بغيت مساعدة؟

[دمعة غلا]

السلام عليكم ،،

شحالكم اخواني وخواتي،،

انا ان شاء الله ع شهر 8 باخذ سيارة ،،

وبالنسبة عن نوع السيارة انا خاطري اخذ هوندا اكورد ويقولون ان سعرها تقريبا 110000 درهم، طبعا دفعة اولى 40000 والباقي اقساط ،، بس مشكلتي ماحب الاقساط :sm102:

المهم في ناس اقترحوا علي اخذ ألتيما 4 سلندر قالولي 83 ألف فما أدري اذا الموتر اوكي ولا لأ ؟؟

وعن الهوندا عادي باخذ مستعملة بس موديلها لازم 2008 وفوق بس مشكلتي مب محصلة فإذا حد يعرف حد يبيع يا ريت يخبرني ،،

[القناص 87]

ان شاء الله

بدور وبرد خبر

[Just_me]

نصيحة اختي خذي لج هايونداي سنتافي او فيراكروز

سيارة عملية فور ويل بناتية ستة سلندر يعني قوية فووول مواصفات ورخيصة وسامانها رخصية ووكالة

تشلج برمل بحصى بماي متغدر بشارع كل مكان توديج مب صالون محكور عالقار بس

وشكرا

[rak-storm]

انصحج باللكزس ls430 موديل 2005 وارد امريكا والله انها عمليه وحلوه وفخمه وقويه وكل شي ......... وتقريبا سعرها اذا نظيفه نظيفه بحدود 90 للنص الترا اما الفل الترا توصل على 100 وفوق تقريبا والخيار لج .......... خذي لكزس وانتي مغمضه احسن لج

[دمعة غلا]

مشكورين اخواني ،،
دورولي سيايير مستعملة بس موديلها عالاقل 2008ر وفوق ،،

مابا موديلات جديمة لأن عندي اوردي موتري الحالي موديل جديم بداية الألفينات

[rak-storm]

الغاليه شوفي هالصوره

http://gallery.sendbad.net/data/media/147/Lexus_LS430_European_Version_2004_018.jpg


الصراحه موتر عجييييييييييييييييييب سعره حلو ويكد ..........

[دمعة غلا]

الغاليه شوفي هالصوره

http://gallery.sendbad.net/data/media/147/lexus_ls430_european_version_2004_018.jpg


الصراحه موتر عجييييييييييييييييييب سعره حلو ويكد ..........؛
ثانكس عالصورة؛ نفس الموتر وبنفس اللون عند ولد خالتي مابا آخذ شراته‏!‏

[القناص 87]

صح لكزس ما عليها كلام انا عندي

gs300

موتر مشاء الله عن كل مواتر صح انه غاليه بس سعرهاا منهاا فيهاا وتستاهل

واذا يتي علي مواتر الثانيه زينه بس سيارات تويوتا اشووف انهاا الافضل في سوق السيارات

والقرار يعود لج في نهايه

وسموحه

[دمعة غلا]

صح لكزس ما عليها كلام انا عندي

gs300

موتر مشاء الله عن كل مواتر صح انه غاليه بس سعرهاا منهاا فيهاا وتستاهل

واذا يتي علي مواتر الثانيه زينه بس سيارات تويوتا اشووف انهاا الافضل في سوق السيارات

والقرار يعود لج في نهايه

وسموحه؛
صح أخوي اللكزس حلو وغاوي بس واايد غالي وانا مابا ديون تكسر الظهر؛ التويوتا ماعليها كلام عندي كامري وايد مريح ومال مكدة بس مشكلتي الحين اداوم وخاطري في موتر وكاله وسعره معقول ونظيف

[البلوشــي]

السلام عليكم ورحمة الله وبركاته

اختي دمعة غلا حصلت لج على هوندا اكورد 2008 رقم واحد



http://uae.motors.souq.com/هوندا-اكورد-2008-رقم-1/6745705-AR/?dont_switch_to_motors_site=&list=cat&pos=15&list_cat_id=1856&page=2&type=all&

