تسجيل الدخول

مشاهدة النسخة كاملة : مطلوب قطع غيار حق فيتارا ولا مكان ارتبهاا


القناص 87
28 - 4 - 2010, 01:52 AM
السلام عليكم ورحمة الله وبركاته

شحالكم شوو اخباركم؟

يا طويلين العمر انا ادور قطع غيار حق فيتارا

ولا مكان ارتبهاا فيهاا

الي عنده معلومات ويعرف حق هسوالف يخبرني وما بيقصر

واتريا ردودكم هني ولا علي الخاص

وسموحه منكم:sm111:
القناص 87
28 - 4 - 2010, 10:06 PM
وينكم شباب

محد رد عليه
rak-storm
29 - 4 - 2010, 12:22 AM
مرحب الغالي

عندك سكاريب الشارجه .......... وعندك بعدك كراج التاج اللي عند دوار الخران صوب كراج رد لاين ......... مممم بس هاللي اعرفه ............. بغيت اسألك فيتارتك ارقام وين ؟؟
القناص 87
29 - 4 - 2010, 06:26 PM
ام القيوين اخوي

يسلموو علي هل معلووومات

ولا قصرت
rak-storm
29 - 4 - 2010, 11:54 PM
الغالي بس بغيت اسألك ....... لو سفرت فيتارتي من دبي لأم القيوين بتتسجل هناك والا لا ؟؟؟
القناص 87
30 - 4 - 2010, 05:59 PM
lما ادري والله لاني كنت قبل باخذ وحده من دبي وراقام دبي

طلع ما فيهاا تنازل واذا تنازلة عنهاا وسويت حيازه ما تقدر تسجلهاا مره ثانيه

عندك فيتارا 6 ولا 4 ؟

يسلموو علي مرور
rak-storm
1 - 5 - 2010, 12:43 AM
هلا الغالي ....... انا ماخذ فيتارا 2700 موديل 1995 والموتر مشيه احلى عن الحلو ههههه ...... بس المشكله انه مايتحول بأسمي بس يتم بأسم الريال ويتجدد عادي .......... انته موترك شو عليه من المكاين ؟؟
القناص 87
1 - 5 - 2010, 01:03 AM
عليه مكينة 2000 بس ابي اركب وما اعرف سعرهاا زين جان بتساعدني

ابا اعرف كم سعرهاا وابي ارتبهاا من اول ويديد

كم يمشي موترك؟
rak-storm
1 - 5 - 2010, 12:01 PM
الغالي انا ماجربت كم ينزل الموتر ......... انا اجرب قومه فقط الصراحه طياره ........... رحت عن كبسوله موديل 95 ورحت عن فتك موديل 2006 وبس ........... ههههههههههه بس والله الموتر عجييييييييب قبل كنت احب النياسين بس الحين استويت من عشاق الفيتارا الصراحه الفيتارا موتر حلو حق كل شي واهم من هذا لايتقرقع شرات النيسان وصرفيته حلوه مقارنة بالنيسان ................. وعلى طاري المكينه خالي بغا يركب على فيتارته طلعة عليه المكينه بروحها 9 او 8 الاف على مااعتقد بدون تركيب بس الشباب الحين يركبون 2500 شوي ارخص عن 2700 اظن 2500 يبيعوها على كلام واحد من الشباب على 5000 طبعا من دون تركيب ............. انته لو تبا فيتارا 2700 فيه وحده معروضه للبيع كانت مال خالي سابقا لونها سماوي دخاني شرات لون الاستيشن وعليها 2700 قير عادي ومن داخل مرتبه شامواه نفس لون الصبغة مالت السياره والموتر مشاي احسن عن مالي لأنه مالي قير توماتيك وطبعا القير العادي اقوى ............ والسموحه طولت عليك
القناص 87
1 - 5 - 2010, 12:39 PM
لا عادي افااا

عليج

مشاء الله

عليه موترك

انا ابا اركب مكينه عشان اغيض بس الفتكة والاستيشنات

وبخصوص الفيتارا كم طالب فيهاا؟

ويسلموو علي الرد
rak-storm
1 - 5 - 2010, 01:05 PM
والله الغالي الفيتارا مطلوبه 23 الف ......... مااعرف اذا بينقص والا لا ؟؟؟ الموتر كان مال خالي بس باعه عواحد من ربعه والموتر عند ربيعه الحين ورد عرضه للبيع الحينه
القناص 87
1 - 5 - 2010, 01:25 PM
غاليه شوي اخوي

جان زين بتصوره وبتراويني اياه

وزين جان بنقص

ورد عليه

انته بكم شاري موترك؟
rak-storm
1 - 5 - 2010, 01:34 PM
هلا الغالي

والله تبا الصراحه هاذي اسعار 2700 قير عادي ....... بكلمه وبجوفه والحين ماعندي صورته بحاول اصورها واييبها لك ..................... وعن فيتارتي كانت مطلوبه 25 الف خذيتها بـــ19 الف ...... والسموحه منك
القناص 87
1 - 5 - 2010, 06:14 PM
ما فيك حيله مشاء الله

