متى تصير الزوجه الثانيه ضروريه

[وينه حنانك]

السلام عليكم ورحمة الله وبركاته


موضوعي طال النقاش فيه وما زلت احاول افهم الشباب ورغبتهم الغير مبرره في تعدد الزوجات

الله سبحانه وتعالى حلل هالشي وما ختلفنا فيه ابدا.اي شي يزيد عن حده ينقلب ضده:sm105:.مو عشان السالفه حلال خلاص كل ريال يقول انا بتزوج 2345566777775454 وخلها تولي الحرمه اذا ما تبي تروح بيت اهلها:aa_mo6reqa:؟؟لي متى تفكيركم بيكون جي محدود؟؟متزوج وحرمتك مو مقصره بحقك ولو حتى قصرت تراك انت بعد مقصر وتتغاضى عن وايد اشيا بس عشان حياتكم تستمر..ليش يوم هي تقصر تصير غلطانه ولازم تتزوج عليها:sm166:...

بتقولون الرسول صلى الله عليه وسلم عدد الزوجات ولكن شوفوا الرسول تزوج منو؟؟؟؟مافي وجه مقارنه بين اسبابكم واسباب الرسول..ما حافظين غير هاي السوره في القرآن مثنى وثلاث ورباع؟؟؟؟ترددونها في كل مره نقول الحد من تعدد الزوجات

يكفي الحرمه متحملتنك ومتحمله عيالك والعيشه معاك وغير عن ضغوطات الحياه واشيا ثانيه مابي اذكرها:aa_mo9ab: واتي انت بكل برود تتزوج عليها لا وفي بعض الاحيان بالسر بعد...ليش كل هذا؟؟؟؟


سؤالي لي متى بتمون جي وتقولون من حقكم وتحطون عالحرمه ولازم هي تتحمل كل شي وحتى اخطائكم

[Time_Racer]

نوقش الموضوع سابقا هنا:

http://www.alrams.net/forum/showthread.php?t=7693&highlight=%C7%E1%CD%E1%C7%E1+%C7%E1%E3%CD%D1%E3

ولكن لي عودة مرة أخرى

[إمـرأه لا تُنسـى]

احيانا بعض الرجال يا اختي لا يعرفون تطبيقن كثير من أفعال الرسول عليه الصلاة والسلام



الا في تعدد الزوجات


شر البلية ما يضحك ..

[المتميزة]

اممم

انا برأيي ان العيب الوحيد في المرأة التي يجعل زوجها يتزوج عليها

هو العقم .. إن المرأة تكون ما تخلف ,, فمن حق الرجل ان يكون له ابناء و بنات !..

لاحظوا اذا كانت عقيمة مرة , مو ما تجيب اولاد يعني بس تجيب بنات .. فالله هو الرازق , و الرجل هو الا يحدد ...


هذا رأيي و هو يحتمل الخطأ و الصواب

[عاشقة_الطنيجي]

شكرا اختي وينه حنانك على هالموضوع

انا ما اوافقج الراي في نقطة انه الزوجه لو هب مقصره مع زوجها يعني انه مايصير يتزوج عليها لانها هب مقصره في بيتها و لا في عيالها

هب لازم الزوج يتزوج عشان زوجته مقصره بالعكس يتزوج عشان مايسير في الحرام و اذا هو مقتدر و اهم شي انه يعدل من بينهم

تحياتي لكي

عاشقة_الطنيجي

[وينه حنانك]

استاذي Time_racer قريت موضوعك اللي نزلته قبل وسوري للتكرار والله ما شفته :) ...


عزيزتي الغاليه امراه لا تنسى اشكر لج مرورج الكريم ..وصدقتي يا اختي ما يعرفون شي عن الدين بس اذا يت السالفه عن التعدد يابوا لج كل الامثله من القرءان والسنه وبعد..الله المستعان

عزيزتي المتميزه.تراهم ما يفهمون انه الله له حكمه في كل شي يعني التعدد حلال في حالات معينه مو تعال وتزوج وخرب بيتك ولا تعدل..المشكله انهم يتحرون الشي سهل..

عزيزتي عاشقه الطنيجي انتي لو ما كنتي مقصره في حق ريلج ابدا وتعطينه حقوقه وزود وريلج تزوج عليج بترضين؟؟؟بغض النظر عن انه بيسير في الحرام ولا لا...شو يعني بعد يسير بالحرام؟!!!! شو هالعذر؟؟؟والله عيل الحرمه اللي ريلها ما يعطيها حقها خلها تخلعه وتتزوج غيره ؟؟مشكلة رياييلنه انهم يشوفون انهم يتزوجون على حريمهم حل لاي مشكله في حياتهم..الحرمه ما تيب عيال تزوج غيرها الحرمه ترقد من وقت عنه تزوج غيرها الحرمه ما تطبخ تزوج غيرها يعني ما يحاولون يصلحون؟؟؟واذا خايف من الحرام وحرمه وحده ما تكفيه خله يسير يتعالج احسن له لانه بيكون مريض نفسي ...

[المتميزة]

وينه حنانك

عجبني تعليقك ع ردي

و كلامك كله صح ..

ربي لا يحرمنا من مواضيعك

[L A W Y E R]

السلآم عليكم و رحمة الله و بركآته ، ،

آلصرآحه أنآ توني أدري انه تعدد الزوجآت [ حلآآآل في حآلآت معينه ] ؟

وين الأدلة الشرعيه عسب أقتنع ؟

[كاكاو الامارات]

- العقم

- كثرت الخلافات الزوجية بتزوج عليها

- الزواج الاهل يؤدي احيانا الي الزواج الثاني

- حب الرجل في التعدد يعني عنده طاقه وخير

ويسلموا على الموضوع الحلو

مانصح بتعدد إلا إذا كانت لاسباب

قاهره ابوي انا متزوج 4 قولوا ما شالله نحنا عائلة الاربعين ولد قولو ا ماشالله بس والله كله خلافات عائلة صعايده وسموح

[وينه حنانك]

مرورج الاروع يا عزيزتي المتميزه ..



عزيزتي للشموخ عنوان..احنا ناخذ اللي نعرفه من القرءان والسنه صح؟؟يعني الرسول صلى الله عليه وسلم عدد الزوجات بس شوفي كل وحده خذها الرسول؟؟الوحيده البكر كانت السيده عائشه...الرسول صلى الله عليه وسلم ما تزوج بمجرد انه عنده فلوس ومقتدر..الرسول كانت يقدر يتزوج اي بنت واحلى بنت بس شوفي الرسول متى عدد وليش؟...ان شاء الله اقتنعتي ؟؟!!

[وينه حنانك]

عزيزتي كاكاو الامارات اولا ماا شاء الله والله يحفظكم ويخليكم لبعض ويحل مشاكلكم ...والاسباب اللي ذكريتها كفيله انها تخلي الريال يتزوج بس السبب الرابع شوي ما اقتنعت فيه

بس الاقل لنا نفس وجهة النظر وهي انه التعدد مسموح بس بسبب وبتعقل

[al3amri55]

بسم الله الرحمن الرحيم



يا جماعة الخير ليش مكبرين السالفة والموضوع ما يستاهل المفروض هذا الموضوع يطرح للنقاش قبل


15 سنة مج الحين .


ياجماعة الحين في مشكلة اكبر من التعدد وهي مشكلة (( العوانس)) ,, مشكلتكم ماشفتوا او قريتو


اخر احصائية لنسبة العوانس في دولة الامارات 14 الف عانس تعدت عمر الخمسة وعشرين سنة


واربعة الاف تعدت عمر الخمسة وثلاثين عانس ..


الحين انتوا ردو علي هذولا البنات وين يروحون :


1. يتزوجوا اجانب .


2. يبقون في البيوت بدون زواج الى ان توافيهم المنية.


3. يذهبون في المولات ويضحكوا عليهم الشباب ويوعدوهم بالزواج ويسلبوا منهم اعز ماتملك المراة


ويرموهم في الشوارع.


4.يقعدوا في البيت ويتفرغوا حق عيال اخوانهم واخواتهم وهم محرومين من اعز كلمة ((ماما)) ..


5. ولا يكونوا زوجة ثانية ,ثالثة او رابعة وهم معززين مكرمين في بيت ازواجهم وسط عيالهم وحياتهم


الخاصة..


ياجماعة الخير تراني متزوج حرمتين وعايش في نعيم والله والكل حاسدني عليها والحمد لله عندي


بيتين وكل وحدة ملكة في بيتها وسط عيالها ..


وشلوا من راسكم فكرة مشكلة الضرة وفكروا في خواتكم العوانس ...


والحمد لله والصلاة والسلام على رسول الله ...

[L A W Y E R]

مرورج الاروع يا عزيزتي المتميزه ..



عزيزتي للشموخ عنوان..احنا ناخذ اللي نعرفه من القرءان والسنه صح؟؟يعني الرسول صلى الله عليه وسلم عدد الزوجات بس شوفي كل وحده خذها الرسول؟؟الوحيده البكر كانت السيده عائشه...الرسول صلى الله عليه وسلم ما تزوج بمجرد انه عنده فلوس ومقتدر..الرسول كانت يقدر يتزوج اي بنت واحلى بنت بس شوفي الرسول متى عدد وليش؟...ان شاء الله اقتنعتي ؟؟!!

اختيه الغآليه ! ، .

الرسول صلى الله عليه و سلم تزوج أكثر من 9 زوجآت . .

و نعم صحيح السيدة عآئشه كآنت الوحيدة البكر ، ،

و لكن مآ فيه حديث أو نص شرعي من الكتآب و السنه ينص على الي اتقولينه !

~> انه التعدد حلآل في حآلآت معينه و حرآم في حآلآت أخرى ، ،

و لآ فيه نص شرعي يبين انه لو الزوجه مب مقصرة فـ [ حرآم يتزوج عليهآ زوجهآ ] . .

أو اذآ كآنت حرمته الثآنيه مب بكر فهذآ حرآم ، ، !

اختيه الغآليه ، ، نحن نسآء و نفهم على بعضنآ . .

النسآء معآرضآت التعدد لـ سبب وآحد و هو الغيرهـ ، ،

كون انه الحرمه مآ تقدررر تتخيل اتشوف حرمه غيرهآ و ريلهآ يدلعهآ و يعآملهآ شرآت مآ يعآملهآ !

بس يآ اختيه حب النسآء فطرة زرعهآ الله في قلب الريآل ، ،

لآ انتي و لآ أنآ أقدر أغير فيه هالفطرهـ ، ،

عسـب جيـه اتلآقيـن كل الريـآييـل حآفظيـن ع قولتـج هالآيـه ، ،

و آلصرآحه استغربت من ردج القبلي يوم كتبتي [ واذا خايف من الحرام وحرمه وحده ما تكفيه خله يسير يتعالج احسن له لانه بيكون مريض نفسي ] ، ،

يعني هل الرسول مثلاً مريض نفسي ؟

أو هل الصحآبه فيهم مرض نفسي ؟

هل التآبعين فيهم مرض نفسي ؟

هل كل الريآييل الي اتزوجوآ على حريمهم مريضين نفسياً ؟

لآ يآ اختي الغآليه !

و حآشآ لله انه يكونون الريآييل فيهم مرض نفسي ، ،

بس سبحآن الله ، ، هي فطرهـ ، ،

مثل مآ انتي اتحبين اتكونين أم ، ، و اتحبين يكون زوجج ملك لج ، ،

شرآت الشي هو ، ، يحب النسآء ، ، يحب يكون أب ، ، يحب يكون مسؤول و قيآدي ، ،

و طبعاً شي ريآييـل بس يكتفون بوحدهـ ، ،

و بالنهآيه هي سنه ، ،

لو حآب يتبعهآ له الأجر بإذن اللـه ، لو مب حآب مآ عليه ، ،

أهم شي انه لو الريآل فكر يتزوج على حرمته ، ،

فهو مب مسوي شي حرآم و لآ مسوي شي يخآلف الشرع ، ،

و شي وآآيد نصوص شرعيه سوآء من الكتآب أو من السنه اتحلل له التعدد بصريـح العبآرهـ ، ،

بدون ذكر تقصير الزوجه أو عقمهآ أو الكلآم الي قلتيه انتي و الأخوآن . .

أمآ انه ليش يتزوج علي و أنآ مب مقصره و عآطتنـه حقوقه و زود ، ،

ترى هذآ وآجبج يآ اختيه الغآليه كـ زوجه ، المفروض نحن مآ نتمنن على شي سوينآه لأزوآجنآ ، ،

و لنآ الأجر على صبرنآ ان شآءاللـه ، ،

خلـآصـه ردي هذآ ، ،

التعدد شي عآدي و مب حرآم و لآ عيب ، ،

و مثل مآ ذكر اخويـه العآمري 55 ، ،

و الله العووآآنس وآآيدآت ، ، تخيلوآ لو كنتوآ بدآلهن ؟

و يزقرونج و يأشرون عليج [ يآ العآآنس ] . . !

