شوفوا المواطنة شو سوت فعيال ابلادها وهم في وضع حميمي

[ام محمد من راك]

السلام عليكم ورحمة الله وبركاته

اتقول الاخت تحت عنوان عريض ][ بلغت عليهم الشـــــــــرطه .. وزختهم في وضع حمــــــــــيم !! ][

وهذا الموقف كالتالي:





اتخيلو قبل أمس شو صار ؟!



كنا طالعين من البيت أنا وزوجي وكتاكيتنا اليهال ،، ماعندنا مكان محدد انسيرله.. المهم نبعد عن زحمة المولات..
ملينا ..
أغلب طلعاتنا مولات والواحد يضيق صراحة .. من المناظر اللي هناك ..
هالمرة لازم انغير وخاصة إن الجو حلو وبارد ..
طلبنا عشا .. ويلسنا في مكان ..(_____)
وتونا بنبدا الأكل إلا قدامنا اثنين وحدة وواحد للأسف ( مواطنين ) مابينا وبينهم مسافة كبيرة ..
وقاعدين يتغزلون ورومانسيات ..
أول شي قلنا يمكن ريال مع حرمته ..
بس عقب قال ريلي مستحيل ..
هذا شكله مواعد ربيعته..
وعقبها بدا الجد .. وبدوا في الحركات الحميمه والمصاخه ولا أبدا أيه حيا ..
ساعة تقريبا ..
بس المشهد كان جدا بايخ ..
وخاصه إن المكان كانوا يمرون فيه ناس رايحين رادين ..
حتى الاكل نفسه ( العشا ) والله ماستمتعنا فيه ..
قلت حق ريلي إلا أتصل بالشرطه .. لازم حد يوقفهم عند حدهم .. ومن باب الانكار عالموقف ..
صراحة ماكنت ناويه أتصل ،، مافيني الجرأة لهالحد .. بس قلت بشوف ريلي ..
واتصلت وخبرتهم السالفه .. وسألوني عن جنسيتهم ! والمكان بالظبط ..
قالولي 10 دقايق وبتوصل الدورية ..
اتأخروا شوي ..
مش مهم المهم انهم وصلوا !



وصل الملازم وكان بلبسه العادي ( كندوره ) والحمدلله إنه شاف المشهد بعينه عسب مايقول إنا نتبلى عليهم ،،
قعد يحوط حوالينهم تقريبا 10 د .. وهم بعدهم على نفس الوضعيه .. ولاحيا ولا مستحى .. لاحول ولاقوة إلا بالله ..
وبعدها نادى ريلي واتكلم معاه.. وقاله اصبر شوي الحين بييهم الشرطي وهوه اللي بيطب عليهم
ووصل الشرطي ..


يا صوبهم .. واونها البنت اتغشت .. وتم القبض عليهم ..
ووضع الشاب والبنت!! .. عاد اتخيلوا الموقف ..!!


صراحة استانست لأنه اتمنيت تكون لهم توبه ،، وتمنيت تكون عظة وعبره لكل واحد يخون حرمته أو شاب يتواعد مع البنات ..
إذا ماخفت من ربك اللي فوقك واللي يشوفك سر وعلن ..
حشم عالاقل ..
ترا في عقوبات وفي قوانين ..



بس بصراحة دارات في بالي امية سؤال وسؤال ..
هالبنت وين أهلها ؟!
وين الرقابه ؟!!
معطين البنت مطلق الحريه . معاها الليسن أو الدريول .. وتطلع متى مابغت ..
بزور ربيعتي .. بروح المستشفى .. بروح المول .. بروح ...........الخ
وهيه حضرتها سايره تواعد ربيعها وتوصل فيهم قلة الأدب لهالدرجة !


أنا معرف شو بيسوون فيهم الشرطه .!!
هل بيسامحونهم وبيطلعونهم من غير إحضار ولي الأمر !!
وشو بيكون موقفها البنت إذا استدعو اهلها ..!!
والله كانت مع واحد في وضع مخل بالآداب في مكان عا م ..!!


بينصدم ؟!!!
هذي نتيجة الثقة الزايده والمفرطه للبنات وللأولاد ..


الله يهدينا ويهديهم ..


شورايكم ؟
لو كنتي مكاني بتبلغين الشرطه وإلا بتسكتين واطنشين الموقف !





