غياب30 موظف في جلفار للادويه [الأرشيف]

البدون قصة لاتنتهي

13 - 3 - 2010, 08:44 AM

غياب 29موظفه وموظف في مصنع جلفار للادويه يوم الاحد بدون عذر
وخصموا عنهم راتب الشهر كامل ويدامون يوم السبت عقاب لهم
هــــــل انت مــــع ؟او ضـــد؟
خصم راتب الشهر كامل بسبب غياب يوم واحد؟
هل هذا يجوز؟

سفير جلفار

13 - 3 - 2010, 09:54 AM

شو ها المصخرة ليش راتب شهر كامل !! من زين الراتب الحين ؟؟!!

اخوي متأكد من ها الخبر ؟؟

RAKBOY783

13 - 3 - 2010, 09:59 AM

طبعآ لا

BMW ALPINA B5

13 - 3 - 2010, 10:05 AM

والله فلم هندي

لالالالالالالالالالا

غلاRAK

13 - 3 - 2010, 10:57 AM

اكيد انا ضد هذااا العقاب
عسب غياب يوم وااااحد يخصمون عنهم راتب شهر كامل
الصراحه هذاااا ظلم

حور راك

13 - 3 - 2010, 11:16 AM

من زين راتبهم والله

شو هذا شغل

يسلموو ع الخبر

ماستر بيكر

13 - 3 - 2010, 11:34 AM

مستحيل يخصمون راتب شهر كامل واصلا القانون ما يسمح بس تعال بخصوص الغياب اذا كانوا متغيبين وغيابهم اثر في الانتاج بشكل كبير فيستاهلون لانهم اخلوا بالانظمه والقوانين المتبعه وهي مب فوضه تعال وغيب هذي مصالح ناس والا عبالهم يالسين في المدرسه تعال وغيب لا لا هالكلام غير مسموح فيه بتاتا وبعدين يحمدون ربهم انخصم راتب شهر مب احسن من ينفصلون من عملهم

سلطان البلوشي

13 - 3 - 2010, 11:48 AM

يوم واحد مقابل شهر خصم

ما اظن اخوي ..

أنا من الداخل

13 - 3 - 2010, 12:14 PM

يسلموو ع الخبر

أحلام الماسة

13 - 3 - 2010, 12:29 PM

قبل ما نقول رأينا في الموضوع لازم نتاكد من صحة الخبر

وإن افترضنا إنه صحيح، لابد نعرف شو السببب الداعي لاتخاذ مثل هالإجراء؟؟؟

يمكن هذا الموضوع متكرر وسبب خسارة في الانتاج أو احترام نظام الشركة

مثل ما كتب انه غياب بدون عذر

ولذلك اضطرت الادارة لمثل هذاالاجراء لردع التسيب

وهذا رأيي حتى يتم التأكد من صحة الخبر

جريحة الصمت

13 - 3 - 2010, 12:48 PM

صح هالكلام
والله حرام وظلم بعد
بس في ناس خصمو منهم راتب كامل وفي ناس
خصمو منهم اسبوع..بس وين بيروحون من عقاب ربهم
لاو بعد دوام يوم السبت جيه حمير جايفينهم وإلا شو؟؟

هالخبر صحيح طبعاااااا..ويوم الخميس صاير بعد

Just_me

13 - 3 - 2010, 01:09 PM

اعتقد بان الغياب متفق عليه مسبقا

واظن بعد عشان يجبرون الادارة على رفع المعاشات

وطبعا ضد خصم الشهر كامل

يكفي 28 يوم بس خخخخخخخخ

لا طبعا المفروض يخصمون عنهم يوم الغياب بس

تفاحة آدم

13 - 3 - 2010, 01:17 PM

شو ها المصخرة !!
عسب يوم واحد يخصمون راتب كامل !!
منو امنزل هالقرار يقدرون يوصلون للي فوقه ويشتكون عليه
اوك ترا عاقبهم وخلاهم يداومون السبت بعد شو ..
الله يعينهم والله ..