هذآ و انتي بنت و تبغين اتكونين زوجه و أم ، ،

فليـش نرفض التعدد و الله حلل هالشي ؟

و بالنهآيه اللـه يوفقكم يميع . .

و آلسموحه ، ،

[وينه حنانك]

استاذي العامري 55 ...شاكره لك مرورك ..والله يسعدك ويبعد عنك الحساد والله يزيدك من نعيمه..العنوسه ما زادت الا لانه شبابنا ولله الحمد ماخذين المهر علثه ويتزوجون من اجنبيات وحتى لو كانوا ماخذين مواطنه يتزوجون على راسها وافده وقليل جدا جدا جدا جدا اللي يتزوجون 2 مواطنات ...لا تقصون علينه وتقولون تبون تحلون مشكلة العوانس ما اشوف انه وايد قلبكم علينه ...واللي تكمل 25 مو عانس ...عمرها المثالي للزواج.....لو الدوله تفتح الباب للمواطنات انهم يتزجون اجانب ما بتم عانس في الدوله..شبابنا مو مقدرينه فخلنا نتزوج وافدين احسن...زادت النسبه ولا قلت مو منا نحن...وعشان تحلون المشكله لازم ندفع هاي الضريبه ونرضى بالتعدد..الله المستعان

[وينه حنانك]

اختي الغاليه صح اني مافيه نص شرعي بس اللي اقصده يوم ذكرت الرسول صلى الله عليه وسلم انه الانسان لازم يفكر هل الشي مهم ولازم ..مو تعال وتزوج الانسان لازم يفكر بعقله ..ليش اسير اتزوج وانا مرتاح هل لانه عندي بيزات ومو عارف شو اسوي فيها...
وعن الحقوق ..ترا في الزواج في نوعين من الحقوق حقوق الزوج وحقوق الزوجه يوم انا اعطي زوجي حقه فاقل شي انه يعطيني حقي وما يسير يتزوج عليه واييب لي ضرهوبالسر.؟؟؟؟هي الوحده تصبر ولها اجرها..مثل ما انه الزواج حلال الطلاق بعد حلال ...يعني هالريال شو بيكسب اذا راح تزوج على حرمته وهي طلبت الطلاق...

شي مب مهم ..وصح انه حلال والزواج من ثانيه بعد حلال...ليش هالتعذيب....

هي اختي بطبيعتنا نحن نغار وهالغيره موجوده حتى بالريال...تعتقدين لو الحرمه تصير تتزوج اكثر عن ريال ..الرياييل بيقولون عادي؟؟؟لا والله والف لا بعد...بيقص رقبتها قبل لا تتزوج...الحرمه تصبر على الريال وتتحمله كل مساوءه فخله يحترمها ويقدرها....بدال ما يتزوج عليها...

اختي حتى الحرمه يوم ما تكون زينه في عدة اشيا الريال يحاول يسويها عشان يصلحها وما قالوا روح وتزوج عليها...في حديث شريف عن هالشي بعد....


خلاص اختي يوم بتعرسين اخطبي لريلج وخليه يتزوج تحلين مشكلة العنوسه عالاقل...الكلام سهل..نبي نشوف الفعل:)

[الساهـــــر]

أخواني وخواتي الموضوع الي تتناقشون فيه كبير



( ولازم الواحد ما يخوض فيه بدون علم بأحكامه الشرعيه )
ياريت الكل يقرا فتاوي التعدد قبل ما يرد على موضوع مثل هذا



منقول



من موقع الشيخ بن باز -رحمه الله-
من كره تعدد الزوجات وزعم أن عدم التعدد هو أفضل هو كافر ومرتد عن الإسلام، لأنه -نعوذ بالله- منكر لحكم الله وكاره لما شرع الله؛ والله يقول سبحانه: ((ذلك بأنهم كرهوا ما أنزل الله فأحبط أعمالهم ))، من كره ما أنزل الله حبط عمله؛ فالذي يكره تعددالزوجات ويرى أن الشريعة قد ظلمت؛ أو أن حكم الله في هذا ناقص أو مو طيب، أو أن ما يفعلونه في بلاد النصارى من الوحدة أن هذا أولى وأفضل ،هذا كله ردة على الإسلام -نعوذ بالله- كالذي يقول إن فرض الصلاة ما هو مناسب؛ لو ترك الناس بدون صلاة كان أحسن أو بدون صيام أحسن، أو بدون زكاة يكون أحسن؛ من قال هذا فهوكافر ؛ من قال أن عدم الصلاة أولى أو عدم الصيام أولى أو عدم الزكاة أولى، أو عدمالحج أولى كان كافراً؛ وهكذا لو قال: لا بأس أن يحكم بغير الشريعة، يجوز، ولو قالحكم الشريعة أفضل، لكن إذا قال إن الحكم بغير ما أنزل الله جائز أو إنه حسن، كل هذاردة عن الإسلام نعوذ بال؛ فالحاصل أن من كره ما أنزل الله وما شرعه الله فهو مرتد؛وهكذا من أحب أو رضي بما حرم الله وقال إنه طيب وأنه مناسب كالزنا والسرقة يكون كافراً أيضاً، نسأل الله العافية.

ومن كلام الشيخ أحمد شاكر <... فاتجهوا وجهة أخرى يتلاعبون فيها بالقرآن: فزعموا أنّ إباحة التعدد مشروطة بشرط العدل، وأنّ الله -سبحانه- أخبر بأنّ العدل غير مستطاع، فهذه أمارة تحريمه عندهم!! إذ قصَروا استدلالهم على بعض الآية: {وَلَن تَسْتَطِيعُواْ أَن تَعْدِلُواْ بَيْنَ النِّسَاءِ وَلَوْ حَرَصْتُمْ}، وتركوا باقيَها: {فَلاَ تَمِيلُواْ كُلَّ الْمَيْلِ فَتَذَرُوهَا كَالْمُعَلَّقَةِ}، فكانوا كالذين يؤمنون ببعض الكتاب ويكفرون ببعض!



أخواني التلفاز نجح بأظهار الصورة السلبية للتعدد فقط الي ترسخت بعقولنا وغفل عن أيجابياته



كلنا نعرف أن احتياجات الرجل اكثر من الحرمه



لانه ماعنده سن يأس أو محيض أو حمل وغيرها من الامور الي تمر فيها الحرمة



ومن ضمنها العنوسه الي تطرق لها أخوي العامري 55



الله يباركلك بحريمك وعيالك



بس لا تحاول قاعد تتعلث بالعوانس



لا يكون ناوي على الثالثة

[L A W Y E R]

اختي الغاليه صح اني مافيه نص شرعي بس اللي اقصده يوم ذكرت الرسول صلى الله عليه وسلم انه الانسان لازم يفكر هل الشي مهم ولازم ..مو تعال وتزوج الانسان لازم يفكر بعقله ..ليش اسير اتزوج وانا مرتاح هل لانه عندي بيزات ومو عارف شو اسوي فيها...
وعن الحقوق ..ترا في الزواج في نوعين من الحقوق حقوق الزوج وحقوق الزوجه يوم انا اعطي زوجي حقه فاقل شي انه يعطيني حقي وما يسير يتزوج عليه واييب لي ضرهوبالسر.؟؟؟؟هي الوحده تصبر ولها اجرها..مثل ما انه الزواج حلال الطلاق بعد حلال ...يعني هالريال شو بيكسب اذا راح تزوج على حرمته وهي طلبت الطلاق...

شي مب مهم ..وصح انه حلال والزواج من ثانيه بعد حلال...ليش هالتعذيب....

هي اختي بطبيعتنا نحن نغار وهالغيره موجوده حتى بالريال...تعتقدين لو الحرمه تصير تتزوج اكثر عن ريال ..الرياييل بيقولون عادي؟؟؟لا والله والف لا بعد...بيقص رقبتها قبل لا تتزوج...الحرمه تصبر على الريال وتتحمله كل مساوءه فخله يحترمها ويقدرها....بدال ما يتزوج عليها...

اختي حتى الحرمه يوم ما تكون زينه في عدة اشيا الريال يحاول يسويها عشان يصلحها وما قالوا روح وتزوج عليها...في حديث شريف عن هالشي بعد....


خلاص اختي يوم بتعرسين اخطبي لريلج وخليه يتزوج تحلين مشكلة العنوسه عالاقل...الكلام سهل..نبي نشوف الفعل:)

السلآم عليكم و رحمة الله و بركآته ، ،

اختيه الغآليه ، ، لو فرضنآ أنه الزوج فكر و بعد يبآ يتزوج ، ،

و خبرج انه يبآ يتزوج ، ، سوآء وحدهـ بكر أو مطلقه أو أرمله . .

بعد مآ بتوآفقين ، ،

و مآ بتعيبج الفكره !

و ليش الزوجه تطلب الطلآق ؟!

دآمهآ هي مرتآحه و يآ زوجهآ ، ، بس لأنه فكر بالتعدد ، ،

و اتزوج عليهآ يعني خلآص ؟!

تهدم حيآتهآ بإيدهآ ليش ؟!

و لآ زوجه من زوجآت الرسول طلبت الطلآق يوم اتزوج عليهآ ، ،

و لآ صحآبي زوجآته طآلبوآ بالطلآق يوم اتزوج عليهن ، ،

ثآنياً لو هي طلبت الطلآق هي الخسرآنه ، ، مب هو ، ،

هو عندهـ زوجه ثآنيه ، ،

و مآشي مجآل للمقآرنه بينآ نحن النسآء و الرجآل ، ،

[ الرجال قوامون على النساء ] ، ،

و مثل مآ ذكرت فوق مب شرط اتكون مقصره عسب يتزوج عليهآ . .

يعني لو هي مسويه شي غلط أكيد بيخبرهآ و بيحآول يصلح ، ،

بس لو هو حآط في بآله يتزوج و خلآص يعني بخآطره ، ،

صعب يغير رآيه ، ،

لأنه من الآسآس التعدد مب مشروط بتقصير الزوجه . . =)

انزين يآ اختيه الغآليه ، ، منو قآلج لو عرست و ريلي قآلي بتزوج عليج برفض ؟!

أكيد شي طبيعي بغآر ، ، هذآ شي طبيعي ، ،

بس مآ بمنعه يتزوج لو هو حآب . .

و صدقيني ترآني مآ أقول هالكلآم بس لمجرد انه [ كلآم ] !

انآ انسآنه وآيد من اهلي متزوجين 3 و ثنتين ، ،

و آلحمدلله عآيشين حيآتهم سعدآء ، ،

و حريمهم متفآهمين و لله الحمد ، ،

و آلسموحه منج اختيه الغآليه . .

أنآ هذآ رآيي الشخصي ، ، ! =)

[L A W Y E R]

أخواني وخواتي الموضوع الي تتناقشون فيه كبير



( ولازم الواحد ما يخوض فيه بدون علم بأحكامه الشرعيه )
ياريت الكل يقرا فتاوي التعدد قبل ما يرد على موضوع مثل هذا



منقول



من موقع الشيخ بن باز -رحمه الله-
من كره تعدد الزوجات وزعم أن عدم التعدد هو أفضل هو كافر ومرتد عن الإسلام، لأنه -نعوذ بالله- منكر لحكم الله وكاره لما شرع الله؛ والله يقول سبحانه: ((ذلك بأنهم كرهوا ما أنزل الله فأحبط أعمالهم ))، من كره ما أنزل الله حبط عمله؛ فالذي يكره تعددالزوجات ويرى أن الشريعة قد ظلمت؛ أو أن حكم الله في هذا ناقص أو مو طيب، أو أن ما يفعلونه في بلاد النصارى من الوحدة أن هذا أولى وأفضل ،هذا كله ردة على الإسلام -نعوذ بالله- كالذي يقول إن فرض الصلاة ما هو مناسب؛ لو ترك الناس بدون صلاة كان أحسن أو بدون صيام أحسن، أو بدون زكاة يكون أحسن؛ من قال هذا فهوكافر ؛ من قال أن عدم الصلاة أولى أو عدم الصيام أولى أو عدم الزكاة أولى، أو عدمالحج أولى كان كافراً؛ وهكذا لو قال: لا بأس أن يحكم بغير الشريعة، يجوز، ولو قالحكم الشريعة أفضل، لكن إذا قال إن الحكم بغير ما أنزل الله جائز أو إنه حسن، كل هذاردة عن الإسلام نعوذ بال؛ فالحاصل أن من كره ما أنزل الله وما شرعه الله فهو مرتد؛وهكذا من أحب أو رضي بما حرم الله وقال إنه طيب وأنه مناسب كالزنا والسرقة يكون كافراً أيضاً، نسأل الله العافية.

ومن كلام الشيخ أحمد شاكر <... فاتجهوا وجهة أخرى يتلاعبون فيها بالقرآن: فزعموا أنّ إباحة التعدد مشروطة بشرط العدل، وأنّ الله -سبحانه- أخبر بأنّ العدل غير مستطاع، فهذه أمارة تحريمه عندهم!! إذ قصَروا استدلالهم على بعض الآية: {وَلَن تَسْتَطِيعُواْ أَن تَعْدِلُواْ بَيْنَ النِّسَاءِ وَلَوْ حَرَصْتُمْ}، وتركوا باقيَها: {فَلاَ تَمِيلُواْ كُلَّ الْمَيْلِ فَتَذَرُوهَا كَالْمُعَلَّقَةِ}، فكانوا كالذين يؤمنون ببعض الكتاب ويكفرون ببعض!



