Make Up Cafe

[Galaxy]

بسم الله الرحمن الرحيم
السلام عليكم ورحمة الله وبركاته

المكياج ... المكيااج ... المكياج ... المكياج ...
:773ff317ee::773ff317ee::773ff317ee:

في موضوعنا هــذا بنتكلم عن كل شي يخص المكيااج ..

يعنـي من وين تاخدون الميك اب وشو أحسن ماركه استخدمتوها ..؟؟

و هالمساحة راح اتكــون منكـم ولكم .....

نستقبـل فيها كل استفساراتكم .. واسئلتكم .. اللي تتعلق بالميك اب من كل النواحـي ..

واكيــد كل البنات ما راح يقصـرون ...

وحياكـــــم الله :sm167:
:773ff317ee::773ff317ee::773ff317ee:
أختــكم لحظـة شوق

[بنوتة الرمس]

مشكووره على الموضوع

وان شاء الله تلقين تفاعل في هذا الموضوع

[صقار المدينة]

انا استخدم كريم اساس ميكاب فور ايفر

وبودرة ماك

اما الروج عندي من لوريال .. ونينا روشي ... ويمدحون روجات red earth

اما الشدوا فمن مركز الواحة ما يقصر ههههههههه

حتى البلاشر من الواحة

هاللي عندي لاني مسطله وابى ارقد

وموضوعج وايد حلو ... وبيلاقي تفاعل ان شاء الله

[فراشة الرمس]

السلام عليكم

موضوع رائع

انا بصراحة ما تمت ماركة ما جربتها

بس اخرتها استخدمت بودرة وكريم اساس من ماك

والاي شادوا من ميك اب فور ايفر ومن المعارض مثل بن ناي

والارواج من ميك اب فور ايفر بس مشكلتها تقطع الشفايف بس روج ماك رهيب

والتحاديد من اي مكان سواء الواحة او المعارض اهم شي يليق للروح

واضيف ماسكرا رويال رهيبة تغلط وتطول

وجحال مكياجي رهيب هو الي دايم استخدمة

هذا الي عندي حاليا

بس انا احب التغير في الماركات

لو قلتوا لي شي نازل جديد وحلو >>>>>>>>>للاسف علطول ادورة اشترية واجربه


لي رجعة علشان اشوف اراء الاخوات

[الطنيجية]

مشكووره حبوبه على الموضوع الحلو
واللى نقدر من خلاله نستفيد من تجارب وخبرات الخوات العزيزات

بالنسبة لى مااخذ الا من ماك
لان جربت اكثر من ماركة وسببت لي مشاكل جلدية

تحياتي

[Galaxy]

السلام عليكم ورحمة الله وبركاته

أول شـي أشكـــــــرن خواتــي على مــرور ..

بنوتــة الرمس ..

العفــو حبوبه .. وان شاء الله القى منج انتي بعـد تفااعل واتشاركينا في الموضووع ..
:67c532f844:

العابــرة...

كريم فور ايفر الصــراحه روعـه وما عليه كلاام ..
و بودرة ماك الكل يمدحها ..
وتسلمين حبيبتــي ..
واممممم عندي سؤال بوردة ماك تنفع حق كل يوم ؟؟ يعني عمليه ... لان انا يوم سألت قالولي مب عمليه ...
:67c532f844:

فراشـة الرمس ..

نفس الحاله ههه ما خليت ماركة ما جربتها ..
وشدو فور ايفر روعـه الصــراحه ... وبن ناي بعــد فنان ...
واحلـى شي في ماك ارواجهـم .. (( بالنسبـة لي طبعا))..
نفـس حالتي كل ما اسمع عن شي لازم اجربه ...
:67c532f844:

الطنيجيــة ..