انتهت السالفة

وتفاوتت ردود الخوات بين الرفض وبين القبول

وهاي ردود بعض الخوات المؤيدات :



بالعكس اللي سويتيه عين العقل
أصلا لو كل حد شاف منظر مثل هذا
سواء مواطنين والا عرب والا أجانب
وبلغ الشرطة
ما بتنتشر هالبلاوي بهالكثرة
يزاج الله خير وما قصرتي :)



وهاي اخت ثانية:


الله المستعان
جزاهم زين سويتو لانهم مجاهرين بالمعصية
الله يستر على بنات المسلمين

وهاي غيرها:


الساكت عن الحق شيطان اخرس
بس انتي سويتي الصح وضميرج حي
نيتج انج تنقذين بلادج من هالحركات اللا أخلاقيه
بس صراحه هالايام صار ماشي مستحى ولا حيا
صدق يوم قالوا اللي استحوا ماتوا
يعني يسون هالحركات المخله بالادب قدام الكل
ياخي استروا على نفسكم وعرضكم
وهالريال مايخاف ربه ..؟!!
و البنت ما خافت من ربها وقامت تغشت يوم شافت الشرطي ,,؟!!
يالله عساها تكون عبره وعظه لها وله ويردون لدرب الصح
والله يهديهم ...
وربي يستر علينا فالدنيا والآخر
:::
يزاج الله الف خير اختي
والله يكثر من امثالج

طبعاً اكثرية الخوات كانوا مؤيدات الموقف والباجيات كانت هاذي ردودهم:


لو انا كنت بحاول اكلم البنيه بطريقه حلوه وبفهمها انه هالشي غلط وحرام تسويه ولو هو يحبها مابيرضى عليها هالحركات قدام الناس
يمكن هي غافله بس لو الشرطه استدعو اهلها واستوت مشكله كبيره كانو اخونها عصبين الحين شو بيسون فيها اخاف يسو شي وتخترب سمعتها بس بل الاخير الي سوتيه صح مب غلط والله يهدي الجميع ويستر على الجميع


هاي غيرها:








والله انج جريئة .... لو أنا مكانج بستر عليهم و بدعيلهم بالهداية .... والله يهديج بعد امنزله موضوع في المنتدى و مستانسه انج دخلتي عيال الناس مخفر الشرطة !!!!! الله يهديج ... و الله لو أنا مكانج بيتم ضميري يأنبني طول عمري .... و الله يعين أمها و أهلها عقب ما يتصلون فيهم من الشرطة ... يا أختي ما في حد معصوم عن الخطأ ولكن ((( من ستر على مسلم ستره الله في الدنيا و الاّخرة )))









الله يهديج و يهدينا








وهاي غيرها:


هذي مش طريقه عشان العظه والعبره
ماكان بيستوي شي لو نصحتي البنت من غير ماتفظحينها
الله يهديج
وحرام اتشهرين فيها
الله يستر عليها ويهديها
انا لو كنت مكانج كنت بسير بكلمها وبنصحها اتقبلت زين ماتقبلت بدعيلها بالهدايه
بس ماراح افظحها لانه هالشي بيظر اهلها اكثر عن يظرها
يارب استر عليه وعلى جميع المسلمين والمسلمات


وهاي ماعرفنا ويا امنو؟؟:


في ردود وأراء كانت بتتغير 100 % لو ما كنتي كتبتي كلمة ( مواطنين )

شفت مواضيع وايد لتصرفات من جنسيات ثانية وكنت اشوف الردود .. وألحين أشوف الردود !!!!!

سبحان الله .. سبحان الله .. سبحان الله



الله يهدي اليميع والله يستر على اليميع


وهذا كان ردي لها:

الشماته مب زينة
شي اخت اتقول لو ماذكرتي انهم مواطنين جان بتتغير الردود
عسب انهم مواطنين قلنا الستر زين
ولو وافدين بنقول يتأدبون ويزاهم
اختي هي نعم نحن المواطنين اتصير السالفة عدنا سالفة جبايل والبنت عادي اتموت من ورى هالشي
والموقف الي سوته الاخت دلووعة وريلها غلط غلط غلط
خافت انه البنت اتقولها مالج خص ولا اشلج
وماخافت عالبنت واهلها شو بيكون موقفهم والشرطة ماسكين بنتهم عسب قضية آداب؟!!!!
اوكي اذا انتي خفتي كان المفروض ريلج يتحرك ويكون له موقف ريال وبتنحسب له فرجوليته
مب اتسيرون تشتكون وتفظحوون الخلق
هم لهم رب يحاسبهم ونحن علينا النصيحة لااكثر ولا اقل
منهم لله ينيازون بس غلط الي صار والله غلط



الموضوع اتشعب وصار فيه شد وجذب

وطلعت مواضيع أخرى تهاجم موضوع الاخت في نفس المنتدى

انتووا شووو رااايكم؟؟

---الموضوع متصرف فيه من الموضوع الأصلي فيمنتديات سيدات الامارات---

[سماري]

السلام عليكم
اسال الله العفو والعافية والستر للجميع
اولا عنوان الموضوع علية علامة استفهام (وضع حميمي)؟؟؟
ثانيا انا اتفق مع ام محمد والمفروض الزوج ينزل يكلم الريال باللتي هي احسن وينصحه واذا حس انة يتفلسف يحرك سيارتة ويروح مكان ثاني واصلا اي شخص قاعد يسوي شي غلط بتحصلة شل عمرة وروح
مو يتفرج هو والعائلة الكريمة ما ادري الشغالة وياهم ولا وما اعرف الوقت اللي اتفرجوا فية كم ؟

[برووكه]

وخربتي الجو الرومانسي خخخخ :heart:

مايعرفو الحلال من الحرام ؟؟ اكيد يعرفون

زين سويتي... يستاهلون .. تعرفي ليش لان شبابنا ماعندهم شخصيه

عادي يقلدوه خخ

[Miss m]

الصرراحه تقهر هي اشعليييها اتخبررر

يعني مستانسه انها فضحت البنت !!!

