^__^ آيسكريم ( حسن وليلى ) !!!!!

[ملك بدون مملكه]

السلام عليكم ورحمة الله وبركاته

غطيت عنكم صح وبصراحه اشتقت لهالمجلس

موضوعي غريب والاكثر ماعتقد بيعرف شو معناه او ما لحقو له بس انا مب ناسي من شفته على طول تذكرت

آيسكريم حسن وليلى منو منكم يتذكره او كله ..؟

يبت لكم صور عسب تتذكرون وياي لانه بصراحه طعمه عجيب صدق ازقرت والله ياخوفي فيه كحول وانا مادري


طبعا هالشكل والكتابه مب انا مسونها الي وياي شافني متحيس قالي بسوي لك حركه فيه ماعرف شو حط لا تسالوني نسيت اسمه عبالي عسل بس الثانيه من اختراعي احب البساطه

http://up3.m5zn.com/get-6-2008-qx973l7pim4.jpg (http://up3.m5zn.com/showimage-6-2008-qx973l7pim4.jpg)


http://up3.m5zn.com/get-6-2008-uo29vf3y742.jpg (http://up3.m5zn.com/showimage-6-2008-uo29vf3y742.jpg)


والي مب مأكول تراني مخلنه حق (قلم رصاص )

والي يبا يخبرني بييب له وانا ياي ولو ذاب ما يخصني ..انا احسدكم الحين بتاكلون ايسكريم فيمتو ولبن وتنك

تحياتي للجميع

[:: الجراح ::]

يسلمـــــو ع الصور .. :ebdaa:ملك بدون مملكه

والله يعطيك العافيــه .. ذكرتنا بأيام أووول ... ههه

[حور و نور]

مشكور ملك بدون مملكه على التذكير
صدق طعمه رهيب
الحين فيه ايسكريم ذهب مشابه له صح
ترى انا احب وايد الايسكريم والدليل على
ذلك الصوره الحلوه اللي حطيتها

[iAbdulla]

انا ما اعرف ها الاسكريم والله

بس يسلمو على الصور

وبانتضار اليديد منكـ

[UM HZA3]

حيا الله اخويه ملك بدون مملكه
تسلم الشييخ ع الصور..
انا اذكر هالاسكريم بس مااذكر اني كلته وايد كثركم:aa_kashra:

عيبني الصحن الاول حسيته شهي <<<< ابغي:(

تسلم يالشييخ وبالعااافيه عليييك

[ملك بدون مملكه]

يا هلا والله بالي رد ... الجراح __ حور ونور __ 3bood __ UMHza3__

اسعدني مروركم ....اعتقد الايسكريم موجود او .. له بديل بنفس الطعم

انا عايبني الاسم ماال اول حسن وليلى اونه من يابو هالاسم مادري ..من جي نزلت الموضوع

اذكركم بالماضي

بس لاحظت اكثر الي بالمنتدى اعمارهم اقل من 19 ف مالحقو له

حياكم

[قلم رصاص]

انته من وين تطلع لنا بهاي الاشياء ..
أحس عمرك فوق الثلاثين :aa_kaaak:

ع العموم مشكور أخوي عالاهداء الحلو


بس انا بعد ما اذكر هالايسكريم :aa_kashra:

[ملك بدون مملكه]

شو اسوي ..تراني جديم واحب الجديم ولا انته خلاص قوم بو ايسكريم مارس وسنكرز ..يمكن كل شئ جايز منك

تبا الصدق احس عمري فوق 30 بس لاتحاتي لقولت صاحبنا ( مو شيب انا بي عود نعناع ) اعتقد جي يقولها !! تذكرته .؟

يعني تبغي تقول لنا انه عمرك تحت 19 سنه ..لا تقص لعمرك تراك اكبر عني :sm126:

تسلم على المرور

[جروح]

انا ما اتذكر الاسم بس اتذكر الشكل والطعم اهم شي هههههههه

تسلم ملك

[7rkat]

تسلم اخوي ملك بدون مملكه ع الصور

ذكرتني به^^
مكانه موجود هالايسكريم احيده من زمان كنا ناخذ منه


rawi_rak

[غلا الرمس]

:ebdaa:

اول ما شفت العنوان ضحكت ... تذكرته والله ..

صج ايااام ولو انهم غيروا اسمه الحين اعتقد الذهب شي جيهـ ..

بس لذيذ الصراااحه ما عليهـ كلام ...

ما عليك امر يا اخويهـ هات لنا كرتوون بطريجك خخخخخ ..خلنا نتذكر الايام الخوالي

... تسلم يا اخويه ع الموضوع الحلوو ... وهذا ما تعوناهـ منك ...

كل شي يديد وحصري عند ملك بدون مملكهـ ... موووووووو !! خخ

يحفظك الرحمن ولا تنساني عاد هذي صوغتي ما ابي شي غير ..

[ملك بدون مملكه]

اسعدني مرورج غلا الرمس .......

انا بصراحه هذا الذهب ما قط شفته ولا شئ ولا كنت عارف انه تغير عبالي خلاص منعوه

حاضرين للطيبين بنييب لكم الا هوه ايسكريم وماا يغلا لاهل الرمس

تحياتي

[صدى الحرمان]

هيه أذكره ها الأيسكريم.......مال أول:sm78:

ملك شكرا ع الصور وربي يوفجك في امتحاناتك(ذاكر عدل):aa_bedjump:

[ملك بدون مملكه]

الله يوفق الجميع

شكرا صدى الحرمان على المرور :sm133:

[ربشة]

منو حسن ؟؟!

كاتبين بالآيسكريم التحت..:sm115:

لا صبر أخوي وكاتبين فوق شكلها مممممم خلني أركز شكله إسم عيسى ..ههه:sm115:


شهيتني أخوي والله كنت آكل 10 آيسكريم فنكسرت أسناني إن شاء الله ما تكون مثلي ..هههه

تسلم اخوي ع الصورة الحلوة ..

[راشد]

يا سلام شكله لذيذ ..

انا ما لحقت عليه ..

شكله ماال اول ههه

تسلم اخويه

ربي يعطيك العافيه

[soso]

يمي لذيذ يسلااااااام أبي

بس اول مرة أسمع عنها ..خاطري بواحد ..

تسلم اخوي ع الصورة ..

[نسيم البحر]

والله شهتونا ... الأسبوع الماضي كنا نتكلم عنه
كان اسمه جولدن .. بس ما أدري ليش يسمونه حسن وليلي
شكله وراه قصت حب

[ملك بدون مملكه]

يسلمووو على المرور... بنت صالح الطنيجي _ راشد _ SoSo __ نسيم البحر

نسيم البحر ... اعتقد السالفه الي قلتها صحيحه وين وين طلعو لنا ب حسن وليلى يحليلهم

تحياتي لكم

[حمودي 17]

ملـك بدون مملكـة ..

تسلم ع الصورة والموضوع الروعهــ صراحهــ .. > عاد الحين انا احترت بعمرك .. الاسكريم يديد بقول 17 جديم بقول 30 .. :sm121:

خخخخخخ > اسولف ويـاك .. :sm142:

لا بس انا عن نفسي مالحقت لها الاسكريم ..

الله يعطيك العافية ونتريا يديدك .. على أحر من التاوه ..

لك خالص احترامي ..

[ملك بدون مملكه]

مرحبا بك حمودي 17

مب وايد جديم هالايسكريم يعني بالتسعينات كان جي يسمونه .... مووول مب جديم ها ههههههه

خلاص قول 30 احلىىىىىى .. الشيب هيبه ولا شو رايك

... اذا احر من التاوه يتحترقون عقب ...وماتهونون عليه


اسعدني مرورك حبوووب

[Her Highness]

هيه اذكرته :sm105:


الله ابااااااااااااااااااااا :sm107:


هات لي ويااااااااااااك :sm151:


اووووووونه يحظناااااااااا لا ابوي مانبا الفيمتو ولبن شبعنا منه خلاااص عافه الخااطر :sm165:



انت هات لي الاسكريم وانا بسوي لك فيمتو وبمزر الفريز بعد بس اهم شي اتييب الاسكريم هههههههههه :aa_kaaak:




عليك بالعاااااااااافيه :aa_bedjump:

[ملك بدون مملكه]

ههههههههه افا حد يمل من ( النامليت ) جديم وحليلي ....

ما يهمج بنييب فالج طيب ....وانتي سوي لي اسكريم لبن آب بس مب عقب تقولي لي الايسكريم الواحد بنص وبتبيعي لي

اسعدني مرورج الجميل وروحج المرحه

تشكرات كثيرات افندم

[نورالبدر]

لووول ما عرفه~

بس شكله ناآيس

يسلمـو ..

^^

[Crystαl]

هع اول مره اشووفه ومشكوور اخوي

[ملك بدون مملكه]

نور البدر واخت القمر ....

شاكر لكم المرور ..

طبعا مب هوه الي اقصده ... بس تقريبا نفس الشكل ..

ويوم انكم ماتعرفونه عيل مالحقتو له ..تراه وايد جديم ...

[جروح]

سقطت سهواً خخخ

[جريحة زماني]

تسلم اخوي ع الصور :3ajeeb:

[شيخه بمعانيها]

صدق انه ماااال اول


بس تدرووون انه لايزال موجود بالهند ههههههههه هالسنه بعد يوم بسير ان شاء الله باكل منه

حد يباني اييب له؟؟


يسلمووو ع الصور

[ملك بدون مملكه]

جروح .... شو هالي سقط سهوا .....؟ ما فهمنا ....

الله يسلمج من الشر بنت العتيبي

شيخه بمعانيها .. ماشاء الله بتسيرين الهند .. اووف صراحه احب الهند واايد حلوه طبعا مب كلها .. يله تسيري وتردين بالسلامه .وهالله الله بالدهن عود

اسعدني مروركم ....

تحياتي

[UMM KHALID]

السلام عليكم ورحمة الله وبركاته
بسألك أخوي الملك بالله عليك وين حصلته ؟ هل هو بالاسم القديم ؟ وبالتغليفه القديمه؟ ولا تغير اسمه ولون الورقة الذهبيه ؟ أنا حصلت ايسكريم مشابه له بس مش نفس الطعم واسمه Goold ونفس لون ورقة التغليفه والله إنك خطير............... قول لنا وين انحصله؟

تحياتي أم خالد رمساوية خيماوية حتى النخاع

[ملك بدون مملكه]

وعليكم السلام ورحمة الله .....

منوره بالرد ام خالد .......

مب بالبلاد هذا وانا بروحي اتفجأت فيه من شفته ..لا طبعا مب بنفس الاسم ولا التغليف غير انا بروحي كتبت الاسم اذكركم فيه

خلاص من ارجع البلاد ان شاء الله بييب لكم

اسعدني مرورج

[جروح]

انا اللي سقطت سهواً لان رديت عالكل ومارديت علي هئ هئ هئ هئ هئ هئ هئ هئ هئ هههه

[ملك بدون مملكه]

السموحه جروح مب بالقصد اني اتجاهلج افا والله ......

لا تحطي فبالج .....العتب على النظر

على العموم اسعدني مرورج ... ودامج ماتعرفين الايسكريم عيل ما لحقتي له

وبييب لج منه بس اهم شئ لا تزعلين :sm164:

[ملك بدون مملكه]

منو حسن ؟؟!

كاتبين بالآيسكريم التحت..:sm115:

لا صبر أخوي وكاتبين فوق شكلها مممممم خلني أركز شكله إسم عيسى ..ههه:sm115:


شهيتني أخوي والله كنت آكل 10 آيسكريم فنكسرت أسناني إن شاء الله ما تكون مثلي ..هههه

تسلم اخوي ع الصورة الحلوة ..


ههههه لا مب عيسى اونه ليلى ..

يعني الحين انتي مافيج ضروس :aa_kaaak:,,,,,,, لالا مب مثلج انتي ماشاء الله 10 تاكلين باليوم

شكرا على المرور يا ربشه

[ملك بدون مملكه]

تسلم اخوي ملك بدون مملكه ع الصور

ذكرتني به^^
مكانه موجود هالايسكريم احيده من زمان كنا ناخذ منه


rawi_rak


ماشاء الله يا راوي راك ... مب مخلي لون ......

استانست على تواصلك حبوووب

وزين انه حد يتذكر وياي .....

لا ماعتقد موجود بس هالي صورته شبيه ....

تحياتي لك ...:sm164:

[جروح]

السموحه جروح مب بالقصد اني اتجاهلج افا والله ......



لا تحطي فبالج .....العتب على النظر


على العموم اسعدني مرورج ... ودامج ماتعرفين الايسكريم عيل ما لحقتي له


وبييب لج منه بس اهم شئ لا تزعلين :sm164:


لالا خلاص انا زعلت وخلصت اللحين ههههههههههههه

لالا والله انا اسووولف ..ماددري مالحقنا معنى عمري 22 ,,ولا دكانا عبدالوهاب مب مطورنا ههههههههه