%غمـــازة%

13 - 3 - 2010, 01:45 PM

ليش 30 شخص غايبيـــن ؟ هاي طريقة عشان يجبرون الإدارة ترفع معاشهم؟؟

ياريت حد يخبرنا شو الأسباب.. ..

طبعا" هالخصم ظلم وما حد يرضى فيه.. ..

سماري

13 - 3 - 2010, 02:33 PM

السلام عليكم
الصراحة القرار شديد وصارم شكلة الغياب متفق علية ولهذا السبب اتخذوا هالخصم
يقدرون يشتكون في العمل والعمال

الصمت المتكلم

13 - 3 - 2010, 02:37 PM

:aa_Popcorn:

الصمت المتكلم

13 - 3 - 2010, 02:56 PM

:sm136:

ما شي نار من غير دخان

صراحه

13 - 3 - 2010, 03:20 PM

قبل ما نحكم نشوف هل كان الغياب بسبب وهل هي أول مرة والنظر بالأمور المترتبة بالغياب

MR.ALRAMS

13 - 3 - 2010, 03:56 PM

انا مع العقاب .. عيل شو سبب غياب 29 شخص , و ثاني شي يمكن هذي سياسة الشركة (هذا رايي)

akes-altayar

13 - 3 - 2010, 04:00 PM

هالخير صحيح100%

لو 29 او حتى 94 في النهايه هم ناس
خصم راتب يوم ويداومون اليوم اللي بعده
اقصد الاجازه ^^

بعدين رواتب والله حرام من 7 لين 4 على 4000
اوكي اللي معاشهم 2000 او 3000؟؟؟؟؟؟؟؟؟

شقى اكلهم بيكون؟؟؟ شقى عيشتهم ؟؟ملبسهم ؟؟
يخساره الناس طاقاتها تروح على الفاضي ..

يعني ناس معاشاتهم 20ألف غير عن ناس معاشاتهم 3000 او 4000
ليش مستوى المعاش جي؟؟؟؟ بعدين الشركه ربحها بالملاييييين ؟؟؟

يعني العامل الاول والاخير المعامله والراتب هي اللي تجبر الناس على التغيب.

يعني في اجراءات الواحد يقدر يسويها عسب يخلي الكل على النظام الصح.
يعني تخيلوا مجرد فطور ممنوع انهم يشلونه معاهم في الشغل ولازم يفطرون
من المطعم الموجود في الشركه؟؟!! طبعا اشويه من الراتب بيروح على الاكل ^^
واشويه على التأمين ؟؟ واشويه على غيره ؟؟

وااايد اشياء ممكن تخلي الناس تتغيب عن عملها ..
ومشكورين ماقصرتوا على الخبر

شباصة منقصة

13 - 3 - 2010, 08:48 PM

شو ها القرااااااااااار

طبعا انا ضـــــــــــد ها القرار (الغ...)>>> و اسفة ع هذي الكلمة

شو يعني هذيل موب بشر و جي ما عندهم مسوليات و مستلزمات

عالية المقام

13 - 3 - 2010, 09:59 PM

هههههههههه حلوه هذي

الصراحه انا كنت موظفه بجلفار بس بقول هالكلام

(كل الظلم والمذله في جلفار )

ياناااااس وياااا عالم اذا تبون اكتب لكم كيف يعاملونا بجلفاااار والله بكتب يمكن صفحه كامله ما تكفي وبتعذرووون الموظفين يوم يغيبون ...

