ساعة رأس الخيمة" تعود للدوران (صورة)

[سفير جلفار]

ساعة رأس الخيمة" تعود للدوران


http://www.alrams.net/up/uploads/images/alrams-c23e695f8d.jpg (http://www.alrams.net/up/uploads/images/alrams-c23e695f8d.jpg)



في تجاوب سريع مع شكاوى الأهالي، بادر قسم العمليات في دائرة الأشغال والخدمات العامة برأس الخيمة إلى إصلاح خلل طارىء، أصاب الساعة الشهيرة الواقعة على أحد الدوارات الحيوية في مدينة رأس الخيمة، الذي يحمل اسمها، لتعود الساعة إلى العمل والدوران مجدداً .


قال كرم البلوشي، رئيس القسم : “إن فريقاً فنياً مختصاً سارع إلى موقع الساعة، التي تتوسط الدوار، في ساعة مبكرة أمس، لإصلاح العطل، تقديرا لقيمة الزمن، وإدراكا لأهمية عامل الوقت”، مؤكداً “حرص الدائرة على الاستجابة لمطالبات الأهالي وملاحظاتهم، ومعالجة أي شكوى ترد إليها في أقصى سرعة متاحة، في سبيل تقديم أفضل الخدمات المتاحة للجمهور، في ظل متابعة وتوجيهات عبد الله يوسف آل عبد الله، المشرف العام على الدائرة، وانسجاماً مع خطط التنمية الشاملة، التي تعكف الإمارة على ترجمتها” .


ودعا الأهالي إلى الإبلاغ فورا عن أي خلل أو طارىء يصيب الخدمات العامة والبنى التحتية على مدار الأربع والعشرين ساعة .

الخليج

[سفير جلفار]

ابي أسأل اي نوع بطاريات يركبون لها الساعة ؟ ههههههه ليكون اللي فيها صورة قطو !!


http://www.officebuy.co.nz/data/Images/Items/15/1507%20Batteries%20Torches/Eveready%20AA%20batteries%204%20pack.jpg

[layal.22]

يعطيك العافيه اخووووي
ولا مره فكرت اني اشوف الساعه من هناك
ليش هو يشتغل ولا زينه كان؟؟؟

[الفجر الصادق]

الصراحة انا احب أكذب حد

لكن اللي أذكره ان الساعة من زمان ما تشتغل

قول 5 سنوات وفوق

ليش يكتبون ان الاهالي فور ان اشتكوا استجابت الأشغال لهم

جزاهم الله خير عدلوها وركبوها لكن لا يكتبون ها الكلام

[TOY STORY]

يبالها مجابل عاد .. مب اسبوع ولنها مجيمه .

[رمساويه بالروح]

والله انا ما ادري انها تشتغل ولا زينه
بس الحين عرفت
خخخخخخخخخخ
وانا اعتقد انهم يستخدموا البطاريات الي فيها ارنب لانها ادوم اكثر عن الي فيها القطو
خخخخخخخخخخ

[زهــور الشــوق]

خخخخخخخخ

شكرا لك يا سفير جلفار ع الخبر

لكن وجود هاي الساعه من عدمها

اذكر من سنين كانت تشتغل لا وادق بعد على كل ساعه ههههع

وانشاءالله في تطور اكثر

[غلاRAK]

واخيراااا عدلو السااااعه


وتسلم اخوي ع الخبر

[bin DARWISH-97]

زسن يسون ابدال واقفه زينه

ييلموو ع الخبر

[>>جنرال راك<<]

مبرووووووووووووووووووووووووووووووووووك:aa_kashra:

[بنت المنصوري]

والله هالساعه مظلومه من استوت ما اترقعت خخخ
زين في تطور دام عدلوها هالمره
يسلمووو ع الطرح ^^

[دانة بغداد]

تسلم عالخبر ياخوي من زمان هي خربانه ماتشتغل زين صلحوها

[قلبي الامارات]

تسلم اخوي السفير ع الخبر


( دوار الساعه)


المفروض تكون شغاله دايما مو يومين وتوقف سنين!!!!!