اوك انه هالشي غلط كانت تقدر اتسير لهم و اتخوفهم والله دقيقه و بيطيرررون من مكانهم بس مب تفضحهم !!!

[رمساويه بالروح]

انا ويا الحرمه زين ما سوت وخبرت عليهم
يعني البنت والولد كانوا متأكدين ان محد بيخبر عليهم
خليهم يكونوا عبره وعظه لغيرهم
يستاهلوا
انا اعطيها اكبر:sm288::sm288: للحرمه لانها خبرت

[ليدي الحبسيC]

خل يتزوجهاا ليش بنات الناس العبة صحيح غلطت بس يمكن شيء ناقصنهااا
والله المستعـــــــــــانٍ

[المتميزة]

الساكت عن الحق شيطان أخرس

و الا يقول فين اهل البنت لازم يقول كمان فين اهل الولد ؟

صح و لا لا ؟!

شكرا ع الطرح

و اتمنى للجميع حسن الخاتمة ..

[المتميزة]

الساكت عن الحق شيطان أخرس


و الا يقول فين اهل البنت لازم يقول كمان فين اهل الولد ؟


صح و لا لا ؟!


شكرا ع الطرح


و اتمنى للجميع حسن الخاتمة ..

[RAKBOY783]

متاثرين بالافلام الهنديه والاجنبيه

الله يهديهم ان شاء الله

وشكرا لج اختي ع طرح الموضوع

[فديتني شيطونه]

ا
لله يهديهم ...
المسلسلات التركيه تلعب دور ...
يسلموووو...

[حمـــ^^ــــــورهـ]

مــآ آقــولـ غيــر اللـه يستــر عـ آلجميــعــ ..

تقبليــ مروووريــ

[ام محمد من راك]

السلام عليكم

عليكم السلام ورحمة الله
اسال الله العفو والعافية والستر للجميع اللهم آمين
اولا عنوان الموضوع علية علامة استفهام (وضع حميمي)؟؟؟

هي كبرت الموضوع واظنه بداعي الفضول عسب الكل يدخل ,,وفي قرارة نفسي صحيح انه الموضوع قوي بس ما توصل اني اشبهه بالوضع الحميمي!!!
ثانيا انا اتفق مع ام محمد والمفروض الزوج ينزل يكلم الريال باللتي هي احسن وينصحه واذا حس انة يتفلسف يحرك سيارتة ويروح مكان ثاني لا فض فوك^___^ واصلا اي شخص قاعد يسوي شي غلط بتحصلة شل عمرة وروح
مو يتفرج هو والعائلة الكريمة عساس انه الاخت وريلها ما حصلوا غير هالمكان!!!!ما ادري الشغالة وياهم ولا وما اعرف الوقت اللي اتفرجوا فية كم ؟
دام ذكرت عشا فالموضوع فأكيد بيكون الوقت لمسيان ^___^

بس مب مهم الوقت احينه

كثر اهمية وصعوبة الموقف الي حطت فيه البنت واهلها

شاكرة لك اخوي مرورك الطيب ورايك فالموضوع

[ام محمد من راك]

وخربتي الجو الرومانسي خخخخ :heart:
^___^متفيجة

مايعرفو الحلال من الحرام ؟؟ اكيد يعرفون
الواحد يوم يحب يا بروكة ينسى الحلال والحرام الا من رحم ربي فيهم

المشكلة كانت فتعبيرهم عن حبهم غلط وجدام الناس

احينه السالفة مب سالفة حلال وحرام فلي سووه

هذا شي مفروغ منه ,نحن القصد من ورى طرح الموضوع انشوف وجهة نظركم فموقف الحرمة وريلها من البنت وتبليغ الشرطة عليهم وتوابع هالبلاغ

زين سويتي@_@ مب انا هاي حرمة ثانية الي بلغت بارك الله فيج ,,انا ردي فآخر اقتباس من الموضوع ,,... يستاهلون الشماته مب زينه الله يهديج ويهدينا.. تعرفي ليش ليش؟؟ لان شبابنا ماعندهم شخصيه

عادي يقلدوه خخ
مافهمت ؟؟؟!!!! شو خص الشخصية فالموضوع

السموحه بس مااستوعبت ردج بالضبط

[ام محمد من راك]

الصرراحه تقهر هي اشعليييها اتخبررر لا اتلومينها صحيح هالشي يقهر وهي من حرقة قلبها سوت الي سوته بدون تفكير منها ,,في نظري حرمة وناقصة عقل واستعيلت فقرارها بس اللوم على ريلها كيف طاوعها؟؟!!!

يعني مستانسه انها فضحت البنت !!!

