هل ترضى بان يصارحك احد بعيوبك؟!

[قد الحب]

طبعاً أنا لا أقصد بالعيوب هنا ,, العيوب الخِلقَية ولكن أقصد

العيوب في التصرفات او الطباع ..

على سبيل المثال : لو كان لك صديق وهذا الصديق به من الصفات

الجميلة الشيء الكثير ولكنه نمّام أو كذّاب أو كثير الكلام ,, هل ستواجهه ؟؟

واذا كانت هذه الصفات فيك ( مثلاً ) هل سترضى اذا واجهك بها .


اتمنى الصراحة.

...........

[ThIs Is Me]

تسلمين اختي ع الموضوووع ..!

وتبين الصراحه ( بواجهه وبصااااااارحه )..!

وعادي عندي انه يصارحني ..!

لانه ليييييش تخرب عليه صفات مثل هذي وهو عندهـ صفااااات احلى واحلى ..؟

وشي ثاني الشخص يحب حد يصارحهـ وانا احب الشخص الي يصارحني بعيووبي لانه مايبيلي الشر يبيلي الخير ..!

ومشكوره مره ثانيه ع الموضوع ..!

[جريحة زماني]

انا من رايي احب اللي يصارحني وما ازعل لاي كلام ينقال لي لوحدي ومشكورة اختي عالموضوع

[iAbdulla]

انا ما ابا غيير الصراحه

ويسلمو على الموضوع

[:: الجراح ::]

وانا بعد ما ابي غير الصراحه ..

ويسلمموو قد الحب ع المواضيع الحلوه ..

[روح زايد]

و الله أتمنى الصراحه بس بحدود
:sm122:شكرا ع الموضوع

[قد الحب]

يسلمووو على المرور الطيب

[soso]

انا بصراااااااااحة يعجبني ها الشيء بس بشرط ما يكون جدام الناس وربيعاتي ...
لانها بتعطي إلهم خلفية سلبية عني فما أحب جي ..>_<بس يعجبني ولكن مب علانية لان بغير من الشيء السلبي إلي فيني وبغيره و أطلع بمظهر أحسن ..

[وزيرة التربية]

مهم إن الواحد يقول لربيعه الصفات المو حلوة
بس الأهم أسلوبه وهو يقول له....

[ياليت للحب قاضي]

احلى شيء الصرااحه وانا احب الانسان الصريح صح انه بكلاامه احيااناا يجرح بس يكوني لي في المستقبل فايده واذاماا صرااحني بشي لي فيني من الصفات انا بكون ماعرف بهذا شئ ما بعدل من اسلوبي وشخصيتي الواحد يتعلم ان الصراااحه تسعى إلى تغير من الشخصيه وهذا احلى شي ويكون فيهاا مصدااقيه اكثر خاصاا اذا كانت من شخص قريب وتكون مقبوله ..

واايد بتفلسف بسني بسني لين باجر ما بخلص هههههههه..


تسلميين حيااتوو ع الطرح الرائع ..

والله يعطييج الصحه والعافيه ,,

ولاتحرمينا من يديدج دووم ..

[قد الحب]

تسلمون على المرور الطيب الصراحه في بعض الاوقات تجرح بس لها فايده

[دلووعة أمونة]

هيه عادي بالعكس جي الصداقه لو ما صارحتني بتم على غلطي ^^

شكرا على الموضوع الحلو ^^

[سلا الروح]

السلام عليكم ورحمة الله وبركاته



حلوووووووووووووووووووووه الصراحه

مشكوره قد الحب يسلموووووووووووووووووووووووووو

[ام خماس]

تسلمين ع الموضوع

[قد الحب]

يسلمو ع المرور الطيب

[patchena]

جان زين حد يصارحني بشخصيتي واسلوبي حلوه المصارحه بس وين عاد ألي بيصارحون كل حد احين يرمس من ورا ما يواجه للأسف

تقبلو تحياتي انا بنت الامارات عسل كوكتيل

[-][ بُـوفـلاَن ][-]

إأإأ السـ عليكم ـلام أإأإ

تحياتي لج إختي ‘‘ قد الحب ’’ ع الموضووووع ..

فعلا : يعني .. عني أنا أحب الصراحه ... ومعرووف بصراحتي .. كانت قوية ولا بسيطة ..
بس أوصلها بأسلوب أقنع الشخص إللي يسمعني ... مو أعق الرمسه .. وأخليه مثل ماهو .. مو عارف يمينه من شماله ...

ومن ناحية ثانية إختي ...
أنا تقريبا .. ومابين كل ثـلاث أو أربع شهووور ..
أرسل مسجات للناس إللي معاي ... يعني ... للناس إللي إحتكوا معاي فترة . ويعرفوووني ...

أسألة .. وأنوع بالأسألة .. يعني شو شخصية بوفلان ( طبعا إسمي ) .. وكذا سؤال ... ألخ ...


ومن الأجوبة أعرف إني أنا مثلا مقصر بأشياء .. ومنها أنا أعيد صياغه نفسي ..

طبعا هذا الشئ يكون بالإكثار عليه ... يعني أشوف اللي يعرفني ... بشووو يكثر النقد عليه .و أعدله ..

أشكرج إختي ع الطرح ..
والسموحة منكم طولت ..

تحياتي ... ^^_

[أسيرة الشوق]

تسلمين أختي قد الحب ع الموضوع الجيد...


أما بالنسبة لأسيرة الشوق يكون ردي في الأبيات...

تغمدني بنصحي بانفرادي

و جنبني النصيحة في الجماعة

فإن النصح بين الناس نوع

من التوبيخ لا أرضى استماعه