استفسار لو تكرمتوا لاهل الخبرة ببانكوك [الأرشيف]

مشاهدة النسخة كاملة : استفسار لو تكرمتوا لاهل الخبرة ببانكوك

emaratee7

10 - 12 - 2012, 12:20 AM

السلام عليكم ورحمة الله وبركاته ,,اخواني واخواتي لو تكرمتم واللي عندهع خبره بالمستشفيات ببانكوك انا حابب اودي الوالد ان شاءالله تعالي لعمل فحوصات شامله ويمكن للعلاج ايضا على حسب الفحوصات بس بصراحه محتار بين مستشفي برمنجراد (الامريكي ) و بين مستشفي بانكوك (الملكي) , لاني سالت كذا شخص حد يقولي الملكي وحد يقولي الامريكي احترت قلت اسال ربعنا بهالمنتدي الغالي وان شاءالله القي عندكم الاخبار الطيبه ,,وايضا لو في مجال عن احسن الفنادق والقريبه من المسشفيين , اشكركم مقدما ويزاكم الله خير

الشاعر..

10 - 12 - 2012, 05:49 AM

ان شاءالله حد يفيدك اخوي والله يعافي الوالد يارب ويعافي كل مريض

غصن الورد

10 - 12 - 2012, 06:26 AM

الله يعافيه ويشفي الوالد ان شاء الله
المستشفى الامريكى ممتاز
الفندق نانا هيسو بصراحه هادى ومريح وجربناه واغلب الخليجين والامارتين ينزلون فيه وقريب من المستشفى

الجوهر الصافي

10 - 12 - 2012, 07:09 AM

شوف الفحوصات الشامله كلها نفس الشي تقدر تحدد شو تبا من خلال ورقه يعطونها وبعد على حسب العمر
لو الوالد يعاني من سوالف عظام ومفاصل يعني ركبه ولا ظهر انصحه ف وشتاني هم يسمونه وتاني ممتاز بسوالف المفاصل وعندهم سكن فالمستشفى يعني الفندق متربط بالمستشفى

صوت راك

10 - 12 - 2012, 07:59 AM

السلام عليكم

انا ما عندي خبرة بالمستشفيات بس في فندق موجود بشارع العرب , اسمه فندق زينت , نظيف , و من افضل الفنادق 100%

و الله يعافي الوالد

بحر غليله

10 - 12 - 2012, 09:04 AM

الله يشفي الوالد
بالنسبه للمستشفي الامريكي افضل اما السكن عندك خيارين احسن وارخص فندق فرتونا في حي العرب وقريب من المستشقي و المسجد والثاني فتدق زينت بعد قريب للمستشفي الامريكي
والله ايشافي الجميع

charmed eyes

10 - 12 - 2012, 02:55 PM

معافى ان شاء الله

غرشوبة رااكـ

10 - 12 - 2012, 03:25 PM

معافى ان شاء الله

بومروان

10 - 12 - 2012, 10:53 PM

بصراحه اضحت المستشفيتات تجاريه وهى الامريكى و بانكوك
انصح بالمستشفيات للى يعرفونها التايلاندين بس مثل
مستشفى يانهي
مستشفى BNH
مستشفى samitivey
مستشفي pararm 9
مستشفى بافيات piyavate
مستشفى Thai nakarin

Fake news

10 - 12 - 2012, 11:49 PM

الأفضل الاتصال السفارة الإماراتية لوجود مستشفيات متعمدة وسيقدمون النصيحة لأفضل المستشفيات

emaratee7

11 - 12 - 2012, 12:29 AM

يزاكم الله خير وماقصرتوا على الردود الطيبه وبارك الله فيكم وان شاءالله استفيد من نصايحكم الطيبه

بوزايد 1973

11 - 12 - 2012, 10:48 AM

ما يشوف شر الوالد

ومن الأفضل التواصل مع السفارة الإماراتية ببانكوك لمعرفة المستشفى المناسب لعلاج الوالد لإنه حسب ما سمعنا مؤخراً بأن السفارة ألغت تعاقداتها مع بعض المستشفيات التايلندية لان توجهها أصبح تجاريا من الدرجة الأولى خصوصا مع الخليجين .

أما بالنسبة للسكن فذلك يعتمد على حسب ميزانيتك وأتوقع أن غالبية الفنادق المحيطة بالحي العربي مناسبة وأنا أفضل فندق زينت

مع تقديري

عشوقة

12 - 12 - 2012, 01:24 AM

الجزيره الحمراء

12 - 12 - 2012, 03:29 AM

الله يشفيه ويعافيه ان شاء الله بيفيدونك هل الخبره

بتوفيق

نبض انسان

12 - 12 - 2012, 02:11 PM

الامريكى فنان وحلو وكل شي مرتب

emaratee7

15 - 12 - 2012, 11:37 PM

المستشفي الامريكي انا بس اللي رحت له في بانكوك ..
وااااااايد آإوك ويسولك فحوصات شاملة وكل شي تباه ويكون وياك مترجم طوول الوقت مرتب ومافي حد قبل حد كل واحد ودووره
وآإغلب المواطنين هنآإك ..

http://www.ae-id.com/vb/uploaded/5598_01306174750.jpg

نحن كنا ساكنين بها الفندق وهوه قريب من المستشفي بس نقعد نمشي مال 10 دقايق تقريبا

والله يشفي الوالد ان شاء الله
مشكوره ياختي وماقصرتي طال عمرج وان شاءالله بنتوكل وبنسير الامريكي اما الفندق اعتقد شوي بعيد لانه الوالد الله يسلمج مايقدر يمشي مسافات طويله

emaratee7

15 - 12 - 2012, 11:42 PM

الامريكى فنان وحلو وكل شي مرتب
مشكور ياخوي ويزاك الله خير على رايك الطيب

NASRRMTR

18 - 12 - 2012, 12:54 AM

فندق زينت هو قريب من المستشفى الأمريكي

دار زايد للشقق الفندقية قريب من المستشفى التايلندي

*مسك الإمارات*

18 - 12 - 2012, 01:56 AM

الله يعافية وياجره يارب ويزاك الله خير بإهتمامك بالولد