ع العموم انا بصراحه متفائل في التغييرات اللي حصلت في دائره الاشغال وجوه اماراتيه تشرف ع العمل


اكيد ابرك من غيرهم اللي لعبوها لعب وراحوا

[شغب انثى]

بروح اطالع الساعه الحين من هناك ؟؟؟؟؟

[شباصة منقصة]

خخخخخخخخخ


حلــــيلها هالساعة



بطارية اينرجايزر احسن من بو قطو <<< خخخخخخخ


تســــــلم اخوووي ع الخبـــر

[ابتسامة رضا]

ههههه زين زين اذكروا الساعة

[مهيري وافتخر]

أظنيه تشتغل بالطاقة الشمسية خخخخ...

[حلو الاطباعي]

شكرا عالخبر

[نعيمي.خيماوي]

مبرووووك واخيرا
الحمدالله الحين منسميه دوار الساعة

[رمساوية وكلي فخر]

وأخيييراً . . طلع مسمّى الدوّآر الحقيقي بعد سنين من الانتظآار . .

ومشكوورين ع هالجهود الطيبـه وبانتظآر تلبية بـآجي الأشيـآء مثل تعديل الشوآرع -.-

[ناصر خميس]

للرفع

[مخاويهـ ذيابهـ]

اصلا الساعه بكبرها ما انتبهلها

أنا زين مني اشوف الشارع يوم اسوق

[RAKBOY783]

يعطيهم العافيه وشكرا لك سفيروووووووووووووووووووو

[moon2090]

تسلم اخوي ع الخبر

[سلطان البلوشي]

تشكر دائرة الاشغال بادارتها الجديده على المجهود المبذول منكم لما فيه مصلحة الامارة

بس نتمنى تغير دوار الساعه باكمله لانه صار له اكثر من ثلاثين سنه موجود وما تغيرفيه شي نتمنى ازالته وانشاء دوار شبيه

كدوار الساعه بدبي رائع لانه يمثل مكان استراتيجي ويقع في وسط امارة راس الخيمة

بصراحه ولا دوار براس الخيمة مميز نتمنى التمييز ..

ونتمنى تغيير اشارات المرور كما نرى في مدينة الرمس الاشارات بالاعلى ..

الامارة الوحيدة بدولة الامارات اشاراتها بالاسفل امارة راس الخيمة ,, متى سنرى شوارع راس الخيمة كشوارع الامارات

الاخرى ..

وزارة الاشغال نعلم بخططكم المستقبليه كما اعلنتم لوسائل الاعلام
وتشكرون على المجهود الرائع
والسموحه على الاطاله ..

[أنا من الداخل]

مبروووووووووووووووووووووووووووووووووك خخخخخخخخخخخخخخخخخخخخخخخخخخخخخيا اهل rak

[iAbdulla]

واخيرا

انزين متى العزيمة بها المناسبة العظيمة ؟

والله فضيحة ها الدروار والساعه اللي فيه انا اقول لو يغيرونها احسن يوم انهم مب قدها

الحين البيوت يشغلون الساعه على الكهرباء وهم اظن بعدهم على البطاريات !!!

[روز الامارات]

صراحه راس الخيمه يبالها اهتمام من المسؤلين , وبالها تعديل واهتمام في الشوارع وغيررررررررررررررررررررررررررررررررررررررره

[اسد الجبال]

صراحه راس الخيمه يبالها اهتمام من المسؤلين , وبالها تعديل واهتمام في الشوارع وغيررررررررررررررررررررررررررررررررررررررره


راس الخيمة ما ناقصها شي //
:67c532f844: :67c532f844: :67c532f844: :67c532f844: :67c532f844: :67c532f844: :67c532f844: :67c532f844: :67c532f844: :67c532f844: :67c532f844: :67c532f844:
مشكور سفيرووو عـ الموضوووع ..