أخواني التلفاز نجح بأظهار الصورة السلبية للتعدد فقط الي ترسخت بعقولنا وغفل عن أيجابياته



كلنا نعرف أن احتياجات الرجل اكثر من الحرمه



لانه ماعنده سن يأس أو محيض أو حمل وغيرها من الامور الي تمر فيها الحرمة



ومن ضمنها العنوسه الي تطرق لها أخوي العامري 55



الله يباركلك بحريمك وعيالك



بس لا تحاول قاعد تتعلث بالعوانس



لا يكون ناوي على الثالثة



يزآآك الله كل خير اخوي السآهر على هالفتوى . . ^^

مآ قصرت . . =)

[وينه حنانك]

أخوي الساهر مشكور كفيت ووفيت على هالفتوى....يعني انا صرت مرتده مثل وايد غيري من اللي ضد التعدد بدون سبب...خلاص بخلي ريلي ياخذ 3 على راسي واذا يبي زياده خله يطلقني بعد ويتزوج اللي يبيها...

"


كلنا نعرف أن احتياجات الرجل اكثر من الحرمه


لانه ماعنده سن يأس أو محيض أو حمل وغيرها من الامور الي تمر فيها الحرمة


ومن ضمنها العنوسه"

الكلام اللي ذكرته يكفي ويوفي اانه الريال ما يحط مشاكل اكثر على راسها...

تحمل تراه هو السبب... تربي تراها مربيه عياله وتسهر على راحتهم وبالاخير يسير يتزوج بس لانه عنده احتياجات..شو عن احتياجاتها؟؟شو عن راحتها؟؟والله الريال لو يعيض ربع اللي تعيشه الحرمه ما بيتحمل..وياي تقولي احتياجات..خلنا واقعيين ..يعني بيموت لو تحمل شوي ترانه متحملين حمل جبال وساكتين..مو سهل ترا نتحمل الدوره الشهريه ولا الحمل ولا الولاده ولا الرضاعه ولا حقوق الرجل ولا حقوق عياله ....وبالاخير يسير يتزوج عليها بس لاحتياجات جنسيه لا اكثر..


احس اذا تكلمت اكثر بقول وايد اشيا لازم ما اقولها...فانا اقولكم رفقا بالقوارير...والرحمه زينه

[al3amri55]

بسم الله الرحمن الرحيم



اختي(( [ لِلشّمُوخْ عنْوَآنْ..~* )) السلام عليكم ورحمة الله وبركاتة ...


اختي صح الله لسانج على الكلام الي قلتية وثانيا


ماحد مريض نفسيا ولا عقلانيا مثل ما ذكرت اختنى


(( وينه حنانك )) ,, يعني انا الحين مينون يوم


تزوجت الثانية لا طبعا كل مافي الموضوع اني


عصمت نفسي عن الحرام واهم شي علشان اكثر


من الذرية الصالحة و ينفعوني يوم اكبر لاني ادري


ماحد راح ينفعني لا اخواني ولا خواتي ولا ربعي


اكيد هم عيالي .




وقليل من الشباب وانا قلت القليل من هم متزوجين


وعندهم صاحبات خارج نطاق الحلال يعني


((خيانة )) فأي زوجة ترضى ان زوجها يخونها مع


وحدة ثانية في الحرام ...




اكيد الاغلبية ما ترضى بس للاسف الاقلية وانا قلت


الاقلية ترضى


والعياذ بالله والسبب انها تقول ما علية وحدة تعرف


عليها شهرين وبس اهون من ضرة تكتم على


نفسي وتاخذة مني ...


وللحديث بقية ان شاء الله

[al3amri55]

بسم الله الرحمن الرحيم


اختي (( وينه حنانك )) السلام عليكم ورحمة الله وبركاتة ...


اختي اولا شكرا لك على الرد الجميل الممتاز ....


اختي الحمد لله انك تكلمتي اول شي عن المهر ؟؟؟؟؟؟؟؟؟


اختي في مثل يقولونة اخوانا العرب ((( يحط العقدة في المنشار ))) اعتقد هذا هو مج بالضبط ..


المهم الحين لو الواحد يبى يتزوج يبالة مهر مج اقل من 150 الف ليششششششششششششش


الزهبة صوب والصالة صوب والكوشة وطقم والخ......................


اختي الريال يبى يتزوج ويرتاح مج يتبهدل ,,,, اكيد وانا متأكد انج راح تقولين ان الريال ياخذ السيارة


بالقيمة الفلانية مثلا 250 الف ,صح كلامج مليون بالمية صح بس لاتنسين انه يشتري السيارة باقسط


مريحة جدا اي على خمس سنوات بس لوازم العرس لازم تندفع فورا وحالا...


اختي والله ان المهور مبالغ فيها وايييييييييييييييييييد ...


بالعكس كل ما نقص مبلغ العرس زادت البركة وانا مجرب ...


اختي لا تقولين قليل الي ماخذين مواطنات ,,,انا متزوج من مواطنات ثنتين و95 بالمية من ربعي


متزوجين من ماطنات وقليل جدا الي متزوج من اجنبيات ...


وصدقيني اختي ان قلبي على بنات بلادي بس الله يهدي اهاليهم , اذا الواحد سار يخطب عندهم كأنهم قاعدين يبيعون في السلعة ويفاصلون في قيمتها ليشششششششش ,هذة البنت تبى تتزوج ماتبى تنباع او تشترى وتبى تكون (((ام))) ...


وانت تقولي ان الوحدة الي عمرها 25 بعدها مج عانس اوكي يمكن في نظرك بس قوليلي في وحدة عمرها 38 سنة ما متزوجه واهلها يبون مهر قرابة 180 الف شو رايك ؟؟؟؟؟؟؟


اختي منو قال اذا زادت النسبة او قلت مج منكم انتو بل بالعكس انتو والاهالي هم السبب مليون بالمية


يعني الي يتزوج بـــ30 الف نفس الي يتزوج بــ150 الف ؟؟؟؟؟؟؟؟؟؟؟؟؟؟؟...


اهااااااا جينا لاكبر مشكلة اختي الله يخليج ويبقيج سيري اسألي اكثر من 5 بنات متزوجين من


وافدين وشوفي معاناتهم وتعاستهم ,,, اقل القليل عيالج ما عندهم جوازات الامارات وما يدرسون في الجامعات وما وما وما الخ الخ الخ ...........................ليشششششششششش.


ترى حلاة الذوب رقعتة منه وفية اختي والدولة ما قصرت يم منعت الزواج لانها ادرى بمصلحة عيالها


وشعبها واهم شي اختي اظن انك نسيتي مسألة الخلل في التركيبة السكانية ...


يعني عيالج امهم مواطنة اماراتية وابوهم وافد وشو راح يكون جنسيتهم وحبهم وولائهم ,,اكيد لبلاد


ابوهم .....




وللحديث بقية.............

[al3amri55]

بسم الله الرحمن الرحيم


اخوي (( الساهـــــر )) السلام عليكم ورحمة الله وبركاتة ...


اخوي يزآآك الله كل خير على هالفتوى الي الكل غافل عنها وخاصة خواتنا ...


وثانيا انا اايدك في كلامك بخصوص التلفاز وافة التلفاز صدقني انها القنبلة الموقوتة في البيوت


وهو سبب خراب البيوت وخاصة المسلسلات العربية والمدبلجة خلت الحرمة الثانية (( ضرة )) او


عدوة وعديلة رغم انهم كلهم حريم ....


الحين خواتنا الله يهديهم يقولون ليش ريايلنا يتزوجون علينا واحنى نتعب ونهلك سواء في البيت او


خارج البيت وفي تربية لعيال ونتعب يوم نحمل ويوم نربي وفي شغل البيت من طبخ وكنس وتنظيف


وكل شي ,,, بس الله سبحانه وتعالى جعل الجنة تحت اقدام الامهات وكرمكم باحسن تكريم ...


ومن كرم الله عزوجل ومن منطلق هذا الحديث النبوي:


جاء رجل الى الرسول الكريم محمد صلى الله عليه وسلم وقال له :
يارسول الله من احق الناس بصحبتي ورعايتي ؟؟؟ فقال الرسول :امك
قال ثم من ؟؟؟ فقال الرسول :أمك
قال :ثم من ؟؟؟ فقال الرسول :أمك
قال ثم من ؟؟؟؟!!!
فقال الرسول عليه افضل الصلاة والتسليم :ابوك



فلماذا يا خواتي هذا الانزعاج من الزواج بالثانية او الثالثة بعد هذا التكريم الرباني ...


اخوي الصراحة انا فكرت بالثالثة والرابعة بس المشكلة لازم اامن البيت اول شي وبعدين ان شاء


الله راح اتزوج بنت الحلال وطبعا هذا اذا حصلت حد بعد الي شفتة وسمعتة من خلال هذا النقاش...


ودمت بحفظ الرحمن والى الامام دائما اخوي...

[ام محمد من راك]

انا امرأة ولكني مع تعدد الزوجات ^___^

ياخي حدوا من العنوووسة وبسكم انانية يالحريم

الريال بطبعه عينه زايغه

خليه يعرس عليج ولا يخوونج


وهاي وجهة نظري وان كانت مقتضبة ^____^

[اميرة الورد]

مشكوره اختي ع الموضوع ...

واذا الزوج عنده المقدره انه يعدل من بيهن ليش لاء ... خله يتزوج 2و3 وبنت بلاده احسن من انه يتزوج وحده غريبه .. وبعدين المفروض ترمسون عن المعربيات الي تارسات البلاد ... وشبابنا الله يهديهم يتزوجونهن ع حريهم ..

[وينه حنانك]

بسم الله الرحمن الرحيم



اختي (( وينه حنانك )) السلام عليكم ورحمة الله وبركاتة ...


اختي اولا شكرا لك على الرد الجميل الممتاز ....


اختي الحمد لله انك تكلمتي اول شي عن المهر ؟؟؟؟؟؟؟؟؟


اختي في مثل يقولونة اخوانا العرب ((( يحط العقدة في المنشار ))) اعتقد هذا هو مج بالضبط ..


المهم الحين لو الواحد يبى يتزوج يبالة مهر مج اقل من 150 الف ليششششششششششششش


الزهبة صوب والصالة صوب والكوشة وطقم والخ......................


اختي الريال يبى يتزوج ويرتاح مج يتبهدل ,,,, اكيد وانا متأكد انج راح تقولين ان الريال ياخذ السيارة


بالقيمة الفلانية مثلا 250 الف ,صح كلامج مليون بالمية صح بس لاتنسين انه يشتري السيارة باقسط


مريحة جدا اي على خمس سنوات بس لوازم العرس لازم تندفع فورا وحالا...


اختي والله ان المهور مبالغ فيها وايييييييييييييييييييد ...


بالعكس كل ما نقص مبلغ العرس زادت البركة وانا مجرب ...


اختي لا تقولين قليل الي ماخذين مواطنات ,,,انا متزوج من مواطنات ثنتين و95 بالمية من ربعي


متزوجين من ماطنات وقليل جدا الي متزوج من اجنبيات ...


وصدقيني اختي ان قلبي على بنات بلادي بس الله يهدي اهاليهم , اذا الواحد سار يخطب عندهم كأنهم قاعدين يبيعون في السلعة ويفاصلون في قيمتها ليشششششششش ,هذة البنت تبى تتزوج ماتبى تنباع او تشترى وتبى تكون (((ام))) ...


وانت تقولي ان الوحدة الي عمرها 25 بعدها مج عانس اوكي يمكن في نظرك بس قوليلي في وحدة عمرها 38 سنة ما متزوجه واهلها يبون مهر قرابة 180 الف شو رايك ؟؟؟؟؟؟؟


اختي منو قال اذا زادت النسبة او قلت مج منكم انتو بل بالعكس انتو والاهالي هم السبب مليون بالمية


يعني الي يتزوج بـــ30 الف نفس الي يتزوج بــ150 الف ؟؟؟؟؟؟؟؟؟؟؟؟؟؟؟...


اهااااااا جينا لاكبر مشكلة اختي الله يخليج ويبقيج سيري اسألي اكثر من 5 بنات متزوجين من


وافدين وشوفي معاناتهم وتعاستهم ,,, اقل القليل عيالج ما عندهم جوازات الامارات وما يدرسون في الجامعات وما وما وما الخ الخ الخ ...........................ليشششششششششش.


ترى حلاة الذوب رقعتة منه وفية اختي والدولة ما قصرت يم منعت الزواج لانها ادرى بمصلحة عيالها


وشعبها واهم شي اختي اظن انك نسيتي مسألة الخلل في التركيبة السكانية ...


