حشرات في سجادة تفتح علامات استفسهام على مصبغة في الرمس !!!!

[fanta]

السلام عليكم ورحمه الله وبركاته
اشحالكم يا اهالي الرمس الكرام واعضاء المنتدى .. اتمنى انكم تكونون في اتم الصحه والعافيه
وفي راحه نفسيه مرتاحه بعيده عن القلق ولاحزان
والحين بدخل في لب الموضووع وبكل صراحه
والموضوووع معروووف من عنوانه ..... والي هو عن (مصبغة تقع بالقرب من شعبية زايد)
اولا انا ما كتبت ها الموضووووع عشان اسيء لغيري ولا اني اقطع رزق غيري بس انا حبيت
اني اتكلم وبكل صراحه علا وعسى ان نجد الحل في هاي المسأله
الصراحه وبكل صراحه انا ما احس ان هاي المصبغه لها الكفاءه بانها تكون مصبغه
لاني من فتره كنت اموديه كفراتي وبرانيصي وسجاده البيت لهاي المصبغه
والنتيجه ان البقع البسيطه اللي لازم انها تطير موجوده ولا كانه الشيء مغسووول
وثاني السجاده لها اثار الغسل والوسخ ..... لو عندي الخبره اني اصور هاي البقع جان صوريته
بس للاسف انا معرف وما عندي الطريقه شقايل يحطون الصور
وفي مره انا كنت غاسله بعد زوليه يبتها من عندهم بس انا ما فرشيتها على طول عشان الذمه
ويوم بغيت افرشها فرشيتها وجان اشوف دوده سوداا تمشي
انا الي اتمناااه ان يكون فيه راقبه مثل ها الاماكن ... وخاصه ان كانوا يغسلون البرنوص على ثمان
والحين على عشر
السالفه مب مسأله فلوس .... لان كل واحد صار يزيد بالاسعار
ونحن نبى الزبده في الانتاج والضمير في المنتج
انا الصراحه اترددت في ان اكتب الموضوع لاني ما احب اسيء لغيري واني اتكلم عن حد
بس الصراحه لاني وايد مضايجه من ها الشيء واتمنى الحل لتعم الفائده للجميع
ولسلامه صحه الغافلين

اتمنى اني ما اسأت لاحد .... ولا اني جرحت احد
وشكرا

[fahad abdulla]

مصبغة ؟؟؟؟؟ نفسها ....!!!!!!!!!!!!!!!!!
ما اصدق وهالعالم اللي يسيرون لها وهاي النتيجه
اتمنى من الجهات المختصه تتحرك وتسوي شي

[**دمعة عذاب**]

حسبي الله ونعم والوكيل...

وين المراقبه عنهم...

تدرون الحين الواحد ما يقدر يأمن اي شي عند حد..لازم كل شغله الوحده بنفسها تسويها...

تسلمين اختي ع التحذير..

[غلا الرمس]

انا اقووول احسن شي اخدم نفسك بنفسك .. لان هالزمن محد يعتمد ع حد الصراحه ..

[رمسيه دوت كوم]

مشكوره أختي ع فتح هالموضوع وصج يبالهم مراقبه ما يصير جي وانا بعد من فتره صارت لي هالسالفه مع مصبغه ثانيه بالرمس مب هذه اللي تقصدينها وحده ثانيه ..!
كنت عاطيته فستاني ويوم رده لي مثل ما هووه ولا لمس فيه شي أربعة أيام قاعد عنده الفستان بس جي ..> شو هالذمه اللي عندهم :(

[سري للغاية]

هلا أختي عرفت المصبغه ألأي تقصدينها ونا ما قمت أسيرها لضعف خدماتها ولا مبالات العمال مرتين مودي لهم كندوره المره الأولي فقدو الكندوره وكلمت راعيها قال بيخصم من راتب العمال كسروا خاطري وطنشت وقلتله ما اريد شي وثاني مره يايبله بعد كندوره فيه أوصاخ بسيطه ولما رجعت أخد الكندوره ولا الوصخ نفس الشي ما خاز ومن هاديك المره حلف أني ما أيها مره ثانيه

[شرباك]

لا حول ولا قوةإلا بالله انا بعد صار لي الموقف بس بالكنادير مخلينها صفرة من بيضة لصفرة وكانت الدنيا عيد بس شون أنقول فأضطريت ألبس الجديم

[عايشة زماني]

...لا إله إلا الله...

