استفسار لو سمحتو عن النمسا؟

[نبض انسان]

السلام عليكم ورحمه الله وبركاته..


اخوانى الاعضاء بغيت منكم مساعده ..
النمساء والمناطق المجاوره لها زينه لسفر العائله ولا لا ..
اباكم اتفيدونى بكل شي خاصه الى سافر ها المناطق من قبل اباكم اتخبرونى كل شي عنها وعن فنادقهم ومعاملتهم لانه اول مره اسافر ها المناطق ..

[نبض انسان]

شكرا على الرد

[نبض انسان]

يالله مافى حد قادر يفيدنى

[الكابتن]

يمكن محد من الأعضاء راح للنمسا..مثلي

في المقابل الدكتور العلامة جوجل ما بيقصر..بيعطيج البير وغطاه

[نبض انسان]

الكابتن انا ادرى انى اقدر اطلع اى شي ابيه من قوقل بس الاعضاءبفيدونى أكثر من ناحيه الاسأله فاهم على

[الكابتن]

الكابتن انا ادرى انى اقدر اطلع اى شي ابيه من قوقل بس الاعضاءبفيدونى أكثر من ناحيه الاسأله فاهم على

فصبر جميل...يمكن يردون عليج يوم تردين من السفره :sm115:

[نادرة الوجود]

لي رد قريبا على استفساراتك

[نبض انسان]

اترياج عزيزتى

[الحالم]

أنا لعبتي سويسرا ,, أما النمسا تميت يومين في زيلامسي ورجعت لسويسرا ,, سكنت فندق جراند المطل على البحيرة ولكن ناسي السعر ,,فعلاً المشرفة نادرة الوجود حطت موضوع كامل مع الصور عن النمسا و زيلامسي ,,أنا شفت أن سويسرا أحلى ولكن إللي يسافر النمسا أو ألمانيا يشوفها جنة لأن طبيعة أوروبا وخاصة وسط أوروبا تتشابه ,, والله زين يا نبض إنسان إنج تقفزين هالقفزة,, إن شاء الله تروحين وترجعين بالسلامة ,,التأشيرة شوية صدعة رأس ولكن تهون من أجل مشاهدة جنة الله في الأرض..!!

[اماراتي وافتخر 40]

نبض انا سايرتنها

جدا حلوه.....بس خبريني اي مطار بتنزلون.....اذا ميونيخ انا ريحت فيها يومين بس ما حبيتها....وعقبها سرت زيلامسي....رائعه .....تبعد حوالي ساعتين عن ميونيخ...وعقبها سرت سالزبورج...اوكي...بس عقب زيلامسي اي مكان تشوفه ما يسوى.......واخر شي تميت في فيينا 3 ايام وردينا....خبريني شو المعلومات اللي تبينها ونا بخبرج....نحن.بس مأجلين سالفة الفيزا لين شهر 6 على امل يمكن يفكونا منها....خبريني كم يوم بتسيرون....

[نبض انسان]

اولا شكرا يالحالم على الرد شفت كيف ها القفزه عيل انا ويهى ويه النمسا هههه
اماراتيه لانى باخد عيالى شو الترتيب اخد لهم اغراض من اهنى ولا من اهناك من بامبرز وغيره
وما ادرى والله وين بننزل بالظبط ماعندى خلفيه عن اى شي بس بنركب الطياره والعلم عند الريل..
بس شو اسعارهم غاليه يعنى تصلح للمشترا ولا لا ..

[اماراتي وافتخر 40]

شو في نبض في كل الاحوال...لازم الاغراض تاخذينهم من هني...الاسعار هناك غاليه...انا اشل جدر كهربا وتونه وهالسوالف لانه تدرين الاكل مب كله يناسب اليهال...بس زين شي ماكدونالد هناكي بكل مكان....يوم سرت ما فكرت بالاسواق..ترى اللي يخرب السفره ويضيعها الركيض ورا السوق...بس بفيينا سرنا السوق يوم واحد من جهه نستكشف ومن جهه لليهال يتشرون....

اذا بتردون عن طريق فيينا فيها اسواق واذا عن طريق ميونيخ بس اسواقها حلوه.....نبض فيه محلات نفس اسعار دبي....والماركات ترى بكل مكان سعرها واحد....عندج ال c &a موجود هناك واعتقد ما فتحوا هني...اشياه حلوه واسعاره نفس h&m....

الاشياء الاساسيه لليهال خذيها من هنه.....اهم شي كم جينز وكثري التي شيرتات...لا تنسين الجاكيتات لانه شي رحلات بااااااااارده جدا...

واسئلي وبرد عليج

[نبض انسان]

ماشاء الله كفيتى ووفيتى عزيزتى تسلمين..

[نبض انسان]

اتمنى غلق الموضوع ماعاد مهم