استهتار سائقي الشاحنات بإشارات المرور.. إلى متى !! ( صورة ) [الأرشيف]

مشاهدة النسخة كاملة : استهتار سائقي الشاحنات بإشارات المرور.. إلى متى !! ( صورة )

سفير جلفار

13 - 10 - 2009, 02:48 AM

استهتار سائقي الشاحنات بإشارات المرور.. إلى متى!!

http://www.alrams.net/up/uploads/images/alrams-124cc10291.jpg (http://www.alrams.net/up/uploads/images/alrams-124cc10291.jpg)

الرمس.نت/ سفير جلفار:

صورة التقطتها لشاحنة تقطع الاشارة الحمراء عند تقاطع شارع النخيل ، وهي صورة تضع ألف سؤال وسؤال على ألسنتنا عن تكرار هذه السلوكيات الخطرة على طرقاتنا..

ماذا كان سيحدث إذا دخل سائق شاحنة البترول إلى الشارع ، فور إضاءة الإشارة المرورية للون الاخضر ؟؟!!

ما ذنب من سيدخل إلى الشارع مظلوماً ليلقى حتفه تحت عجلات شاحنة هذا السائق المستهتر بقوانين المرور ؟

لقد زادت في الآونة الاخيرة حوادث السير في رأس الخيمة ومعظم الحوادث هي بسبب الشاحنات وقيادتهم المتهورة لمركباتهم الثقيلة , فمتى ستخلوا شوارع رأس الخيمة من سفاحي الطرق !!

سؤال نرفعه للجهات المعنية وبخاصة إدارة المرور والترخيص ، قبل أن تقع الكارثة..

*في حال نقل الخبر يرجى الاشارة إلى"الرمس.نت" كمصدر للخبر

RAKBOY783

13 - 10 - 2009, 02:54 AM

تسلم يالغالي سفير ع التصوير والخبر وجان بلغت عليه امس مستوي حادث صوب شمل شاحنه لف لواحد الله المستعان

Her Highness

13 - 10 - 2009, 04:37 AM

لالالا غلطان كان يسرع جان خفف بعده

ليش مستعيل

والله انك خطير لقطه فالوقت بدل ضايع

يالله الحمد الله ع كل حال

حلو الاطباعي

13 - 10 - 2009, 08:21 AM

اصلا لو شو ماصار واستوى وراح يصير مستقبلا
مستحيل ان الانضباط والالتزام يشمل الكل فردا فردا مستحيل
ولو شو ماكانت المخالفة ولو شو ماكانت العقوبة... ان يصير الكل ملتزم بقواعد الامن والسلامة اتمنى هالشي
بس ما اظن
عالعموم ... المفروض هذس شاحنة يعني جبل متحرك الله يستر
اتمنى للجميع السلامة

بو مريم

13 - 10 - 2009, 08:33 AM

جان خذيت رقم السياره وبلغت عليه

عسب يتأدب

طيوب عيمان

13 - 10 - 2009, 08:39 AM

صرااحه الله يعينكم في راس الخيمه والمفرووض انه الشرطه ماتتساهل وياااهم لانهم صدق مستهترين ومره دخلت رااااك ( طبعا ما استغنا عنها لازم ازورها من فتره لفتره ) وصلت شارع بين السوق وزحمه موووووووت اخر شي كله شاحنات واقفه تاخذ اضني كررررررك انقهرت منهم......

رمساوي4

13 - 10 - 2009, 04:41 PM

هذا كله بسبب عدم تطبيق القوانين المروريه الصارمه للشاحنات
وتسلم أخوي ع الصوره

ولد راك والعالم وراك

13 - 10 - 2009, 05:10 PM

الواحد شو بيسوي فيهم
من مته ونحن نتكلم والله حتي كلمنا بومايد البث المباشر
وما قصر كلم مدير قسم الدوريات

وربك المستعان

omkhalid

13 - 10 - 2009, 08:40 PM

الله المستعاااااااااااان

admire

13 - 10 - 2009, 10:28 PM

شو بنقول بعد

الله يستر

تسلم أخووي على الخبر ...~

~{ليش آناآ}~

13 - 10 - 2009, 11:51 PM

حسيبه الله

لاقدر الله ياي واحد مسرع
كيف يقدر يتفادي الشحانه الطويله

بس من حقه يسوي جي
لان لا حسيب ولا رقيب
واصحاب السياير ضحايا............

