...............؟

[قد الحب]

هل انت من الاشخاص اللي يهتم بالدراسه والحصول على الشهاده او تكتفي بالدراسه الثانويه فقط؟!


اتمنى منكم الرد

[سري للغاية]

هلا بج أختى ونا أقول عن هذا السؤل


هل انت من الاشخاص اللي يهتم بالدراسه والحصول على الشهاده او تكتفي بالدراسه الثانويه فقط؟!


أنا من الأشخاص الذين يحملون الشاهده الثانويه وفكر بعدين بعد ثلاث سنوات أكمل دراسه

بس بلوقت الحالى ما أعتقد لأنه ما في وقت للدراسه لأنه الدوام يا خد كل وقت الأنسان

[قد الحب]

ثلااااااااث سنوات واايد الله يوفقك ان شاء الله ومشكور على الرد

[عايشة زماني]

.. الابتدائية..الاعدادية.. الثانوية..و الجامعه..و الدكتوراه إن شاء الله..

[قد الحب]

بأذنه تعالي يا اخت عايشه زماني

[soso]

.. الابتدائية..الاعدادية.. الثانوية..و الجامعه..و الدكتوراه إن شاء الله..



مثلج و وياج والحمد الله ربع من ايام الطفولة :sm147:ههههههههه
والله كل ما ادخل غرفتي اطالع شهاداتي (( من شكر وتقدير وتفوق شهادتي يوم حفظت سورة سبح اسم ربك الأعلى يوم كنت بالروضه))ههه

[قد الحب]

الله يوفقج ان شاء الله وتحصلين على اللي تبينه

[صدى الحرمان]

الحمد لله أنا خلصت دراستي فالجامعة واترييت 4 سنوات واتوظفت من شهرين تقريباً في الروضة( أدرس يهالو):sm100:..
في ناس يكتفون بالثاتوية العامة وفي ناس يكملون دراساتهم الجامعية والدراسات العليا بعد..
مشكورة اختي على الطرح الحلو

[M!Ss Rose]

انا الحمدالله خلصتي دراستي الجامعيه

والحينه اشتغلت ^^

واحياناً افكر اكمل ماجستير اذا الله احيانا

ومشكورة الغلا ع طرحج للموضوع..

[قد الحب]

مشكورين على المرور وادعولي اخلص دراستي الجامعيه وافتك

[صمت الشفايف]

انا الصراحه تاملي سنه واتخرج من الجامعه الحمد لله ادعولي انتو بس
من المؤيييييدين للي يكملون الدراسه دايما انصح اللي اقابلهم بالدرسه اذا ما كانو مكملين دراسه
اخوي سري للغايه لا تاجل لان الانسان كل ما يكبر تزيد اشغاله بالدنيا انا دايم اقول لاخواني اذا اجلتو ما بتكملون

[ملكه الحب]

هل انت من الاشخاص اللي يهتم بالدراسه والحصول على الشهاده او تكتفي بالدراسه الثانويه فقط؟!

نعك اكييد لان بدون الدراسه ولاا شي.. ونتي يااقد الحـب

[عايشة زماني]

ربي يوفقج ياا قد الحب...

[قد الحب]

تسلمووون ع الردود الحلووه

ملكه الحب اكيييد الانساان اهم شي بدنيته دراسته

[حمودي 17]

السلام عليكم ورحمة الله وبركاته

مراحب اختي قد الحب .. في البداية شكرا على الموضوع وانا راح اجاوب ع السؤال ..

هل انت من الاشخاص اللي يهتم بالدراسه والحصول على الشهاده او تكتفي بالدراسه الثانويه فقط؟!

انا الحمد الله من بعد الثانوية كملت دراستي بجامعه تنسي الأمريكية بولاية تنسي وحصلت على الباكا والحين افكر ارد مرة ثانية اكمل الماستر .. ولكن شي واحد يعيقني واللي هو الدوام .. يعني رافضين يعطوني تفريغ .. ولكن انا بيني وبين نفسي راح اتخذ قرار ان شاء الله واللي هو حل وحيد اقدر اسويه اني افنش من الدوام واروح اكمل دراسه واخذ الماستر لانه محد بيفيدني .. وبكل صراحه اقولها انا كنت اكره شي اسمه دراسه ولكن من بعد الثانوية تغيرت 180 درجه .. والحمد الله على النعمة ..

والحين دام اني جاوبت ع السؤال .. > كالعاده طلبي البسيط انج اتجاوبين على السؤال .. :sm117:

حمودي 17

[أسيرة الشوق]

أنا الحمد الله تخرجت من كليات التقنية و توظفت...

اعتبر الدراسة و الشهادة الجامعية شيء مهم في حياة الإنسان..

الله يوفقج أختي قد الحب و تخلصين دراستج الجامعية و تتوظفين...

[قد الحب]

تسلم اخوي حمودي والله انا بعد من خلصت دراستي الثانويه رحت جامعه الامارات ودرست قانون بس بعدني ما خلصت قريب ان شاء الله دعواتك لي لازم اتخلينا انجاوب خخخ

وارد واكرر الانساان اهم شي دراسته...

[قد الحب]

تسلمين اختي اسيره الشوق على المرور الطيب ماشاء الله عليج افتكيي من الدراسه وهمها وسهرها

الله يوفقج بحياتج الغلا

[ساحرة القلوب]

والله أختي بقي آخر سنة بالثانوية و بخلص وبفتك شيء اسمه دراسة
وبدش الجامعة أجان أكون مدرسة فيزياء

[جريحة زماني]

والله أختي بقي آخر سنة بالثانوية و بخلص وبفتك شيء اسمه دراسة
وبدش الجامعة أجان أكون مدرسة فيزياء


احم احم

اختي

انتي بقا لج سنتيين مو سنه

((جل من لا يسهوو))

وبعدج اختي مصممه على مدرسه الفيزيا عبااالي غيرتي

انزين انا بعد يووم بتخرج ان شاء الله بدخل الجااامعه وانا اصلا ما اهتم للدرااسه بس للشهااده

[ساحرة القلوب]

احم احم



اختي


انتي بقا لج سنتيين مو سنه


((جل من لا يسهوو))


وبعدج اختي مصممه على مدرسه الفيزيا عبااالي غيرتي



انزين انا بعد يووم بتخرج ان شاء الله بدخل الجااامعه وانا اصلا ما اهتم للدرااسه بس للشهااده





لا أختي مستحيل أنسى شيء اسمه الفيزياء عيل ليش ادش علمي
و بالنسبة للمعلمه خلاص أكره ما أحبه من زين شكلها كنت غبية لدرجة كنت أحبها
وسوري خربط بقي سنتين عاد أحين مستانسة كرهة الأبلة

[قد الحب]

تسلمون ع المرور الطيب وبعدين اخت خطيره سابه المدرسه يحليلها والله هاي علمتج ودرستج وجيه تجازينها

جريحه زماني تسلمين الغلا ع المرور

[ساحرة القلوب]

تسلمون ع المرور الطيب وبعدين اخت خطيره سابه المدرسه يحليلها والله هاي علمتج ودرستج وجيه تجازينها

جريحه زماني تسلمين الغلا ع المرور
أنا ما اسبيت مدرسة بس شو السوى كل ربعاتي يقولوني متى تفتكين منها و الله هم كانو يسبونها أكثر مني و ما أرضى أنها بس أحين ما أحبها قصدي هالكلام مب يعني أكرها يمكن فهمتي بالغلط

[ام خماس]

انا باقي حقي 4 سنوات جنها 4 قرون واايد طويلة السنوات الدراسية

[قد الحب]

تسلموون ع المرور الطيب

[L A W Y E R]

جريــب بخلـص الثـآنويــة ان شـآءاللــه . .

و عقــب بدرس قـآنــون إن شـآءاللــه . .

اختيه قد الحب بما انــج تدرسيـن قـآنون فيـه وآيد أسئلة في و ابـي لهـآ جوآب ههه . .

[ كـم سنــة عســب تتخرجيـن من كليـة القآنون ؟] ؟

و بـآجي الأسئلـة بعدين خخ ^^

و تسلميـن عـ الطرح الحلــو . .

[ملكه الحب]

:sm126:

[قد الحب]

تسلمين ع المرور الطيب

انتي بس اتاكدي ان هالتخصص رغبتج وفالج طيب رح اوافيج بكل المعلومات اللي تبينهاا

انا بعدني باقي لي سنتين وبخلص يعني مطووله شووي بس ع خير ان شاء الله

[حلوة الأحساس]

هل انت من الاشخاص اللي يهتم بالدراسه والحصول على الشهاده او تكتفي بالدراسه الثانويه فقط؟!
أكيييييييييد اهتم بالدراسه
الدراسه اهم شي ف حياتي اهي اللي ماخذه وقتي كله وان شالله السنه تكون لي اول سنه ف الجامعه وان شالله احصل على شهادة الهندسة بامتيااااز.. وعن سالفة السنوات اللي باجيه لي فهي بالنسبه لي مش مهمه المهم اخذ الهندسه

مشكورة اختي قد الحب

[عاشق الاصفر]

انا بصرااااحة متخرج من الثانوية العامة سنة 2003... وما كنت محطي في بااالي انتي ادرس ... لكن الحين ندماان لاني ما كملت دراااستي ... مع اني اقدر لكن بسبب الظرووف اطر اني أأجل هالسالفة .. لاجل غير مسمى ... والله متحسف .. حرام عمري يضيع من غير درااسة
وانصح كل من راح يخلص الثانوية العاممة انه يكمل دراسة احسن عقب يفكر بالوظيفة ... والي يقدر يكمل درااسته يكمل احسن له

[دلووعة أمونة]

انا اففكر اخلص الجامعه وادرس برع ^^..~

[ام خماس]

هل انت من الاشخاص اللي يهتم بالدراسه والحصول على الشهاده او تكتفي بالدراسه الثانويه فقط؟!

نعم انا ما هتم واايد وااايد حق المدرسة ولو اهتميت بطلع بقرة يعني ما شيء فايدة
(اللهم قد الحب تخلص من الجامعة وتفتك) .. وانا بعد ابغي دعاء منج

[قد الحب]

تسلموون ع المرور الطيب

[رمسيه دوت كوم]

مشكوووره أختي قد الحب ع طرحج والله يوفقج في دراستج الجامعيه وتتخرجين بتفوق ان شاء الله

هل انت من الاشخاص اللي يهتم بالدراسه والحصول على الشهاده او تكتفي بالدراسه الثانويه فقط؟!

نعم انا من المهتمين بالدراسه وما عندي مانع أدرس خمس سنين جدام بعد
بس اللي أحاتيه اني للحين ما توظفت بشهادتي ولو اخذت شهاده أعلى منها وهي البكالريوس هل راح الاقي وظيفه اذا في نطاق رأس الخيمه ماشي وظايف ولا رواتب مغريه تشجع للعمل وحتى ولو علت الشهاده..!

[iAbdulla]

انا بعدي بالثانويه

وما افكر اوقف دراسه

عقبال الدوام وبعدي بدرس لين ما اوصل للي اباه

[همسة مشاعر]

أنا بالنسبة لي هو مهم انا ناخذ شهادة الثانوية العامة >> لأنها أهم شهادة

و أي شغلة في الدولة يبالها أهم شي شهادة ثانوية

و أنا من الناس اللي يهتمون بالحصول على الشهادة الثانوية

و شكرا ع الموضوع

[Champion]

هاهم شباب المستقبل الذين ستفخر بهم الامارات وستتشرف بانها احتضنتهم على ارضها...
وكيف لا وانا ارى هذا الطموح وهذه الرؤية الواضحه في نظهرهم...
فهذه الشهاده التي لطالما انتظرتها ستكون لك باذن الله معين في المستقبل ...
طبيعه النفس البشريه لا تقف عند حد معين وانما تريد المزيد دائما ..


اخي العزيز... هل تسعى للوصول للشهادة العاليه ام للتعليم العالي؟؟
اذا كنت تتساءل مالفرق بينهما .. فانا اجيبك
الفرق واضح ..ليست كل شهاده عاليه ان الشخص عنده تعليم عالي ولكن لو عندك تعليم عالي ولديك القدره على تعليم الناس من هم حواليك فهذه ستكون اكبر شهاده لك لانك تفيد وتستفيد في آن واحد...


...انا عن نفسي باقي لي سنه ع التخرج من التقنيه ومخططي في السنه القادمه دراسه الباجلر(ان شا القدر) وبعد ذلك ساتجه لتخصص ثاني ودراست ومعرفه محتوياته ان شا الله ..

فالانسان لا يريد ان يحكر نفسه في مجال واحد فان متطلبات الحياه تحتاج المزيد....




في هذا الموضوع الذي اثارته الاخت الفاضله يمكن ان نستلخص منه مواضيع اخرى منفصلة..
أمثله





هلا بج أختى ونا أقول عن هذا السؤل


هل انت من الاشخاص اللي يهتم بالدراسه والحصول على الشهاده او تكتفي بالدراسه الثانويه فقط؟!


أنا من الأشخاص الذين يحملون الشاهده الثانويه وفكر بعدين بعد ثلاث سنوات أكمل دراسه

بس بلوقت الحالى ما أعتقد لأنه ما في وقت للدراسه لأنه الدوام يا خد كل وقت الأنسان


فهذا موضوع يستاهل المناقشه حتى يتم فيه تقليص عدد من يفكر في وقوف عجله الدراسه وكذلك لتشجيعهم ع العلم



لا أختي مستحيل أنسى شيء اسمه الفيزياء عيل ليش ادش علمي
و بالنسبة للمعلمه خلاص أكره ما أحبه من زين شكلها كنت غبية لدرجة كنت أحبها
وسوري خربط بقي سنتين عاد أحين مستانسة كرهة الأبلة


وهذا موضوع آخر للحديث عن من شُبِه بالرسوول... موضوع لذكر فضل المعلين وذكر اهم الحقوق والواجبات





احم احم




اختي


انتي بقا لج سنتيين مو سنه


((جل من لا يسهوو))


وبعدج اختي مصممه على مدرسه الفيزيا عبااالي غيرتي



انزين انا بعد يووم بتخرج ان شاء الله بدخل الجااامعه وانا اصلا ما اهتم للدرااسه بس للشهااده




هنا عندي همسة للاخت الفاضله.... ليس المهم الشهاده مهما كان نوعها اهم شي هو ما تتعلمينه لانه سيفيدك اولا واخير ... لانه الشهاده ممكن ان تنشرى بالاموال لكن الدراسه والتعليم لن تحصلي عليه الا بمجهودك حتى يترسخ في مخك





.....اسمحيليه اختي الغاليه ع الاطاله
لكِ مني جزيل الشكر واصدقه
تقبلي مروري

[كشيخة المزايين]

انا بعدي طالبه بس انا ابغي ادخل الجامعه وادرس قانون يعني محاميه دعواتكم لي

تسلمين يالغلا ع الموضوع الروووعه

[عش الحب]

انا الصراحه ثانويه عامه زين خاصتها الدراسه مامنها فايده الشغل احسن خخخخخخخخخخخخ

[مجلسي عامر]

اخلص دراستي للاخر

[قد الحب]

تسلمون ع المرور الطيب

وان شاء الله يتحقق حلمكم

[شجون الحزن]

موضوعج وااايد حلووو ....




وبصرااااااااااااااحه أنا ما احب الدراسه وحالياا فالكليه وابغي اظهر بس هلي مب راضيين واذااا ظهرت باباتي يقول لي بدخلج جامعه الاتحاد عسب اكمل واللي اعرفه انه اصعب من الكليه وشاورت نااس قالواا لي القعده فالبيت مب شي بدون شهاده ,,,, وابغي اجوف رايكم.. ؟؟؟؟؟

[بحر الثواني]

الثانوية العامة

[قد الحب]

تسلمين حبيبتي شجون الحزن

والله مافي شي بينفعج غير دراستج

بس دام انتي ماعندج اراده في الدراسه ومالج خاطر رح اتعبين عمرج ع الفاضي

ورح اضيعين سنوات ع الفاضي

هذا راي لج