بغيت مساعدتكم يا جماعه الخير

[um 7mdan]

السلام عليكم
ما حبيت أطول عليكم
بس اللي من رآك ممكن تساعدوني؟
زوجي صار له 3سنوات مريض،، البعض يقولون انه عين و بعض الاخر يقولون سحر
مع انه يتعب وايد و يمكن بين الأسبوع او الأسبوعين يرقد له مال ساعه بس
سبب تعبه هاذا مب قادر يداوم ولا قادر يسوي شي
فاللي عنده رقم شيخ موثوق فيه يقرا و يعالجه يزاه الله خير ما يقصر
مع العلم زوجي عمره 24 يعني مب كبير فالعمر،،،
مابا كم تقصرون معاي،، واللي عنده اي رقم او عنوان يتواصل معاي
ابغي شيخ يعالج على طول مب يقول والله أترو لين مات آخذون موعد و ابي دوركم

يزاكم الله الف خير

[بنت اليافعي]

وعليكم السلام ورحمة الله وبركاته

لا حول ولا قوة الا بالله العلي العظيم
الله يشفيه يارب

اختي انا بقولج الصراحه ،
لو تبغين انا ماعرف رقمه بس أسألوا عليه
لأنه والله موثووق منه والشاهد ربي عليه
اسم الشيخ أبو أحمد ،، ليبي ، أسألوووا عنه ،
لأنه ما شاء الله تبارك الرحمن علاجه فقط بالقرآن ، لا يطلب الاسم ولا العمر ولا من هالخرابيط
بس تقولون له شنو الاعراض اللي تصير فيه ، وهو بيقرأ عليه
ويمكن يعطيه ماء مقروء عليه وامامكم بعد تكون دبة الماء جديده ويفتحها امامكم عشان لا تشكون انه فيها شيء لا سمح الله


لو لقيت الرقم بعطيج ع الخاص ان شاء الله

[um 7mdan]

رحنا عنده ف شعبية راشد،، بس كل ما نتصل فيه يأجل و يقول من أكون فاضي بتصل ولا يتصل،،
بس اذا ف بالج شيخ ثاني ف ممكن تعطيني رقمه

[بنت اليافعي]

لا والله اختي ما اعرف براس الخيمة غيره هو
اسمه ابو احمد
هو ليبي

كان اول ف السيح ساكن الحين انتقل
قريب من خزام او الشعبية مادري

المهم انا انصحج فيه اختي
ولا تتصلون لانه اساسا مرات مايرد ع الاتصالات
فالافضل انج تخلين حد من اهلج يروح له ويقوله عن حالته وانكم تبونه ضروري لان الحاله تزيد عنه
وان شاء الله خير يارب

[um 7mdan]

ان شاء الله،، هو قرا ع ريلي مرتين و ارتاح بس يباله كذا جلسه عسبت يستوي أوكي لانه السحر اللس سووله حطوها فالاكل و كل مره يزيد

[بنت اليافعي]

انزين اذا تعرفونهم اللي سوو له ليش ما تشتكون عليهم !!

والله والله انه هالحاله صعبه لكن خليه يداوم على قراءة القران [ سورة البقرة ]
ادري راح يتعب بس الله يقويه ياااااارب


حسبي الله ونعم الوكيييل اللي ييأذون الناس
ماعليه يا خيتي ام حمدان اصبروا واحتسبوا الاجر من الله

.
.
كل شي له حكمه من رب العالمين
أسأل الله العظيم رب العرش العظيم أن يشفيه

[عشوقة]

اختي في واحد بالدقداقه ينفعج هالمكان ..! يفك السحر بعد اللي سمعة عنه الكل يمدحه ويونه من العين وكل مكان !
بس هوه بعد لازم تاخذبين منه موعد .. يعني تكلمينه الاحد ! ويعطيج موعد !
اذا ها باخذلج رقمة لو قدرت ..

[um 7mdan]

تسلمين أختي بنت اليافعي و وحده من أهله هي اللي مسويتله العمل

عشوقه أبا الرقم اذا ما عليج امر

[راعي الجيتي]

السموحه ع المداخله يمكن الموضوع صار قديم شوية ..

في واحد بالظيت الشمالي بجنب الاذاعه فوق . اسمة بوراشد .لكن مشكلته يداوم في بوظبي ولازم مواعيد .يعني يالله تحصلينه في الخميس والجمعة لضغط الناس اللي اييونه .

لو تبغين بعطيكم رقمه ع الخاص .

[um 7mdan]

أوكي ابغي الرقم اخوي