أبــى أعرف ليــــش هالظلم !!

[%غمـــازة%]

الســـلام عليكم ورحمة الله وبركاتــه،،،


نبـدأ كلامنــا بالصـلاة على الرسول الكريــــــم


اللهم صلـي و سلم على سيدنـا محمد و على آل محمد.. ..



أولا : انـا مقهـورة من اللي قاعـد يصيــر فالشركــات الخاصــة.. ..
شركتنــا يعنـي


احنـا 3 أشخـاص نشتغــل من الساعة 7 الصبـاح
" قبل الدوام الرسمي بساعة نكون فمكاتبنـا" و نخلص الساعـة 4 العصـر " نتأخر بعد لين الساعة 5 او 5 و نـص"


صارلنــا 3 سنوات فالشركـة و للحين ما تعدل راتبنـا،،
كل ما نطالب يقولون ما شي ميزانيـة ما شي فلوس، الشركـة خسرانـة الشركـة ما اعرف شو ،،،،
يطلعون بمليون الف حجـة..



و فجــأة عرفنـا انه في نـاس ما كملوا سنـة زادوا راتبهم فوق المعقـول،، يوم عرفنـا صدمنـا صدمـة مب طبيعيـة


أحنـــا بنتيـن و واحد مسكين كمل 4 سنين.. ...


انا و ربيعتي شوي و بنصيــح من القهر،، قاعدين نكرف نفس
الله يعزكم الحمـير ، حتى كلمة شكـرا" ما نسمعهـا..


اللي نزادوا بعدهم ما كملوا سنة و يتاخرون عن الدوام الرسمي
و غيـاب من غير سبب،، واحنا اللي ندوام قبل الدوام و نتأخر
لبعد الدوام ما شي تعديــل..


ما عرفنـا شو نســوي من القهـر وما اشتغلنـا شــي اليوم.. ...


قدمنـا في أكثر من مكان بس ما شي شاغــر.. ..


اللي يقهـر أكثـر ان الجانـب ينزادون الدبل و احنـا ولا شــي :/


تكلمنـا مع الإدارة العليـا و نفس الأعذار،، ما شي زيـاة لأن الشركة ما فيها ميزانيـة !!! زيـن هالأجانـب كيف انزادوا .. الدبـل بعد !!



ابـى اعرف !!



ما عرفنا شو نسوي ولا وين نروح



اذا حد عنده فكرة ولا إقتراح يقول ولا يبخل علينـــا بشـــي.. ...




حاليـا" ما عدنـا غير الدعـاء و نتحسب عند ربنـا على الظلم اللي قاعـد يصيـــــر :(


ليـش الأجنبــي معزز ومكرم و احنـــا ولا شـــي ؟؟


:sm89:

[ولد راك والعالم وراك]

تبغين الصدق اهم شي الواو
وثاني شي ايليسي في البيت واتريي ولد الحلال احسلج

والوطائف الشاغره مسوايه
حق الاجانب
لا وبعد يوم تكلمهم وتقولهم ابغي اشتغل قالو ماشي ماشي واخر شي تشوف الاجنبي يالس ع الكرسي ريل على ريل
والسموحه منج وتقبلي مرووووري ولد راك والعالم وراك

[عاشقة القمم]

للأسـف الشديد هـذآ حـآلنـآ ..



مـآ أقـدر أرمـس بشـي لأني بالاسـآس مـآ عرف بهـآي الأمور
إن شـآء اللـه اللي يقدرون يفيدونج بيردون عليـج

[المتميزة]

كذا في ناس يحبوا الظلم بسبب او بغير سبب

شفتي كيف الواحد لمن يكون عطشان كيف يشرب الموية بتلهف ؟!

في ناس كذا يتلهفوا على ظلم الاخرين ..


نصيحيتي ليك , عليك بالدعاء الدعاء الدعاء , و كملي عملك في الشركة

و لا تيأسي ,

اثبتت دراسات ان العمل يزيد في العمر و يبعد السأم و الهم ,

لا تتركي عملك , انا مقدرة القهر الا انت فيه بس عملك لا تتركيه

و استعيني بالله اولا واخرا


و الله الموفق

[دلووووعة]

اشكرج أختي غمازه ع مووووووضوعج الجمييييييل .....والقيم .....


