تسجيل الدخول

مشاهدة النسخة كاملة : ((رسالة إلى ابوي))


ام محمد من راك
7 - 4 - 2010, 11:33 AM
أبيك يا بوي ولو لمرة تسمعني

ودي أشكيلك عن الي فيني

وأبي هالمرّه بس هالمرّه تفهمني

لا تجي تحكم علي بقولة:ضاع الحيا مني

بس يابوي ارجوك كفاية,بس هالمرّه قدرني

ودي انام بحضن زوج يحويني

وعلى السانه كلمة حلوة تغريني

أبي منه ولد,يناديني:ياماما شليّني

وأبي بنت ادلعها مثل ما كنت تدلعني

ليش الرفض يا بوي؟؟ليش من حلمي تحرمني

انا ما عدت لك طفلة وترى الاعوام تسبقني

مابي اوصل للعنوسة ولابي الناس تعايرني

أجل لا مر علي الوقت!!منو من هالناس يذكرني؟؟!!!

لأ يا بوي ارجوك كفاية,,هالمرّه سامحني

راح اعاندك واعصيك,,ولا من زواجي تحرمني
أسير الدموع
7 - 4 - 2010, 02:33 PM
روووووووووووعة الكلمات
فيج الخير اختي
يعطيج العافية ع الكلمات ولا أروع
فديتني شيطونه
7 - 4 - 2010, 04:12 PM
تسلمين ع الطرح حبوبه ..~
البيت السعيد
7 - 4 - 2010, 06:01 PM
كلمات يجمعها الامل ونهايتها الالم
بالعقل والحكمة لا لن اباك لك ظلم

قلم جميل مشرق
قوت القلوب 2007
7 - 4 - 2010, 07:54 PM
راح اعاندك واعصيك

؟؟؟؟

تسلمين الغالية
ماستر بيكر
10 - 4 - 2010, 02:15 PM
الله يستر عليج دنيا واخـــــــــــره اختي وربي يوفقج بالزوج الصالح واللي يرضيج ويرضي ابوج ويسترج دنيا واخره


والصبر زين وكل من صبر نال وهذا اختبار من رب العباد ( ان الله مع الصابرين )
رذاذ عبدالله
10 - 4 - 2010, 05:42 PM
الحياة سواء كانت عزوبية أو زواج الجميع يستصرخ من معاناته وهمومه،،
فقطــ بالرضا والقناعة وزرع السعادة في قلوبنا وأفكارنا نعيش بسعادة،،
والوالد له قيمة عزيزة وغالية لا تقدر بثمن،،
فهو حريص ويطالب بالزوج المناسب لبناته،،
فربما كان أول الطارقين هم خيرهم أو العكس ،،
أن يتأخر الطارق الجيد،
أتمنى لك حياة سعيدة،،
دمت بخير،،
ام محمد من راك
26 - 9 - 2010, 09:45 PM
^_____^ مشكورين وما قصرتوا

الصراحة لي كتابات كثيرة بس ما اجرأ احطيها عالمنتدى

وان شاء الله بنزل لكم شي جريب ^___^

لا هنتوا عالمرور الحلو
السامعيه
27 - 9 - 2010, 12:19 PM
ماشاء الله عليج .... طلعتي تكتبين خواطر ..... الله يوفقج ويحقق جميييييييييييييييييييييييييييييع احلامك...
الأميرة الحسناء
27 - 9 - 2010, 02:01 PM
بس يابوي ارجوك كفاية,بس هالمرّه قدرني

ودي انام بحضن زوج يحويني

وعلى السانه كلمة حلوة تغريني



تسلمين الغاليه ع الكلام الطيب

ربي لايحرم بنات المسلمين من الزواج ويرزقهم الزوج اللي يقدرهم

ويقدر الحياه الزوجيه ..

ربي يوفق الجميع ...


شاكره لج تواجدج ربي لاهانج الغلا...
بنوته السيح
27 - 9 - 2010, 02:08 PM
ما شاء الله عليييييج الغلاااا

تسلمييين والله يوفقج ويرزقج ان شاء الله ف الجريب العاااجل