اممممم انزين حبوبة شو رايج اتقوليلنا شو الماركات اللي استخدمتيها وسببت لج مشاكل جلديه ......
علشاان نعرف ونستفيد من بعض ..
:67c532f844:

لـي عودة ان شاء الله وبالصـــور ^_^

لحظـة شوق

[فراشة الرمس]

لحظة شوق بالنسبو لسؤالج

واممممم عندي سؤال بوردة ماك تنفع حق كل يوم ؟؟ يعني عمليه ... لان انا يوم سألت قالولي مب عمليه ...


فيه انوواع للبودرة في ماك

المضغوطة
والعادية
والكريمية

طبعا الي لكل يوم ينفع العادية او المضغوطة

بس تعتمد عالدرجة الي تاخذيها

لو للبيت فخدي نفس درجة البشرة او افتح بشوية

وبصراحة في ماك يقدموا النصيحة مجانا
وممكن تجربي عندهم

[Galaxy]

تسلمين فراشة الرمس ..

انا ادري حبوبه انه في انوااع ..

بس قالولي يوم اتحطينها اتحسين الويه باهت ...

وهو الاحسن انه ناخذ كريم الاساس نفس لون البشــره والبودرة افتح عن لون البشرة بدرجة ...

أما المضغوطة الصــراحه مول ما اشوفها عملية .. (( بالنسبـة لــي ))

بـس ان شاء الله بجرب وبخبــركم ^_^ ..

[Galaxy]

تسلمين فراشة الرمس ..

انا ادري حبوبه ان شي انواع ..
بس يوم سألت قالولي يوم اتحطينه اتحسين الويه باهت ..

وهو الاحسن انج تاخذين كريم الاساس نفس لون البشره والبودرة افتح عن لون البشره بدرجه ..

وبالنسبــة للبودرة المغضوطه ما احسها عمليه موول ..

وان شاء الله بجرب وبخبركم ^_^

[Galaxy]

السلام عليكم ورحمة الله وبركاته ...

آسفــة عالتأخيـــر ...

بالنسبــة لـي ...

استخــدم كريم أساس وبودرة بوبـــا .. وايد عملية وتخلي الويه صافي وحلو ..واتحسين ويهج طبيعي وخفيف ..

انا خذته تقريبا قبل 5 شهـور .. والكونسلــر مالهم بعد حلو وعملـــي وخفيف ... والسعــر كان حدود الـ 250 ..

أمــــــا للمناسبات استخـدم كريم اساس وبودرة جيـرلان ... الصــراحه هالماركه ما عليها كلام فنااانه وفيها لمعه حلوه بعــد تنفع للمناسبات وايد ...

وساعات استخدم بوردة مضغوطه من شسيدو .. وايد تنفع للمناسبات ... وتخلي الويه صافي مره للي ما عنده مشاكل في البشره ... ويوم اتحطين عليه البلاشر يطلع رووووووعه ...
++++..:67c532f844:..++++
المسكــــارا ...

استخـدم ماسكارا من ايف سان لوران فنانه الصـراحه اطول بشكل ملاحظ وريحتها حلوه ..ماخذه لونين اسـود وازرق .. الازرق وااااايد حلو .. وسعر المسكارا بــ 110 ...

وساعات استخدم ماسكارا ديــور وايد حلووووه وتكثف وبعد ريحتها حلوه . والسعــر اممم حدود 110
++++..:67c532f844:..++++

الجلــوسات ...

على فكــرة في أريــج يكون اغلــى بكم من درهم .. اما في باريس غاليري يكون سعره العادي .. و في وجوه يكون أرخص عن باريس بكم من درهم .. يعني انا خذت جلوس من فور ايفر في باريس كان بـ 80 درهم وفي وجوه خذته بـ 75 درهم...
اممممم الصــراحه جربت وايد ماركاات ... بس اللي عيبوني أكثر شي ... فور ايفر و ديــور وجيرلان .. فور ايفر جلوساتهم عمليه .. وديور وجيرلان احطهم للمناسبات بس ...
++++..:67c532f844:..++++

الارواج...

مــــن مــــــــاك .. ومره جربت من جفنشي حلو كاان .. بس انا ما احب الارواج وايد ...
وأسعارهم مناسبــة .
++++..:67c532f844:..++++

الجحــال ...