ليـش الأجنبــي معزز ومكرم و احنـــا ولا شـــي ؟؟


والسؤال هو مامدى حاجة هذه الجهات للمدراء والخبراء الأجانب ؟؟؟

والله مافيه حاجه الا الاستهانه للمواطن الذي في الاساس ماعطي فرصه كي يثبت نفسه

وهل ذلك سيحقق الغرض المطلوب ؟؟

ماشفنا شئ منهم والدليل انه هربوا قبل انتهاء العقد

ولماذا يقدم الكثير منهم الأستقالات قبل إنتهاء مدة العقد؟؟
مثل اللي حاصل عدنا في مدارس الغد .........



منحرجه اقولها اصلها قويه شوي .......


وهل هم ينظرون للوظيفة على أنها نزه ام تقديم خبره ؟؟؟؟

مافهمت السؤال بس اللي اعرفه ( انه ماعندهم سالفه ) وفيه مثل جاء في بالي هالحظه
( رزق المهابيل على المجانين )

وهل هناك ضروره لوضع شروط لأستقطاب هذه الكفاءات ؟؟؟؟

ضروره هاذي حسد للمواطن ولا البلد غني بالكفاءات لكن وين المحبه والغيره
على مصلحة الوطن .


في احدى دول الخليج عندما يتم استقدام اجنبي لشغل وظيفة قيادية يشترط في التعيين ان لا تمتد فترة التعيين سنة واحده فقط وان يتم خلال هذه السنه والزاما عليه تدريب الكوادر المواطنه على عمله حتى يتم تهيئة البديل له مستقبلاً لذلك يعمل هذا الاجنبي على هذا الاساس .. اما عندنا فلا ظوابط ولا قواعد ولا حدود فكل شي مباح وميسر( للاجنبي ) اما ابناء البلد مالهم الا .!!!


اشكرج مرة اخرى يا حبيبتي ع طرحج الجمييييل ....
الذي حرك مشاعر دفينه اطلقها قلمي ....
لك كل التقدير والاحترااااام ......
والله يساعدج ويوفقج في حياتج ....
ويسهل لج امورج ان شالله ......
تقبلي مروووووري ......
دمتي بود.......


همسه للاحبه ....
حرك مشاعر قلبك واجرفها لخالقها ....
فهو الذي ان ضقت ابدلك راحة البال ابدا...

[%غمـــازة%]

تبغين الصدق اهم شي الواو
وثاني شي ايليسي في البيت واتريي ولد الحلال احسلج

والوطائف الشاغره مسوايه
حق الاجانب
لا وبعد يوم تكلمهم وتقولهم ابغي اشتغل قالو ماشي ماشي واخر شي تشوف الاجنبي يالس ع الكرسي ريل على ريل
والسموحه منج وتقبلي مرووووري ولد راك والعالم وراك




الــواو !!

المشكلــة اللي انزادو قاعديــن يتدلعون جدام الشخص المسؤول عن الزيـادة يعني الللي بإيده الموافقـة النهائيـة عالزيـادة،، و احنا الحمدالله ما نسوي هالحركـات لأن كرامتنا فوق كـل شــي..


و الأجنبي و لا الوافدة تتدلع عادي وتاخذ زيـادة على طول

يعني القصة مش قصة واو،، القصة قصـة دلع و قلة أدب..


في واسطـة و ما قدروا يسوا شـي ! كلموهم وقالوا ان شاء الله...

حسبي الله ونعم الوكيــل .. ...

تسبم على مرورك اخوي و تعليقك..

[%غمـــازة%]

للأسـف الشديد هـذآ حـآلنـآ ..



مـآ أقـدر أرمـس بشـي لأني بالاسـآس مـآ عرف بهـآي الأمور
إن شـآء اللـه اللي يقدرون يفيدونج بيردون عليـج




تسلمين عسولـة على مرورج،، والله يرزقج بوظيـفة مع نـاس محترمــــة :)

ربي يحفظج

[%غمـــازة%]

كذا في ناس يحبوا الظلم بسبب او بغير سبب



شفتي كيف الواحد لمن يكون عطشان كيف يشرب الموية بتلهف ؟!


في ناس كذا يتلهفوا على ظلم الاخرين ..



