شقيق العريس يصفع إحدى المدعوات على مرأى ومسمع الحضور في دبي..

[حلو الاطباعي]

المحكمة قضت بـ10 آلاف درهم تعويضاً عن صفعة.
شقيق العريس يصفع إحدى المدعوات على مرأى ومسمع الحضور في دبي..

الامارات اليوم

حضرت امرأة حفل زفاف قريبة لها، وعند ذهابها للسلام على العروس دخل العريس مع أخيه، فحصل خلاف بين شقيق العريس والمدعوة، قام على إثره بصفعها أمام الجميع، ما جعلها ترفع قضية عليه. وقد حكمت المحكمة بحبسه شهراً تستبدل بغرامة 1000 درهم.
وطلبت المرأة تغريمه 150 ألف درهم لقاء ضربه لها، لكن المحكمة قضت بتعويضها بـ10 آلاف درهم.

[الأميرة الحسناء]

اف يصفعها بدون مبرر ليش
شو السالفه ..

الله المستعان ..

[йıсе вσч]

مب ريال

[نبض انسان]

يمكن سوت شي او بدر شي ماحد يجري مانبا نحكم الله يعلم بالسالفه

[راعي سوالف]

يمكن كانت اتصور او شي ثاني مستحيل يصفع بدون سبب

[*مسك الإمارات*]

يقولون مشاده كلامية اكيد حصل فيها سب فصفعها
لاحول ولا قوة إلا بالله
الله يهديهم

[noorarak]

الموضوع وراه إن ..

الله يهديهم

[المروي 1]

اكيد غلطت في شي والله انك ريااااااااال هههههههههههه

[maloook rak]

انزين المعرس ليش اخووه داخل ويااه !!

الله يهديهم :sm107:

[اماراتي وافتخر 40]

الريال ما يمد ايده ع حرمه....عيب...حتى لو غلطانه..

[مشاكسة]

السلام عليكم ورحمة الله وبركاتة

لاتضلمون الريال ياجماعة ، خلونا نحلل الموضوع :

نحن في بلد مسلم والحمدلله والمتعارف عليه في الاعراس يوم بيزفون المعرس وقبل لا يدخل القاعه
يعطون خبر بالمايكرفون للكل ان المعرس بيدخل فاللي تبي تتغطى تتغطى.

فهالحرمه ليش حزت دخول المعرس طلعت تسلم عالعروس .. شو مقصدها !!!!

وطبعا اكيد اتلاسنت معاهم ليش دخلوا وماعندهم مذهب وسوالف الحريم اللي نشوفها بأغلب الاعراس

فاكيد عصب الريال ورد عليها ويوم زودتها صفعها

والغلطه الوحيده اللي سواها انه صغر عقله لعقلها وصفعها .. لو ضحك عليها وطاف عنها زين

طالبه 150 الف لييييييييييييييش مهـــر هو ولا شـــو ؟

هذا والله اعلم.