العباءة .... وماذا بعد !

[قصاقيص البدري]

هل العباءة للستر أم للتبرج
مجرد سؤال............. ولكم التعليق والرد

[أسرار]

العباءةللستر طبعا و من قال غير هالكلام كاذب و من غير مفهومها لتكون طريق للفلت النظر و التباهي فهو آثم و من لبس ثوب الخيلاء فقد لبس قطعة من جهنم
إذا فالعباءة للستر و ما دون ذلك فهو ((((( لعبان)))))

[بحر الذكرى]

طبعا للستر

بس اللي نشوفه هالايام اصبحت العباءه تحتاج الى عباءه ثانيه لتغطي المكشوف والزينه

موب عباه صارت الحينه فساتين والله

اوكي بنقول في عبي ينلبس في مناسبات خاصه هب في الاسواق والا اي مكان يروحون لهم لبسوه

كانهم عارضات سوري يعني

واللي الحينه اليد مفتوحه بكبرها وسييييييعه هاي ابا اعرف لو وحده رفعت يدها كل شيء بان


الله المستعان

وربي يهدي الجميع ان شاء الله





بحر الذكرى

[ماستر بيكر]

انا ما اقول غير يا رب تهدي جميع الفتيات الى الطريق الصواب وتسترهن بحجاب من عندك يا عظيم يا كريم واكرمهن بزينة الحجاب يا رب.

الله يسترك اخوي ويوفقك ويسهل دربك ودرب كل البنات لما فيه الخير ان شاء الله

[@ وعـــد @]

من المفترض تحويل مسماها الى فستان وليس عباءة ..

منذ فترة ليست ببعيدة كنا عندما نذهب الى السوق ونجد فتاة قد لبست عباءة مطرزة تطريزا ثقيلا ملفتا للنظر .. او عباءة مخصرة تخصيرا شديدا .. نستغرب وننظر اليها نظرة دونيه ونعتبرها من حثالة المجتمع.. اما الآن اصبح لدينا مايسمى ( إلغاء بالتعود ) من شدة ما نرى ونشاهد يوميا .. للاسف هذه هي الحقيقة .. اعتقد ان النصح قد غاب عنا فغابت القيم والأخلاق ..

[شباصة منقصة]

احسـن موضوع


الصراحة العباه للســتر و الحشــمة طبــعا هذا الكلام لبنات الناس المحترمات و اللي خايفيـــن ربهــم

بس للاسف ان العبي صارت شرات الفساتين ..عافانا الله .. املكشة من فوق لين تحت و فيها زينة غريبة عجيبة

و كله كوم و اللي شفتها بالمستشفى كوم .. يعني بروحج مريضة .. الله يعافيها .. بس خافي ربـج بعمرج

لابسة عباة واااااسعة من فوق بس من تحت غيرت راايها و ضيجــتها و موب رايمه تمشــي ... شو الي حادنها ما ادري

و اللي اللي فيها الوان من فوووق و قطع و انا اتحراها البنت لابسة جلابية طلعت الاخت الفاضلة لابسة عباه ع الموضه اقصد الفوضى

و شو بعد اقول .......لو بقول ما بخــلص من قهــري على هالبنات .. و الله يهديــهم يا رب .. خافوا على عماركم يا خواتي الدنيا زوالة و عذاب النار ما تتحملة اجسامنا .. ربيــ يبعد عني و عن كل مسلم النار و الله يهديني و يهديهم


و السموووحة ع الاطالة


لان الموضوع صدق يستاهل اكثر

[*مسك الإمارات*]

بصراحة انا ويا وعد يسمونة فستان لان العباية صارت شرات الجلابية والفستان على الأقل شوية رتوشات مش
يبالغون فية ومن ينزل موديل طاروا وقلدوا وكل يوم تشوفهم عندراعي العبايات يدورون موديل ايديد والله صارت مسخرة الله يهديهم محلات البنت وهي لابسة لبس محتشم الناس يحترمونها تظن الذي تلبس حد بيتخبل عليها ماتدري الحش شو كثر من وراها

[^بنت راشد^]

طبعا العباه للستر بس ها الزمن صار العباه للتبرج والله حتى لو تروح المستشفى راح تشوف العبااه مطرزه تقول داخله عرس استغفر الله ربي يهديهم

[qubbaj]

طبعا للستره
بس بهالزمن
اسمحولي يابنات




للتبرج
وما خفي تحت العباءه اعظم

[layal.22]

اكييييييي:sm122:ييييييد للستر طبعا
والناس مب:sm166: كلهم نفس الشي

[نمراوية]

ذكرتوني بخبر كنت قاريتة من زمان
ان في شباب سعوديين ياخذون ابر يحطون فيها كلوركس
ويشوفون البنات الي لابسين مخصر
او عبايات ملفتة
ويرشون عباياتهم بالكلور ويخربون عباياتهم
الصراحة عجبتني الفكرة
يعني هذي حركة تدل على انكارهم للمنكر

[الله وكيلي]

الحمد لله .. الذي هداني .. و ما كنت لأهتدي .. لو لا أن هداني الله




( العباءة للستر و هذا ما يحتاج سؤال )


لكن السؤال

( الزينة صارت تساوي الستر .. فأين العقل .. و اين الحكمه من هذا ) ..؟


أسأل الله لي و لهم الهداية و الثبات على الحق

[قمر14.]

للستر اكيد........

على فكرة الكل بيدخل الموضوع بيقول نفس الشي للستر لان الي بيعلق هي البنت الي مقتنعه ان العباة للستر ...و الي ما خذتها للكشخه ما اعتقد انها بتعلق يعني بتسكت..بدون تعليق تقتح الموضوع وبتطلع....بختصاااااااااار الكل بيقول للستر

[TOY STORY]

البدري .. متى بترد أيام العباه المجبونه ..