نصيحيتي ليك , عليك بالدعاء الدعاء الدعاء , و كملي عملك في الشركة


و لا تيأسي ,


اثبتت دراسات ان العمل يزيد في العمر و يبعد السأم و الهم ,


لا تتركي عملك , انا مقدرة القهر الا انت فيه بس عملك لا تتركيه


و استعيني بالله اولا واخرا




و الله الموفق




ما حد يقدر يترك وظيفته و يقعد فالبيـت،، كل واحد عنده ظرف الله العالم فيه،، ولولا الظروف وأقسـاط البنك و الله كنـا تركنـا المكــان و انتظرنـا لين ما نحصـل على مكان احســن..

مثل ما قلتــي ما بإيدنـا شـي غيـــر الدعـــاء...


حسبي الله و نعــم الوكيــــل...


تسلمين على مرورج و تعليقج الغاليـــــــــة :)

[%غمـــازة%]

اشكرج أختي غمازه ع مووووووضوعج الجمييييييل .....والقيم .....




ليـش الأجنبــي معزز ومكرم و احنـــا ولا شـــي ؟؟


والسؤال هو مامدى حاجة هذه الجهات للمدراء والخبراء الأجانب ؟؟؟

والله مافيه حاجه الا الاستهانه للمواطن الذي في الاساس ماعطي فرصه كي يثبت نفسه

وهل ذلك سيحقق الغرض المطلوب ؟؟

ماشفنا شئ منهم والدليل انه هربوا قبل انتهاء العقد

ولماذا يقدم الكثير منهم الأستقالات قبل إنتهاء مدة العقد؟؟
مثل اللي حاصل عدنا في مدارس الغد .........


منحرجه اقولها اصلها قويه شوي .......


وهل هم ينظرون للوظيفة على أنها نزه ام تقديم خبره ؟؟؟؟

مافهمت السؤال بس اللي اعرفه ( انه ماعندهم سالفه ) وفيه مثل جاء في بالي هالحظه
( رزق المهابيل على المجانين )

وهل هناك ضروره لوضع شروط لأستقطاب هذه الكفاءات ؟؟؟؟

ضروره هاذي حسد للمواطن ولا البلد غني بالكفاءات لكن وين المحبه والغيره
على مصلحة الوطن .


في احدى دول الخليج عندما يتم استقدام اجنبي لشغل وظيفة قيادية يشترط في التعيين ان لا تمتد فترة التعيين سنة واحده فقط وان يتم خلال هذه السنه والزاما عليه تدريب الكوادر المواطنه على عمله حتى يتم تهيئة البديل له مستقبلاً لذلك يعمل هذا الاجنبي على هذا الاساس .. اما عندنا فلا ظوابط ولا قواعد ولا حدود فكل شي مباح وميسر( للاجنبي ) اما ابناء البلد مالهم الا .!!!


اشكرج مرة اخرى يا حبيبتي ع طرحج الجمييييل ....
الذي حرك مشاعر دفينه اطلقها قلمي ....
لك كل التقدير والاحترااااام ......
والله يساعدج ويوفقج في حياتج ....
ويسهل لج امورج ان شالله ......
تقبلي مروووووري ......
دمتي بود.......

همسه للاحبه ....
حرك مشاعر قلبك واجرفها لخالقها ....
فهو الذي ان ضقت ابدلك راحة البال ابدا...




انـا بعد خاطري اعرف، ليش اذا في واحد مواطـن كفـؤ انه يقوم بمهام الأجنبي ما يشيلونه بالعكـس يخلونه و يطلعون الموطن بــرة؟


و اللي يقول ان الشركات الخاصة ما تحط رواتب عاليـة للأجانب " كذاب" راتب الأجنبـي أعلى من راتب المواطن اللي أقدم منه و أكثر خبرة منه..


والله أحس بقهر يوم اشوف الأجانب راكبين سيارات ما حد يركبها غير الناس اللي فوق و الموطن كرولا ولا fj ولا.........



مع ان الأجنبي يحول راتبه لبلده و ما بيظل فالشركة لفترة طويلـة،، اما المواطن بيضل فبلاده و بيفيدهـــا




حسبي الله و نعم الوكيــل على اللي قاعد ياكـل فلوس حــــرام و ياكل حق غيــــــــره .. ...



تسلمين الغاليـــة عالمرور و التعليق.. :)

[alawy911]

الحين كل شي صار للأجنبي الراتب احلى راتب والسكن احسن من المواطن والسيارة مافيها احسن منها

هي مب سالفه حسد ولا شي لا بالعكس الموضوع كله اني احس في شوية عنصرية يبدون الاجانب علينا.!!

