المساعد الشخصي الرقمي

مشاهدة النسخة كاملة : قصيده المكياج...


قد الحب
15 - 7 - 2008, 05:57 PM
يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها يا(جيفنشي) توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

طالعتها ثـم قلـت هالقلـب يبغيـك
ومن شاف حسنك خلى غيرك يولـي

ابغي اشوفـك دون مكيـاج يكسيـك
وابغـي اشوفـك بالجمـال المحلـي

قالت تبينـي افـرك الوجـه تفريـك
واشيل هالبـودر وروجـي وكحلـي
قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه يا(جيفنشـي) سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي

هع اللي يقوول مب بنت اسمحوولي ياحلوات
Crystαl
15 - 7 - 2008, 07:00 PM
ههههههههههههـ

شكراا خيتوووو
صدى الحرمان
16 - 7 - 2008, 04:32 PM
حلوة القصيدة
انا أحب احط مكياج بس مب الثجيل اللي يغير ملامحج..
صح نحن البنات ما نستغني عن المكياج:brows:

تسلمين يالغلا ع الطرح الحلو
قد الحب
4 - 8 - 2008, 06:17 PM
يسلمو على المرور الغااوي
غريمة الشوق
4 - 8 - 2008, 07:51 PM
هههههههههه

يسلمووو الغلا
قد الحب
5 - 8 - 2008, 02:59 PM
تسلمين حبيبتي على المرور الطيب
أسيرة الشوق
5 - 8 - 2008, 03:23 PM
تسلمين أختي ع النقل الطيب...

و ياما شباب وقعوا في شباك المكياج
و غرتهم الألوان الجذابه
بس اكيد كان لهم درس في النهاية

شفتها من بعيد حسبتها قوس و قزح
صرت أجري خلفها قلت حصلت الحبيب

قلت يا بنت اوقفي تزوجيني قالت خل عنك المزح
فلت أنا متأكد و اليوم عرسج تقبلين

قالت موافقه موافقه و الكلام هذا صحيح
تم الزواج و بعدها شفتها و ياليتني ما شفتها

كانها مب هي لا انا ما اخترتها لا تخلوني جريح
ليش تغشوني أنا ما اخترت سوى قوس و قزح

تحياتي،،،

أسيرة الشوق
سلا الروح
5 - 8 - 2008, 06:32 PM
السلام عليكم ورحمة الله وبركاته


يسلموووووووووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووووووووو

اشكرج قد الحب ع الطرح الحلوووووووووووووووووو:3ajeeb::3ajeeb:
عاشقة القمم
6 - 8 - 2008, 09:57 AM
صدق والله ، في بنات 24 ساعة المكياج بويهم ، الواحد يحط بالمناسبات بس ، والأوقات الثانية يكتفي بالكحل والرووج
جريحة زماني
6 - 8 - 2008, 10:58 AM
انا الحمدالله ما احب المكياااج وااايد

تسلمين اختي ع القصيييده
قد الحب
6 - 8 - 2008, 01:44 PM
تسلمين الغلا على المرور الطــــــــيب