الراصد

[Mr.Lonely_23]

السلام عليكم ورحمة الله وبركاته

اليوم عندي لكم مشاركه غير يعني غريبه شوي

اليوم قاعد أدور على كتاب في مكتبة بيت أخوي

ليقيت بين الكتب ورقه مكتوب فيها قصيدة من أشعار أخوي وعنوانها

(( الراصد ))

ويقصد فيها مجلة الراصد إللي كانت تصدر من نادي الرمس سابقا

وبجهود إخوانا إللي بعضهم موجودين ويانا بالمنتدى بس ما قط

سمعناها منه

ويمكن عشان الظروف إللي صارت للمجلة ف ما حب يقولها لنا

المهم اخليكم مع القصيدة وإنشالله تنال إعجابكم

الـــراصـــد

الألف ألـفت الـكـلام*** والشعر ماهو معضله

واللام للراصد سلام*** مجله حلوه ومذهله

والراء رياضة وشي عام*** والدين ماحد اهمله

والألف اخـبــار الأنام*** وتـاريخ كـنـا نجـهله

والصاد صارت بنتظام*** في كل شهر منزله

والدال دعوة للأمام*** وتبقى لنا متواصله

وسوالم

[عبق الريحان]

صح السانه أخوك

وصدق بأبياته

لها وحشه الراصد .. كلنا ننتظرها بشغف ..لحتى انشوف اخبارها ..

كانت متميزه .. نتمنى تعود لنا وتلاقي الدعم اللي تستحقه

ولو ان ما اظن انها ترجع لأنا منتدانا ما شاء الله ما مقصر بكل شي ..

كل خبر حصري موجود فيه ..

[ولد بلادي]

شي طيب

[{ سوڪْرهـ }]

صح لسانه أخوك

و لا هان منطوقه يا ربــي ،

تسلم ع اللطشه الادبيه ،

و نتريا الزود من قصايد أخوك

و بانتظار المزيد (f)

[أنا من الداخل]

والله كانت حلوه

[طير الحر]

تسلم ع الخبر

[رمساويه بالروح]

يسلم اخوك على الكلام الحلو

[Her Highness]

ما شاء الله

الله يحفظ اخوك

القصيده عجيبه

وتسلم ع الموضوع

[سماري]

صح لسانك

[*مسك الإمارات*]

ما شاء الله

الله يحفظ اخوك

[شباصة منقصة]

صــــــــــح السانه ....و لا هان منطوقة

شــــــي طيب و الله

و تســــــلم لنا اخوي ع الطرح

[دلوع راك]

القصيدة عجيبة
يسلم اخوك على الكلام الحلو

[RAKBOY783]

سلمت يالشاعر Mr.Lonely_23

وشكرا لك ع الموضوع والكلمات لا اروع

دمت بحفظ الرحمن

[alrams]

كلمات مرتبه وجميله .. تسلم ويسلم الشاعر

[Mr.Lonely_23]

صح بدنكم

تسلمون على الردود الطيبه

وانشالله اخليه يعطيني شي من قصايده

عشان اشارك فيها بالمنتدى

[رمساوي4]

فعلاً الراصد كانت مجله رائعه
وراح احط لكم أي شي من هذه المجله في القريب العاجل إن شاء الله
عشان نتذكر المجله
وتسلم اخوي

[Mr.Lonely_23]

تسلم يا رمساوي4

وانا ما طرحت الموضوع الا لأني ادري انه بعيد الذكريات عند بعض الاعضاء

الحمدلله على كل حال الموضوع نال اعجابكم

[الشاعر]

صح الساني... هههههههههههه

ومشكور يا خوي على طرح قصيدتي وتشجيعي على الاشتراك بالمنتدى..

[فتى الرمس]

الراصد مجله ولا اروع كنت اخذ اكثر من عدد عشان اوزعها برع الرمس وكانت ذكرياتي وياها عند البري عند مسجد خليفه كل جمعه نجتمع ونيلس نتصفح المجله الرائعه جهود مشكوره من القائمين على اصدارها و صابتني حاله من الحزن يوم توقف اصدارها لاكن الحمدلله اني احتفظ بالاعداد كلها
تسلم اخوي على هاي اللفته ووصح لسانك يالشاعر

[omkhalid]

يسلموووووووووو