قلم رصاص ينسحب من تغطية الدورة الصيفية2008

[قلم رصاص]

السلام عليكم ..


اذا كانت هذه المواضيع قد تسببت في حساسيات لبعض اهالي الرمس فاني اعلنها من اليوم عدم الاستمرار في تغطيتي لاخبار هذه الدورة حتى لا اتسبب في مشاكل اخرى..



للعلم فقط نتيجة المباراة الثانية لم تصلني الى الآن وقد اتصلت بالإداريين بأكثر من مرة ولم يوافوني بنتائجها .. وأيضا للعلم فانا شخص واحد أقوم بتغطية المباريات جميعها وبالتأكيد لدي التزامات كثيرة غير التغطية..فأرجو من الجميع تقدير المجهود الذي قمت به..



وأخيرا اتمنى ان تكون التغطية التي قمت بها سابقا نالت الإعجاب واستسمح ممن لم اقم بتغطية مبارياتهم نظرا لظروف العمل وغيرها..


وسيتم تغطية المبارايات النهائية فقط لاغير..



وهمسة عتاب اوجهها لاعضاء المنتدى:: (قدروا عمل غيركم)

[عاشقة القمم]

آي حساسية وأي خرابيط
والله إنت ما سويت شي ، بالعكس إنت بذلت جهد تشكر عليه ...
توافينا بالأخبار أول بأول ،، وتحط إلنا صور للمباراة ...
ودايماً الكلام اللي ينقال : مبرووووووك للفايز ، وهاردلك للخاسر ..
شو من الحساسية بهالموضوع ...
خلاص اللي فاز فاز واللي خسر خسر ...
صدق اللي قال : ( رضى الناس غاية لا تدرك )

.....................................

انت سو اللي يرضي ضميرك وحط في بالك ( إن واثق الخطى يمشي ملكاً )
وصدقني إن كلنا عارفين المجهود اللي انت تبذلهـ .........

[Abdullah Ahmed]

ودي اساعدك بس شو اسوي يوم الخميس سفري ((خخخ ))

انا لو كنت بدالك طالع من زمان لانه محد يساعدك

والمفروض ان العضاء المنتدى يساعدونك

[Bo 3@bdallah]

فاجأتنا في الخبر يا قلم رصاص
انا واحد ما احضر كل المباريات
ولكن اشوف التغطيات والنتايج كني حاظر المباراه ..
اتمنى انك تراجع قرارك .. بصراحه كنت شاد حيلك انت وعاشق الرمس ..

شسالفه ....

[ملك بدون مملكه]

خذ مني الكلام ... وكمل مشوارك ..ماعليك من حد ...

انتقاد بسيط جي يسوي بك ....افا والله ...

وعقب منو بيخبرني النتايج واشوف الصور ... موول ما ييت عبالك :sm11:

انا برد لك حقك وشوووف
:sm151: رد عن قرارك

:sm78:

[عاشق سمعه]

لا ياقلم رصاص نحن نقدر مجهودك اللي بذلته في سبيل التغطيه
انا ما قصدتك انته ولا قصدت عضو في المنتدى
ندري ان عندك التزامات ودوامات وندريبك ماتقصر
ارجو منك ان ما تاخذ الموضوع بحساسيه وتواصل تغطيتك للمباريات
وتسلم ..

[Bo 3@bdallah]

كمل المشوار يا قلم رصاص وماعليك ..
ولا تراني بصور من المبايل هههه
وبنزله باسمك ههه

يالله امسحها بويه ملك بدون مملكه عشانه مسكين متغرب ,,

[أبو الغزلان]

الصراحة هم غيرانين منك لأنك تغطي بصورة جميلة
وأنا معاك بلي تسوية لأن في ناس ماتقدر الي تسوية لأنهم يقولون شي بسيط
لكن محد مثلك في التغطية و خلهم يدورون واحد ثاني اذا حصلو
وشوفوا من الفاضي الذي بغطي بعدك هذا أذا غطى يوم وتعب أواكثر
والذي مايعرف للصقر يشوية؟
يالله على هذا الشي سوها حساسية
لكن مايعرفون ظروف الناس
0000000(وأن كان بيتهم من زجاج لاترمون الناس بحجر)000000000
وأنا معااااااااااااااااااااك

[:: الجراح ::]

كمل المشوار يا قلم رصاص وماعليك ..
ولا تراني بصور من المبايل هههه
وبنزله باسمك ههه

يالله امسحها بويه ملك بدون مملكه عشانه مسكين متغرب ,,


:sm136::sm136::sm136::sm136:


وأنا مع قاايد بعد .. كمل مشواركـ ..
وامسحهاا بويه اخوي ملك بدون مملكه .. :sm117:

[رفيع الشان]

لا ياقلم رصاص نحن نقدر مجهودك اللي بذلته في سبيل التغطيه
انا ما قصدتك انته ولا قصدت عضو في المنتدى
ندري ان عندك التزامات ودوامات وندريبك ماتقصر
ارجو منك ان ما تاخذ الموضوع بحساسيه وتواصل تغطيتك للمباريات
وتسلم ..



انت الحين نزلت موضوع واتهمت قلم رصاص بأنة متحيز لفريق معين..!!؟


انت سألت ليش ما نزل موضوع الفريق الاخر...؟


زين الحين خليته ينسحب من التغطية ...!!


يلا اذا تروم سير صور وييب النتايج المباريات و منو سجل الاهداف ...!!


بعدين من شوف منو الي بقصر..!!


ويمكن هذي اول مرة يتأخر فيها قلم رصاص عن تنزين الموضوع..!!


وحتى التأخير مو منه..من الاداريين الي ما عطوه النتيجة..!!


والله انكم ما تقدرون حد..!!!


همسه :: قلم رصاص ما عليك من حد...

[العنيد الحب]

قلم رصاص
يعطيك العافيه على المجهود الكبير الي تقومبه

شوف لي يريحك وسوه لايهمك كلام غيرك

الي يبغي يشوف صورته يصور عمره ويحط الصوره ويخلي عنه الزعل

يعطيك العافيه وتسلم على التغطيه الطيبه منك

تحياتي لك العنيد الحب

[العتيبي]

السموحه منك أخوي قلم رصاص

القصور مب منك القصور منا نحن .. ان ما ساعدناك في التغطيه

و اذا على الي حصل ياريت تنساه .. لأنك و بشهادة الجميع عضو أساسي في منتدى الرمس ما نقدر نزعله و اخو عزيز

ياريت انت تراجع حساباتك و تعرف ان هناك أعضاء يتريون عدولك عن قرارك اخوي

و السموحه

العتيبي

[بنــ زايد ـت]

واثق الخطي يمشي ملكا..

حط هالجملة فبالك وماعليك من حد..


واللي يبغي يرمس خل يرمس..رأي شخص واحد ما يأثر على مجهودك..http://www.alwasluae.com/vb/images/smilies/005.gif

[faza3]

يلا يا قلم رصاص كلام الجماهير لا يودي ولا ايب كلام واحد بس خلاك تنسحب رد وخلك على المجهود و مجهودك محد يستهين فيه التأخير هب منك من الي يوفونك بالاخبار واذا تبي حد يساعدك ترى نحن حاضرين والله منشكل لجنه للتغطيه واتمنا انك ترجع عن قرارك واترد وتنسى الكلام الي قالوه يلا نترياك يا اخوي قلم رصاص

[قلم رصاص]

أولا شي أحب اشكركم على الثقة الغالية اللي كانينها لي..

ثانيا قرار انسحابي من التغطية بس لاني خايف من الحساسية اللي ممكن تصير بين أعضاء المنتدى وأعضاء الرمس..
لكن لهالثقة اللي فعلا اعتز فيها وأشكركم عليها من اعماق قلبي راح توصلكم نتايج جميع المباريات اولا باول بإذن الله..


واشكركم مره ثانيه شكر حااار على الثقة الغالية..

[قلب طيب]

هــذا قلم رصاص اللي نعرفهـ ^^
يعطيييك العافيه ياخوي ع كل اللي تسوييهـ . .

ومثل ما قالوا الاعضاااء :: ثقتنا فييك كبيرهـ . .

والحمدللهـ رجعت عن قراراكـ ..

نترياا كل يديد ياخوبببهـ



والسموحهـ . .

[رمساويهـ قمر]

اشكركـ اخوي قلم رصاص ع قراركـ..

ونحن في انتظار مواضيعكـ..

[إدارة 6]

الموضوع مغلق