وادري لا حياة لمن تناااادي

ملاحظة/ انا اخت ضحية خاين وكتبت بنكها لاني هب مشتركة

عاشق الفتى

13 - 3 - 2010, 10:28 PM

والله ثم والله

يستاهلون هذا العقاب

مو شهر شهرين

ليكون عبره للغير

لان معطنهم ويه وايد

مافي رقابه ولا شي

الي يداوم للتسليه

فقط لاغير

ماستر بيكر

13 - 3 - 2010, 11:12 PM

~{ليش آناآ}~

14 - 3 - 2010, 12:05 AM

عالية المقام

14 - 3 - 2010, 01:09 AM

وليش تكتبين بنكها ههههههههههههههه كان افضل لو انج مشاركه وصايره عضوه من اعضاء المنتدى ولوووووو بيكون لنا الشرف تكونين وحده منا وفينا وبعدين ياريت يكون نكج عكس نك اختج تماااما لووووووووووووول على فكره مصنع جلفار يباله حد صبور وانسان فاهم يعني اقصد بفاهم يعرف شقا يمشي الشغل بأسلوب يكسب فيه الاداره يعني لا تستوون قاسيين مره ولا لينيين مره خلوكم نص نص عسب يمشي الشغل وياريت لو تصبرون فالصبر زييييييييييييييين وهذا يعتبر مصدر رزق للانسان مهما كان لابد نصبر الدنيا كلها امتحانات واختبارات ولازم ننجح فيها والسموحه

ثاااانكس اخوي على ردك

اولا انا ما ادخل دوووم المنتديات عشان اشارك
ثانيا صدفه قريت الموضوع وحبيت اشارك ,اخوي ادري ان الدنيا اختبار بس مب لدرجه انك تدخل الحمام (الله يعزك ويعز الكل )بموعد ولا بورقه احنا جفنا الويل بجلفار

السموحه منك

اخت ضحية خاين

عالية المقام

14 - 3 - 2010, 01:20 AM

يعني الكل لام المدير وقال انه ظلم الموظفين.....

ليش ما اتحطون اللوم على الموظفين اللي اتغيبوا عن دوامهم؟؟؟؟؟

يعني معقوله 29 شخص غابوا بيوم واحد؟؟؟؟

عل قولتكم... المعاشات....

دام ان معاشاتهم قليله... ليش يداومون ف جلفار اصلا؟؟؟؟؟؟

وزين سوا فيهم المدير... عشان يكونون عبره لمكن اعتبر.... ما يتغيبون من الشغل بدون سبب مقنع

حاله والله

مشكووورة اختي على ردج
انا ما برد على كل كلامج
برد بس على (دام ان معاشاتهم قليله ليش يداومون ف جلفار اصلا)

لين متى بتم روااتب راس الخيمة ضعيفه
وهم لما داوموا بجلفار لانهم ما حصلوا شغل غير هالمكان قوليلي وين الحين شغل للبدووون (اكثريت جلفار بدوون)وعلى فكرة امس ربيعتي قالتلي حتى لو غابوا بسبب مقنع ما يهمهم

اسمحيلي على ردي يمكن ما عجبج

اخت ضحية خاين

TOY STORY

14 - 3 - 2010, 06:31 AM

ونا أشوف الأدول مخلص من الصيدليه ..

جريحة الصمت

14 - 3 - 2010, 09:42 PM

نعطيكم الأسباب إلي خلت ال29 شخص يتغيب عن العمل
طبعاااا الظلم والتفرقة والفتن هاي الأسباب الرئيسية..
لاتليفون ولا اكل ولارمسة ويا الربع كل ها حرام بالشركة
طبعا منعو الموبايلات وفصلو واااااااااايد ناس بسبب الموبايلات
والله حرام .. عندهم اهل يسإلون عنهم كيف يسإلون؟؟؟
بتقولون لي من تليفون الشركة والله والله انهم يذلون الشخص
لين مايعطونه يرمس بالتليفون...لو تبون بكتبلكم تقرير عن جلفار
بس مابقوووووول غير حسبي الله ..
طبعااا هالموضوع ماله نهااااااااية وان شاء الله لنا لقاااء ثاني ...
وأخباااار ايديدة ان شاء الله..

