ضروري خواتي الي تعرف ترد

[ام سعيد المهيري]

خواتي عدنا عرس جريب سالت عن اسعار المكياج والتسريحات استغربت الاسعار وايد غاليه الي تعرف صالون حلو حق تسريحه ومكياج والاسعار معقوله ماتبخل علينا

[نبض انسان]

اختى انا اتعاملت تقريبا مع كل الصالونات
فى بعضهم اسعارهم حلوه بس شغلهم هب شي وفى بعضهم اعوذ بالله يتأخرون لج اذا خبرتيهم انهم يمرونكم القاعه..
عندج امايل عيبتنى عن جد هى فى الرمس تسكن ..

[اماراتي وافتخر 40]

ام سعيد حبيبتي انا صار لي فتره ما اسير صالونات اتعامل مع وحده اتيني البيت....ما اعرف الاسعار برع بس هيه تسريحه ومكياج تاخذ 450.....بس انا تعيبني لانها تعرف انا شو ابا وشو يناسبني.....

شو رايج تعالي لي ونا بمكيج ههههههههههههه وببلاش بعد ههههههههههه

[ام سعيد المهيري]

شكرا خواتي على الرد نبض انسان اماراتي وافتخرانا وايد شاطره في المكياج بس ما عندي مكياج يصلح للاعراس وبعد عندي ثلاث بنات الله يحفظهم استغربت الصالونات قالولي التسريحات للبنات من اميه وخمسين الى ميتين يعني الثلاث ستميه حرام المبلغ مبالغ فيه

[الجوهرة الناعمة]

كله غالي انا بعد اجهز علشان عرس بنت عمتي
انا بروحي شعر ومكياج والله 600
وبعد اخواتي كل واحده 600
بس كلنا حرام والله
غير الفستان والحنه وغيره
يعني كل وحده تبي مبلغ لين كلنا بنسوي استشوار عادي مع فير ب100
ومكياج 300
واييييد غالييين

[مدام واو]

بالتوفيق ان شالله