يعني عيالج امهم مواطنة اماراتية وابوهم وافد وشو راح يكون جنسيتهم وحبهم وولائهم ,,اكيد لبلاد


ابوهم .....





وللحديث بقية.............



استاذي العامري ...انت تتحرا كل بنات البلاد يبون هالشي...لاوالله و الف لا بعد..منو يحب يتبهدل؟؟؟تعرف انه اذا طلبت هالشي تراه بيطلع من عينها بعد العرس...لكن الاهالي الله يهديهم بس..ماعرف شو يطلبون برع...بس عندنا في العايله 200 الف ويشمل كل شي في العرس..المهر الزهبه الفندق وكل شي ..انا اشوفه وايد وضد هالشي ....اقلكن مهرا اكثركن بركه..احنا نعرف الدين مو بس لانه نحن ضد التعدد صرنا خلاص متعقدات؟؟؟؟وصرنا ما نخاف الله؟؟؟؟ساعات اقول يا ريت كنا في الكويت والله لا عرس ولا هم يحزنون يسوون لهم حفلة عشا ويسافرون ما يخسرون شي..الناس لو شو ما تسوي لهم ما يعجبهم فليش الواحد يخسر..اشهار وخلاص كمن صينية عيش على هريس على حلوى وخلاص....



وعلى طاري السياره ترا الزواج بعد نفس الشي...عنده 5 سنوات خله يجمع وان شاء الله الله بيقدره وبيتزوج..مو شرط يسير يدور لي بنت هااااااااااااااااااي يقصون ظهره بالطلبات اللي مالها اخر.....خله يمد ريله ع قد لحافه..ويختار اللي ع قد حاله...

ما يحتاي اسال اخوي لاني اعرف...انت بعد سير اسال الشباب اللي متزوجين وافدات وما خسروا عليهم في العرس والحين عيونهم طالعه ..

اللي اقوله انه الدوله تمنع شي اصلا حلال في الاسلام مثل ما احنا ضد التعدد والله محلل هالشي..فهمت قصدي؟؟يعني اهنيه يصير ظلم...مو حرام الوحده تتزوج اجنبي..بس حرام انه ما تحصل حقوقها شرات يوم المواطن يتزوج اجنبيه معفنه..اخر شي تشرد مع عياله وتخليه مثل المينون..وما يت على الانتماء اخوي...الانتماء ينزرع لكن المواطن يوم ياخذ مسيحيه انت قولي عاد شو ديانه عيالهم ولو كانوا مسلمين ..كيف بيكونون...هالزمن عيالنا امهاتهم واباءهم مواطنين وتشوف العجب منهم...


وعن طاري التلفزيون اخوي..ترا التلفزيون بعد مخرب عقول الشباب..اللي يتمدحون الرقاصه الفلانيه على المغنيه العلانيه جدام حريمهم وهالشي اللي يسبب دمار بيوت...عيب والله عيب...وخلها بس هي تقول يا محلاة مهند شوف كيف ينقهر وعادي يلتها كف...

ووللحديث بقيه بعد ...

[وينه حنانك]

بسم الله الرحمن الرحيم



اخوي (( الساهـــــر )) السلام عليكم ورحمة الله وبركاتة ...


اخوي يزآآك الله كل خير على هالفتوى الي الكل غافل عنها وخاصة خواتنا ...


وثانيا انا اايدك في كلامك بخصوص التلفاز وافة التلفاز صدقني انها القنبلة الموقوتة في البيوت


وهو سبب خراب البيوت وخاصة المسلسلات العربية والمدبلجة خلت الحرمة الثانية (( ضرة )) او


عدوة وعديلة رغم انهم كلهم حريم ....


الحين خواتنا الله يهديهم يقولون ليش ريايلنا يتزوجون علينا واحنى نتعب ونهلك سواء في البيت او


خارج البيت وفي تربية لعيال ونتعب يوم نحمل ويوم نربي وفي شغل البيت من طبخ وكنس وتنظيف


وكل شي ,,, بس الله سبحانه وتعالى جعل الجنة تحت اقدام الامهات وكرمكم باحسن تكريم ...


ومن كرم الله عزوجل ومن منطلق هذا الحديث النبوي:


جاء رجل الى الرسول الكريم محمد صلى الله عليه وسلم وقال له :
يارسول الله من احق الناس بصحبتي ورعايتي ؟؟؟ فقال الرسول :امك
قال ثم من ؟؟؟ فقال الرسول :أمك
قال :ثم من ؟؟؟ فقال الرسول :أمك
قال ثم من ؟؟؟؟!!!
فقال الرسول عليه افضل الصلاة والتسليم :ابوك



فلماذا يا خواتي هذا الانزعاج من الزواج بالثانية او الثالثة بعد هذا التكريم الرباني ...


اخوي الصراحة انا فكرت بالثالثة والرابعة بس المشكلة لازم اامن البيت اول شي وبعدين ان شاء


الله راح اتزوج بنت الحلال وطبعا هذا اذا حصلت حد بعد الي شفتة وسمعتة من خلال هذا النقاش...



ودمت بحفظ الرحمن والى الامام دائما اخوي...

اخوي العامري ...انا وياك انه الجنه تحت اقدام الامهات والحمدلله على هالشي..ولكن لا تنسى بعد انه رضى الريال شي وايد مهم يعني مو صرنا امهات خلاص ننسى الريال..تبي الصراحه والله عندي انا انه الحرمه ترضي ريلها لو حتى على حساب عيالها...في حديث شريف ما اتذكر النص بس المعنى انه لو كان يجوز للانسان انه يسجد لغير الله كانت المراه تسجد لزوجها وشي ثاني بعد انه الحرمه لازم تشوف ريلها كجسر يدخلها الجنه..مافي شي يبين لك اهمية رضى الزوج اكثر عن جي...في وايد حريم يموتون عمارهم عشان رضى الريال..بس بيني وبينك الريال ما ينعطى ويهه والله..ولكن الحرمه عاطفيه واذا تحبه الريال بتصير له مدوسه بعد مو بس بتسجد له...لكن في المقابل وين الريال اللي حرمته تترس عينه؟؟!!! ماشي ولا حتى ربع ريال..دايما عيونكم على اللي برع وتبون تتزوجون عارضات ازياء وملكات جمال وانتوا ويوهكم ما تتشاهد وكرشكم يمشى قبلكم واخلاقكم ما يحتاي نتكلم عنها...بس الحرمه ترضى فيكم(الله المستعان)..على قولتهم رضيت بالهم بس الهم ما رضى فيني يا هموم..


اخوي الحرمه تطلع عيونها وتبي التقدير..انتوا الريايل بس تداومون وتصرفون عالبيت وتقولون محد يقدرنا...والحرمه مو حاسه انا اشتغل من الساعه 7 لي 3 وارد البيت هي مب متفيجه لي..انت بعد قدر شوي اللي تسويه..صح انه غلط..بس بعد اتفهمها شوي..واذا ما تبيها تفضى لك لا تحملها في السنه مرتين وييب لها مليون بشكاره وسكنها في فله بس مو وايد كبيره وان شاء الله بتكون فاضيه لك...ولكن لا تطلب اشيا انت بروحك ما تقدر تسويها لو كنت بموقفها هي..
ان شاء الله بتحصل ..ترا اانا من النقاش شفت بنات عادي عندهم التعدد فلا تخاف بتحصل ال 3 وال 4 بس الله يستر على عقلك وما يطيرونه :)...امن كل شي واعدل امبينهم وماعليك خوف ...اخوي على طاري البيت خلك ذيب وثعلب مكار وسو شرات ما يسوون الرياييل يتزوجون وحده تشتغل ويخلونها تساعدهم في بناء البيت وبس يخلص البيت يسير يتزوج عليها واييب تعيش في نفس البيت ويسوي امبينهم حاجز..ترا بهالرطريقه تكون ضربت راسين بحجر

[وينه حنانك]

عزيزتي ام محمد من راك..يعني اللي يسمعج الريايل وايد مقصرين من ناحية الخيانه..الحين بكبسة زر يتعرفون ويغازلون ويسوون الهوايل نسوا انه الله يشوفهم ..الله يهديهم..هاذيل لازم يتزوجون حريم مثلهم اقصد يعني مش وحده محترمه لانهم من كثر ما شافوا وقروا وتعرفوا صارت الحرمه المحترمه ما تترس عينهم وتشبع رغباتهم...وما في داعي اشرح اكثر...

وعلى طاري العنوسه اللي ذبحتونه فيها...اشوف الحرمه تعنس هالزمن ولا تتزوج واحد يلوع جبدها 80% من البنات اللي اعرفهم كارهين حياتهم من الزواج...ويقولون لنا لا تتزوجون تموا جي احسن لكم....خلاص اذا انتي موافقه انا بدور حرمه لزوجج بس هاااا مو تتضاربين وياها

[وينه حنانك]

عزيزتي اميرة الورد ااذا بنت البلاد مو مقصره في حقه ليش يبهدلها بزوجه ثانيه؟؟!!!

ولكن اذا اتحتم الامر خله يتزوج بنت البلاد ما عندنا مشكله وتكون محترمه مش بنت شوارع واييبها على راس حرمته المسكينه..يعني لو احسن عنها مب مشكله...

لكن المشكله شبابنا تفكيرهم جنسي بحت يدورون اللي تشبع رغباتهم ولو في الحرام بعد..يعني حرمته اللي تعرف ربها ما راح ترضى تسوي اشيا بالحرام ولكن اللي ماتعرف شي عن الاسلام غير اسمه بتسوي كل شي يطلبه بدون ذكر جنسيات عربيه او حتى اجنبيه..ولا تقولون تفكيري غبي لانه هذا هو الواقع واسالوا اللي حولينكم بتنصدمون من الواقع..

[بن آل علي]

قسم الحوار والنقاش يطرح مواضيع مميزه وقوية تفيد المجتمع


وأشكر كل القائمين على القسم في تثبيت موضوعين مهمين ( الزوجة الثانيه – العبائة المعاصره )


شكرا اخواني واخواتي على الموضوع المميز والنقاش الاكثر من رائع


فعلا استفدت منكم الكثير


وماشاء الله واللهم بارك ( بوجود الناس الطيبه امثالكم نحس ان الدنيا بخير لو صعبة معيشتها)


والله يديم الخير للامه الاسلاميه


أعزائي بغيت منكم خدمة ....


انا ضعت اشوي بالنقاس اللي دار حول الايجابيات والسلبيات اللي كسبناها في المجتمع


ياليت لو تلخصون الايجابيات بنقاط والسلبيات بنقاط حتى يسهل للقارئ فهم المحتوى بوضوح


وتطرحون حل السلبيات بنقاط اذا وجد الحل

[al3amri55]

بسم الله الرحمن الرحيم


اختي (( وينه حنانك )) السلام عليكم ورحمة الله وبركاتة ::

اختي انا اتوقع ان70% من البنات يحبون سالفة المهور العالية جدا وذلك لسببين :

1. علشان يتفاخرون امام صديقاتهم بان عرسها كلف المهر الفلاني وكانت في الصالة الفلانية وقيمة الفستان غالي ولم يكن مستأجر من محل والخ......

2. لكي يكسروا ظهر المعرس ولا يدعون له مجالا ويغرقونة في الديون لكي لايفكر في الثانية..


اختي على طاري الي توه يبى يتزوج انت قلتي خلة يمد ريلة على قد لحافة انا معاج في هذة النقطة

بس وييييييييييييييييييييييييييييييييييييييين مثلا انا الحين سمعت ان بنت جارتنا تزوجت بالمبلغ الفلاني

(((200))) الف وانا عندي هم نفس الشي بنات فهني انا راح اقول مستحيل انا ازوج بناتي اقل من

جاري لازم اطلب يا نفسهم او اكثر ومن هذا المنطلق زادت المهور بشكل خيالي رغم ان ابونا المغفور

له ان شاء الله ((الشيخ زايد بن سلطان ال نهيان )) رحمة الله حدد المهر بــ20 الف مقدم و 30 الف

مؤخر ولكن لا حياة لمن تنادي ...

والحين تقريبا صارت المهور نفس بعض مع القليل من الفروقات ,,, يعني بالفصيح الواحد مايقدر يمد ريولة

على قد لحافة...

اههههااااااااااااا الحين جينا الى لب الموضوع ::

الحين الريال الي يتزوج من وافدة قارنتية بنفس الحرمة الي تتزوج من اجنبي كيف وليش؟؟؟؟؟؟؟؟

بعطيج القليل من المفارقات بين الطرفين :

1. الريال يقدر يحصل على مشروع زايد للاسكان وهو متزوج من اجنبية .

2.البنت الي متزوجة من اجنبي ماتحصل .

3. الريال اذا تزوج من اجنبية يزيد راتبة .

4. البنت يا يتم راتبها وبالاحرى ينخصم منها .

5. الريال يقدر يحصل من راتب الشؤون .

6.البنت ما تقدر لان زوجها اجنبي .

7. الريال اصلا زوجتة اجنبية بس عيالة عندهم جوازات وبكل فخر واعتزاز جواز بلادي الحبيبة الامارات.

8. البنت مواطنة بس مسكينة عيالها وافدين...

والخ والخ والخ ............................................................ .................

اختي بالنسبة للمواطنين الي متزوجين وافدات وعينهم زايغة فهذة بروحة يبالها صفحات وصفحات ما

راح انخلص منها وان شاء بتناقش وياج فيها بالمستقبل القريب...

اختي بالنسبة للدولة وجزاها الله الف الف الف خير يوم منعت الزواج من اجنبيات ترى منعتة من الطرفين

يعني علينا وعليكم ودولتنا تعتبر نفس امنا الغالية فالام يوم تحس ان ولدها مقدم على خطر اكيد راح

تخاف علية وتمنعة وتوقفة وهم نفس الشي دولتنا يوم امنعت حست ان في خطر علينا ومش مسالة

حلال وحرام وعلى فكرة مصر الشقيقة وتعداد سكانها ما يقارب 80 مليون عملت نفس الشي ومنعت

بناتها من الزواج من اجنبي الا في حالات معدودة ...

ودولتنا ما تطالع لباشر او بعدة دولتنا تطالع لمئة سنه جدام ....

اختي ترى السموحة انا قاعد اكتب وربعي ينتظروني والمشكلة اني لازم اكون فاضي 100% وان شاء الله يوم بكون فاضي راح اكمل الموضوع ....






وللحديث بقية.....

[الساهـــــر]

عزيزتي اميرة الورد ااذا بنت البلاد مو مقصره في حقه ليش يبهدلها بزوجه ثانيه؟؟!!!

ولكن اذا اتحتم الامر خله يتزوج بنت البلاد ما عندنا مشكله وتكون محترمه مش بنت شوارع واييبها على راس حرمته المسكينه..يعني لو احسن عنها مب مشكله...

لكن المشكله شبابنا تفكيرهم جنسي بحت يدورون اللي تشبع رغباتهم ولو في الحرام بعد..يعني حرمته اللي تعرف ربها ما راح ترضى تسوي اشيا بالحرام ولكن اللي ماتعرف شي عن الاسلام غير اسمه بتسوي كل شي يطلبه بدون ذكر جنسيات عربيه او حتى اجنبيه..ولا تقولون تفكيري غبي لانه هذا هو الواقع واسالوا اللي حولينكم بتنصدمون من الواقع..



السلام عليكم ورحمة الله وبركاته






أختي محد فينا اختار انه يكون رجل أو أمراة وانما هو تقدير وقضاء العلي القدير






فوهب للرجال جسدا قوي يقوى منه على كسب رزقه وتحمل مشقات العمل وغيرها من الامور






ووهب للمرأة جسد رقيق لا يقوى على الاعمال الشاقة وانما على توفير الرعاية والحنان والعاطفة






وبما انا أمنا بالاسلام دينا فعلينا الالتزام بشرائعه من فروض وسنن واحكام






فلا يجوز التشكيك بأن ما شرع الله هو تشريع خاطىء أو ناقص والعياذ بالله






فكما رخص للنساء عدم الصيام والصلاة بفترات الحيض والحمل وغيرها من الامور






رخص أيضا للرجال القوامة والتعدد وأمور اخرى .








أختى نعترف بأن كل النساء يغارون ولا يحبون فكرة التعدد






( لكن هذا ليس معناه تحريم أو رفض ما أحل الله )






أختى بيد كل إمراة لا ترغب بالتعدد بأن تلجأ الى القضاء وتنفصل عن زوجها (مع العلم بأنه أبغض الحلال عند الله )






أختي






اذا كنتي مطلقة أو عانس أو أرمله هل ستعيشين الدهر كله بدون رجل بسبب التعدد!








فأختاري أختي بين هذا وذاك






أما عن ما قلتيه عن الاجنبيات :




مواطن ولا موطنه / أجنبيه ولا أجنبي



بكل مكان موجود الصالح والطالح ولا نزكي أحد









أيجابيات التعدد :






1.الإقتداء برسول الله صلى الله عليه وسلم .
2.نظام تعدد الزوجات يُعد علاجاً لكثرة عدد النساء على الرجال.
3.التعدد يعصم الرجال الذين منحهم الله طاقة جنسية من الحرام.
4.التعدد حل لمشكلة زواج من العوانس والأرامل والمطلقات.
5.يقوي التعدد الحياة الزوجية وذلك في حالة عقم الزوجة أو إصابتها بمرض أو بلوغها سن اليأس، فيُبقيها الزوج في عصمته ويتزوج بأُخرى إن أراد.
6.في التعدد صيانة لكرامة المرأة، فوجودها زوجة ثانية أو ثالثة أفضل من البقاء بدون زواج.






سلبيات التعدد :






1.عدم عدل بعض الرجال بين نسائهم وأولادهم (الذي اساء لسمعة التعدد)






2.المشاكل الاسرية ( التي تكون في الغالب من صنع الزوجات بسبب غيرتهم ).






في النهاية أشكر أخي بن آل علي رغبته في تلخيص الموضوع ولنرى اذا كانت الاخت وينه حنانك لديها سلبيات أخرى


هذا والله أعلم والسموحة اذا طولت عليكم

[al3amri55]

بسم الله الرحمن الرحيم

اختي (( وينه حنانك )) السلام عليكم ورحمة الله وبركاتة :

اختي تكملة لما قبل , فانت تطرقت لموضوع الشباب وتمعنهم في التلفاز للهابطات والساقطات من من النسوة في البرامج والاغاني ,,هنا انا لست خبير او مصلح اسري او اجتماعي ولكن اعتقد اذا حرمة البيت صبت اهتمامها واشتغلت على تزيين نفسها لزوجها فقط في خلال 24 ساعة فصدقيني ان الزوج راح يصرف النظر عن خارج البيت وداخل البيت يعني مش راح يطالع التلفاز ...

مثلا اذا الحرمة طالعة عرس حد من جماعتها او اهلها تلاقينها من صباح الله خير عند الصالون ولكن اذا ريلها راجع من الدوام تلاقينها في سابع نومة ومالها خص .

اذا الحرمة تشتغل تلاقينها من الصبح تستشور وتتميكيج وتسوي كل انواع المكياجات لانها طالعة للشغل وشوفيها شو تسوي اذا ريلها راجع من الدوام...

واذا الحرمة طالعة السوق وهني الادها والامر شو راح تسوي ونفس الشي اذا ريلها راجع من الخارج شو راح تسوي...

لبس البيت عادي بدون ميكب وعادي يمكن ريحة المطبخ فايحة بدل كريستيون دييور او شانيل ...

وطبعا هذا الكلام مج حق كل الحريم لا والله البعض منهم وانا قلت (( البعض ))...

وانا ادري انك راح تتعللين في مشاغل البيت الي تشغل الحرمة عن زوجها مثل العيال والطبخ والتنظيف

بس هذة مج سبب مقنع..

اهني لازم الريال راح يطالع التلفاز وراح يطالع في الخارج بس طبعا واكيد مليون في المية هذا مج سبب

مقنع للريال انة يطالع برع وانا مع ضد هذة الاشكال من الرياييل واحتقرهم وايد...

وطبعا اكبر عيب واكبر غلطة من الطرفين سواء الحرمة او الريال انهم يتغزلون سواء في الممثل او الممثلة لان هذا الشي اعتبرة قلة ادب واحترام للشخص الاخر ...

مهما كانت هناك مشاحنات او مشاجرات بين الزوجين فمستحيل ان توصل لهذة المواصيل ...

اما بالنسبة لضرب الزوجة او على قولتج يعطيها كف فأنا اقولج وامام جميع الاعضاء الاعزاء ان الريال الي يمد ايدة على زوجتة فهذا ليس (( برجل )) ....


وللحديث بقية وبقية بعد....................

[Time_Racer]

السلام عليكم ورحمة الله وبركاته

أختي الكريمة وينه حنانك

أنا شاكر لكل تفاعلك لهكذا موضوع يناقش بجد في الساحة العامة وليس مجرد نسخ ولصق ، فهو يدل على مدى وعي كاتبه ومناقشيه

أما عن وضعي للرابط السابق فليس قصدي هو عدم التكرار فهو ليس ممنوع في هذا المجلس ، ولكن لكي لا ننسى حقوق من سبقونا في ذكره ، كما أن أفكاره قد نستفيد منها هنا

أما بشأن هذا الموضوع، فإني أرى أغلب من يعارض التعدد هم جنس النساء بسبب التعرض المباشر لهن في ما يملكن وهو شريك حياتهن وإعلان حقوقه الشرعية

ولي أعتراض على طريقة أخي الساهر بإدخاله الفتوى الشرعية مباشرة دون التمهيد لها، فمما أرى أن الجميع يتفق أنه حق شرعي للرجل ، إلا أن المرأة تغار وهي تعترض استجابة لمشاعرها الفياضة

أما عن التعدد ذاته فلي بعض الأسئلة التي أطرحها على المرأة الغيورة على زوجها من غيرها من النساء:

1- هل تظنين أن مشاعر الرجل كمشاعر المرأة؟

2- المرأة تعطي كل مشاعرها للرجل ولكن الرجل بذات الوقت لديه ميول بمشاعره لامرأة أخرى ، بل يستطيع من الناحية العقلية إدارة أكثر من بيت ، فلم جعل الله هكذا غريزة أو فطرة في الرجل؟!

3- قبل الاسلام كان الرجل يتزوج عشرات بل مئات النساء -من العرب- ثم قلصها الله سبحانه وتعالى إلى اربع، بل ومنع نبيه صلى الله عليه وسلم من الزواج بعد التاسعة من زوجاته ، ولكن أحل لهم ما أرادوا من الجواري، فإن كان سبحانه وتعالى عليم بوجوب الاكتفاء بواحدة مثل الديانة المسيحية -المحرفة- فلم لم يفرض ذلك علينا درءا لهكذا مفاسد؟!!!

4- ألا تتفقون معي أن هناك حملة إعلامية ضد التعدد، وهو يؤثر على عقول نسائنا بشأن أن التعدد معناه أن الرجل لا يريد الأولى؟؟؟، وإلا فلم التعدد سهل في السعودية أو اليمن، وباكستان وأفغانستان وليس في الإمارات ومصر؟

5- هل معنى أن الرجل تزوج أكثر من واحدة فإنه لا يحب الأولى؟!! فإن كان لا يحبها لم لم يطلقها ويسهل عليه حياته، بدل من التعب؟

6- لم يأتي ببالكن يامعشر النسوة أن من يتزوج الثانية فإن الأولى مقصرة؟؟؟ من قال ذلك؟ فلو هي مقصرة فالأولى تطليقها للتخلص من مشاكلها لا أن يتزوج عليها؟ بل على العكس فإن إبقاءه لها وتزوجه من الثانية فهذا معناه أنه يحبها لذا أبقاها؟؟؟

7- قد أشترط الله سبحانه وتعالى للتعدد العدل ، وأقول من لم يعدل مع واحدة فليس له الحق في الثانية، أي من لا يقوم بحقوق الزوجة الواحدة لا يجب التزويج بالثانية، أليس ذلك الشرط الرباني هو الواجب تطبيقه لا أن المرأة عقيم أم لا؟!!

8- مسألة الزواج من أجنبيات أو مسألة زواج المواطنات من غير المواطن و مسألة العنوسة في الامارات، كل له حسناته وسيئاته، إلا أن التعدد حل لهذه المشاكل ، وهو أمر لا جدال فيه، ولا داعي للتطرق للشاذ أو القليل من الحالات النادرة وجعلها حالة عامة ، فالحالة العامة هنا هي هذه المشكلات الثلاثة ، بل وأيضا مشكلة التركيبة السكانية ستحل تبعا لذلك!!!

9- أمهاتنا أو جداتنا ، قد رضين بالتعدد سابقا فهل تدمرت حياتهن جميعا ، بل لم هن رضين بها وبنات جيلنا المتعلم يقاومه ، أليس من تعلم يستنير قلبه وعقله أكثر لجعل المجتمع أفضل، أفليس من الأفضل التعدد في وطننا لا خارجه؟!