طبعا نحن كلمتنا مب مسموعـة من جيه انقول الحمدالله على كل حال والله يصبرنا على كل شي يارب ..

واذا انتي عندج خبره في مجال شي معين شوفيلج مكان غيره والله يرزقج منـه ويسهل امورج "

[العتيبي]

أختي .. الله يعينج

بس اختي نظام الشركات ما تعرفين لها قواعد .. و نظام ما يقدر يتحكم فيه القطاع الحكومي .. و حتى في عدد الساعات

بس اعتقد قبل لا تداومين او تبتدين في الدوام .. يعطونج عقد و فيه الشروط

و كل الامتيازات و كيفية الترقيه و من هذا القبيل

أختي طالبي بالزياده و كلمي مسؤولج او المدير .. و لازم تتكلمين عن حقج و تطلبين الراتب اللي يناسبج و تستاهلين على الشغل اللي تشوفينه

و لا تنسين بعد الدرجات .. فانتي بأي درجه و هكذا

وفي حالة لم يتجب لج في الزايده .. فقدمي في اماكن اخرى و ضيفي سنوات خبرتج و ان شاء الله تحصلين مكان افضل و احسن

و بالتوفيج ان شاء الله

العتيبي

[%غمـــازة%]

الحين كل شي صار للأجنبي الراتب احلى راتب والسكن احسن من المواطن والسيارة مافيها احسن منها

هي مب سالفه حسد ولا شي لا بالعكس الموضوع كله اني احس في شوية عنصرية يبدون الاجانب علينا.!!

طبعا نحن كلمتنا مب مسموعـة من جيه انقول الحمدالله على كل حال والله يصبرنا على كل شي يارب ..

واذا انتي عندج خبره في مجال شي معين شوفيلج مكان غيره والله يرزقج منـه ويسهل امورج "





الموضوع مب موضوع حسـد بالعكـس،، هاذي ارزاق من رب العالميـــن،، بس ليـــش اذا انت ماسك منصب و بإيدك الزيادات و تتكرم فيها على كيفك؟ هاي اموال عامـة مب خاصــة عشان كل واحد يوزع الزيادات على نـاس و نــاس... ...

شو بقول غير حسبي الله و نعم الوكيـــــــل على *************** :sm150:

[%غمـــازة%]

أختي .. الله يعينج

بس اختي نظام الشركات ما تعرفين لها قواعد .. و نظام ما يقدر يتحكم فيه القطاع الحكومي .. و حتى في عدد الساعات

بس اعتقد قبل لا تداومين او تبتدين في الدوام .. يعطونج عقد و فيه الشروط

و كل الامتيازات و كيفية الترقيه و من هذا القبيل

أختي طالبي بالزياده و كلمي مسؤولج او المدير .. و لازم تتكلمين عن حقج و تطلبين الراتب اللي يناسبج و تستاهلين على الشغل اللي تشوفينه

و لا تنسين بعد الدرجات .. فانتي بأي درجه و هكذا

وفي حالة لم يتجب لج في الزايده .. فقدمي في اماكن اخرى و ضيفي سنوات خبرتج و ان شاء الله تحصلين مكان افضل و احسن

و بالتوفيج ان شاء الله

العتيبي


ااااااااااخ يا قلبـــي

عبالك احنا ساكتين تكلمنا من سنتين للحين وما حد عبرنـا،، مدير ماله كلمة وما يحب يحرج نفسه مع حد،، و كل ما كلمناه قال ان شاء الله، وبعد 4 شهور يقول ما في زيادة واحنا قاعدين نسمع فلانة الأجنبيي عطوه زيادة 10 الاف درهم،، و غيره زيادة 12 الف درهم

و احنــا اللي نطالب ما سوولنا شــي.. ... لا نفعت واسطة ولا وسيط.. ...

المشكلة الكل يمدح فشغلنا، بس تعال اسألهم ليش ما تعطونـا زيادة يتعذرون بمليون الف عذر.. ...


قاعدين ندور، بس انا متأكدة اذا طالبنا مرة ثانية بيقولون هذا الموجود و اللي مب عاجبه الباب مفتوح :sm96:


الظلم ظلمات،، وما حد ياخذ غير نصيبـه


و ان شاء الله اللي قاعد يبدد الأموال العامة يطير من مكانه :sm115: