(مسابقــة) إذا صمدت لمدة 18 ثانية فأنت عبقري.....

[قلم رصاص]

السلام عليكم والرحمة
اليوم أبغي أتحدى أعضاء المنتدى بنجوف منو أحسن واحد فينا
وبتكون هناك جائزة مقدمة مني
المسابقة مفتوحه لين يوم (الجمعة) مساء كمسابقة فقط 09/11/2007م.
أما التحدي فهو مفتوح ، ولكن اللي بيدخلو السحب فقط المشاركين
حتى يوم الجمعة..

الجائزة:
رصيد اتصالات
(50) درهم

شرط مهم في المسابقة:
**** يجب نسخ الرقم الأعلى على صورة ووضعها في المشاركات..
**** المسابقة مفتوحة للجميع ، أعضاء(فضية وذهبية) +
مشرفين+ رؤساء مجالس + مجلس الإدارة ،
ولكن يستثنى (مجلس الإدارة) من الفوز بالجائزة.

طريقة المسابقة:
حرك المربع الاحمر دون ان يلامس المربعات الزرقاء او حواف الاطار الاسود
يقال انه اذا صمت لمدة 18 ثانية فانت عبقري
ويقال ايضا ان الطيارين الامريكان يطلب منهم الصمود لمدة دقيقتين
جااااااااااااهزين للتحدي ؟؟؟
هذه اللعبة تعتمد على التركيز وسرعة التصرف


http://www.iol.ie/~dluby/escape.htm

[Bo 3@bdallah]

اوووف
قهررر


حلوه اللعبه ,,,
انا يبت 13 ثانيــه ,,
بس بحاااول ,,

تسلم اخوي ع اللعبه الجميله
بس منو ها جتيموه؟.

[بو ناصر]

يا الله 35 ، مين يزيد

[Bo 3@bdallah]

يا الله 35 ، مين يزيد

صدق بوناصر يبت 35 ,,,,,,
زين والله خلاص مابرقد الا اكسر لسكوور :sm79: لول

[نسيم البحر]

ان يبت 18 ثانيه ونصف يالله وين الجائزه

[Bo 3@bdallah]

انزين اي واحد يحطم السكور
يسوي برنت سكرين
ويحط لنا الصوره
كيف نتأكد ...

لي عودة ان شاء الله مع السكوور لول

[رسولـ المحبهـ]

انا تعيبني هذي الالعاب و خاصه فيها جائزه

انا ما بتكلم كم يبت بس بخليكم تشوفون

ورح اييب زياده

http://www.arb-up.com/files/arb-up-Oct2/9NH44975.jpg

[العتيبي]

http://www.alrams.net/up/uploads/7f5d559360.jpg

[بو ناصر]

342

76

يعني

دقيقة وربع

انفع مساعد طيار

يا شباب تصدقون البنات بيطوفون الرقم لانهم يتفننون في هذا..

يا الله قبل ما يكسرو ارقامنا..

[قلم رصاص]

انزين اي واحد يحطم السكور
يسوي برنت سكرين
ويحط لنا الصوره:coool:



يا شباب تصدقون البنات بيطوفون الرقم لانهم يتفننون في هذا..

ونحنا قبلنا التحدي:sm159:

[JetaimeO]

18.75

مشكور أخوي عالموضوع

إن شاء الله أكسر رقم بوناصر

هع هع

[JetaimeO]

20.687

هع هع

[رسولـ المحبهـ]

ما نقبل غير بالصوره كلكم مصدقينكم لكن اهم شي تحطون الصوره

[رسولـ المحبهـ]

http://www.pinklady-q8.com/up/uploads/1e524b630d.jpg

[بنوتة الرمس]

بصراحة اللعبة وايد حلوه

وانا وصلت 20 بس ما عرفت كيف يحطون الصوره ما اعرف كيف احفظها

فعلموني يوم بلعب مره ثانية بحط الصوره

[بو ناصر]

بصراحة اللعبة وايد حلوه

وانا وصلت 20 بس ما عرفت كيف يحطون الصوره ما اعرف كيف احفظها

فعلموني يوم بلعب مره ثانية بحط الصوره


الطريقة بسيطة وللفائدة للجميع:

1. بعد انتهاء اللعبة وحصولك على النقاط.

2. اضغط على زر prt sc وتعني بالعربي (طباعة الشاشة) هذا الزر بالقرب
من ازرار delet , insert

3. افتح برنامج معالج صور مثل (photoshop) أو (paint) واختر من
القائمة الرئيسية edit خيار (paste) وراح تنزل الصور.

4. احفظها بأي اسم تختاره ، ثم ارفقها مع الرد..

[عصفورة الرحمن]

27


http://www.alrams.net/up/uploads/a6c9d3522e.png (http://www.alrams.net/up)

[بنوتة الرمس]

مشكووور بوناصر

وانا الحين راح العبها

[قلم رصاص]

يعني لين الحينه بو ناصر الاول

منوووو قدك

[دبلوماسي الرمس]

بصراحة انا اقل من عشر محاولات وصلت 30...