[نقطة حبر]

ههههههههههههههه دمعة غلا اخاف هو ولد خالتج وانتي ما تدرين

المهم بنصحج بنصيحه ما بتندمين خير شر سيارة ( كيا اوبرس ) فخمه وراقيه ورخيصه وجدا رااااااااااااائعه وملكيه قير اوتوماتيك , مثبت سرعة , ومريحه وشوفي الصور

http://www.iraqup.com/up/20100518/H34XF-i5ao_986564610.jpg (http://www.iraqup.com/)



http://www.iraqup.com/up/20100518/6BA4o-Wvd2_807416646.jpg (http://www.iraqup.com/)


وهاذي من الداخل


http://www.iraqup.com/up/20100518/aY72R-O3qr_865135197.jpg (http://www.iraqup.com/)


الاوبرس اللي على اليمين من جدام

http://www.iraqup.com/up/20100518/7CWT2-n7or_419559495.jpg (http://www.iraqup.com/)

وانتي كيفج عاد بس حبيت اساعد بسبب تجربتي الشخصيه لهاذي السياره انا وياي 2009 اشتريتها ب 70,000 بسسسسسسسس هاك الوقت

[rak-storm]

الاوبريس سوقها طايح........ السموحه منك بس سياره من وكالة كيا لو بريال ماشريتها مالك غير تويوتا او لكزس وبسسسس

[نقطة حبر]

انا ادري ان شركة تويوتا ماشيه اكثر من الكيا بالسووق بس هي قالت تبغي تسوق سيارة ما قالت تبغي تفتح معرض سيارات http://www.gulfup.com/file3/12742544561.gif (http://www.gulfup.com/info.htm)

[دمعة غلا]

مشكوريين إخواني على ردودكم وافادتكم ،، أنا أهم شي عندي يكون الموتر مال مكدة ،، ويكون قوي من برع ،،
يعني مش دعمة خفيفة يتكنسل فيها الموتر ،، يعني مثلا الألتيما شكلها غاوي ،، لكن اذا استوي حادث بسيط بيروح الهيكل الخارجي ،،ينصحوني بسيارات التويوتا والهوندا ،، انا بصراحة وااايد عايبتني الأفالون بالنسبة لنوع تويوتا وحلو لو حصلتها مستعملة وبسعر معقول ،، بس المشكلة مب محصلة ،،
وبالنسبة للهوندا عايبتني الهوندا اكورد من موديل 2008 وفوق،، ونفس الشي لو حصلت وحدة مستعملة ونظيفة وبسعر حلو باخذها ان شاء الله

[مايد راك]

أنا ما أنصحها تاخذ هايونداي وغير اللكزس ما شي إستعمال بصراحة سيارة ولا أروع بالأستعمال ودام عندج سيارة أصبري شوي عليها ووفري مبلغ جيد وخذي لكزس وبتحصلينه وبأسعار جيدة ومقبوله وكثرت المزادات بصراحة سيارات تنزل المزاد نظيييييييفة وأسعارها مناسبة وموفقه أختي دمعة غلا

[دمعة غلا]

أنا ما أنصحها تاخذ هايونداي وغير اللكزس ما شي إستعمال بصراحة سيارة ولا أروع بالأستعمال ودام عندج سيارة أصبري شوي عليها ووفري مبلغ جيد وخذي لكزس وبتحصلينه وبأسعار جيدة ومقبوله وكثرت المزادات بصراحة سيارات تنزل المزاد نظيييييييفة وأسعارها مناسبة وموفقه أختي دمعة غلا

شكرا أخوي مايد عالافادة،،
تبا الصراحة انا بعد جي يالسة أفكر ، اني أيمع لي وعقب آخذ موتر غاوي أحسن لي من ديون البنك وعوار الراس بس اذا حصلت شي حلو هالأيام باخذه ان شاء الله

[خالد الشحي]

موفق بإذن الله ... لك مني أجمل تحية .

[العاشق الولهان]

الله يوفقج