الله يستر عليها وعلى بناتنا وشبابنا أجمعين

اوك انه هالشي غلط كانت تقدر اتسير لهم و اتخوفهم والله دقيقه و بيطيرررون من مكانهم بس مب تفضحهم !!!
صادقة يالغالية

مشكورة عرايج

معناته انتي وياي^___^

[ام محمد من راك]

انا ويا الحرمه ام بخيت @_@ !!!!!زين ما سوت وخبرت عليهم حرام عليج والله حرام ,,فكروا بأهلها لا اتفكرون فيها ولا فالولد الي وياها
يعني البنت والولد كانوا متأكدين ان محد بيخبر عليهم ماكانوا يدرون حبوبة ,,الحرمة وريلها ما نصحوهم على طول اتصلوا بالشرطة وها اكبر غلط
خليهم يكونوا عبره وعظه لغيرهم
يستاهلوا لا حول ولا قوة الا بالله:sm273: الشماته مب زينة يا ام بخيت ,,من عاب ابتلى يالغالية ,,الله يبعد عنج وعن غيرج البلى
انا اعطيها اكبر:sm288::sm288: للحرمه لانها خبرت
استغفر الله العظيم

مشكورة عمرورج الغلا

وها رايج وانتي حرة

[ام محمد من راك]

خل يتزوجهاا ليش بنات الناس العبة صحيح غلطت بس يمكن شيء ناقصنهااا
والله المستعـــــــــــانٍ
مشكورة عرايج يالحبسية ^___^

وصادقة بلي قلتيه

بس العووق اهنا فأهلها وموقفهم من الناس

مشكلة البعض يسوون الامور على اعيلة وما يفكرون بعواقب هالاشيا الا عقب ما يفوت الفوت

الله يستر عليهم دنيا وآخره

[ام محمد من راك]

الساكت عن الحق شيطان أخرس صحيح



و الا يقول فين اهل البنت لازم يقول كمان فين اهل الولد ؟ صح بس يالغالية وضع الولد غير عن البنت وهاي مشكلة مجتمعنا ,,البنت تووؤد اذا انكشفت والولد كمن اسطار وانا آسف وانتهى الموضوع بكل بساطة


صح و لا لا ؟!


شكرا ع الطرح



و اتمنى للجميع حسن الخاتمة ..

اللهم آمين

مشكورة عرايج ومرورج

[ام محمد من راك]

متاثرين بالافلام الهنديه والاجنبيه نحن وين وانته وين ^__^

الله يهديهم ان شاء الله ويهدي الجميع

وشكرا لج اختي ع طرح الموضوع
وشاكره لك مرورك

ولو انه ودي اشوف رايك بموضوع الحرمة وريلها مب بموقف الولد والبنت

[ماستر بيكر]

في الحديث ( من رأى منكم منكرا فاليغيره بيده وان لم يستطع فبلسانه وان لم يستطع فبقلبه وذلك اضعف الايمان )


لـو سترته بثوبك


يتشوّف الإسلام إلى الستر ، ويتطلّع إلى إخفاء الزلات ، وكتمان العيوب .
إذ أن إفشاء ذلك يعيب صاحبه بالدّرجة الأولى
وهو سبب لفشوّ الفاحشة ، وانتشار الفساد .

ولذلك لما جاء هَـزَّال بن يزيد الأسلمي إلى النبي صلى الله عليه وسلم ورفع له شأن ماعز
والله يا هزال لو كنت سترته بثوبك كان خيرا مما صنعت به . رواه الإمام أحمد وأبو داود والنسائي في الكبرى .

ومِن هُنا جاء الحث على ستر المسلمين والمسلمات .
فقال عليه الصلاة والسلام : من ستر مسلما ستره الله يوم القيامة . رواه البخاري ومسلم .
وفي الحديث الآخر : من ستر مسلماً ستره الله في الدنيا والآخرة .

وهذا الستر مُتعلّق بالمعاصي والآثام لا أن يستره بالكسوة ونحوها .

قال الحافظ ابن حجر رحمه الله :
قوله " ومن ستر مسلما " أي رآه على قبيح فلم يظهره ، أي للناس ، وليس في هذا ما يقتضي ترك الإنكار عليه فيما بينه وبينه .

[بنت جميرا]

اسميها حرمه ومن ظهر ريال
الستر عاللي يستر على عمره والا المجاهر بالمعصيه هذا دواه واكثر مااسترت هيه وهوه على عمارهم يستاهلون اللي ياهم

دينا دين الامر والمعروف والنهي عن المنكر والا ناسين حديث الرسول عليه الصلاة والسلام (من رأى منكم منكرا فليغيره ......)بيديه اولا ...