ماستر بيكر

15 - 3 - 2010, 08:56 AM

اخت جريحه بخصوص التيلفون انا اشيد بهالخطوه واوجه لهم الف شكر تعرفين ليش لان ورى التيلفون بلاوي منها تصوير ومنها مواعد ومنها ترقيم ومنها انفلات عن العمل والخ فتأكدي ان هالخطوه فيها خير لكم ومش عذاب بالعكس وبعدين انتوا رايحيين تشتغلون هب تسولفون مو هيك عيل خلاص السوالف والدردشه وسؤال الاهل في البريك تايم ويوم بتظهرين اتصلي فيهم لين تملين وهذي وجهة نظري لوووووووووووووول والسموحه

روز الامارات

15 - 3 - 2010, 03:20 PM

ضد هذا القانون , والراتب اصلا ضعيف في مصنع الادويه , اذا الراتب يستاهل يمكن بس حرام الواحد وظروفه

روحي فارس

15 - 3 - 2010, 03:39 PM

عشان مايتغيبون مره ثانيه

حمـــ^^ــــــورهـ

15 - 3 - 2010, 04:31 PM

محد بيحس بالمعااناه غير الي موجودين بالشركه ..
ممنوع الاكل .. ممنوع الاستراحه .. ممنوع دخوول الحماام ..
ممنوووع و ممنوع و ممنوع .. بس هالممنوعاات مب فالشركه كلها فاقسام معينه بس ..
و ع سالفه الفوون .. اذا صاار شي فالبيت حد مات حد مرض لازم يكوون في وسيله توااصل من بين العامل و اهله .. والله الاهل يتصلوون ع فون الدوام يصكرون بويهم ..
و الغياااب ما كان متفق عليه .. كل شخص وظروفه .. الي عنده عرس .. و الي عنده عزه .. و الي عنده حد مريض .. مب شرط يغيب لانه مريض بس ..
الله يعيين الكل .. و الله ع الظالم .. يوم من الايام بتعرفوون من كان الظالم و منو المظلوم ..

و السموحه منكم ..

جريحة الصمت

15 - 3 - 2010, 04:57 PM

ابصراحة احترم رايك اخوي مستر..
بس انا يوم قلت بنسأل عن الأهل اقصد نطمن عليهم
تخيل من 7 لين 4 ما انعرف عنهم شي..ووقت البريك مانقدر نتكلم ابد
والربع اقصد الربع إلي ويانا في نفس المكان مانقدر نسولف وياهم..
بس وجهة نظري ووجهة نظر الي يشتغلون بجلفار غير عن وجهة نظرك اخوي
لأنك ماجربت الشي هذا.. والسموحة اخوي..

اماراتيه والهويه بدون

15 - 3 - 2010, 07:17 PM

طبعـــــــــــا لا يجوز

وماانقول الا حسبي الله ونعم الوكيــــــــل

اماراتيه والهويه بدون

15 - 3 - 2010, 07:23 PM

انا مع العقاب .. عيل شو سبب غياب 29 شخص , و ثاني شي يمكن هذي سياسة الشركة (هذا رايي)

ليش مع ؟؟؟
مب المفروض تعرف شو سبب غيابهم
واذا على 29 موظف يغيب هذا شي عادي انته تتحرى جلفار بيتنا وبيتكم
واي سياسه هااي اللي بس على قسم واحد في الشركه وليش باقي الاقسام لا
انا مااقول اللي غابوا ما يستاهلون عقاب يستاهلون بس مب لدرجه انهم يخصون عنهم شهر كامل
كل عضو موظف يحط نفسه في هالموقف ويقولنا شو رايه :sm105:

فتى جلفار 1

15 - 3 - 2010, 08:35 PM

انا ابا اللي يقول احسن انهم يخصمون منهم
انته ما تعرف ليش السبب
السبب عشان الغياب مب الكل غايب يمكن 6 من يوم واحد والباقي بعد نفس الشي
لو تغيب وتييب مرضيه ما يقبلونه ولو تموت انته هناك ما يطلعونك الا تسير عند اللي اكبر عنهم
لو تبا تسير الحمام لازم تقولهم
لو توقف ويا ربيعك خمس دقائق ما يخلونك
نحنا نداوم من 7 الى 4 والبريك نص ساعه ليش نحنا وين عيشين واذا على الانتاج نحنا نطلع يعني لو تحسبه بالفلوس
نطلع اكثر عن 3 مليون ف اليوم يعني هاا قد رواتبنا ومن زين الراتب كل شهر لازم يكون عندنا خصم على 500 على شو كل هاا
اذا انته مريض وعندك دواء ف السيارة لازم تروح عند مدير شؤون الموظفين تخبرهم انك بتسير السياره اخذ دواء وبعد اللي يدوخون ما يخلونهم يروحون يدخون حتى الاكل بفلوس نحنا ف شركه مب مطعم
على الاقل الشركه لازم توفر لنا الاكل مب ناخذه بفلوسنا
واللي يبا يترقى لازم يكون عنده واسطه

زكل ها مب ضلم وعبد مب كل هااا شي اشياء واااايده ما تعرفونه ف الشركه

راك 2010

16 - 3 - 2010, 01:24 AM

يستاهلون جي انت ساير مدرسه عشان تغيب

ماستر بيكر

16 - 3 - 2010, 11:42 AM

اراءكم طيبه وعالراس والعين بس اللي ملاحظه ان البنات متأثرين اكثر عن الشباب !

وبعدين ابي اقول لكم كلمه على ما عتقد ان مدير جلفار امريكي الجنسية وماشي على سيستم معين ويبيكم تمشون عليه عسب ما يكون في انفلات في العمل وبعدين يا هي كثر السوالف ما تخلص المهم ما نخرج عن نطاق الموضوع فالواحد بينصدم يوم يجوف29 عامل بيوم واحد متغيبين ولازم تتأكدون هل من نفس القسم او لا لا وبعدين شي مفاجئ عدد كبير لا يستهان فيه والا رح يتكرر الموقف في حال ما تم اتخاذ اي اجراء مو هيك وخلونا واقعيين وعلى قولتكم اني ما جربت بالعكس انا حاولت وتمنيت اني اداوم هناك بس للاسف ما بغوني وربي وفقني بشغل احسن ومن الساعه 8 لين 6 والحمد لله واسأل الله سبحانه وتعالى يوفق الجميع ويسهل دروبكم ياللي تداوموون في جلفار وتزيد رواتبكم ان شاء الله دائما تأملوا خير واللي صبر سنه ما يضره يوم والسمــــــــــــــــــــــوحه

قلبي الامارات

16 - 3 - 2010, 03:11 PM

حسبي الله ونعم الوكيل

الله يكون في عونهم على اداره قراقوش الظالمه والمستبده

اداره جلفار قاسيه في التعامل مع موظفيها وقراراتها صارمه

كل ما هو مسموح في الشركات والمصانع في مصنع جلفار هو ممنوع,,,.....

وكما سمعت قبل فتره استدعت المسؤوله عندهم تقريبا عشره موظفين

وقالت لهم اذهبوا لبيوتكم انتوا( مفنشين) ولا ابالغ ان قلت ان بعضهم لا

يعرف السبب في تفنيشه, اما البقيه فلاسباب تافهه مثل,استخدام التيلفون

والواحد اذا غلط يحصل على لفت نظر وانذار مو مره وحده يتفنش

اداره جلفار تعاملهم في رايي الشخصي بهذه القسوه لانهم (بدون)

شافوهم محتاجين للشغل فذلوهم وضغطوا عليهم

واللي يقول ما حد جبرهم يستمرون في شغلهم اقول له ( الحاجه)

لانهم على قدهم ويبون يعيشون ومنهم من حصل له شغله ومنهم ما حصل

بس طلعوا عشان الفكه من الظلم اللي حصلوه,,,,,.....

قرموشه

16 - 3 - 2010, 07:00 PM

ما اظني الخبر اكيد شو شهر لعبان هو اغيب يوم واحد ينخصم عني راتب شهر كامل لاااااا لااااا مش معقول ما دش العقل

انسان عادي

17 - 3 - 2010, 12:26 AM

اكيد لا

omkhalid

17 - 3 - 2010, 11:32 AM

شو ها المصخرة ليش راتب شهر كامل !! من زين الراتب الحين ؟؟!!

