فتياتنا يا شبابنــــــــ الامــــارااات !!!!!!!!!!!!!!

[فتاة الامارات]

http://www.mzyondubai.com/upload/upfiles/9Hw45851.gif (http://www.mzyondubai.com/upload/)




ســــــــلامـ عليكمـ ...


الموضوعـ اللي راحـ اتكلمـ عنهـ هو عن فتياتنــــا في الامارات ...


مثل ما تعرفــون اكثر البيوت يالسين فيها بنات في عمر الزواج ....اي عمر زواج بل تعودوها بخمس ل عشر سنوات ....


وما شاء الله على شبابنا متزوجين من الاماراتيات ومرتاحين والله يخليهم لبعض ...والله ان هالشاب الاماراتي اللي يتزوج بنت بلاده وفي وغيور على بلاده ..


وبعض الشباب متزوجين من وافدات واجنبيات ....تعالوا شوفوا الحجج ....:::::


الحجة الاولى : بنت مهر البنت المواطنة غااااااالي ...طبعا اهلها طالبين !!! شو ذنب البنت ..وبالمقابل يقدر يروح يشتري ويتدين من البنوك عشان ياخذ له سيارة راهية ...


الحجة الثانية : البنت جامعية وبالتالي عندها افكار وطموحات مب بمستواه ( حسب تفكير الريال ) لانه هو العقل المدبر ومستحيل الزوجة تمشي رايها عليه ..وبالمقابل اصدقاء السوء يقولون له قوم نسافر او يتدخلون في خصوصياته ويقتنع بكلامهم مب مشكلة ....


الحجة الثالثة : خساير الزواج المهر الذهبة والفندق والكشخة كله مكلف وما يقدر عليهـ ...وبالمقابل بيتزوج وافدة ويسفرها في السنة مرتين او اربع تشوف اهلها وبنزيد طبعا الهدايا للاهل والاصدقاء والاقارب طبعا لانها متزوجة مواااااطن هي خسرانة شي ....لالالالالا لا بعد تربية الابناء تختلف 180 درجة مع تضارب العادات والتقاليد ...


الحجة الرابعة : لتغيير طبعه الامارتي صار يعجبه عادات الغربية ( القصد عادات البلاد الغربية مب ليوا )
فطبعا ما بياخذ له مواطنة بعاداتها البخور وغيره ..... (بعد عشر سنوات بالكثير الندم بيكون صاحبه )...


وبعد شي حجج كثيرة في عزوف المواطن عن زواجه من المواطنة ....


خلوني اخبركم عن بعض القصص الواقعية :


الاول : قصة المواطن الشاب سافر للدراسة ومع الايام حب وحدة وتزوجها ...والمواطن وفي يابها البلاد واهله تقبلوها لولدهم العزيز ( وحيد امه ) آمال الام اتحطمت بزواجه من الاجنبية لا شافت عرسه ولا فرحت ولا تكشخت بالعكس الكل عايروها مع هذا قوت قلبها عشان تشوف الحفيد ...ومرت الايام ومرت السنين ...صار لهم ست سنوات لا عيال ولا حمل ...وبعد الصبر جبرها الزوج بان تكشف للطبيبة ...الحرمة كانت تستعمل مانع لعدم الحمل ....


ست سنوات حرمتهم من الطفل ...طلقها وطرشها بلادها وتزوج بنت عمه اللي كانت خطيبته قبل 8 سنة ويابت له طفلين الله يحفظهم ..


القصة الثانية : هالمواطن تزوج من اجنبية بعد ويابها البلاد القبيلة كلها خاصمته وخاصمت اهله ...من ما اثر على خواته محد تزوجهم بعد زواجه غير الاخت الكبيرة لانها كانت متزوجة قبل سفره ..تصدقون لحد الآن صار للسالفة 8 سنوات ما تزوجوا ولا حد خطبهم والبنتين خلوقات وجميلات ومحجبات نقول نصيبهم؟؟؟؟؟؟؟؟؟؟؟؟على الاقل خلصوا جامعة ويشتغلون ويسوقن سيايير ....


القصة الثالثة : مواطن اخذ اجنبية وياب عيال والعيال ما يتكلمون العربية ...


ما بزيد اكثر ...كل واحد عارف قصص مشابهة ..


شبابنا لوين بتوصلون المواطنة صارت مثل الاجنبية بتصرفاتها بسببكم غيرت من طبعها ...


بعد عشر سنوات الهوية الاماراتية ضايعة المواطن متزوج اجنبية والعيال ضايعين بين العادات ..


شو من هوية بتكون في المستقبل ...المواطنة قاعدة وتبى ولد بلادها مرت عليها سنين وصلت ل 40 بعضهم اكثر والبعض اقل ..


اهل الاجنبية مرتاحين اما المواطنة ان خذت اجنبي ما ترتاح ...تمسكوا بعاداتكم وتزوجوا بنات بلادكم اقبلوا بهم ...تكتسبون عليها اجر ....وما بيضيعون عيالكم ولالا بتضيع الهويـــــــــــة ...


