ابيك ولا ابي غيرك على صدري ينام

[غاية المنى]

بسم الله الرحمن الرحيم..


أبيك و ما أبي غيرك على صدري تعال ونـــــام
أبيك ويشهد البـــاري ملكت أرض الغلا فيني

أغيب أيام وارجع لك بشوقٍ يحتريك أعــــــــوام
بعيد لكن بروحي سكنت وضمتــك عينـــــــي


ثلاث أيام من عمري كتب موته بعد ما قــــــــام
ودمع العين يا ويلي يدق البــــــــاب ويلفينــــي


أنا من رحت حلت بي هموم ٍعشتها واسقــــــــام
ملت روحي يا روح الروح..حضنت الموت بيديني


ملامح لهفتك تضوي سماي وقلبي لاأبد مــــا رام
يا كود تمره بليله وتشعل بـــــــــاقي سنينـــي


تزاحم في الحشا نبضي وتسكن في المنام أحلام
تمنت تلتقيك اليوم ومدري كــــــان يمدينـــــي


أنا لا قلت فمان الله أحس بخافقي سهـــــــــام
تزيد طعونها وتغرس ألم واحــــــزان تكوينـي


تقول اليوم تعال لي دخيلك عجل باقـــــــــدام
خطت فوق الثرى تنوي بعـــــادي بس يكفيني


دخيل الضمة واللمة (فديتك)(عمري) وانت الهام
يحرك خافي أشواقي وبعد المــــــــوت يحييني


طلبتك لا تغفي عينك على ليلٍ حلف ما ينــــــام
تراني يمك وحــولك أسقي بـــــك شــــــراييني


تصدق كل كلماتك حلا منثور وريح خـــــــزام
تعطر خافقي ومعهـــــا أضيعهــا عنــــــاويني


أحبك والغلا يشهد وحرف يشتعل واقــــــــلام
تخط بحبرها أعــــذب قصيــــدة في دواوينــي

[البيت السعيد]

القصيدة جميلة ورائعة ..مع تحفظي على الشطر الاول

ممكن تعطينا اسم الشاعرة

شكرا للاختيار الجميل

[أسير الدموع]

السلام عليكم ورحمة الله وبركاته

روووووووووووووووعة القصيدة

يعطيج العافية ع الطرح ولا أروع

[غاية المنى]

القصيدة جميلة ورائعة ..مع تحفظي على الشطر الاول

ممكن تعطينا اسم الشاعرة

شكرا للاختيار الجميل



تسلميين أختي ع مرورج ..

مب متآكدة من الاسم << بتأكد وبخبرج ..
العفو ..

[غاية المنى]

السلام عليكم ورحمة الله وبركاته

روووووووووووووووعة القصيدة

يعطيج العافية ع الطرح ولا أروع



وعلييكم السلام ورحمة الله وبركآته

تسلمـ أخوويهـ..
الله يعافيكـ ..
نورت^.^

[البيت السعيد]

تسلميين أختي ع مرورج ..



مب متآكدة من الاسم << بتأكد وبخبرج ..

العفو ..



الله يسلمك...

انا اخوك..