[العتيبي]

أختي .. اذا تبين تثبتين شي .. ياريت تصورينه

علشان تكون هناك حجة قويه .. و لو رجعتيه للمحل و خبرتيهم

لانه لو سكتنا عن الموضوع بيطوف و لو سوينا بلبله عليها .... يمكن يصطلبون

لانى نحن ندفع فلوس و ليست الخدمة مجانيه .. علشان ما نحتج

يعني لو عطيناهم بيزاتهم ناقصه بيرضون ..؟؟

فياريت ان نحن نهتم اشوي بمصالحنا و بحقوقنا أكثر

و ان شاء الله ما تتكرر السالفه ..

و مره ثانيه لو تكررت السالفه صوري و ذكري اسم المحل بعد علشان الكل يتحذر منهم

العتيبي

[Jack Sparrow]

هههههه قصدج مصبغه *********..! اوه سوري قلت اسمها ههههههه
الصراحه اكره مصبغه رحت لها وصارت لي سالفه قبل سنتين كنت مودي الكنادير عشان يغسلونهم قلت لهم يخلصونها العشى لانه نفس اليوم الفجر بسافر العمره يس انا تاخرت ورحت لهم الساعه 12 وكانوا خلاص مقفلين بس انا اعرف صاحب المغسله ورحت له للبيت وطرش ولده عشان يفتح لي المصبغه وأخذ الكنااادير للاسف الكنادير مش مخلصات وتمييت احتشر لهم مب باقي شي لازم اجهو الشنطه ويادوب نادوا العمال وخلصوا الكنادير ورحت عنهم وللاسف للاسف اني امل وصلت العمر اوني بلبس الكندووووووره عشان اروح اصلي لقيتها فرق180 درجه قصدي 380 درجه من ثلجي لصفره(خوفي الصعيدي عاطني قندورته وماخذ كندورتي هع)المهم مالبستها يعني هااااااااااي المغسله معرووووووووووووفه انهااااااااااااااا ما تهتتتتتتتتتم وغاليه عالفاااظي بس الله يعييناااااااااااا المهم ثانكس اختي على الموضوع وسوري قلت اسم المصبغه<<<<تراه متعمد...

[fanta]

السلام عليكم
شكرا لهتماماتكم وتفاعلكم معاااي .... اكيد بحصل ها التفاعل والاهتما لان تخص الجميع وتخص صحتنا
ثاني يوم كنت اقرى الموضوع الي كتبت حسيت انه اشوي الاسلوب مب شيء ومب امرتب
بغيت اعتدل من اسلوبي بس مب طايع يتعدل .............. المهم سالفه .......... اهم شيء ان وصلت معلومه وانا احسها صادقه
لان اكثرهم امأيديني
انا عرفت عن هاي المصبغه ان فيه باب داخل المحل ها الباب من تفتحه اتشوف حوطه
هاي الحوطه فيها غساله عاديه .... يغسلون البرانيط بغساله عاديه وبعدها يعلقونها برى تنشف بالشمس
الله اعلم انا ما شفت ها الشيء ... بس فيه مصدر صادق وحقيقي وموثوق شاف ها الشيء
واحلفت انها ما تغسل عندهم
ياريت حد من افراد المنتدى يزور هاي المصبغه ويدخل لداخل ويفتح الباب السري
عشان يشوف البلاوي
ودمتم في صحه وعافيه

[بحر الذكرى]

اوويييه شو هااا
الحمدلله اغسل في البيت الا بس الكفرات
اللهم اخواني ومرة اخوي بطرانين يغسلون برع