اخواني وخواتي نبى تفاعل منكم شاركوني آراءكم .....ويزاكم الله خير .




http://www.mzyondubai.com/upload/upfiles/tJi49266.gif (http://www.mzyondubai.com/upload/)

[العنود]

صدقتي وتسلمين ويعطيج العافيه

[المتميزة]

زي ما يقولوا

بنت و ولد البلد يفهموا بعض ...

يسلموووا ع الموضوع

[فتاة الامارات]

17 زائر ومشاركتين !!!!!!!!!!!!!!!!!!!!!

وينكم يا اخواني الشبااااااااااااااااب؟؟؟؟؟؟؟؟؟؟؟؟؟؟؟؟؟؟؟؟

نبى تفاعل

[الشمال مصنع الرجال]

حلات الثوب رقعته منه وفيه

وسلامتكم

[hjoorah]

عليجـ نور و الله ... لسانجـ ينقط عسل .. و الله صدق .. تسلميين خيتو على هالكلمات

[ام محمد من راك]

كلامج ينحط عالجرح يبرى

لكن وين العقول الي تفهم وتستوعب هالرمسة

بييون ويقولولج والله هاي حالات نادرة ومب شرط تعمم عالكل

لي من الكلام الكثير بس ....اعجز عن كتابته حقيقة لأن موضوعج جداً حساس وانا كوني بنت فمضطرة اني التزم بحد معين في كتابتي



بالامس حظرت زفاف وحده عمرها تجاوز39سنة وهي مواطنة وبنت لبلاد

منو تتوقعين خذها؟؟

خذها واحد خليجي (عالاقل احسن عن الرياييل الي ياخذون حريم لا هم من دينهم ولا من ثوبهم)

والله يستر عليهم ان شاء الله

الكل(الحضور) عاب عليها زواجها من هالخليجي وما عابوا على اعمارهم انهم يخلون بنت فهالسن بليا زواج ولا اعيال

احينه هاذي لين تحمل ولين اتربي ولين يشب ولدها كم بيكون عمرها؟؟!! ها في حالة فيها شدة على الحمال

مب حرام؟؟

الولد يتيتم على صغر؟؟!!!(الله يطول بعمر والدينه ان شاء الله اذا شاف النور)

الى هنا واترك المجال لغيري فالتعبير عن رأيهم

[رمش الغلا]

تسلمين الغاليه ع الطرح الغاوي

ربي يحفظج دووووم

نتريا المزيد من ابدعاتج

[تفاحة آدم]

صدقج والله ..

لمنو بيخلون بنات الامارات يعني ما يحسون بالغيرة اذا خذاهم الاجنبي ولا الخليجي !!
يا جماعه ترا ولد العم اولى من الغريب ..
مشكوره ع الطرح ..

[Just_me]

الكلام كثير ولي عودة

بس بخصوص الجامعيات اعرف واحد خذا جامعية وابتلا بافكارها صج ابتلى بلوة يعني واخر شي طلقها بعد ما عطاها كل شي من حنان ودلع وكل شي تتوقعونه

وشكر

[مرسى القلم]

احنا عندنا مثل في السعوديه
يقول حط سمنك على دقيقك
وبنت البلد اكيد بتكون اصليه

[مرسى القلم]

تسلمين على الموضوع

[أم_ميثة]

هلا غناتي مشكورة فتاة الامارات على طرحج للموضوع اكثر الردود من الجنس الناعم طبعا بدون تعليق أنا عن نفسي أشوف الهويه الأماراتية في ضياع دام شبابناوصلو وقبلو على نفسهم هل مستوى بصراحة ماألوم بنات البلاد لوتزوجو من وافدين او خليجين البنت تبى الستر وهم يسترون (ناس .......)بدون تعليق خخخخخخخخ والسموحة منكم وتقبلو مني حتى لو كان الكلام جارح الأن ألي نشوفه والي نسمعة وايد مخجل من شبابناطبعا هالكلام مش لكل الشباب .....

[بن آل علي]

السلام عليكم ورحمة الله وبركاته

أختي الكريمة شكرا على الموضوع الممتاز

لي بعض النقاط تحدثت فيها سابقا قد تفيد الموضوع وتوضح بعض الافكار

http://www.alrams.net/forum/showthread.php?t=51760 (http://www.alrams.net/forum/showthread.php?t=51760)

وحديثي كان عام وموجه للجميع

دمتم في أمان الله

[ẁĿĐźĂУỂĐ999]