اخوي متأكد من ها الخبر ؟؟

مدير

17 - 3 - 2010, 08:31 PM

يستاهلون

مدير

17 - 3 - 2010, 08:33 PM

يستاهلون والله معقوله 30 يوم واحد شو اكيد متفقين

مدير

17 - 3 - 2010, 08:34 PM

شكرا على الخصم يستاهلون

مدير

17 - 3 - 2010, 08:34 PM

الاداره يسلموا بارك الله لهم وربي يسعدهم

مدير

17 - 3 - 2010, 08:36 PM

:sm141:يسلموا بصراحه انا معاه الخصم يحمدون ربهم انه مافنشوهم

مدير

17 - 3 - 2010, 08:53 PM

السلام عليكم ورحمة الله وبركاته

موضوع غياب 30 موظف في جلفار في يوم واحد مااعتقد معقوله ولا صدفه

اول شي اللي غابوا 30 موظف بصراحه ما يدخل العقل ولا حد يصدقه ومحد ييب كلام من عنده
ولا يقول كلام ماصار ولا استوى هذي شركه خاص
ثاني شي هذي شركه خاصه يعني كل ماغاب الموظفون قل الانتاج يعني من وين ييبون رواتب الموظفين

وثالت شي اللي عنده شي ما يتكلم بالهوي او شي يسير الاداره ويتكلم ويقول اللي بخاطره
وما يسب الناس

ورابع شي التلفون ممنوع لازم لانه شركه خاصه يبون انتاج مايبون لعب وسوالف لانه يبون انتاج اول شي رواتب الموظفون وهم انتمالموظفون تبون راتب وثاني شي سمعه الشركه وللشركه
وبعد شركه فيها بنات وشباب لازم كل انسان يلتزم لانه هذا عمل وربي العالمين يحاسبكم

واما عن الظلم والخ اخر
فكل انسان مقتنع رب العالمين يوفقه لو انشالله راتبه 1000 هذا مكتوب من رب العالمين
من فلان ولا اي حد بالعكس هذا نصيبك من الدنيا ممكن رب العالمين يختبرك ويشوفك
فالانسان يقول الحمدلله

وكل انسان يسير دربه ما يخصه في حد رب العالمين بيوفقه وبيفتح له ابواب الخير

واللي عنده شي يبا يقوله يتكلم بصراحه ويسير الاداره

لانه هذا سمعه وانتوا تشتغلون فيه فكل انسان فينى الله يراقبه

واتمنا القى ردودكم بصراحه

جريحة الصمت

18 - 3 - 2010, 05:25 PM

هلا اخوي المدير طبعا قريت الرد
وابصراحة ردك مب معقول..شكلك مب صاحي ع هالرمسة الي اتقولهااا
اخوي المدير انا مابزيد بالرمسة وياك بس اتمنى انك اداوم بجلفار واتجوف
ألي جفناه..واذا كنت تشتغل ويانا بجلفار اكيد مابتكون عند التعبئة..
والسمووووووحة اخوي بس هاذا ردي لك...

المنقبه

18 - 3 - 2010, 10:07 PM

صح ألسانج أختي جريحة الصمت لو كان الأخ المدير يشتغل في جلفار أو ع الأقل في قسم التعبئه كان حس بالمعاناه والظلم والمذله في جلفار
وإللي أيده بالماي مب مثل إللي أيده بالنار
بس ما أقول غير حسبي الله ونعم الوكيل
وإللي عنده أعتراض على كلامي أتريا الردود.
والسموووووووووووووووووووووووووووووحه

faroosi

18 - 3 - 2010, 10:10 PM

والله اذا الخبر مؤكد .. ترا هذا ظلم بشري والله بيحاسبهم عليه .. نتمنى حد من البشر يحاسب بعد
وفعلا مثل ما قال أحد الاخوان .. مب من زين راتبهم .. وعلى قولة ربعي هناك صاروا الهنود والجنسيات الثانية من الآسيويين هم الملوك ..
كان ممكن تكون العقوبة بشكل ثاني .. تكون على الاقل حقانية في حقهم .. تكون خصم راتب يوم واحد مثل ما يقول القانون والمنطق ..

