شرطة رأس الخيمة تكمل تفتيشاتها وتصل الى مدرسة الرمس للتعليم الثانوية

[مراسل صغير]

شرطة رأس الخيمة تكمل تفتيشاتها وتصل الى مدرسة الرمس للتعليم الثانوية





بعدما أمر اللواء سو الشيخ طالب بن صقر القاسمي مدير شرطة رأس الخيمه بإنطلاق الدوريات الى جميع مدارس



رأس الخيمه ، فقد وصلت الدوريات الى مدرسة الرمس للتعليم الثانوي مساء يوم الاثنين الموافق 2-11- 2009



فقد كان عدد الدوريات 25 دوريه تواجدو قبل انتهاء الدوام بساعة فقد حاصرت الدوريات جميع مركبات الطلاب المتواجدين داخل المدرسة والتي كان عددها قرابت 35 سياره.



فقد تم مصادرت 26 سياره من طلاب المدرسه الدين لا يحملون رخصت قيادة وتم بعد ذلك حمل السيارات بالونجات التي استعانو بها لنقل السيارات المصادره من الطلاب الى شبك رأس الخيمة وتم الانتهاء من نقل السيارات الساعه الحادي عشر والنصف مساء .



واعتذر عن التأخير وعدم توافر الصور لعدم السماح لي بالتصور بأمر من الضابط المتواجد في المهمه .

[RAKBOY783]

الصراحه اجوف هالايام وايد متشددين

ربي يعطيهم الصحه والعافيه

تسلم يالغالي ع الخبر

ونتريا باقي التفاصيل

ربي يحفظك

[رمساويهـ قمر]

الله يعطيهم ألف عآفيه . .

تسلم ع الخبر الحصري . .

[admire]

وي وي أحييين بيطلوووونهم

الله يستر صرااااحة

[Her Highness]

يعنــــــــــــــــــــــــي يسيرون المداس بحميـــــــــر عزكم الله ؟؟ :sm166:

اوكـــــــي نحن ويا القانون والقانون ع العين والراس :sm122:

بس مدام انهم سايرين المدرسه وين المشكله وهم يقترحون سن 16 لليسن

معنى هذا ان اللي يوصل لل 16 تكون عنده القدره والامكانيه ومؤهل للسواقه :aa_car:

محد مايحب عياله او ما يخاف عليهم الكل يحب عياله

واعتقد اغلب شبابنا قبل كانو يسيرون المدارس واماكن ثانيه بدون لياسن :sm121:

لو هالتفتيشات فالاماكن العامه وفالاسواق احســــــــــن :aa_mo6reqa:

وبعدين معلومه ثانيه شـــــــي شباب مخلصين ثنويه ومتخرجين بس ماعندهم لياسن لان اعمارهم

بحدود ال 17 يعني مجدمين سنه او مولودين بشهر 11 او 12

خل يسيرون التقنيه بعـــــــد :sm105:

ماعندي حد فالمرسه بس بغيت اقول رايي :aa_kaaak:


واقترح ع كل طالب فالمدرسه يتعاون ويا ربعه فالفريج ويشترون حنطور ويسيرون فيه المدرسه

صدقوني محد بيخالفكم اول بيشله >>> اونكم سياح :sm245:

[حور راك]

تسلم ع الخبر

[حلو الاطباعي]

الله المستعان

[:: ماجد ::]

يعنــــــــــــــــــــــــي يسيرون المداس بحميـــــــــر عزكم الله ؟؟ :sm166:

اوكـــــــي نحن ويا القانون والقانون ع العين والراس :sm122:

بس مدام انهم سايرين المدرسه وين المشكله وهم يقترحون سن 16 لليسن

معنى هذا ان اللي يوصل لل 16 تكون عنده القدره والامكانيه ومؤهل للسواقه :aa_car:

محد مايحب عياله او ما يخاف عليهم الكل يحب عياله

واعتقد اغلب شبابنا قبل كانو يسيرون المدارس واماكن ثانيه بدون لياسن :sm121:

لو هالتفتيشات فالاماكن العامه وفالاسواق احســــــــــن :aa_mo6reqa:

وبعدين معلومه ثانيه شـــــــي شباب مخلصين ثنويه ومتخرجين بس ماعندهم لياسن لان اعمارهم

بحدود ال 17 يعني مجدمين سنه او مولودين بشهر 11 او 12

خل يسيرون التقنيه بعـــــــد :sm105:

ماعندي حد فالمرسه بس بغيت اقول رايي :aa_kaaak:


واقترح ع كل طالب فالمدرسه يتعاون ويا ربعه فالفريج ويشترون حنطور ويسيرون فيه المدرسه

صدقوني محد بيخالفكم اول بيشله >>> اونكم سياح :sm245:
والباص شو شغتله ؟

[الشاعر..]

الله يعطيهم العافيه

[Her Highness]

هههههههههههههههههههه :sm115::sm115:

ماجد لا اضحكني

واحد طول الباب ويعرف يسوق تباه يركب باص يلف فيه الرمس بكبرها وياخذه من فجر الله


وهو ما بياخذ خمس دقايق:sm96::sm96:


انت فبوظبي وماتفرق ركبت باص ولا سياره بالعكس يمكن الباص اسهل واسرع لك :sm159:

بس هنيه مااعتقد ان الباص حل


فالنهايه كل شخص وله وجهه نظره فالموضوع

[Catoo0o]

انزين لو اقولكم ان البارحه انا يايه مع الاهل من العرس حد من اهلنا مع الدريوووول قسم بالله ان الشرطي وقفناااا عند دخلت الرمس
شو مايستحوون يوقفوون سياره فيهاا حريييييييييييم ؟ وين يالسييييين احنا .. اي قانون هذا اللي يقوووووول وقفوا السياره اللي فيها حرييييييييييم وبعدين منو هاللي بيخلي دريووول يسووق بدون ليسن او ملكيه ؟؟؟
يرضيكم هالشي؟؟؟؟ نتوقف ع طرف واحنا كلنا حريم وخلونا واقفين ف السياره .. هذا مب قااانون والله عييييييييييب

[3aber sabeel]

يبدوا أن الامارة تطلعت لشكوى الشعب بخصوص الشوارع الغير ملائمة وبدأت في وضع خطة لزيادة المالية المخصصة لمشروع اصلاح الطرق بزيادة الدخل عن طريق الغرامات التي ترد الى المرور عن طريق الشعب لاستغلالها في اصلاح الشوارع ودعم الميزانية المخصصة للطرق

[الشاكي83]

القانون ما يفرق بين ريال او حرمه

لانهم في القوانين سواسيه وبعدين العسكري قاعد يقوم بواجبه

وشو رايج ان في بعض البنات يسوقن بدون لياسن وخاصه في المناطق الخارجيه او البعيده من المدينه

اذا تحركت الدوريات وفتشت قلتوا ليش ؟ واذا ما تحركت قلتوا وين الدوريات ؟ صراااحه لا يعجبكم العجب ولا الصيام

برجب

والسمووووووحه

طبعا مش الكل

[مشكلجي]

لو واحد من أهلهم بيحطونه فوق راسهم وما بيخالفونه

يعني القانون ما ماشي ع الكل

اللي عنده واسطة فوق فوق

[درة مكنونة]

الشرطة معاهم الحق

و الشباب متهورين ويسرعون

و يعرضون حياتهم وحياة غيرهم

للخــــــــــــــــــطــــــــــــــــــــر

[خيماوية وكلي فخر]

يسلموووووو ع الخبر

[A.R.A]

مرة شفت التفتيش عند مدرسة شعم الثانوية

[Catoo0o]

بس فرق بين اللي تقولونه وبين السايق الدريول اللي يسوووق
وبعدييين منو يوقف حرييييم ف الساعه 12 فالليل ف الشاااااااارع ...؟؟ انتوا ماترضوووونها ع اهلكم يوقفوون ف الشااارع ف نص الليل ....

ومثل ماقال اخوي مشكلجي القاانوون مايمشي ع الكل .. والله ان الواسطه تلعب دوووووور هنييه عندنا ف الرمس بالذااات ... واللي ماعنده واسطه يتخااالف ويا مااا شفنااااا والله وسمعناااا .. يوم بيخالفووون خل يخالفوون الكل لا يسووون واسطه ما واسطه .. لان هالشي لا يرضي الله ولا رسوووله

[الأسطورة3439]

الله يستر ..