10- موضة هذا الجيل هو اتباع الطريقة الأمريكية على غرار أفلامهم ومسلسلاته، فهل الطريقة الأجنبية بخيانة الزوجة مع أكثر من بنت هي الحل ؟ أم الزواج الشرعي؟

11- هل سبب ارتباط الزوج بزوجته فقط الجنس؟!!! فإن كان ذلك السبب للتعدد فهذا معناه أنه تزوج الأولى لسبب الجنس وليس للاستقرار والحب وتكوين أسرة ؟ فهل التعدد معناه أن السبب هو الجنس؟؟ أم أنه ذات السبب في الزواج من الأولى؟

وأخيرا أحب أن أقول أن حكم المرأة على الرجل من منظورها ليس صحيحا وحكم الرجل على المرأة من منظوره غير صحيح، والسبب هو هذه الآية الكريمة:
"
فَلَمَّا وَضَعَتْهَا قَالَتْ رَبِّ إِنِّي وَضَعْتُهَا أُنْثَى وَاللَّهُ أَعْلَمُ بِمَا وَضَعَتْ وَلَيْسَ الذَّكَرُ كَالأُنْثَى وَإِنِّي سَمَّيْتُهَا مَرْيَمَ وَإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ (:::::::::::ShowAyah('arb','3','36'))" آل عمران 36

فليس لأحد من الجنسين التعدي على حقوق الجنس الآخر فهو ظلم ، فالخالق أعطى حقوق وواجبات لكلا الجنسين مختلفة عن الآخر والسبب أنه هو من خلقهم وهو أعلم بهم من ذاتهم بأنفسهم

[*مسك الإمارات*]

شو ماتكون فالزوجة ما اايد زواج الثانية إلا بعد الوفاة وتسلمون

[ليدي الحبسيC]

مشكوورة جبيبتي لفتحج المووضووع بس في ها العصر الزواج استووي لعباان
تعال اتزوج اليوم الثاني طلق ؟ ليش شو الساالفة واذا الحرمة فيها شيء قووولها كذا مرة عشان تفهم
تراءها انسانة واتحس يمكن لواحد في طبع بس تقدر تغيرة
علي فكرة مب تراء الغلطة علي الريال حتي الحريم بس لو الواحد يصبر لثاااني زين
والله يعين

[وينه حنانك]

السلام عليكم ورحمة الله وبركاته جميعا ..اولا اعتذر منكم لاني تاخرت بالرد عليكم والله ما كنت موجوده في البلاد..سافرت المانيا مع خالتي للعلاج..ان شاء الله برد عليكم كلكم الحين والسموحه مره ثانيه

[وينه حنانك]

اخوي العزيز بن آل علي شاكره لك مرورك الكريم..وان شاء الله ما يصير خاطرك الا طيب بحاول الخص الموضوع بنقاط بعد ما ننتهي من النقاش عشان الكل يستفيد منه..صح اني اشوف انه صعب :) بس بحاول :)

[وينه حنانك]

بسم الله الرحمن الرحيم



اختي (( وينه حنانك )) السلام عليكم ورحمة الله وبركاتة ::


اختي انا اتوقع ان70% من البنات يحبون سالفة المهور العالية جدا وذلك لسببين :


1. علشان يتفاخرون امام صديقاتهم بان عرسها كلف المهر الفلاني وكانت في الصالة الفلانية وقيمة الفستان غالي ولم يكن مستأجر من محل والخ......


2. لكي يكسروا ظهر المعرس ولا يدعون له مجالا ويغرقونة في الديون لكي لايفكر في الثانية..



اختي على طاري الي توه يبى يتزوج انت قلتي خلة يمد ريلة على قد لحافة انا معاج في هذة النقطة


بس وييييييييييييييييييييييييييييييييييييييين مثلا انا الحين سمعت ان بنت جارتنا تزوجت بالمبلغ الفلاني


(((200))) الف وانا عندي هم نفس الشي بنات فهني انا راح اقول مستحيل انا ازوج بناتي اقل من


جاري لازم اطلب يا نفسهم او اكثر ومن هذا المنطلق زادت المهور بشكل خيالي رغم ان ابونا المغفور


له ان شاء الله ((الشيخ زايد بن سلطان ال نهيان )) رحمة الله حدد المهر بــ20 الف مقدم و 30 الف


مؤخر ولكن لا حياة لمن تنادي ...


والحين تقريبا صارت المهور نفس بعض مع القليل من الفروقات ,,, يعني بالفصيح الواحد مايقدر يمد ريولة


على قد لحافة...


اههههااااااااااااا الحين جينا الى لب الموضوع ::


الحين الريال الي يتزوج من وافدة قارنتية بنفس الحرمة الي تتزوج من اجنبي كيف وليش؟؟؟؟؟؟؟؟


بعطيج القليل من المفارقات بين الطرفين :


1. الريال يقدر يحصل على مشروع زايد للاسكان وهو متزوج من اجنبية .


2.البنت الي متزوجة من اجنبي ماتحصل .


3. الريال اذا تزوج من اجنبية يزيد راتبة .


4. البنت يا يتم راتبها وبالاحرى ينخصم منها .


5. الريال يقدر يحصل من راتب الشؤون .


6.البنت ما تقدر لان زوجها اجنبي .


7. الريال اصلا زوجتة اجنبية بس عيالة عندهم جوازات وبكل فخر واعتزاز جواز بلادي الحبيبة الامارات.


8. البنت مواطنة بس مسكينة عيالها وافدين...


والخ والخ والخ ............................................................ .................


اختي بالنسبة للمواطنين الي متزوجين وافدات وعينهم زايغة فهذة بروحة يبالها صفحات وصفحات ما


راح انخلص منها وان شاء بتناقش وياج فيها بالمستقبل القريب...


اختي بالنسبة للدولة وجزاها الله الف الف الف خير يوم منعت الزواج من اجنبيات ترى منعتة من الطرفين


يعني علينا وعليكم ودولتنا تعتبر نفس امنا الغالية فالام يوم تحس ان ولدها مقدم على خطر اكيد راح


تخاف علية وتمنعة وتوقفة وهم نفس الشي دولتنا يوم امنعت حست ان في خطر علينا ومش مسالة


حلال وحرام وعلى فكرة مصر الشقيقة وتعداد سكانها ما يقارب 80 مليون عملت نفس الشي ومنعت


بناتها من الزواج من اجنبي الا في حالات معدودة ...


ودولتنا ما تطالع لباشر او بعدة دولتنا تطالع لمئة سنه جدام ....


اختي ترى السموحة انا قاعد اكتب وربعي ينتظروني والمشكلة اني لازم اكون فاضي 100% وان شاء الله يوم بكون فاضي راح اكمل الموضوع ....

وللحديث بقية.....


اخوي العامري..بصراحه اشوف النسبه اللي انت ذكرتها شوي عاليه :) لانه اذا اعتمدنا عليها بكون انا وربيعاتي واللي اعرفهم ما نكفي الي 30% من اللي يرضون بالمهر...
وعن الاسباب اللي ذكرتها :
1) اللي تحب تتخقق هي بنت ما عندها سالفه ...البنت الزينه الرزينه ما عندها هالسوالف..مو تيجي تتزوج وحده من هاللي نشوفهم في المراكز تبع ام راسين والبلاك بيري والعبايه المفتوحه وتتوقع انها ترضى تسوي لها عرس في خيمه..طبعا هاي خقاقه وعندها هير فريندز خقاقين شراتها وماديين وما يعرفون شي عن العرس ولا عن المسؤوليه بعد...البنت الرزينه ما تعطي هالاشيا اي اهمية


2) هذا تفكير سطحي وغبي بعد يعني البنات اللي يفكرون جي انا اقول لو انهم ينتحرون احسن لهم..هالايام الريال ما يوده شي..والبيزات ابدا مش عائق..البنوك ما تقول لا...مسالة كمن يوم وينزل المبلغ اللي يبيه في حسابه...اعتقد هالشي كان موجود قبل..واذا تبي الصراحه عمري 24 وفي حياتي ما قابلت وحده تفكر جي انه بتكسر ظهره بالعرس عشان ما يتزوج عليها :)...جد شي يضحك..


وعلى طاري بنت جيرانكم اخوي مو اي شي سمعته تصدقه يمكن هال 200 يشملون كل شي مثل ما قلت لك عندنا...وساعات العروس بعد تزيد عليهم...مو عشان جارك طلب هالكثر انت تسير تسوي شراته احنا مو في مزايده وبناتنا مش سلع...اذا فلان طلب هالسعر بنطلب مثله او ازيد عنه...عرفت الحين ليش زادت المهور...لانه كل واحد فينا ما يشوف حاله ولا حال اللي بيرتبط فيه...بس همنا الناس..ونقلدهم...خذوا 100 ناخذ 150 حتى لو ما كنا محتاجين هالمبلغ...الانسان لازم يغير من نفسه وحاله..احس صرنا ناكل بعض واحنا مو حاسين :(

اخوي المهر اللي حدده الشيخ زايد الله يرحمه موجود للحين وعنا نحن هذا هو المهر لا اكثر ولا اقل..حتى ال 30 الف اعتقد ولا وحده من اللي عرسوا استلمته للحين يبلي اسالهم :) خخخخخ واسوي فتنه....وفي حياه لمن تنادى انت بس نادي وبييك الرد ان شاء الله

واخوي على طاري الزواج من اجنبي...قلت الاسلام حلل هالشي ولكن الدوله ضده...يعني المفارقات اللي ذكرتها مش نتايج شفتها من زواج المواطنه باجنبي..يعني هالاشيا عباره عن قوانين انحطت ويصير تتغير...مو مشاكل مالها حل...فهمت شو اقصد؟؟؟؟؟
1) المواطنه بعد تحصل..اللي اعرفه انه في وحده متزوجه عماني وحصلت بيت اسمها..
2) عن الراتب الريال اذا تزوج سواء مواطنه او وافده يزيد راتبه...وعن طاري الحرمه...انا مش متخصصه في هالامور بس ع حد علمي في علاوه تنزل يشوفون منو اللي معاشه اكثر اعتقد وينزلون عليه العلاوه وفي اشيا تنقص...يعني ما يخصه في الزواج من اجنبي او مواطن ...في علاوه وفي خصم في الراتب ...

2)كيف يحصل من راتب الشؤون على اي اساس؟؟اللي يحصلون شؤوون فئات مختلفه..اقصد الارامل مثلا بس ع حد علمي الريال اللي يتزوج اجنبيه شو يخصه في الشؤون؟


3) سالفة الجواز اللي تكسر الظهر...يعني الوافده بعد 3 سنوات تصير مواطنه؟ليش ما يعطون ابناء المواطنه هالحق مثلا ليش ما يصير يختار بين جواز ابوه او جواز امه بعد 3 سنوات..امريكا اللي ينولد فيها يحصل الجنسيه ع طول..ليش هالتفريق ماعرف..


اخوي ليش يعني المواطن يوم يتزوج اجنبيه وتصير عيونه زايغه الكل ينتقده ويقول انه مو طبيعي..ويوم انه يتزوج مواطنه وتكون عيونه زايغه يقولون عنه طبيعي وهذا حقه وهو ريال....هل تعتقدون الاجنبيه كامله استغفر الله...؟!!!!!!! اشمعنه الاجنبيه هي اللي في نظر المواطن الجنه على الارض..ليش حاطين في بالكم هالفكره...تقهرون..


ونشكر الدوله على جهودها ..ما منعته عليكم...وين اعتقد بس اللي يشتغلون في الجيش..اما الباقي عادي..وحتى لو ممنوع اتيبون بس ورقه والموضوع يمشي...

مب مشكله خذ راحتك وبانتظار عودتك

[al3amri55]

بسم الله الرحمن الرحيم


اختي (( وينه حنانك )) السلام عليكم ورحمة الله وبركاتة :

اختي طال الانتظار وبغينا ردج على المواضيع الي الاخوان ما قصروا وردو عليها بس بغينا تعليقج عليها

علشان نكمل الموضوع للاخر ودمتي بحفظ الرحمن ...

[وينه حنانك]

السلام عليكم ورحمة الله وبركاته




أختي محد فينا اختار انه يكون رجل أو أمراة وانما هو تقدير وقضاء العلي القدير



فوهب للرجال جسدا قوي يقوى منه على كسب رزقه وتحمل مشقات العمل وغيرها من الامور






ووهب للمرأة جسد رقيق لا يقوى على الاعمال الشاقة وانما على توفير الرعاية والحنان والعاطفة






وبما انا أمنا بالاسلام دينا فعلينا الالتزام بشرائعه من فروض وسنن واحكام






فلا يجوز التشكيك بأن ما شرع الله هو تشريع خاطىء أو ناقص والعياذ بالله






فكما رخص للنساء عدم الصيام والصلاة بفترات الحيض والحمل وغيرها من الامور






رخص أيضا للرجال القوامة والتعدد وأمور اخرى .








أختى نعترف بأن كل النساء يغارون ولا يحبون فكرة التعدد






( لكن هذا ليس معناه تحريم أو رفض ما أحل الله )






أختى بيد كل إمراة لا ترغب بالتعدد بأن تلجأ الى القضاء وتنفصل عن زوجها (مع العلم بأنه أبغض الحلال عند الله )






أختي






اذا كنتي مطلقة أو عانس أو أرمله هل ستعيشين الدهر كله بدون رجل بسبب التعدد!








فأختاري أختي بين هذا وذاك






أما عن ما قلتيه عن الاجنبيات :





مواطن ولا موطنه / أجنبيه ولا أجنبي



بكل مكان موجود الصالح والطالح ولا نزكي أحد









أيجابيات التعدد :






1.الإقتداء برسول الله صلى الله عليه وسلم .


2.نظام تعدد الزوجات يُعد علاجاً لكثرة عدد النساء على الرجال.


3.التعدد يعصم الرجال الذين منحهم الله طاقة جنسية من الحرام.


4.التعدد حل لمشكلة زواج من العوانس والأرامل والمطلقات.


5.يقوي التعدد الحياة الزوجية وذلك في حالة عقم الزوجة أو إصابتها بمرض أو بلوغها سن اليأس، فيُبقيها الزوج في عصمته ويتزوج بأُخرى إن أراد.


6.في التعدد صيانة لكرامة المرأة، فوجودها زوجة ثانية أو ثالثة أفضل من البقاء بدون زواج.






سلبيات التعدد :






1.عدم عدل بعض الرجال بين نسائهم وأولادهم (الذي اساء لسمعة التعدد)






2.المشاكل الاسرية ( التي تكون في الغالب من صنع الزوجات بسبب غيرتهم ).






في النهاية أشكر أخي بن آل علي رغبته في تلخيص الموضوع ولنرى اذا كانت الاخت وينه حنانك لديها سلبيات أخرى





هذا والله أعلم والسموحة اذا طولت عليكم


وعليكم السلام ورحمة الله وبركاته..اخوي الساهر انا مو زعلانه لاني امراه بل العكس ..والله افتخر لاني امراه والحمدلله لكوني امراه:) ..

ولكني ضد اللي قلته انه المراه جسدها ما يتحمل المشقه؟؟؟؟لو تصير انه امراه ليوم واحد ما راح تتحمل...اعرف تكوين الرجل اقوى عن المراه بس ما يعني هذا انه هو اقوى عنها...وعلى الرغم من رقتها فهي تتحمل اكثر عن الريال وقلبها اكبر عنه.بس احنا مو بصدد هالموضوع :) لانه لو تكلمت عن هالشي ما بنخلص :)

اخوي الساهر انا ما حرمت هالشي...ولا قلت اجتلوا اي ريال يعدد ...الله حلل التعدد وبنفس الوقت حلل الطلاق بعد...انا عن نفسي ما اتحمل هالشي.كل انسان وله حد..ريلي يبي يتزوج غيري ما امنعه ولكن بطلب من الطلاق...هذا حلال وحقي بعد :)...تبيني اعيش وياه وما اعطيه حقه واحصل اثم؟؟؟ولا التسريح باحسان ...

مافي انسان يشكك في شرع الله سبحانه وتعالى..محد منا يتجرا يسوي هالشي...ولكن احنا بصدد مناقشة اللي يسويه الانسان في الانسان..شرع الله ولكن الانسان شو يسوي في هالشرع وكيف ينفذه هاللي لازم نناقشه يا اخوي العزيز...

واشكرك جزيل الشكر على النقاط اللي ذكرتها وان شاء الله بحاول ازيد عليهم :) اذا حصلت شي زياده....

[وينه حنانك]

بسم الله الرحمن الرحيم


اختي (( وينه حنانك )) السلام عليكم ورحمة الله وبركاتة :


اختي تكملة لما قبل , فانت تطرقت لموضوع الشباب وتمعنهم في التلفاز للهابطات والساقطات من من النسوة في البرامج والاغاني ,,هنا انا لست خبير او مصلح اسري او اجتماعي ولكن اعتقد اذا حرمة البيت صبت اهتمامها واشتغلت على تزيين نفسها لزوجها فقط في خلال 24 ساعة فصدقيني ان الزوج راح يصرف النظر عن خارج البيت وداخل البيت يعني مش راح يطالع التلفاز ...


مثلا اذا الحرمة طالعة عرس حد من جماعتها او اهلها تلاقينها من صباح الله خير عند الصالون ولكن اذا ريلها راجع من الدوام تلاقينها في سابع نومة ومالها خص .


اذا الحرمة تشتغل تلاقينها من الصبح تستشور وتتميكيج وتسوي كل انواع المكياجات لانها طالعة للشغل وشوفيها شو تسوي اذا ريلها راجع من الدوام...


واذا الحرمة طالعة السوق وهني الادها والامر شو راح تسوي ونفس الشي اذا ريلها راجع من الخارج شو راح تسوي...


لبس البيت عادي بدون ميكب وعادي يمكن ريحة المطبخ فايحة بدل كريستيون دييور او شانيل ...


وطبعا هذا الكلام مج حق كل الحريم لا والله البعض منهم وانا قلت (( البعض ))...


وانا ادري انك راح تتعللين في مشاغل البيت الي تشغل الحرمة عن زوجها مثل العيال والطبخ والتنظيف


بس هذة مج سبب مقنع..


اهني لازم الريال راح يطالع التلفاز وراح يطالع في الخارج بس طبعا واكيد مليون في المية هذا مج سبب


مقنع للريال انة يطالع برع وانا مع ضد هذة الاشكال من الرياييل واحتقرهم وايد...


وطبعا اكبر عيب واكبر غلطة من الطرفين سواء الحرمة او الريال انهم يتغزلون سواء في الممثل او الممثلة لان هذا الشي اعتبرة قلة ادب واحترام للشخص الاخر ...


مهما كانت هناك مشاحنات او مشاجرات بين الزوجين فمستحيل ان توصل لهذة المواصيل ...


اما بالنسبة لضرب الزوجة او على قولتج يعطيها كف فأنا اقولج وامام جميع الاعضاء الاعزاء ان الريال الي يمد ايدة على زوجتة فهذا ليس (( برجل )) ....




وللحديث بقية وبقية بعد....................

اخوي العامري اسمح عاد اقولك الحرمه اللي تسوي جي تستاهل انك تطلقها مو تتزوج عليها بس اللي تطلع زينتها لغير ريلها وتحرمه من هالاشيا..هاي البنت ما تكون متربيه عدل....اقصد اللي دايما تسوي جي وما تتعدل نهائيا لزوجها..
ولكن الحرمه اللي من فتره لفتره تتعدل لزوجها وتحاول تغير من شكلها مو تسوي عمليات تجميل طبعا..اقصد بقصات شعر او صبغ وغيره....هاي انا احترمها واقول الله يزيد من امثالها..

انت تبي الحرمه 24 ساعه تكون متعدله حرام ما يصير..يعني الرحمه ...وياك حق انه لازم ما تكون ريحتها بصل وانت ياي من الدوام مثلا وريحتك مو احسن عن ريحتها...

بس تعرف انه في رياييل يمنعون حريمهم يسوون اشيا معينه في الصالون...على قولتهم حراااااام....شو الحرام انا ما اعرفه...ولا يوم يتفلسف ويقولها لا تقصين شعرج..ولا تسوين ولا تتفنين...احب الريال اللي ما يتدخل ينزل حرمته الصالون ويخليها تسوي اللي تباه في عمرها طبعا بحدود...ما اقصد تسوي شي حرام...ولكن اشيا معقوله وما ابي اشرح اكثر عن جي....يعني لا تتدخلون وتمنعونهم وبعدها تقولون ما يتعدلون وما يسوون وما عرف شو...

تقولون الحرمه ما تتعدل حق ريلها,,شو عن الريال,,,اللي ما يحلق الا اذا عنده مناسبه او اجتماع او اذا بيطلع مع ربعه ,,وفي البيت لابس كندوره ومو متسبح ولحيته تلوع بالجبد....يعني ما اقول الريال لازم يسوي شرات الحرمه بس بعد في رياييل يلوعون بالجبد...ليش ما يتعطر ويتحلق ويلبس شي مثل الاوادم مو جلابية حمدي وقصيره ولونها طاير بعد من الغسيل...

زين يوم انك تحتقر هالفئه لانهم جدا يستاهلون انه الواحد يستحقرهم...المشكله انهم ما يشوفون عمارهم

[وينه حنانك]

اخوي العزيزTime_Racer اشكر لك مرورك الكريم:) وكلامك اللي اعتز فيه بصراحه..
وتعقيبا على كلامك :-

- هل تظنين أن مشاعر الرجل كمشاعر المرأة؟...
لا طبعا مشاعر الرجل مستحيل تصير مثل المراه...الحرمه وايد عاطفيه ويكفي انه الله خلقها من ضلع اعوج يعني هي وايد حساسه وحياتها تعيشها لريلها وعايلتها وما تفكر في نفسها او في مصلحتها...

2- المرأة تعطي كل مشاعرها للرجل ولكن الرجل بذات الوقت لديه ميول بمشاعره لامرأة أخرى ، بل يستطيع من الناحية العقلية إدارة أكثر من بيت ، فلم جعل الله هكذا غريزة أو فطرة في الرجل؟!المراه يوم تتزوج تكرس عمرها مثل ما ذكرت قبل وما تفكر الا في راحة ريلها وكيف تسعده في المقابل الريال عينه وعقله عاللي برع...الحرمه ما تقارن ريلها بالرياييل اللي في الشارع ولا تشوف اجسامهم ولا حتى اشكالهم ولا حتى كيف يمشون ولا حتى كيف يتصرفون..في المقابل الريال يوم يكون ويا حرمته عقله في كل مكان...!!!!!!!! الله عطاه القدره يستفيد منها في اشيا لصالحه من انه يطالع فلانه وعلانه ويتزوج على مرته..المفروض ادارته تكون لبيته ويعدل من اموره مش يزيد الطين بله.
3- قبل الاسلام كان الرجل يتزوج عشرات بل مئات النساء -من العرب- ثم قلصها الله سبحانه وتعالى إلى اربع، بل ومنع نبيه صلى الله عليه وسلم من الزواج بعد التاسعة من زوجاته ، ولكن أحل لهم ما أرادوا من الجواري، فإن كان سبحانه وتعالى عليم بوجوب الاكتفاء بواحدة مثل الديانة المسيحية -المحرفة- فلم لم يفرض ذلك علينا درءا لهكذا مفاسد؟!!!
الاسلام كرم المراه وعطاها مكانه في المجتمع..المراه هي نصف المجتمع اللي يبني النصف الآخر..ما يحتاي اتكلم عن مكانة المراه...وصحيح انه الله سبحانه وتعالى قلص الرقم الى 4 وما منع التعدد نهائيا لاسباب منها : 1) اذا الحرمه ما اتيب عيال .2) اذا الحرمه ما تعطيه حقه الشرعي 3) اذا الريال له طاقات جنسيه وحرمته ما تكفيه.وغيره..مو عشان يتزوج كل ما حلت له هالسالفه وينسى شي اسمه العشره والعدل امبينهم...ولكن الرياييل عندنا عندهم الزواج الثاني مصخره وبمجرد انه حلال خلاص يبون يسوونه واحسهم يعاندون بعد:)




4- ألا تتفقون معي أن هناك حملة إعلامية ضد التعدد، وهو يؤثر على عقول نسائنا بشأن أن التعدد معناه أن الرجل لا يريد الأولى؟؟؟، وإلا فلم التعدد سهل في السعودية أو اليمن، وباكستان وأفغانستان وليس في الإمارات ومصر؟
لا اخوي ما اعتقد هالكلام صحيح يمكن الاعلام له تاثير في تسهيل العلاقه بين الزوجين اقصد يعني الناس يتحرون العرس حلاوه ومافي اي مسؤوليه وانهم لازم يعيشون دايما سعيدين ولكن بعد العرس ينصدمون من وايد اشيا ويطيحون في مشاكل ما يلقون لها حل وهذا يؤدي الى الطلاق او التعدد...ما اعتقد انه التعدد سهل في اي مكان في العالم الحريم نفسهم وتفكيرهم نفسه ما يتغير اخوي...اغلب الحريم تفكيرهم مثلي :) وللاسف

5- هل معنى أن الرجل تزوج أكثر من واحدة فإنه لا يحب الأولى؟!! فإن كان لا يحبها لم لم يطلقها ويسهل عليه حياته، بدل من التعب؟
يمكن ليش لا...اعطيك مثال ..تزوج بنت عمه لانه المفروض انه يتزوجها ولكن ما يحبها وبعد فتره تزوج عليها بس ما يقدر يطلقها ..هل يعني انه ما يحبها؟؟!! هي ما يحبها بالرغم انه ياب منها عيال بس تظل المشاعر نفسها..ما كان باختياره يتزوجها فكيف بيقدر يطلقها..وغيره من الامثله..ساعات العشره ما تهون عليه وما يبي يظلمها يعززها ويكرمها بس بيتزوج عليها..

6- لم يأتي ببالكن يامعشر النسوة أن من يتزوج الثانية فإن الأولى مقصرة؟؟؟ من قال ذلك؟ فلو هي مقصرة فالأولى تطليقها للتخلص من مشاكلها لا أن يتزوج عليها؟ بل على العكس فإن إبقاءه لها وتزوجه من الثانية فهذا معناه أنه يحبها لذا أبقاها؟؟؟
واللي يحب انسانه ليش يتزوج غيرها..بصراحه ما افهم هالشي ابدا...يعني واحد يحب وحده اشكثر ويتزوجها واخر شي يتزوج عليها شو هالحب؟؟!! اكيد تمزحون معي؟مقصره وعنده عيال منها ما يطلقها يخليها مربيه لعياله يصرف عليها...الزوجه الثانيه عشان يعيش شبابه وياها :) بسيطه والحياه حلوة وسهله..عندي وايد امثله من هالشي حريمهم مقصرين معاهم يتزوجون وتطلع الثانيه العن من الاولى..المثل يقول اصبر على مينونك لا اييك اللي اجن منه ...صدقوني وحده وتكفي ...

7- قد أشترط الله سبحانه وتعالى للتعدد العدل ، وأقول من لم يعدل مع واحدة فليس له الحق في الثانية، أي من لا يقوم بحقوق الزوجة الواحدة لا يجب التزويج بالثانية، أليس ذلك الشرط الرباني هو الواجب تطبيقه لا أن المرأة عقيم أم لا؟!!
وصلنا للمهم...طبعا العدل اساس كل شي...لنفرض هو مش عادل معاها وطبعا هي تقصر في حقه..اللي ماا يعطي لا يطلب..وعقب اييه يقول انها هي مقصره في حقه ويتزوج عليها..يعني ما حل المشكله زادها سوء...يعني ليش الغلط والتقصير دايما يكون عالحرمه والريال شو ملاك ما يغلط ؟!!ما يقصر؟؟!!وايدحريم يسوون وايد اشيا حتى كلمه شكرا ما تحصل من ريلها هي صح من واجبها بس حتى في الشغل يوم تسوي شغله زينه تتريا حد يمدحك واذا مديرك ما مدحك تقول عنه مو زين وما يقدرك؟؟؟اشمعنه الحرمه ما يشكرونها على اللي تسويه او يقدرونه حتى..وسالفة العقم بعد شي ثاني...اصلا الريال ما يتريا سبب انها تكون عقيمه عشان يتزوج عليها مو مقصرين..

8- مسألة الزواج من أجنبيات أو مسألة زواج المواطنات من غير المواطن و مسألة العنوسة في الامارات، كل له حسناته وسيئاته، إلا أن التعدد حل لهذه المشاكل ، وهو أمر لا جدال فيه، ولا داعي للتطرق للشاذ أو القليل من الحالات النادرة وجعلها حالة عامة ، فالحالة العامة هنا هي هذه المشكلات الثلاثة ، بل وأيضا مشكلة التركيبة السكانية ستحل تبعا لذلك!!!
منو قال اخوي انه التعدد حل؟؟!! يمكن في حاله وحده يكون حل اذا منعوا المواطن يتزوج من اجنيه باي حاله وباي شكل من الاشكال سواء كانت 1 او 2 او 3 او 4 ....بعدها بيكون هذا هو الحل.ولكن طالما ان الريال يقدر يتزوج اي وحده فالتعدد مو حل ابدا....والتركيبه السكانيه بتعتدل يوم البنات بييبون عيال اكثر مو بس اييبون لنا 1 او 2 ويقولون بس مالنا خلق نربي....هاي مشكله ثانيه بعد..والتركيبه السكانيه بتعتدل يوم بيسفرون اللي مالهم لزمه وتارسين البلاد...4 ملايين منهم المواطنين 800الف...هالارقام تخوف والله...اعتقد الارقام صارت اقل بعد الحين اقصد نسبة المواطنين...يعني التعدد ابدا مش حل يا اخوي.....الا في الحاله اللي ذكرتها له

9- أمهاتنا أو جداتنا ، قد رضين بالتعدد سابقا فهل تدمرت حياتهن جميعا ، بل لم هن رضين بها وبنات جيلنا المتعلم يقاومه ، أليس من تعلم يستنير قلبه وعقله أكثر لجعل المجتمع أفضل، أفليس من الأفضل التعدد في وطننا لا خارجه؟!
وين ما اشوف انهم رضوا.بس حريم اول غير عن الحين كانوا يسكتوون ومافيهم لسان شرات حريم الحين :) ..مافي وحده ترضى..والغيره هاي موجوده من زمان ..من زمن الانبياء...وفي وايد امثله على هالشي..طبعا لو التعدد اكيد انه افضل يكون عندنا...بس اخوي خلنا واقعييين وما نحلم وايد...ينعدون على عالاصابع اللي متزوجين مواطنات وعقب الثانيه تكون مواطنه ..الا ياخذون سوريه او عراقيه وغيره من الجنسيات..بس تعرف اللي يبط جبدي اكثر انه يوم يتزوج وافده ما يتزوج على راسها ويتم لها وفي شرات......طول عمره...شي ينرفز يااخي...

10- موضة هذا الجيل هو اتباع الطريقة الأمريكية على غرار أفلامهم ومسلسلاته، فهل الطريقة الأجنبية بخيانة الزوجة مع أكثر من بنت هي الحل ؟ أم الزواج الشرعي؟
طبعا طبعا طبعا الزواج الشرعي..بس الريال اللي عيونه زايغه يا اخوي عن 10 حريم ما يكفونه...شوف الشبكه العنكبوتيه وشوف اشكثر رياييل معرسين طايحين في هالسوالف؟!!! متزوج وابو عيال وبعده يغازل؟؟!!وحرمته خبر خير؟؟هاي هي الموضه الحين..مو مسالة تعدد ولا لا..مو عشان حرمته ما ترضى انه يتزوج عليها...بس جي دلع و.....زايد فيهم...
11- هل سبب ارتباط الزوج بزوجته فقط الجنس؟!!! فإن كان ذلك السبب للتعدد فهذا معناه أنه تزوج الأولى لسبب الجنس وليس للاستقرار والحب وتكوين أسرة ؟ فهل التعدد معناه أن السبب هو الجنس؟؟ أم أنه ذات السبب في الزواج من الأولى؟
ما نقدر ننكر اهمية الجنس في حياة الانسان..وطبعا الانسان يوم يتزوج يفكر بالاستقرار وبعد في الجنس...كلمة الزواج مرتبطه بالجنس..ونجاح الحياه الزوجيه او فشلها يعتمد بشكل اساسي على الجنس..يعني وايد امبينهم مشاكل بسبب الجنس وحياتهم مب مستقره..ما يحتاي اذكرك بفوايد الجنس وكيف يساعد على نجاح الحياه الزوجيه...الزواج الاولي يكون طبعا للاستقرار وتكوين اسره..ولكن الريال اذا ما حصل كفايته مثلا من ناحية على الجنس على طول يدور بديل..وحتى لو كان بالحرام..واذا يقدر ع طول بيتزوج..اذا انسان مستقر ويا مرته ومستانس ليش يفكر يتزوج غيرها...ممكن تخبرني؟؟!! اللي يفكر يتزوج يكون عنده سبب محد ينولد ويقول انا بيتزوج 4......


وفي الاخير اقولك اخر كلام كتبته بصراحه عين الصح..
والسموحه اذا طولت عليك

[وينه حنانك]

عزيزتي مسك الامارات..انت عاد مول سكرتي الباب عليهم..احنا تقولهم باسباب ومو مخلصين منهم :) امزح لا تزعلون مني...ورايج على عيني وعلى راسي:)يا ريت الكل يفكر مثلج

[وينه حنانك]

حبيبتي ليدي الحبسي..كلامج عين الصح...والله المحكمه متروسه من اوراق الطلاق على اسباب تافهه ...ماعرف كيف اللي يتزوجون الحين عقلهم صغير..!!! سواء الريال او الحرمه...قلنا عندهم شهادات بيعقلون اكثر اشوفهم دمروا وتخبلوا..الله المستعان بس...تراهم ما يصبرون على بعض...مثل ما قلتي...الانسان مش معصوم من الخطا..لازم كل واحد فيهم يعامل الشخص الثاني مثل ما يحب انه يعامله..مو خذوه فغلوه والى الجحيم اصلوه..الله يستر علينه بس :) وما نكون منهم...

[محروم]

السلام عليكم ورحمة الله وبركاته




موضوعي طال النقاش فيه وما زلت احاول افهم الشباب ورغبتهم الغير مبرره في تعدد الزوجات

الله سبحانه وتعالى حلل هالشي وما ختلفنا فيه ابدا.اي شي يزيد عن حده ينقلب ضده:sm105:.مو عشان السالفه حلال خلاص كل ريال يقول انا بتزوج 2345566777775454 وخلها تولي الحرمه اذا ما تبي تروح بيت اهلها:aa_mo6reqa:؟؟لي متى تفكيركم بيكون جي محدود؟؟متزوج وحرمتك مو مقصره بحقك ولو حتى قصرت تراك انت بعد مقصر وتتغاضى عن وايد اشيا بس عشان حياتكم تستمر..ليش يوم هي تقصر تصير غلطانه ولازم تتزوج عليها:sm166:...

بتقولون الرسول صلى الله عليه وسلم عدد الزوجات ولكن شوفوا الرسول تزوج منو؟؟؟؟مافي وجه مقارنه بين اسبابكم واسباب الرسول..ما حافظين غير هاي السوره في القرآن مثنى وثلاث ورباع؟؟؟؟ترددونها في كل مره نقول الحد من تعدد الزوجات

يكفي الحرمه متحملتنك ومتحمله عيالك والعيشه معاك وغير عن ضغوطات الحياه واشيا ثانيه مابي اذكرها:aa_mo9ab: واتي انت بكل برود تتزوج عليها لا وفي بعض الاحيان بالسر بعد...ليش كل هذا؟؟؟؟


سؤالي لي متى بتمون جي وتقولون من حقكم وتحطون عالحرمه ولازم هي تتحمل كل شي وحتى اخطائكم


وعليكم السلام ورحمة الله وبركاته



اختى وينه حنانك أنتي ليش أمعصبه جيه.الموضوع مب أسود لهذه الدرجه.



خليتينا أنحس كأنك عايشه هالتجربه .أمزح معاك :sm142:

تراه مب كل الرجال يفكروا نفس ماقلتي.كنت أتمنى شويه حكمه منك في هالطرح.


والله التعدد قليل عدنا وايد وماوصلنا لدرجه أللي تكلمتى عنها


ولوسوينا نسبه وتناسب بنشوف أنه الأغلبيه العظمي من الشباب


يعرفوا أنه حلال لكن عايش مع زوجه وحده ومايفكر يعدد


أنا مب مع التعدد علشان أغيض زوجتي وقهرها وبس


لكن لكل إنسان ظروفه فيه ناس مب مرتاحين مع زوجاتهم .


ويبغى يهددها بالزوجه الثانيه للأسف بس علشان تهتم فيه.


لكن الموضوع مب بهذه الطريقه .


أنا أرفض التعدد إذا ما كان فيه أقتناع من الطرفين.


يعني حطيت الموضوع بيد الحرمه بعد ,انتى عارفه شوه بيكون رد الزوجه.


لكن أدمر حياة زوجتي بيدي. لأ .لأزم تكون راضيه وموافقه وأسباب نعرفها نحن الأثنين .برغم أني أشوف صاحب البالين كذاب وصعب تعدل..


أحسن أحافظ علي بيتي .لأنه منو يضمن زواجي الثاني بيكون ناجح؟


وتصير المشكله مشكلتين .الزواج أمر مب سهل علشان أهدد فيه بسبب وبدون سبب.أللي يسوي جيه رجل ناقص عقل.


لأزم فيه أسباب وايده علشان الرجل يفكر في هالموضوع.


مرات تكون الزوجه مب مقصره ولكن الرجل حاب يعدد وحاس أنها مب ساده رغبته زوجه وحده وفيه أسباب غيرها وغيرها وايد.وهنيه من حقك الزوجه يكون لها حرية لختيار.


ومب مجبوره تتحمل شى فوق طاقتها .صدقينى البيوت أسرار.


وبعد الرجل لازم يصبر علي زوجته لو هي تحاول ماتخسره وتحبه


ماأظن في ريال يفكر يعدد وزوجته تحبه .ألأ لوكان في تفكيره نقص.أو لحاجه في نفسه .صدقينى هالموضوع شايك وايد والكلام فيه مايخلص.


والمفروض ما نعمم ونقول مب حافظين شي غير التعدد حلال.


عتبي عليك في طرحك للموضوع بهذه الطريقه. وأتمني ماتزعلي مني وتتقبلي مروري.والسموحه منك

[وينه حنانك]

اخوي العزيز محروم..لا الحمدلله ما عشت هالتجربه والله لا يقول اعيشها واذا صار وحب يتزوج يطلقني ويتزوج 10 بعد....ما اعرف الحكمه اللي تقصدها في شو بالضبط اذا كان الموضوع اصلا مافيه حكمه من قبل الرياييل؟؟!!!:) ...انا ما قلت كل الريايييل متزوجين على حريمهم...ولكن كل الرياييل يقولون عادي نتزوج وحلال مافيها شي وينسون كل شي..كلامك مقنع وهذا بالضبط اللي انا اقصده يا اخوي....التعدد حلال...وما يختلف عليه 2 ولكن في نفس الوقت اذا الانسان مرتاح مع حرمته او لنفرض مقصره معاه شوي مو يسير يتزوج على طول...لا تقول هالشي مو موجود وايد..بالعكس..انا اشوفه زاد عن قبل بوايد واغلبهم معرسين من فتره وحريمهم خبر خير..