من ماك حلوو .. ومن فورايفر الملون مالهم روعــه دوم استخدمه .. ومكياجي بعد فنااااااان ..
وشانيل الملون مالهم حلووو ...
واسعارهم حلوه ..
++++..:67c532f844:..++++
البلاشــر...

من فورايفر روووووعــه الصـراحه .. ومن جيرلان كشخه .. وديور أكثر شي يعجبني فيه بلاشرهم خبااااااال ..

وفرشاة البلاشــر من ماك ولا فورايفر .. احس احسن شي ...
++++..:773ff317ee:..++++

التحديد...

من فورايفر وبوبـا اكثر شي آخذ .. واسعاااارهم وايد حلوه ..

هــــذا اللي عنـــــــدي...

والسموحه ..

أي ســـؤال انا حاظـــرة

:773ff317ee::773ff317ee:
لحظــة شوق

[Galaxy]

ســوري نسيــت الايشدو ...

آخذه من عدة أمااكن ..

مــن ايف سان لوران .. و مكياجي .. وميك اب فورايفر ...

لحظـــة شـوق ..

[Galaxy]

ليـــش جيه ماشي حركه .. ماشي نشااااط ..؟؟

:sm102:

[soso]

انا ما احطي الميك أب
امي و اختي الكبيرة تعرف هم يحطون حقي او بالصالون

اصبرو حقي يوم بترد اختي بقول حقكم من وين........

[Galaxy]

::
::

بأنتظـــــــــــارج حبوبـه

[فيض]

والله امس خذت بودرة ماك الكريميه بس صراحه مب شي وايد خفيفه جني مب امحطيه شي
ولا تخفي العيوب ,, مع انه يمدحونها
وانا قبل ماخذه بس غيروها مب شي....

[Galaxy]

:
:

نورتــي الصفحــة حبـوبـه ..

بوردة ماك ما تناااسب الكل ... يمكن انتي خذتي من الكوليكشن اليديد ..

لانه هم نزلوو كوليكشن يديد ...

بس اذا تقدرين حطي لما صورة البووودره علشاااااان نستفيد .. ^.^


لحظـة شوق

:
:

[ملــ الورود ــكه]

مرحبا..

بالنسبه لمكياجي أمممممم

عندي البودره المضغوطه للاستعمال اليومي من ديور حلوه وخفيفه وأحيانا أحط كريم أساس السائل من فور ايفر ...
وللمناسبات أستخدم كريم أساس الدرماكول..

الكونسيلر من فور ايفر

البلاشر من ديور

الارواج ...عندي من كل مكان ...هههههههه ومن كل الماركات بس أحسن الارواج واللي واااايد أحبها شاريتنها من لايف ستايل ..بس ما عرف شو اسم الماركه والله ارواجهم رهييبه الكل يسألني عن أرواجي ...وبعد آخذ المحددات من عندهم.

بالنسبه للكحل ..عندي كحل سمايلينج ومن بن ناي ومن ماركه برستيج من لايف ستايل..

أممممم

بعد

المسكرا من لانكوم والاينر بعد من لانكوم وبعد لاينر ثاني من بدي شوب..

وشو بعد ...

الاي شدوا عندي من مكياجي و شاريه بعد من الانترنت آي شدوا مخملي...

أمممم

هذي الاشياء اللي أتذكرها الحين ...

وبس:sm288:

[Galaxy]

يعطيــج العافيــة حبيبتي ..

انا مره جربت ديوور ابد ما ناسبني .. وعطيته لربيعتــي (( الله يحفظها وين ما تكون ))

وكونسيلر فروايفر غني عن التعريف الصـراحه ..

وبلاشر ديووور حــــــده حلوو وكلمه حلوو شويه عليه ^_*

والصـراحه حمستيني اخذ ارواج من لايف استايل ..

واسمع واايد بناات يتكلمون عن كحل اسمايلنج لكني للأسف للحين ما جربته .