شباب وايدين ها الأيام يسوقون بدون ليسن يوم يسون حوادث يشردون ..

[سماري]

السلام عليكم ورحمة الله وبركاته
يا جماعة الخير
أولا:
الواحد ما يتمنى الشر لاي واحد من ابناءنا او اخوانا او اصدقاءنا بس الصح صح والغلط غلط ما تشوفون الحوادث اللي تصير كل يوم والاشد من هذا قبل فترة حطوا تقرير في اخبار الامارات (تلفزيون دبي)عن اصحاب السيارات من الطلاب وكانو يصورون في راس الخيمة اعتقد مدرسة سعيد بن جبير يعني استهتار لابعد الحدود وتفاخر بالمخالفات وعدم حمل الرخصة والطالب يعرف انهم يصورون في منهم الحمد لله شباب عاقلين وفاهمين لكن البعض الله يهديهم تفكيرهم كلة بالسرعة والريس والويلات ....
ثانياً:
التفتيش على رخصة السائق والسيارة ترى بالعكس احنا المفروض نفرح بهذا الشي لان الواحد منا يفكر بشكل محدود ما يدري ان هذا العسكري الله يعطيه العافية تحصله واقف بالحر وغيرة مب عشان يغلس عليك او انة بينك وبينة شي هذا واجبه واوامر تصدر لهم حتى احيانا تكون اشياء امنية او جنائية ..
وفي النهاية كل واحد له وجهة نظر وفي اعتقادي لو استخدموا الباص ما اظن فيها شي بالعكس احسن للطلبة مب من كبرها الرمس في ابوظبي الله يعينهم كل 200 او 300 متر اشارات مرور واتخيل متى بيوصل الطالب .....

[سماري]

السلام اختي كاتوووووووووو
الصراحة شو المشكلة الكبيرة اللي تشوفينها بان الشرطي طلب رخصة السواقة مال السائق ؟؟؟
هل نزلكم بالشارع وفتشكم ولا شو ؟؟
يا اختي الله يحفظ بلادنا ويحفظنا تسمعين عن المتسللين ولا لا ؟
المهم اغلب المتسللين بعد ما يدخلون البلاد في اشخاص تترياهم بسيارة ان كان عند البحر ولا الجبل وينقلهم من امارة لامارة والله وفي بعض الاحيان اشخاص مواطنين ولكن بدون ولاء لهذة الدولة ويلبسون عبايات عشان التموية (المتسللين)

[أسير الشوووق]

كلام أخوي سماري كلام منطقي وعين الصواب...

مب حلاوه أولاد ما عندهم لياسن يسوقون ويتسببون بحوادث لا وبعد يشردون وأهلهم يشجعونهم ع ها الشي وماعطيهم مواتر

[MR.ALRAMS]

الله يستر ..

شباب وايدين ها الأيام يسوقون بدون ليسن يوم يسون حوادث يشردون ..


الشرطة معاهم الحق

و الشباب متهورين ويسرعون

و يعرضون حياتهم وحياة غيرهم

للخــــــــــــــــــطــــــــــــــــــــر

كلامكم 100 % .............

[قريب من الدار]

كل يوم حوادث ووفيات والناس تكتب حرام لسرعة خففوا السرعة محد يعتبر

يوم عايلة ويوم شاب ويوم فتاة ويوم ووووووووووووووووو


الله يعين والطالب رايح المدرسة والى الدوام

شي من الطلاب ما شاء الله عليهم يركبوا الباص ومن الأوائل

[دلوع راك]

الله يعطيهم العافيه

[مشكلجي]