يسلمووو حبوبه على التحذير

[بو حمد]

لا تعليق

و اذا كانت المغسلة جي لحد يروح و يتعنى و يغسل ثياابه فيها

اقووول الله يرحم اياام اول الكنادير و و الكفرات و كل كنا نغسله فالبيت

بس الحين شووي بطرنا و قمنا نوديهن المغسلة

هالاياام اخدموا انفسكم بانفسكم

لان ماااا شي فاايدة

الغش في كل مكااان

و ترا هالمغااسل ما يسوون شي غريب عجيييب او سر من اسرار الكون

ترا ماي و صاابون بس

لا تعتمدوا على الغير الحين

ترا مثل ماا يقوولوون مال عمك ما يهمك

شغلك انت بتخلصه و بتسوووويه من خااطرك

بس شغلك انت اذا حد سوالك ايااه من النااادر انه يسويه من خااطره

و السموووحة اذا زل لساااااااني بكلمه

[الصقر الاماراتي]

انا لله وانا اليه لراجعون .....

هذي المصبغة اسوي جي لا حول ولا قوة الا بالله .............
عيل محد يسير عندها مدام السالفة جي ...
وشكرا ع المعلومات.

[كلمة حق]

السلام عليكم و رحمة الله و بركاته


إختي fanta


إنتي كتبتي في بداية موضوعج أن قصدج بريء و ما ودج إتسيئين لأحد أو تقطعين رزق أحد




اولا انا ما كتبت ها الموضووووع عشان اسيء لغيري ولا اني اقطع رزق غيري




لكن للأسف موضوعج هذا كان مسيء و جر خلفه الكثير من الردود المسيئة


فالأكثرية كانو يتكلمون عن المصبغة قبل سنة و سنتين




و الحقيقة الجديدة أن

إدارة هالمصبغة اتغيرت من فترة قريبة تقل عن الشهرين

و أن أصحاب المصبغة الجدد يسعون إلى تطويرها و تحديث معداتها و التحسين من خدماتها
و كل هذا طبعا لخدمتكم يا أهالي الرمس
طبعا ما بتشوفون الفرق في يوم أو يومين لكن هذا اللي بتلاحظونه عن قريب إن شاء الله














بس انا حبيت اني اتكلم وبكل صراحه عا وعسى ان نجد الحل في هاي المسأله









]انا الصراحه اترددت في ان اكتب الموضوع لاني ما احب اسيء لغيري واني اتكلم عن حد
بس الصراحه لاني وايد مضايجه من ها الشيء واتمنى الحل لتعم الفائده للجميع


ولسلامه صحه الغافلين






إختي لو كان ودج فعلا أنج اتحصلين حل لهالمشكلة


فالحل كان لازم يكون موجود عند أصحاب الحل و هم أصحاب المصبغة نفسها

هم الوحيدين اللي يقدرون يصلحون و يطورون و يحلون المشكلة

و ما أعتقد أنج بتحصلين هني على أكثر من التعاطف أو التأييد!!










وفي مره انا كنت غاسله بعد زوليه يبتها من عندهم بس انا ما فرشيتها على طول عشان الذمه








ويوم بغيت افرشها فرشيتها وجان اشوف دوده سوداا تمشي





هممم .. إنتي ما فرشتي السجادة على طوول

يعني ممكن إنتي ألحين ظلمتي أصحاب المصبغة بهالكلام !