ااااااااااااااااااااااااااااااااااه بس لوفي زمن يدي ويدك جان صاحت الخيازرين على ظهورهم سود الويه

اف غلى الحريم والرياييل قليلين المذاهب والدين

[AHMED 0000]

شكرا ع الخبر

[مناااايا]

أنا استغرب من اللي قالوا ليش ماسترتي عليهم وليش ما رمستيهم يعني هم روحهم ما ستروا على أعمارهم ولا خافوا من ربهم وجدام الناس ها السوالف وها المنكر الله ما يرضى بها الشي يستاهلون وان شاء الله يكون لهم درس ولغيرهم بعد ,,,,,,

[talk & talk]

اللهـ يهديهم شباب اليوم خبل ..
أكيد يستاهلون يعني بصراحه قلة حيا اللي يسوونه

[AHMED 0000]

شكرا ع الطرح

[ناصر خميس]

يالله بستررررررررررررررررررررررررررر

[L A W Y E R]

استغفر الله العظيم !

كآن بإمكآنهآ اتروح للبنت و اترمسهآ قبل ، ،

او اتخلي زوجهآ يرمسهم ، ،

يمكن يستهدون بالله و يتركون عنهم هالسوآلف . .

أكيد الي سووه غلط و 100 غلط !

لكن منو يرضى بنته تدخل مرآكز شرطة في قضية آدآب . . ؟

و الله فضحتهم ، ، و أحس حرآم الي سوته ، ،

هم مآ ستروآ لعمرهم اتقوم هي اتبلغ ليش ؟

أنآ بس عندي سؤآل وآحد و الله للأخت ، ،

[ اتخيلي لو هالبنت كنتي اتعرفينهآ ، كآنت وحده من معآرفج أو من أهلج ، ، بالله عليج بترضين اتبلغين ] ؟؟

أنـآ متأكده مليـون بالـ 100 انـج مآ كنتي بتبلغيــــن ، ، لأنج بتفكريـن بأهل هالبنت ، ،

بس لأنهآ بنت النآس و مآ اتعرفيهآ خل تدخل مرآكز الشرطة و تنقع فيهآ عآدي ؟!

هآي سمعة يآ اخوآن مب شي بسيط عسب نحن نتلآعب فيه !

أكيد الي سوته هالبنت أساساً غلط يآلسـه بمكآن عآم و اتسوي هالحركآت ، ،

و الي بلغت بعد غلطت ، ،

و الي حطوآ لنآ هالحديث " من رأى منكم منكراً فليغيره بلسآنه و الخ ، ،

ترى أول شي اللسآن ، ، كآن بإمكآنهآ اتسير و تنصح !

لكن هي أبد على طول بلغت ، ،

و صدق أخويه الي قآل جآن مآ عيبهآ الموقف كآنت تقدر اتغير مكآنهآ . .

الله يهدي اليميع يـآ رب . .

[ماستر بيكر]

استغفر الله العظيم !


و الي حطوآ لنآ هالحديث " من رأى منكم منكراً فليغيره بلسآنه و الخ ، ،

. .

الله يهدي اليميع يـآ رب . .


للعلم فقط :

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

[الأغين]

كل أمتي معافا إلا المجاهرون

بصراحة انا لو مكانها كنت ببلغ لانه عيب أولادنا يشوفون هالمناظر ونحن نسكت

وليش الستر على شخص ما ستر نفسه

البنت والشاب بالشارع قاعدين! مش في البيت والشرطة داخلة عليهم!

يعني لو هي سترت على نفسها محد كان بلغ عنها

سؤال للمدافعين عن البنت والشاب

لو اللي كان في نفس الوضع هنود مثلا او زلمات شو بتكون ردة فعلكم؟؟

بتقولون خل نستر عليها ولا بتقوم الدنيا وبتقعدها ..

التعليقات معروفه

هذيل يشوهون سمعة البلاد

هذيل يخربون عيالنا

هذيل لازم نطبق عليهم الحد

....الخ

البنت والشاب للأسف مواطنين وهم بنظري أسوء من الهنود والاجانب والزلمات إذا غلطوا لانهم وببساطة يمثلون الدولة والمجتمع والثقافه والأهم من هذا كله الدين الاسلامي


سؤال ثاني:

لو كان الشاب قاعد مع أختك أو بنتك او زوجتك هل بترضاها ؟؟

اليوم هالشاب يتعرض لبنت الناس ممكن في لحظة يتعرض لأهلك

ونفس الشي البنت

لو كانت طالعه مع زوجك او خطيبك او اخوج شو بتكون ردة فعلج؟؟

شوفوا شو صار في البلاد البنت بدون حيا تتمشى بالمول مع البوي فرند

وتروح المدرسه تتفاخر جدام البنات بالعدد الكبير اللي ترمسه وتطلع معاه!!!!

وتسألها المدرسة ليش مش منتبه ترد بوقاحة كنت سهرانة اسولف مع حبيبي!!!

والشباب حدث ولا حرج ما صار يميز بين المحترمة و (...) كلهم بنظره لازم يتحرش بهن ويرقمهن حتى لو كانت متزوجة!!!!

شبابنا في قمة الضياع ونحن بعدنا نصيح استروا عليهم!!

خل اهلها يعرفون عن بنتهم يمكن ينتبهون لها ويعرفون كيف يربونها ويراقبونها قبل لايطيح الفاس بالراس

والشباب خل يتعلم انه في مجتمع مسلم له آدابه وأخلاقياته مش ماخذ بنت الناس وقاعد معها بالشارع!!

[وردة حمرا]

يزاهم الله خير اللي بلغوا عنهم

يعني هم فاصخين الحيه ولا اهتموا ولا حسوا بدمهم

يستاهلوووووووووووووووون ...

[سمو الذات]

السلام عليكم
الصراحة النقاش شدني
بس لحظة
نحن كلنا قلنا يستاهلون وهذا يزاهم
بس
كل اللي نعرفه عن الشخصين أنهم كانوا فوضع ما يمد للحيا بأي صلة
لكن لحظة
هل فعلاً الشخصين ما كانوا يقربون حق بعض ؟

بالنسبة لرايي أنا ضد اللي سوته الحرمة
لو فكرنا بعقلانية شوي
الطارحة للموضوع تقول المكان عام
معقولة البنت أو الشاب تجاهلوا هالشي
او نسوا ان المكان مايمنع وجود أحد من قرايبهم فيه ؟؟؟؟؟؟؟؟؟؟؟؟؟؟؟؟؟
فكروا عدل السالفة فيها جانب ما يعلم به غير رب العالمين
لذلك نحن هب من حقنا نحكم على شي من خلال تخمين ماله داعي
وبعدين

أحيــــــــــناً الشرطة ما تكون حل في صد شرات هالأشياء
اوكــــــــــــي صح أنا حليت مشكلة بنظري بس بشكل مؤقت
معقولة البنت بتعتبر من هالشي إذا كانت أصلاً حسب اعتقادنا
بالعكس أو بالأحرى مستحــــــــــــــــــــــــيل

( الساكت عن الحق شيطان أخرس )
للأسف نردد هالعبارة وايد ونحن متجاهلين جوهرها
الموقف اللي استوى ( منكر ) يعني محتاي لأمر بالمعروف ونهي عن المنكر هب محتاي للدفاع عن الحق
يعني بين قوسين الجملة هذي ما كان لها داعي فذيج الفترة
وما ظنتي أن الواحد إذا بغـــى يأمر أحد بالمعروف عسب مصلحته
يسير يسوي فضيحة عسب شو ؟
عسب العظة والعبرة



والسموحة على الإطالة

[Mr.Lonely_23]

شكرا على الطرح

بس اللي سويتيه يا ام محمد ما تدرين شو عواقبه

مثلا:

يمكن ابو البنت يقتلها او يقتل الشاب اللي معاها

ويمكن تصيب الابو او الام سكته قلبيه ويموت او تموت

ويمكن تتسبببين بفضيحة اصلا انتي فضحتي اهل البنت خلاص

واللي يقول الساكت عن الحق شيطان اخرس هذا على غيره

بس اذا كان عليه بيقول الله ستار يحب الستارين وستر زين

انا ما اايد على الغلط بس مثل ما قال الاخ سماري

لو سار بو محمد وكلم الشاب ونصحه كان احسن

او انكم غيرتوا المكان وانتهت السالفه دون اي مشكله

اسال الله العفو والعافيه

والسموحه على النقد

[عروسة البحر]

الصراحة انك غلطانة صحيح بدل ما تفضحينها البنية كان ريلج نزل ونبه الولد واكيد كانو بيستحو وما كانت بتسوى هالشى مرة ثانية مو انج تفضحينها الله يصبر امها واهلها شو بيسون فبها الحين والله يستر على اهالينا وبناتنا

[فضائي]

اقتباس من النص

وخاصه إن المكان كانوا يمرون فيه ناس رايحين رادين ..



يعني هم ما همهم أنش تتطالعينهم ولا الناس اللي بالطريق
و بعدين تقولوا لا تخبروا عليهم
يعني هاذيلا ما يستحوا مـــــول !!!!!

[ام محمد من راك]

شكرا على الطرح

بس اللي سويتيه يا ام محمد ما تدرين شو عواقبه

مثلا:

يمكن ابو البنت يقتلها او يقتل الشاب اللي معاها

ويمكن تصيب الابو او الام سكته قلبيه ويموت او تموت

ويمكن تتسبببين بفضيحة اصلا انتي فضحتي اهل البنت خلاص

واللي يقول الساكت عن الحق شيطان اخرس هذا على غيره

بس اذا كان عليه بيقول الله ستار يحب الستارين وستر زين

انا ما اايد على الغلط بس مثل ما قال الاخ سماري

لو سار بو محمد وكلم الشاب ونصحه كان احسن

او انكم غيرتوا المكان وانتهت السالفه دون اي مشكله

اسال الله العفو والعافيه

والسموحه على النقد
اخوي ركز فالموضوع

انا اكدت اني مب انا الي كاتبه الموضوع بارك الله فيك

انا ردي عالاخت الي سوت هالحركة تحت آخر شي

وانا ضد الشي سووته لأن بإختصار كلامي هو نفس كلامك يلي كتبته فردك بارك الله فيك

اتمنى اترد تقرا الموضوع من يديد ^__^

والسموحه

[Mr.Lonely_23]

سوري ام محمد انتي ما كتبتي رايج بالموضوع وانا حسبت انج انتي اللي سويتي هاي المصيبه

واليوم قريت ردج على سماري وانج ضد اللي سوته القشرا

والسموحه مرة ثانيه

[fajraweyah βαήotα]

لاحول ولاقوة إلآ بالله ,.
ناس ما تخاف ربها ..المفروض يستحضرون مراقبة الرحمن ,
الله يهدينا..

[دانة بغداد]

بالنسبه لي الحرمة غلطانه لأنها فظحتهم الستر زين والشيطان كان ثالثهم يعني كانو في وضع اللا وعي كان من الممكن أنها اطرش زوجها ويكلم الشاب يقوله إذا سمحت هذا مكان عام وعيب هالحركات أكيد راح ينتبه على تصرفاته مع البنت وينحرج

[الزعابية كوول***]

من الباب الاولى النصيحة..والتحذير على العوااقب الوخيمة لهااي الفعلة..ولازم الغالية..تصرفين انج تكلمين البنت وريلج يكلم الولد او انتو الاثنين ترمسوونهم:) ها ااالافضل..النصيحة من باب الاولى ..وكما قال الرسول عليه الصلاة والسلام من رائ منكم منكر فلغيره بلسانه فلم يستطع فابيده فلم يستطع فابي قلبه وذاك اضعف الايمان..للسان :النصح والارشاد الاصح ومن الخ تقولين الزواج اخير لكم ..

[زعابيهـ غير]

تسلمين الغلا ع الموضوع..

يارب استر علينا وعلى جميع المسلمين..

ان شاء الله اتكون عبره للغير..

باب التوبه لها..

يعطيج العافيه غناتي...

[هدوء المشآع ـر ..~]

امَممم ..!*


أولـ شي لـو نصحَت احسن ..،!

وبع ـدين اذ طنشوهـآآ او طنشوآ زوجهـآآ تبلَغ عليهم ..،،

بس مث مآ قآلتـ اختي دآنة بغ ـدآآد الشيطان كان ثالثهم

يعني انهم كآنوآآ مآآ يدورون عن الي حولهم ..،،

الصرآآح‘ـه انـآآ غمضوني ..لـأن ع طوول بلغ ـت عنهم بدون ان تنصحهم وجي ..

الله يستـــــر عليهم وعلى ك المسلمين يآآ ربـ ..!*

[اليازيه]

الله يستر علينا

[بــ طعيس ــن]

السلام عليكم..

الحركه اللي سوتها الحرمه أكبر غلط..
لأنها ما تعرف شو نتايج اللي سوته..
أول شي بفتضحوا هل البنيه والريال..>> وها الشي لازم ما نرضاه ع خواتنا لو شو ما سون..<< الستر زين
ثاني شي.. عادي ابو البنيه يذبحها ويذبح الريال..>> وهاااي الشي استوى عندنا ف القبيله..<< ريال ذبح بنته..
وكان من الممكن انها تستر ع البنيه وترمسها بهداوه وريلها يرمس الولد أو انها تتعامل مع الموقف بذكاء..
وتقدر تستخدبم أسلوب الترهيب والتخويف بس مب لدرجه انها توصلها الشرطه وتفضحهم امبين الخلق والناس..
>> لأنه الأوادم ما تقصر هالأيام..

انا ماادافع عنهم..>> بس ورا هالاثنين قبايل وسمعه ناااااس وكرامه ولازم انحاتيهم..

يعني باختصار لازم نتعامل مع هالموقف بذكاء..

والسموحه

[وينه حنانك]

اللي سويته مو بس صح الا صح وصحين و3 اصحاح بعد :)...اللي ما يستحي هاي هي جزاته..يعني مو مكفنهم مسوين شي غلط...اللي ما يستر على نفسه ما يستاهل انه نستر عليه....صاروا لنا اجانب مالت عليهم......بلادنا اذا احنا ما نظفناها من الوساخه شو بيستوي...شو نتوقع من عيالنا شو بيتعلمون؟؟!!!وعلى طاري هاي السالفه اختي انا بعد مريت في شي يشبهه هالموقف

كنا سايرين انا وخالتي وبنات خالتي حديقة الممزر وتخيلوا يت وحده لبسها فاضح والله انه الريايل يوقفون يشوفونها والاولاد الصغار يعلقون عليها...يالسه ويصورنها عاد اثنين هنود اونهم بروفيشينال...وعلى حد علمي انه ممنوع يصورون اذا عندهم تصريح..طبعا هالكلام في دبي...واتصلنا في ادارة الحديقه 5 دقايق والا اييه المواطن ويطردهم...شلهم في بيكب الحديقه وانا بعد نازعتهم :) عقيت عليهم كلام كبير خخخخخخ بردت حرة قلبي...