[خيماويهـS]

مبروووووووووك والله صلحوها مابغوا >>اتذكرا ايام الطفوله كنا نسمع صوتها يوم ادق >>لو يطولون على صوتها جان زين

[Bo 3@bdallah]

اتصدقون عاد طول هالمدة انا كنت متوقع
انه هالساعه كل جهة منها توقيت لدول العالم

يعني الجهة اليمنى توقيت باريس مثلا
والجهة اليسرى توقيت طوكيو


لووووول

[رمساويه يديده]

زين زين زين سوا خير وعدلوها

فشلونا كل شي خراب بهذه الاماره

الشوارع الساعات حتى المستشفيات هههههههههههههه


يزاهم الله خير عدلوا جزء من الشوارع والحين عادت الساعه الى الدوران الاهم من هذا لاتخرف لنا

وتكون على توقيت لندن ههههههه

[فطامي الأمورة]

مبررروك على البطارية
شكرااا على الخبر

[خليفة بن محمد]

سوف يكون لرأس الخيمه شأن عظيم في المستقبل...

[admire]

خخخ وأنا توني دريت إن شئ ساعة بهالدوارة >> أول شئ خلني اعرف وين هالدوارة خخخخ

يلا زين سوا شئ
تسلم على الخبر ..~

[قاهر الصخر]

وايد عليها الساعة تشتغل لين الحين !!!!!! على ما اعتقد المورد غاشنهم ماعطنهم
ضمان ثلاثين سنة ومن كل هالمدة اشتغلت ثلاث سنوات !!!! خخخخخخخخخخ يا عمي التجارة شطارة

[شمس الغروب]

أول ما اشتغلت هذه الساعة كنا صغار ... وأذكر إنها كانت تصدر صوت كل ما صارت
الساعة بالضبط ...تسوي طن طن طن طن

[بو ناصر]

بصراحة صدق تتكلموا ولا سوالف؟ ما أعتقد أنها كانت تصدر صوت من يوم كنا صغار!!

بس لما كنا في الإبتدائي كنا ويا ربعنا نتصل في 141 يقول عند الإشارة الساعة كذا وكذا وعلى بالنا أنه يقصد إشارة الساعة ، ولما نروح لين رأس الخيمة عسب نشوف الإشارة نقول هذا وين مكتبه اللي يشتغل في الاتصالات ويطالع الساعة!!

عبط واستهبال أيام الطفولة..

إن شاء الله تستمر وفي اعتقادي أن بقاءها كدوار ساعة هي الأفضل لأنها رمز لرأس الخيمة وحركة المرور عليها ما يتطلب وجود إشارة..

[الشفق الأحمر]

أخيراً صلحوها

[rakcat]

وانا على بالي كل جهه بتوووقيت

انصدمة يوم شفت الخبر

والله فضيحه

[المنقبه]

حشاااااااااااااااااااااااااا ماتسوى علينا هالساعه .. الكل حاسدنا عليها ..
وايد عليها متحمله هالعمر كله وبعدها للحين عايشه وتشتغل .. مع إن عقاربها مصديه ..

[alking 3abod]

ان اشتغلت او ما اشتغلت نفس الشي ..

على كلن يعطيهم العافية ..

يسلموو على الخبر ..

تــحياتي ..

[omkhalid]

والله صدقك يا أخوي


الصراحة انا احب أكذب حد

لكن اللي أذكره ان الساعة من زمان ما تشتغل

قول 5 سنوات وفوق

ليش يكتبون ان الاهالي فور ان اشتكوا استجابت الأشغال لهم

جزاهم الله خير عدلوها وركبوها لكن لا يكتبون ها الكلام

[الحساس]

والله فشله وأنا حسبالي كل هالسنين أنها زينه وطلعت بالأخير ساعة صجية
عاد شوفو ألي بيصير بتلقى الواحد قاعد يطالع بالساعه ولا يدري عن شي والسيارات إلي وراه طيط طيط طيط