عموما إختي


أنا حبيت أوضح و أأكد للجميع أن أصحاب المصبغة الجدد يعملون حاليا على تطوير المصبغة

و تزويدها بالمعدات الحديثة و التحسين من خدماتها و أداءها و بتلاحظون هالشي في القريب العاجل إن شاء الله

و إذا كان عندكم أي شكاوي أو ملاحظات فهم بيكونون سعداء باستقبالها منكم

لأن فالنهاية هالمصبغة لكم و لخدمتكم

[fanta]

السلام عليكم ...
اختي كلمه حق انتي قلتي

إنتي كتبتي في بداية موضوعج أن قصدج بريء و ما ودج إتسيئين لأحد أو تقطعين رزق أحد

صح ها نيتي (( وعلى نياتكم ترزقون ))

لكن للأسف موضوعج هذا كان مسيء و جر خلفه الكثير من الردود المسيئة



فالأكثرية كانو يتكلمون عن المصبغة قبل سنة و سنتين


انا لا اقصد الاساءه لهذه المصبغه ... ولم اظلمها بل تكلمت عن شيء يخص الجميع ويخص صحتهم .... فانا لم ارى الردود السيئه بل رأيت التأيد والصحه .... لاني التمست في هذا الامر الحقيقه التي توصلت اليها
وانتي تقولين انهم يتكلمون عن المصبغه من قبل سنه ولا سنتين ..... فانا تعاملت معهم من شهور واخر نتيجه حصلت اليها من هذه المصبغه
كما هي الرداءه في الغسل
انا لم اظلم ولم احكم من غير ادله
صح نقصتني الادله باني كتبت موضوعي ولم اضع الدليل (( فالله خير شاهد على كلامي ))
فيه من رفقاتي تشهد على رداءه هذه المصبغه

و الحقيقة الجديدة أن

إدارة هالمصبغة اتغيرت من فترة قريبة تقل عن الشهرين

و أن أصحاب المصبغة الجدد يسعون إلى تطويرها و تحديث معداتها و التحسين من خدماتها
و كل هذا طبعا لخدمتكم يا أهالي الرمس
طبعا ما بتشوفون الفرق في يوم أو يومين لكن هذا اللي بتلاحظونه عن قريب إن شاء الله



اتمنى ذالك .............. والله يوفقهم في العمل الذي يتخلله الضمير والجديه في الانتاج الصحي

إختي لو كان ودج فعلا أنج اتحصلين حل لهالمشكلة



فالحل كان لازم يكون موجود عند أصحاب الحل و هم أصحاب المصبغة نفسها

هم الوحيدين اللي يقدرون يصلحون و يطورون و يحلون المشكلة

و ما أعتقد أنج بتحصلين هني على أكثر من التعاطف أو التأييد!!



انا نيتي التوضيح علا وعسى ان اجد الحل هنا وخاصه ها المنتدى يختص مثل ها الامور ويسعون لسعاده اهاليها
والله يهديهم ويصلحهم

هممم .. إنتي ما فرشتي السجادة على طوول

يعني ممكن إنتي ألحين ظلمتي أصحاب المصبغة بهالكلام !


صح لان ضميري صاحي انا كتبت ما فرشتها على طول .... ولكن كانت لها رائحه غير مستحبه ربما (( لم تجف بمعنى الكفايه ))
وطبعا انا لم اضعها في مكان قذر حتى تتربى بها الدوده .... الله المستعان
يعني ممكن إنتي ألحين ظلمتي أصحاب المصبغة بهالكلام !
الظلم ظلمات يوم القيامه ... وانا واثقه من قيمه كلامي

عموما إختي



أنا حبيت أوضح و أأكد للجميع أن أصحاب المصبغة الجدد يعملون حاليا على تطوير المصبغة

و تزويدها بالمعدات الحديثة و التحسين من خدماتها و أداءها و بتلاحظون هالشي في القريب العاجل إن شاء الله

و إذا كان عندكم أي شكاوي أو ملاحظات فهم بيكونون سعداء باستقبالها منكم

لأن فالنهاية هالمصبغة لكم و لخدمتكم



بالعكس هذا الشيء يسعدنا .... ونتمنى الاهتمام والتطور الدائم
وان شاء الله ما نسمع منها الا كل خير
وانا اسفه جدا اذا سبب موضوع الاحراج او التجريح
(( سبحانك اللهم وبحمدك اشهد ان لا اله الا انت استغفرك واتوب اليك ))