يا ناس لا تسكتون سواء مواطنين او وافدين..اللي ما يستحي خله يعرف مصيره وين راح يكون

[الغــزالة الشمالية]

يالله بحــــــــــسن الخاتمة

[قمر14.]

و الله زين سوت يستاهلون وعشان يتادبون ..واذا سرنا للشرع كان المفروض ياخذون جزاهم

[*مسك الإمارات*]

نشجعج بالذي سويتيه يا ام محمد
وانا وياج واختي فراولة الحب بعد تايدج

[ام محمد من راك]

شاكرة لكم تفاعلكم اخواني وخواتي

بس الله يجزيكم الخير تراني مب انا الي خبرت الشرطة ولاني صاحبة الموضوع

اتمنى الكل يقرا الموضوع عدل قبل ما يبدى يرد ^___^

[شمس القوايل]

في رايي:

الي سوته صح و لو سكتت بيزيد مثل المواضيع الثانيه الي ما انتهت لين الحين و لا كل مره تزيد ..

و للحد من هذا الموضوع و عشان يتأدبون الثانيين اتخبر عليهم الشرطه ..

صحيح انه الستر زين للانسان لكن الي ما يستر على عمره لا تستر عليه و هم ما كانوا ساترين على عمارهم يالسين في نص الناس وين يالسين ...عبالهم فالبلدان الاجنبيه يالسين يحترمون المكان الي هم يالسسين فيه عشان الي يالسين يحترمونهم

احنا مسلمين و عرب لنا عاداتنا و تقاليدنا ..


الله يستر علينا و على بنات المسلمين اجمعين ..

و هذا رايي و السموحة...

[هزتني عيونه]

ههههههههههههههههههههههههههههههههههههه

[خليجيه وكلي فخر]

لآحوول ولآقوة إلآ بالله ...

لهدرجه ... صآروآ يجهروون ويسوون بلآويهم جدآم الخلق ...

مآيخآفوون على سمعتهم ..؟!!

أستغرب من هالنوعيه من النآس ..!!

وبصرآآحه .. أنآ مع هالحرمه اللي بلغت عليهم ...

لأن هالتصرف هو اللي بيردعهم عن يسون هالبلآوي مره ثآنيه ..

وعسب يكونوون عبره للشبآب والبنآت ..

لو مآبلغت عليهم ...

كآن بيسوون هالحركآت مره واثنيين وثلآث ........

والله المستعآآآآن ...

الله يستر من اليآي ...

يسسلمووآ ع الطرـح ...

[بنوته كيوت]

الله يستر عليهم

[بنت الأجاويد]

الله يستر على الجميع يارب
ولكن الظاهر من هذا الموقف انهم مايبون
الستر ابد.والدليل ان الكل بيشوفهم يعنى
الفسق والفجور صار علنى جدام الناس ولا
خيال ولا مستحى ..ولازم الكل يحارب هذا
الشى ...وجزاك الله الف خير على حسن
التصرف

[دبلوماسي]

الله يهديهم تصرف صحيح
ولكن الاصح برائ لو تكلم زوجك معه بهدوء يمكن الموضوع ياخذ منحنى ثاني للبنت او الولد عسب ما يكرروا الجريمه مره ثانيه

جزاك الله خير

[At3bny '3lah]

يستاهلــووون تخبر عليــهم

لو كل حد شاف و سكت بتستوي السالفــه لعباان

كل حد بيواعد و كل حد بيطلع

دامــهم اتجرأوا و سووا هالحركات جدام الناس أكيد ما بيسوون سالفــه إذا حد نصحهم

[شمل]

اولا انا ادعي الله سبحانه وتعالى ان يهدي الجميع

بس لو انا مكانج يا اخت طبعا ما ببلغ لان احسه تفاهه...

بدعي الله سبحانه وتعالى ان يهديهم وخلاص ليش هاي الدوشه...

وانتي الحين فضحتيهم يعني..والستر زين..(من ستر مسلما ستره الله يوم القيامه)

فاجتهدوا – عباد الله - في ستر الآثام .
" من أصاب من هذه القاذورات شيئا ، فليستتر بستر الله " رواه الإمام مالك .
فمن ابتُلي بشيء من هذه القاذورات – وهي ما يوجب الحدّ – فليستتر بستر الله .

نسأل الله أن يسترنا فوق الأرض ، وتحت الأرض ، ويوم العرض .

[عنيدووهـ]

لا حول ولا قوة الا بالله

يوم هي كانت ناويه حقهم الخير والتوبه والعظه ع قولتها

اتقوووم اتقوول السالفه مفصله ع النت ليييش

شو القصد منها ؟!!!

الله يستر ع اليميييع دنيا وآخره

[بوحارب الفلاسي]

والله حتى لو الضابط ماشافهم اتراه بيسوولهم فحص وبيثبت عليهم اذا هم مسويين الشي هذا

عن نفسي السالفه بكبرها مادخلت في راسيه مع احتراميه لصاحبت المشكله

[Mi!Ss FOFO]

الله يستر ع بناتنا وشبااابنا ...