ووماسكاارة لانكووم رووووعه .. خذتها الاسبوع اللي طااف .. وشكلي بسير اخذ وحده للسفـر ^_*

وانا هم شريت ايشدو مخملي من معرض .. وروعه الصراحه يعطي لمعه عجيبه وبشكل حلوو


...........................



أسعــدني مروووج غاليتي ..

لحظـة شوق

[شيخه بمعانيها]

الكونسيلر مع الكريم الاساس من ميك اب فور ايفر
البودره و البلاشر والروجات والقلوسات من مااك لنها بالفعل جنااان
الكحل ماركة بوبا رهيييب
الماسكرا من ديور واايد زينه وحتى لانكوم
بالنسبه للشدو يعتمد ،، يعني اذا مناسبتج عرس فأنصحج باستخدام ماركة مااك لنه قوي وحلو واذا للمناسبات العاديه والبسيطه استخدمي من ميك اب فور ايفر لنه طبيعي حلو

هذا اللي عندي واتمنى تستفيدون منه

تقبلي مروري

[Galaxy]

يعطيــج العافيــة حبيبتــي ...

وانا وياج في روج ماك كحل بوبا وماسكارة ديور & لانكوم وكونسيلر فور ايفر .. :sm136:

وايد اسمع عن كريم اساس فور ايفر شكلي بجربــه :sm125:

أسعــدني مرووورج غاليتــي ..

لحظـة شوق

[حــ rak ــواء]

يسلمو ع الطرح الغاوي

[Galaxy]

الله يسلمج حبيبتي ..

[xuanlu425]

Very good, hoped that writes a better article, here aoc gold (http://www.ageofconanmall.com) want to propose that some my view, hoped the author holds reader's point of view, take them as the starting point, found the new breach, stood looks at the question in Age of Conan gold (http://www.gamelee.com/age-of-conan-gold-1256.html) standpoint, like this will have is better, more real ffxi gil (http://www.gil-ffxi.com).

[لحن الحياه]

يعطيكم الف عافية عزيزاتي

[Galaxy]

الله يعافيج غلالايه ..


يالله نتريا مشاركااااااتكن ....

[لورنس العرب]

http://www.shamsqatar.com/up3/get-5-2008-qr0hxddm.jpg

[لورنس العرب]

http://www.shamsqatar.com/up3/get-5-2008-qr0hxddm.jpg



Chrome


http://www.shamsqatar.com/up3/get-5-2008-f7fa7k6a.jpg


Eternity


http://www.shamsqatar.com/up3/get-5-2008-56aj0vi4.jpg


Escada


http://www.shamsqatar.com/up3/get-5-2008-ftewxznn.jpg


Brit


http://www.shamsqatar.com/up3/get-5-2008-rw6oaibp.jpg


Polo Black


http://www.shamsqatar.com/up3/get-5-2008-oq1vb67f.jpg


Blv


http://www.shamsqatar.com/up3/get-5-2008-bgylbgor.jpg


Gentleman


http://www.shamsqatar.com/up3/get-5-2008-a4o84bvu.jpg


Visit


http://www.shamsqatar.com/up3/get-5-2008-91jiju99.jpg


Angel


http://www.shamsqatar.com/up3/get-5-2008-2f0hfk47.jpg


Safari


http://www.shamsqatar.com/up3/get-5-2008-07rgqirl.jpg


Silver Mountain


http://www.shamsqatar.com/up3/get-5-2008-zhyun9sd.jpg


Carrera


http://www.shamsqatar.com/up3/get-5-2008-0g8urfst.jpg


Dune


http://www.shamsqatar.com/up3/get-5-2008-v2aalehv.jpg


Kenzo


http://www.shamsqatar.com/up3/get-5-2008-l0bbr4xq.jpg

[لورنس العرب]

http://www.7loo.com/up/upload2.php?id=756

[patchena]

انا عاد خبيرة تجميل ميك اب تعالو وجربو عندي