تعرف تكاسر في الاسعار

شووف ورد عليه ولا تقصر
Just_me
1 - 5 - 2010, 08:52 PM
اخوي بخصوص الموتر

شو القطع الغيار اللي تحتاجه وان شاء الله نقدر نوفره لك

يمكنك الاتصال بي على 0503705115 للتفاهم

وشكرا
القناص 87
2 - 5 - 2010, 12:54 AM
يسلموو اخوي

just_me

ان شاء الله بتواصل وياك

قريب
القناص 87
2 - 5 - 2010, 12:58 AM
اخوي

rak-storm

بعطيك رقمي عشان تتوصل وياي بخصوص السياره

0505960017

اذا ما عليك كلافه

وسموحه
القناص 87
4 - 5 - 2010, 05:48 PM
السلام عليكم

اخوي

rak-storm
وين هل الغيبه

من زمان ما دشيت علي الموضوع

والسموحه
rak-storm
8 - 5 - 2010, 01:40 PM
مرحبا القناص .......... السموحه منك بس النت كان مقطوع ومارديته الا اليوم ....... المهم بخصوص السياره ان شاء الله اليوم بطرش لك مسج على تلفونك بالسعر النهائي ......... والسموحه منك ........... على فكره تراني بعت الفيتارا مالتي لأنها ماتتحول بأسمي وصاحبها قال مااقدر اخلي الموتر بأسمي ........ قال لي رد لي السياره وخذ بيزاتك ........ والله اني متضايق على الاخر ................ بس ربك فرجها وحصلت لي نيسان كبسوله موديل 92 بسعر حلو وان شاء الله باجر ساير اخلص موضوعه
القناص 87
9 - 5 - 2010, 12:51 AM
بتوفيق ان شاء الله

واترياك ان شاء الله

لا تنسنا
القناص 87
10 - 5 - 2010, 10:22 PM
سموحه علي الازعاج

rak- storm

ما وصلني شي ويالس اتريا
القناص 87
13 - 5 - 2010, 11:42 PM
؟؟؟

وين محد رد عليه
rak-storm
21 - 5 - 2010, 11:43 PM
السلام عليكم ورحمة الله

اشحالك يالقناص ؟؟؟

السموحه منك شيخي بس راعي الموتر كان مسافر راعي الفيتارا 2700 ......... المهم الريال قال لغى عرض البيع من زمان والحين الموتر عليه شغل كامات وسوالف تزويد وخرابيط وقال خلاص مايفكر يبيع .......

والسموحه منك شيخي
القناص 87
22 - 5 - 2010, 03:35 PM
لا عادي افاا عليك

مشاء الله موتر الي في الصوره

فنان
القناص 87
22 - 5 - 2010, 03:55 PM
بغيت اتخبرك ابا موتري يمشي شوي بددون ما ابدل مكينة الوكاله شوو تنصحني

ابا شي خفيف وعادي سمعة حد يقول ركب كويل msd ووايرات وزيد كهرباء وهيدرز وفلتر وتنزيل؟

انته بشوو تنصحني وتخبرلي حد عنده خبره ويسلمووو
rak-storm
22 - 5 - 2010, 04:53 PM
لا عادي افاا عليك

مشاء الله موتر الي في الصوره

فنان


تسلم هذا من ذوقك ................ اصبر علي شوي لين مااداوم بخليه فول استروكر مشكله حاليا ماشي خرده هههههههههههه
rak-storm
22 - 5 - 2010, 04:57 PM
بغيت اتخبرك ابا موتري يمشي شوي بددون ما ابدل مكينة الوكاله شوو تنصحني

ابا شي خفيف وعادي سمعة حد يقول ركب كويل msd ووايرات وزيد كهرباء وهيدرز وفلتر وتنزيل؟

انته بشوو تنصحني وتخبرلي حد عنده خبره ويسلمووو


والله يالغالي انا خبرتي في الفيتارا بسيطه:sm105: بس خوالي عندهم خبره بالفيتارا لأنهم من عشاق الفيتارا هههههههههههه :sm142:................. والله يالغالي انته حدد كم ميزانيتك عسب انجوف شو التزويد اللي يناسب موترك:sm105: ؟؟؟ انا بسأل خوالي وبرد عليك
القناص 87
22 - 5 - 2010, 11:41 PM
ميزانيتي بسيطه ياخوي لاني بعد ابي ارتبهاا من داخل ومن برهلهم مال شي بسيط

ييعني انته شاورهم ورد عليه قولهم ابي شي بسيط يعني ابي اخليه موتر حي

واتريا ردك

وسموحه وبغيت اترخص من ادارة المنتدي اني اقول حق اخوي rak-stormانه يطرش ايميله علي رقم فوني في الموضوع فوق عشان نتفاهم في وضع السياره

واترياط طرشه اخوي
rak-storm
23 - 5 - 2010, 12:25 AM
مرحبا القناص .... نك نيمي هو ......... اكيد عرفت بس عليك انك تحط @ وتكتب هوت ميل وراها

ان شاء الله فهمت عليه
القناص 87
23 - 5 - 2010, 07:36 PM
تمت الاضافة

واترياك ان شاء الله

ويسلمووو
العاشق الولهان
9 - 7 - 2010, 05:03 AM
بالتوفيق