السلام عليكم ورحمة الله وبركاته
يا جماعة الخير
أولا:
الواحد ما يتمنى الشر لاي واحد من ابناءنا او اخوانا او اصدقاءنا بس الصح صح والغلط غلط ما تشوفون الحوادث اللي تصير كل يوم والاشد من هذا قبل فترة حطوا تقرير في اخبار الامارات (تلفزيون دبي)عن اصحاب السيارات من الطلاب وكانو يصورون في راس الخيمة اعتقد مدرسة سعيد بن جبير يعني استهتار لابعد الحدود وتفاخر بالمخالفات وعدم حمل الرخصة والطالب يعرف انهم يصورون في منهم الحمد لله شباب عاقلين وفاهمين لكن البعض الله يهديهم تفكيرهم كلة بالسرعة والريس والويلات ....
ثانياً:
التفتيش على رخصة السائق والسيارة ترى بالعكس احنا المفروض نفرح بهذا الشي لان الواحد منا يفكر بشكل محدود ما يدري ان هذا العسكري الله يعطيه العافية تحصله واقف بالحر وغيرة مب عشان يغلس عليك او انة بينك وبينة شي هذا واجبه واوامر تصدر لهم حتى احيانا تكون اشياء امنية او جنائية ..
وفي النهاية كل واحد له وجهة نظر وفي اعتقادي لو استخدموا الباص ما اظن فيها شي بالعكس احسن للطلبة مب من كبرها الرمس في ابوظبي الله يعينهم كل 200 او 300 متر اشارات مرور واتخيل متى بيوصل الطالب .....


كلامك على العين والراس
بس عندي لك سؤال واحد : لو واحد من هالشرطة شاف واحد يقربله بيخالفه ؟؟؟؟؟؟
لو كان ماشي تفرقه بينا وبينهم صدقني ما بنقول شي
وإلا أخوان وأهل وعيال الشرطة ما يسوون حوادث ونحن اللي نسوي
القانون لازم يمشي على الكل
مو على الناس المساكين اللي على قد حالهم وما عندهم لا واسطة ولا شي

أحدى المرات بعيني شفت هالموقف :
الشرطة وقفتنا عسب الحزام وسوالنا سالفه وكانوا بيخالفنا
أشوي وكان ورانا واحد من أهل واحد من الشرطة، على طول مشاه ولا كأنهم ياسين يخالفون الخلق


يعني المخالفات حلال علينا وحرام عليهم ..






اللي عدهم واسطة فوق فوق

[الطرف الاغر]

سجن ولي امر الطالب راح يردع الاهالي من اعطاء السيارة لمن هو دون السن القانونية من ابناءهم

[بو غايه]

الله يعين لكن اتمنى يكون على الجميع وايدين يسوقوا في الرمس من دون لياسن وابوهم ماسك منصب في المرور وما حد خالفهم ليش اتمنى القانون يكون للجميع وما يقصروا

[دمعة غلا]

أنا عن نفسي كنت أسوق قبل لا أحصل الليسن والحمد لله ولا مرة الشرطة وقفتني ،،

وبالنسبة للشباب اللي يسوقون بدون لياسن ترا يستحون يركبون الباص شرات ما تفضلت أحد الأخوات وقالت انه طولهم يوصل طول الباب فعسب جي ،، ومن هني تيي فكرة انه يعطون الليسن حق 16 سنة وفوق

[عاشق سمعه]

وبعدين كيف يشلون السياير وهي واقفه عند المدرسه اي قانون ها يقول جيه

[سماري]

السلام عليكم ،،،،،،
اخوي شكلك مشكلجي ودايما تخالف هههههه (اسولف معاك)
ياخي لو الواحد منا بينظر هالنظرة والله بيتعب لان هذا شي واقع (الواسطات)
احسن لنا نتقيد بالقوانين وهذا طبعا صعب جدا ولكن نحاول لين نتعود ويصير شي عاد واقصد لبس حزام الامان والسرعة والمخفي الى آخرة ...
اسال الله العظيم ان يحفظ الجميع ...