عاشق الامارات

14 - 10 - 2009, 12:17 AM

و اصلا شو جاب شاحنة ادنوك على اليسار
والله هذا استهتار

بو غايه

14 - 10 - 2009, 12:36 AM

امر المخالفه بالنسبه لراعي الشاحنه بسيط والله القهر انه في كاميرات تصوير ولكن مافي اي عقاب شديد بالنسبه للشاحنات الا بعد ما يموت واحد بحادث والنتيجه اهمال راعي الشاحنه لين متى

ناصر خميس

14 - 10 - 2009, 01:42 AM

تعبناا من المصااارخ لهم عفان الله

الكتووومة

14 - 10 - 2009, 08:12 AM

متى يتحقق الحلم ويخلوهم بشارع بروحهم

سفير جلفار

14 - 10 - 2009, 12:42 PM

رداً على بعض التعليقات بخصوص رقم الشاحنة ( صورة عن قرب )

http://img260.imageshack.us/img260/521/453453543.jpg

للمعنين في ادارة المرور والترخيص اتخاذ الاجراءات المتبعة بحق المجرم سائق الشاحنة حسب القوانين

شباصة منقصة

14 - 10 - 2009, 03:39 PM

الله يعينــ

و الله يحفظنا و يحفظكم و يحفظ جيمع المسلمين

بو حميد

14 - 10 - 2009, 04:55 PM

كم منقول و كم منتكلم
بس الله المستعان
الصراحه
لازم اتخاذ اجراءات صارمة عشان تكون عبرة
لان الوضع خير

A.R.A

14 - 10 - 2009, 05:15 PM

الله المستعان

ثانكس

حياتي و محلاها

14 - 10 - 2009, 05:26 PM

ما بغيتوا تهتمون
و أصلا جي و لا جي
محد بيسوي شي

حور راك

14 - 10 - 2009, 05:49 PM

تسلم أخووي على الخبر ...~

صراحه

14 - 10 - 2009, 10:23 PM

أصحاب الشاحنات ما يهمهم لانهم فوق مابيجسهم شي إذا استهتروا بس أصحاب السارات الصغيرة هم الضحايا
مر كنا منطلع والإشارة خضرة والحمدلله الله ستر وشفنا الشاحنة اللي يايه مسرعة وتتجاوز الإشارة الحمراء
شو نققققققققققققققول غير" الله المعين"

عذابي غير

15 - 10 - 2009, 07:47 AM

السلام عليكم ورحمه الله وبركاته..

لاحول ولاقوه الابالله..

والله الشاحناات مسوياات أزمه في هذه الايااام..

والحمدلله شرطه رأس الخيمه مو مقصره في هذا الشي..

الي يشوووفه مخالفه عطته مخالفه..

ان شاااء الله راح يجدووون لها حل في الايااام القادمه باذن الله..

مزايين الرمس

15 - 10 - 2009, 03:54 PM

والله اخوي مثل هذي الحركه صارت جدامي وكنت بطلع لولا ستر الله انتبهت للشاحنه وهي خاطفه .

بس الواحد ما يسكت عنهم لازم يبلغ المرور .

بصراحه شرطة دبي توقفهم عند حدهم مره لقيت شاحنتين يتسابقن على شارع الامارات وبعدين يبغون يلفون على لفة جبل علي وانا وراهم ان الحديد صاك بالحديد ووحده منهم شايله بترول قلت اكيد بيصير انفجار فاتصلت بالشرطه وعطيتهم الارقام .

خبروني انهم وقفوهم وما قصروا بهم .

مب كونه سايق سياره كبيره يعني يستهتر بارواح الناس

تسلم على الموضع والتصوير ويعطيك العافيه

lito

16 - 10 - 2009, 08:06 PM

فعلا الموضوع وايد يتكرر

رمز الشهامه

16 - 10 - 2009, 09:12 PM

شكرا ع الخبر