائكم

[حلو الاطباعي]

والله العظيم صدقت ياخوي
انا بصراحة رافض هالفكرة تماما
واعتبرها موضة تخلف 2009 لان الكل يقلد
شو يعني بلاك بيري؟؟؟
اللي يشتريه يباه بس للشات والمسن
حاشرين الدنيا بهالفون مادري عشو
يمكن احلى شي فيه كفراته فقط لاغير

مشيتوا عالمثل اللي يقول
القافلة تسير و........ما بقول
الله المستعان

[admire]

هييي والله أخووي فكل مكاان بلاك بيري ويوم أسألهم
يقولون هالموضه كلما أسير مكاان إلا أشوف
بلاك بيري وعينهم ملتصقين بشاشتهاا
وإلا أنا مستغربة ليش هم 24 ساعة على هالفوون سواء أكان
بالمول بالمستشفى فكل مكاان حتى لدرجة السموحة منكم (بالحمام )
انزيين ليش ؟ دامكم تبون تقعدون على النت سير اقعد فالبيت ليش فمكاان عااام
يعني تبون النااس يعرفون إن عندكم بلاك
والسموحة

[Time_Racer]

السلام عليكم ورحمة الله وبركاته

أخي الكريم

صدقت فيما رويت ونقلت، فللأسف المواطنين قد خف عقلهم في الآونة الأخيرة في الجري وراء تقليد الغير تقليدا أعمي غير واعين لما يفعلون، فالبلاك بيري هو أحد مظاهر الاستخفاف بالعقل المواطن ، وغيرها موضة الوردي ، وغيرها موضة البنطلون القذر ، ...

أما بالنسبة للبلاك البيري ، فهو ليس فيه ميزات متفوقة على غيره من الهواتف الأخرى ، فبسبب جهل المواطن فهو لا يعلم أن موبايلات نوكيا وسوني أريكسون ، وغيرها بها خدمات المسنجر أيضا ولكنها تحتاج للتنزيل وهي مجانا أيضا!!!

ولكن التقليد الأعمى الغير واعي للمظاهر لا تنم عن سوى تفاهة العقول التي تركض وراء التكنولوجيا وهي لا تعرف استخدامها !!!

[aljreee7]

صدق والله

الله المستعااان

[Her Highness]

مايخصه والله ليش كلكم حاطين ع البلاك بيري

بالعكس في مواصفات حلوه

يمكن من سلبياته ان مرات الواحد قاعد يا اهله ويقرا سالفه ويندمج ويقصر بحق اهله

وهو تيلفون حاله حال باقي التيلفونات

ويرجع للشخص نفسه وذوقه فالاختيار

انا ماخذتنه اول مانزل ماكان معروف جي ونادر ماكنت اشوف حد شالنه

الا الحين يوم رخص مثل الحلاوه موزعه

بس بالنسبه لي اللي ياخذ بلاك بيري عسب السبب السخيف انه لازم كل مواطن عنده

هذا ماعنده شخصيه ويحب يقلد

محد ياخذ شي ع عماه ولا يسال عن مواصفاته والمميزات اللي فيه

[patchena]

انا من النوع المتبع للموضه بس عاد بلاك بيري احسه مب شي يشلونه البنات احسه حق الشباب بس وبعدين انا عايبني شكله بس بعدني ما قررت اشتريه اشوف الناس كل يوم حد اشترى وكأنه ماشي سالفه غير هالبلاك بيري

[فاقد انسان]

( قايد الريم )
جميل جداً ما طرحت
ولك كل الشكر والتقدير




هناك مصطلحات لا تتجاوز حروفها أصابع اليد الواحدة! ولكن إن تحدثنا عنها تحتاج لألوف الصفحات لنتحدث عنها؟



ومن خلال الحوار الذي شاهدته أخي الكريم فعلاً هذا تقليد للأسف لايفسر إلا عن صغر مساحة تفكير هذا الشخص! وشعار هذا الشخص ( حشراً مع الناس عيد )



ولو تعمقنا على المقوله ( من فهمني ملكني ) لإدركنا الميزات التي في هاتف لبلاك بيري
وتختلف من شخص إلى شخص! هناك أشخاص يحتاجون إليه وأشخاص لا يحتاجون إليه! ولايمنع أن من يحمل لبلاك بيري لايهمه سوى التقليد بالعكس هناك أشخاص يعتبر هذا الموبايل ضروري لهم؟


ومن مميزات بالبلاك بيري : أولاً المسنجر الخاص بالتلفون نفسه وهي ميزه مختلفة عن مميزات الهواتف الأخرى ( نوكيا – سوني اريكسون ) بصراحة هذه الميزة تقوم بإيصال الأخبار أول بأول وهذه الميزة لا يمكن أستخدامها إلا مع الأشخاص الذين يحملون نفس نوعية الهاتف؟
بالإضافة إلى سهولة أستخدامه من خلال التصفح لشبكة العنكبوتية!
وهناك ميزات أخرى أيضاً؟



همسه!!!
لولا اختلاف الأذواق لكسدت السلع



ويجب علينا أن ننظر للجزء الممتلئ من الكأس ولا ننظر للجزء الفارغ منه؟
وبالنسبه لي أنا إبصراحه استفدت منه كثيراً! ومن شخص لآخر تختلف ألحاجه لهذا الموبايل!


وهناك أشخاص يحتاجون إليه لظروف عملهم وبعض مجالات العمل ساعدة خدمة لبلاك بيري في تسهيل بعض من متطلبات العمل ؟


وهناك فئة من المجتمع لم تتقبل هاتف البلاك بيري مما أدى في الوقت الحالي إلى معاكسة كلامه!


قدمت وجهة نظري في الموضوع والاختلاف في الرأي لا يفسد للود قضية!




وقفه!!!
حين ارى أقوالهم غير افعـالهم
وأفعالهم عكس أقـوالهم
فتنقلب مفاهيم الصدق لدي
فأبقى عاجزا عن القول


فاقد انسان

[خواطر]

أنا في البداية ما عايبني وعقب تخبلت عليه إلآ أشترية ..


بس دلع ...

[رمش الغلا]

صدقك والله

الصراحه انا مب عايبني

تسلم اخوي على الطرح

ودمت بود

[aljreee7]

خخخخ الله المستعان

انا لو ما وصلني هديه ما كنت بشتريه

بس ما عليه كلام..

[جحا]

صدقت وشكله ماحلو

[راشد]

لهالدرجه متضايقين من البلاك بيري !!!:sm105:

:sm165: :sm165: :sm165:

BlackBerry نفس اي موبايل بس عليه مواصفات اكثر ..

و اعتقد انتشاره ما يسبب الضرر للغير :aa_kaaak:..

إلي قد البلاك بيري ياخذه و إلي مب قده لا يطلع علل :sm103:

[patchena]

لا الصراحه البلاك بيري ماعليه كلام عايبني انا الصراحه

[7rkat]

انتو مسوين ضجه اكثر من مستخدمي بلاك بيري

تلفون يديد ونزل حاله حال غيره
اكيد الكل بياخذه
تذكرون اول مانزلت التلفونات الملونه الكل قام ياخذها ويودر القديم << حد قال شي لااا

ها حاله منهم

لوكان خقه فخقه للشخص نفسه
ولو كان استخدام فماعليه كلام

حياكم

[فديت دبا الحصن]

حوار بين صاحب محل وزبون
الزبون : عندك بلاك بير ي
صاحب المحل: نعم موجود لو اي نوع
الزبون : اي شي ييب اي بلاك بيري المهم بلاك بيري وخلاص
صاحب المحل: زين اي نوع في انواع فيه الكيرف البولد وفي نوع يديد
الزبون: وهو مستعجل اي شي اي شي
صاحب المحل: وهو يطلع الفون ومستغرب انه ياي يشتري وحتى ما سال عن المواصفات هذا ب1700
الزبون: خلاص زين يود الفلوس حطه بكيس
صاحب المحل: وهو يحط الفون ويفكر ليش مستعجل جي الريال قال في نفسه يمكن شارنه لربيعه حد مو مهم
الزبون : شكرا
صاحب المحل: اخوي بسالك انت شار الفون لحد او للك
الزبون: لا لي شارنه
صاحب المحل : عيل ليش ما سالت عن مواصفته
الزبون: ما يحتاي المهم بلاك بيري الا ما عنده بلاك بيري مو مواطن يقولون عنه



حوار خلاني افكر هل نحن المواطنين اغبياء لها الدرجه ونتبع الموضه بهبل جي
والله ما اعرف شو رايكم بس الموضوع متروك للنقاش وارائكم


جــواب سؤالك ....>> نعم بعضهم الا مــن رحم ربـــي ...