[رمساوي للابد]

تسلم ايدك اخوي
نتريا باقي الخبر

[admire]

هههههههههههههههههههه :sm115::sm115:

ماجد لا اضحكني

واحد طول الباب ويعرف يسوق تباه يركب باص يلف فيه الرمس بكبرها وياخذه من فجر الله


وهو ما بياخذ خمس دقايق:sm96::sm96:


انت فبوظبي وماتفرق ركبت باص ولا سياره بالعكس يمكن الباص اسهل واسرع لك :sm159:

بس هنيه مااعتقد ان الباص حل


فالنهايه كل شخص وله وجهه نظره فالموضوع

أختي ماله خص بالإمارة وين ما كااان

وشو ناقصينهم يعني خلهم يركبون الباصات عيل ليش المداارس مخلين الباصات بس عشان يخدمكم

داام الأهالي هب خايفين على عيالهم يخلونهم يسوق السيارة بدون الليسن ويوم يستوي حادث ويموت لقدرة الله ذيك الساعة بقولون يالتني ما خليته يسوق السيارة ..إلخ
وبعد المدرسة مكان كلهااا شباب لقدرة الله هذا يدعم بالثاني
وبعد مثل ما تدرون الشباب أول ما يطلعون من المدرسة فيهم أخباال شوي إلي يشخط وإلي يدز ربيعه
والي ...إلخ

المهم أنا ما بطول عليكم لأنه هالسوالف ما يخصني
بس أنا أواافق هالشئ وأحسن
والسموحة ..~

[3aber sabeel]

لإن اجتمعت الأمة على أن ينفعوك بشي لن ينفعوك بشي الا قد كتبه الله لك ولإن اجتمعت الأمة على أن يضروك بشي فلن يضروك بشي الا قد كتبه الله عليك رفعت الأقلام وجفت الصحف


مهما وضعوا من قوانين و شددوا من الاجراءات فلن يردعوا أحدا انما هذه القوانين لجني الأرباح للحكومات فقط لا غير

ولن يمنعوا الناس من نهاياتهم فالمكتوب مكتوب على الكتاب والكتاب لن تجد له مبدلا الا الله سبحان

فكفانا استخفافا بعقول الشعب وتصويرنا لهم بأن مصلحتهم بهذه القوانين التي تأكل أموال الناس بالباطل

[اسيرة الاحزان]

اتمنى تكثر التفتيشاااااااات ف السيح......

لان اليهالو اللي ف السيح يسيرون حدال المدرسة ويدلعون ويشحطون ويل وغيره...

واشكر الشرطة على هالمجهووووووود ...
بالتوفيق

[Dreamy Girl]

مشكور مراسل صغير ع الخبر

[مشكلجي]

السلام عليكم ،،،،،،
اخوي شكلك مشكلجي ودايما تخالف هههههه (اسولف معاك)
ياخي لو الواحد منا بينظر هالنظرة والله بيتعب لان هذا شي واقع (الواسطات)
احسن لنا نتقيد بالقوانين وهذا طبعا صعب جدا ولكن نحاول لين نتعود ويصير شي عاد واقصد لبس حزام الامان والسرعة والمخفي الى آخرة ...
اسال الله العظيم ان يحفظ الجميع ...


وعليكم السلام ورحمة الله وبركاته

لا ما يخصني بالمشاكل
بس ما كنت أعرف شنو أسجل

هيه جيه كلامك عدل

بس القهر ياأخي يوم أنت تتخالف وجدامك واحد مسوي نفس الشي وما يتخالف .. والله قههههههههر


آمين
أجمعين

[العري]

طبعا اللي مشتري لولده سياره اكيد عنده بيزات فرصه بعد اخر شي يبيعون السياره إذا ما دفع المخالفة
والله يعينا ع هاي الأمور والضغط الحاصل علينا من كل مكان الحين ما تروح تخلص اي معامله في اي مكان الا ياخذون عنك اقل شي 500 بعد ما كانو ياخذون 50
الله يعين الجميع وتسلمون ع الموضوع .
ع العموم يا جماعة السموحه منكم

[Al Samita]

لو أدري بتحطون الموضوع جان صورت من وراء الكواليس ابصراحه يوم مريت من عدال المدرسه خفت
قلت شو السالفه شو مستوي بسم الله ضرابه ولا حد مسوي شي بس بعدين اكتشفت ان مجرد تفتيش
الله يعطيهم القوه ان شالله و يزاهم الله خير ابصراحه في شباب يستاهلون تنشل سياييرهم لأنهم شياطين
يسلمو عالموضوع