يعطيج العافيه اختي صاحبة الموضوع ...صراحة عندكم حق في اللي قلتوه واحب اضيف لكم انه حد من عيال البلاد ماعرف شو فيهم ومادري وين عقولهم.. ياخذ له وحده كانت تشتغل في مرقص ولا في كوفي ولا في فندق وطبعا هالشي منتشر في الفتره الاخير وياليتها هاي المصيبه كانت بتهون علينا ...المصيبه انه بعد مايتزوجها يربع يطالب لها بجواز الامارات ..اكيد بيكون عقله مخبوق لانه هالاجنبيه مب خسرانه شي في كل الحالات ...عندي حد من هلي يداوم في الجوازات ويقول انه هاي الحالات كثرت عندهم الاجنبيه تتزوج المواطن وبعد ماتاخذ الجواز تسويله طاف وتطلق منه ويتم الجواز عندها ...وفي خاطرها تقول شو ابابه اللحين حصلت الجواز ومالي حايه في واحد غبي وطبعا العيال الله يعينهم سواءا طلقها ولاماطلقها ...طبعا مب كل الاجنبيات تفكيرهن بها الطريقه..
مجرد مداخله

[البزي]

بسم الله الرحمن الرحيـــم

والســلام عليكم ورحمة الله وبركاته

ما شــــاء الله ما شاء الله الله يزيد ويبارك

كل هذا هجوم على شباب الامارات يالله بالستر

جنهم اجرمو هذا زواج على سنة الله ورسوله

عفوا اختي العزيزه فتاة الامارات انتي في كلامج بعيده جدا

عن الواقع مع احترامي الشديد لراج الي اوافقه عليه غيــره على بنات

بلادي بس ... وحطي تحت بس مليون خط مع احترامي الشديد

اول شي وين بنات البلاد اليوم النسبه الكبيره منهم ما يعرفون

كيف يعملون الرجل لا بالكلام لا بالتصرفات ولا حتى بالأحترام

انا اقول النسبه الكبيره وليس الكل ومع قصصج الي يبتيها

انا اقولج اذا تقولين العادات والتقاليد تعالي قوليلي الله يخليج

اي عادات صارت تطبق الحينه عاده او عادتين بس

والباقي ويـــــن خليج واقعيه ولا تقولين شي الكل يدري انه

صار من التراث وانا اتحدى اي واحده او واحد فيكم يقول انه الي قلته

خيال او كلام من عندي ....

أتي مثل ما يبتي صور شينه للعلم انا اعز صديق عندي والله انه متزوج بريطانيه

بس ربي يشهد انه مش باين منها شي اسلمت وادينة وطبقت عادات العرب

اخيـــر من بنات العرب نفسهم .. هذا مثال واحد بس والامثله كثــرا جدا

مع احترامي الشديد لج أختي الكريمه كم بنت من بنات البلاد يعرفون

يطبخون لأزواجهم ؟؟!!

كم وحده في البلاد تقدر تقوم وتخدم زوجها من صباح الله خير ببسمه دافئه

كله على البشــاكير

ولو بتقولين الهدايا عفوا نســتي شي عن المواطنات ..

عشان ما الظلمهم 65 بالميه ما تتعدل الا للعرس وللصــديقات اما الرجل هاملتنه

لا تكابرين يا أختي وايد لانه الواقع مر ...

لو تبون الشباب هم الي يتخبلون عليكم ابدو بالتصــليح منكم انتو اولا

وصدقوني انه الشباب يبون الحشيمه والزينه ..

ولو على الاجنبيات ترى حجتهم من ستر الله على مسلما في الدنيا

ستر الله عليه يوم القامه ..

______________________________________

مع احترامي الشــديد للكل صح اني ما اشجع زواج الاجانب

لكني بغيت اكون حقــاني وأخذ الموضوع من جميع النواحي

والسموحه على الأطاله تحياتي لكم أخوكم البــزي

[بنت العآصمه]

..

موضوع مهم للغـآيـه وملحـوظ بعـد ..

حـتى بناتنـآ صـآرن يتزوجن من بـرآ الدولـه والسبب محد تقدم آلهم من الدوله ..

وهذا الشـي فعـلا محزن تلقونهـآ مـآتبغـي تظهر من دولتهـآ ولكن الظروف آجبرتهـآ عشـآن تشوف عيـآلهــآ وتكمل مستقبلهـآ حتى لو هـي من داخلها رافضـه ..

وعيـآل الوطن يـآخذون من برآ وآلآسباب نفس مـآذكرتيهـآ ..

لـيش تخلون بناتكم للغـرب وآنتوا آلأولـى بهن ..!!!


مهرهـآ غـآلـي ..!!

من حقهـآ عن مـآ تآخذونهـآ يوميـن وتطلقونهـآ آحس يوم المهر غـآلـي عشـآن كل مـآيفكرون بالطلاق لاسمح الله آو شي يحس بقيمتهــآ << خخخخخ شريره ..


جـآمعيـه..!!!

بالعكس هذا شرف لـك لأنهـآ بـآجر بدرس عيـآلك ..


صدقونـي آلآسبـآب هذي مـب آسباب مقنعـه ..


يالله ربنـآ كريم ان شـآء ,,


وربـي يرزق كـل بنت مـآتزوجت الزوج الصـآلح آلي يسعدهـآ ..



تحيـتي ..