بس الا احطم رقم بوناصر...

تحــــــــــــــــــــــياتــــــــــــــــــــي...

[قلم رصاص]

اوكي يا الدبلوماسي :sm288:

بس حط لنا الصورة الله يخليك:sm117:

[عصفورة الرحمن]

32

http://www.alrams.net/up/uploads/2e6fb5807a.png (http://www.alrams.net/up)

[ولد الطنيجي]

الحمد لله..

104 ثانية..

يعني دقيقة و44 ثانية (دقيقتين إلا ربع) قريبة من الطيارين..

ياالله وين الهمة..

هل من منازل..

345

[فراشة الرمس]

بعدني ما كسرت الرقم

الرقم الي وصلته يفشل

ما بقولكم

راجعتلكم برقم بحطم كل الارقام>>>كلام حريم

[قلم رصاص]

لغاية الحينه
ولد الطنيجي الاول 104,821 :sm164:

بو ناصر الثاني 76,4 :sm89: شد حيلك

عصفورة الرحمن 32,375 :sm288: بعدج وراج درب طووووويل

[الأغين]

11

http://www.up4uae.com/upfiles/NLj62984.bmp

:sm100:

[ولد الطنيجي]

149

يعني دقيقتين ونصف تقريباً..

خلصت اختبار الطيارين..


349

[:: ماجد ::]

خمسين ألف مرة تميت احاول لين مااقدرت

160

معلم سواقين الطيارة هههه

http://www.alrams.net/up/uploads/13625eb6c3.jpg (http://www.alrams.net/up)

[قلم رصاص]

اوووووووووكي :sm288: ماااااااااااجد
160

هل من منازل...:sm159:


ولد الطنيجي عندك فرصة لين آخر اليوم.... شد حيلك...

[ولد الطنيجي]

اتمني منك يا قلم رصاص انك اتمدد مدة المسابقه حتى يوم الاثنين او الثلاتاء اذا ما كان عندك مانع

لاني ابي اتحدى مب عشان الرصيد عشان اشوف نفسي اقدر ولا لا ، لاني والله مشغول اشوي يادوب ألحق

والسموحة

[القناص الجزراوي]

بعد أنا أقول لو تمدد المسابقهـ احسن


مب عشان الرصيد و لا عشان اتحدى <<<<<<<<<< أكثر شي وصلت له بعد مليون محاولة هو 29 هع


بس عشان تعطي فرصة لأشخاص أكثر يجربون و يحاولون ^_^


و مشكور عـ المسابقهـ الأكثر من رائـعة

[بو ناصر]

نظراً للمنافسة الشديدة التي لمسناها في المسابقة وبناء على

رغبة عدد كبير من الأعضاء بتمديد فترة المسابقة..

فقد تم تمديد المسابقة لمدة 3 أيام على ان يكون اخر موعد لها

بمشيئة الله سبحانه وتعالى آنهاية ليلة يوم الاثنين 12/11/2007م

[رمسيه دوت كوم]

ههههههههههههه

14

نفس المكان ونفس الغلطه مرتين بس مابي ألعبها خخخ





>>> بجرب باجر ^_^

[So different]

16 وما أدري كم

مابي أكون عبقريه >> راضيه بعقليتي هههههه

ما شاء الله

يلا بصف مع المشجعين >> ما مني فايده

شدوا حيلكم

وبعدين علمونا الخطة اللي اتبعتوها عشان نحاول نتعدى سكورنا:sm114:

[نورالبدر]

أنا وصلت لـ 62 .. وما اقدر اكمل .. لول

^__^

[بن سعيد]

ههههههههههههههههه

انا حدي 16 ثانيه

[ولد الطنيجي]

الحمد لله
أقول ماشاء الله تبارك الرحمن
وصلت ضعف اختبارات الطيارين..

236 ثانية

يعني

4 دقائق تقريباً

381

[رمسيه دوت كوم]

ما شاء الله عليك ^_^

أنا نفس النتيجه مب راضيه تتعدل :(

[:: ماجد ::]

تم تحطيم الرقم القياسي مرة اخرى ((الله يهديك ضيعت علي وقت المذاكرة وانا احاول احطم الرقم))

http://www.alrams.net/up/uploads/65150f0e8f.jpg

[قلم رصاص]

السلام عليكم ورحمة الله وبركاته

مبروك للفائز ولد الطنيجي في المسابقة عن جدارة وذلك بعد وصوله للثانية رقم 236

والسموحة عن التأخير في إعلان اسم الفائز نظرا لإرتباطي في العمل وعدم القدرة ع الدخول للمنتدى
وهارلك أخوي ماجد صح حطمت رقمه لكن اسمحلنا مانبي نظلم حد لأن القانون محدد يوم الإثنين كآخر يوم للمسابقة وعقبال المرات الياية تفوز إن شاء الله

والسموحة

[فراشة الرمس]

مبروك ولد الطنيجي


يالله نبغي حلوان الفوز

[فراشة الرمس]

ماجد مبروك عالفوز بعد انتهاء وقت المذاكرة اهم شي انك حطمت رقم ولد الطنيجي