الله يستر ويجير هالفقارى .. يعني ياله الواحد يحصل شغل في راك

دموع الورد@

18 - 3 - 2010, 10:16 PM

مراحب

بصراحه اخوي مدير انا اعترض على كلامك لانه ظلم وانا بصراحه ما اشتغلت بجلفار لكني سمعت عن المعاناه والظلم فيها
وانا اوافقج اختي جريحة الصمت

طوق الياسمين

18 - 3 - 2010, 10:36 PM

أنا ضد هذا القرار

خيماوية بكيفي

19 - 3 - 2010, 12:06 AM

انا الصراحه بدون زعل ضد هالشي

اولا رواتب جلفار اخرطي مب شي

وثانيا القرار فيه ظلم يالله لانهم غابوا قامواا وخصموا عنهم راتب شهر حشى شو هالقرار

خيماوية بكيفي

19 - 3 - 2010, 12:20 AM

مدير انت على ما اعتقد ما جربت الشغل هناك لا تقعد تقول شي انت ما تعرفه مووول

انا اشتغل هناك وشي ظلم

والظلم هناك بشكل ما تتوقعه

Bo 3@bdallah

19 - 3 - 2010, 01:32 AM

الرجاء من بعض الأعضاء الكرام استخدام الاسلوب الانسب في النقاش
وإلا سيتم غلق الموضوع

مراقب عام

حمـــ^^ــــــورهـ

19 - 3 - 2010, 10:57 AM

الغياب ما كان متفق عليه .. كل وااحد وظرووفه ..

و ع سالفه الفون .. صح كلااامك اخوووي المدير .. الموظف ياااي يشتغل ماييااي يسوولف بالفووون .. بس للاسف ما يخلون اي موظف يرمس بتلفون الشركه .. واذا الاهل اتصلووا بالموظف يصكرون التلفون فويهم ..

و نحن ما انشووه سمعه الشركه .. و لو رحنا للاداره محد بسويلنا ساالفه .. ع فكره اذا رحنا قلنا لللاداره ع طوول بيقولون لنا هااتوا البطاااقه و اطلعوا من الشركه ..

بس لو خلووا كل الاقساام تشتغل نفس بعض يعني ما يكوون لقسم من الاقساام وقت بريك اكثر من القسم الثااني .. و ع فكره هالسووالف ما استووت فكل الاقساام فقسم وااحد بس .. لان فبااقي الاقساام ما في لا حقد و كره و لا فتن ..

و سالفه الانتااج المووظف الواحد يطلع انتااج اكثر ما تتوقعه الشركه .. و غياب الـ 30 شخص ما رااح ياثر ع الانتااج وااايد .. المووظف الوااحد يشتغل عن 2 موظف ..

و صح كلامك اخووي قااايد الغزلان في نااس ما تعرف كيف تتنااقش .. و اذا الرد ما كاان فمكاانه لا اتحطوونه فالمووضووع .. و السموحه ..

جريحة الصمت

19 - 3 - 2010, 10:58 AM

السموحة منك اخوي قايد الغزلان

المنقبه

19 - 3 - 2010, 11:21 AM

حبيت أقولك أخوي مدير أن أحنا موضوعنا كان عن الغياب والخصم..يعني مافيه داعي أدخل حركات البنات ويا الشباب في موضوعنا .. لأن هذا موضوع ثاني .. وبعدين هذي سمعه وإنت ما يحق لك ولا لغيرك تتكلم فيها.. لأن رب العالمين يسمعك .. وبيحاسبك على كل كلمه تتلفظ فيها ..( ما يلفظ من قول إلا لديه رقيب عتيد )
وبعدين أصابع أيدك مب سوى .. يعني مايصير تجمع ..
ثانيا ممكن أعرف شوو سؤالك؟؟؟؟؟؟