ساعدونى

[نبض انسان]

السلام عليكم ورحمه الله وبركاته

اخوانى وخواتى الاعضاء الكرام زوار منتدى الرمس..

بغيتكم اتفيدونى بعلاج لجرثومه المعده لانى خلاص تعبت كملت فتره علا ها الحال
ماخليت عياده ولا موستشفى وحتى الحلول شربته والخيله بعد والعسل مع الحبه السوده كل شي جربت بس ماشي فايده كله عوار ببطنى ساعدونى اذا عندكم خلفيه بارك الله فيكم.

وثانى شي الجدري لمن جاس اعيالكم شو كنتم اتسون هل اتسبحونهم ولا كيف
لانه فى عياده اتقولى لاتسبحينهم
وعياده جاكوب يقولى سبحيهم بماى اشوى دافئ مع ديتول واهلى يقولون لى سبحيهم بشريشه مال الشير ..
فشورو على جزاكم الله خيرا..

[عشوقة]

وحليلج .. ماتشوووفين شر ربي يعاافيج يااارب ..
وماعندي خلفية صرآإحة ولا اتمني اني افيدج
الله يشفييييييكم

[نبض انسان]

مشكوره عشوقتى كفايه مرورج غناتى ^^

[*مسك الإمارات*]

حاضرين للطيبين:
للمعدة مطحون قشر الرمان مفيد تاخذين ملعقة كل يوم وتشربين عليه ماي
اما الجديري كلام اهلج صح بس بعد 3 ايام او تيبن ورق الشريشه وتنظفينها وتطحنين ورق الشريش وياشويت ماي ويصير مثل الحناء وبعدين تفركين جسمهم وتخلينه عليهم وايد زين وبيقشر عنهم وبيخف او انج تيبين ورق الشريش وتحطينه الشرشف ويرقدون عليها بس الأحسن ومجرب من شهر لأخوي عمره 29سنة طحنة له ورق الشريش والحين كل يوم يطلب منى اطحن له عشان يحس فيه حكه ويبايحط لأنه ارتاح له والله يشفي عيالج وفي شي ثاني يبي المدخن ودخني عيالج وفراشهم بالكامل باليعده والزعتر فليل قبل النوم اتمنى لهم الشفاء العاجل

[عشوقة]

حاضرين للطيبين:
للمعدة مطحون قشر الرمان مفيد تاخذين ملعقة كل يوم وتشربين عليه ماي
اما الجديري كلام اهلج صح بس بعد 3 ايام او تيبن ورق الشريشه وتنظفينها وتطحنين ورق الشريش وياشويت ماي ويصير مثل الحناء وبعدين تفركين جسمهم وتخلينه عليهم وايد زين وبيقشر عنهم وبيخف او انج تيبين ورق الشريش وتحطينه الشرشف ويرقدون عليها بس الأحسن ومجرب من شهر لأخوي عمره 29سنة طحنة له ورق الشريش والحين كل يوم يطلب منى اطحن له عشان يحس فيه حكه ويبايحط لأنه ارتاح له والله يشفي عيالج وفي شي ثاني يبي المدخن ودخني عيالج وفراشهم بالكامل باليعده والزعتر فليل قبل النوم اتمنى لهم الشفاء العاجل


فيه العافية ان شاء الله اختي نبض
يعطيج العافية مسك

[نبض انسان]

ماشاء الله مسوكه تسلمين اعيونى على المعلومات جزاج الله ألف خير
عشوقه الله يعافيج حبيبتى

[*مسك الإمارات*]

هذي من تجارب الحياة ولولا فائدتها ما ذكرتها وهذا واجب الغالية الأنسان إذا عندة معلومة يطلعها وما يخليها عنده يتعبر اناني مايحب الخير للناس
بس في شي إذا حرقهم اونغزه ترا لاتخافين لانه يمص الماي وينشفه والله يعافيهم يارب:sm151:

[نبض انسان]

اها زين اختى خبرتينى تسلمين مره ثانيه

[مختفي]

وعليكم السلام ورحمة الله وبركاته

سلامات أختي/ نبض إنسان

ما تشوفين شر

والله يا أختي كنت أتمنى أني أقدر أفيدج، بس للأسف ما عندي خلفية

ممم يمكن أختنا غدق التميز عندها شيء ممكن تقوله لج ^_^

ما يندرى بها متى تكون موجودة في المنتدى http://www.alrams.net/up2/uploads/images/alrams.net-271271a68b.gif

الله يشفيج ويعافيج

الله يحفظج ويرعاج

[نبض انسان]

تسلم مختفى ماتقصر

[بنتـ DxB]

هلا ام محمد .. سلامات ما تشوفين شر
ما اعرف بالنسبه للجرثومه ..
بس الجدري اتذكر قبل مده يا لزايد ولديه ،، و قالو لي في المستشفى ما اسبحه و عطوني دوا شرات الحليب احطه عليه لمده يومين الين ما يجف الحب و خف الحمدالله

مأجورة يالغاليه بأذن الله ..

[نبض انسان]

ام زايد الله يحفظ لج اعيالج ان شاء الله والله يوفقهم ويوفقج بعد

[هامور صـ غ ـير]

ما شاء الله مسك الإمارات ما قصرت

الله يعافيكم إن شاء الله

[نبض انسان]

شكرا على المرور هامور صغير بارك الله فيك

[ع الدرمكي]

ما تشوفين شر نبض انسان ..

أسأل الله العظيم رب العرش العظيم أن يشفيك ..
أسأل الله العظيم رب العرش العظيم أن يشفيك ..
أسأل الله العظيم رب العرش العظيم أن يشفيك ..

[نبض انسان]

الشر مايـــــــــك ع الدرمكى