المطبات الغير مصبوغة

[صوت راك]

السلام عليكم و رحمة الله و بركاته :


طبعا الكل تعرض لمواقف انه يتفاجأ بمطبة فالليل ما تبين و السبب انها غير مخططة أو مصبوغة , إذا في حد يقدر يحل الموضوع مع الناس المسؤولين ياريت يتحرك , لانه هاي المطبات لها نتائج سلبية كبيرة مثل التسبب بالحوادث و تزيد من حال المرضى ( كسور - آلام في الظهر و غيره الحوامل ) , يعني الحل بسيط . يصبغونها

أنا عندي اقتراح اذا ما شي استجابة من المسؤولين , خل الشباب يحطون صناديق تبرعات او يجمعون من الناس حتى يصلحون الوضع و هذا بالاتفاق مع مجموعة النعيمي او غيرها , فبتنحل مشكلة المطبات و بعد لو يشوفون حل للحفر اللي بالشوارع , ترقيع لين ما تنفرج , والله تعبنا ,
حتى السيايير كل يوم بالكراجات و التصليح , بدل ما ندفع للتصليح ندفع لأساس المشكلة .

شو رايكم ؟

[مايد راك]

شكرآ أختي لطرح الموضوع المهم والصراحة أقترح تكون إشارة ضوئية للتنبيه نفس مطبات الكورنيش وتكون مطبات مصبوغة وواضحة وحرام والله السيارات في رأس الخيمة مثلآ إذا أتعمر 5 سنوات عندنا هني سنة وتشوف فيها مليون صوت وعلة والله يفرجها علينا بأقرب وقت والسموحة

[RAK-boy]

انا اكثر من مره انجلب بدراجه وسبه المطبات لا مصبوغه وما تكون البلديه امسوتنها وتكون مرتفعه

تسلمين ع الموضوع

[عكس قانونة]

شكراً على طرح الموضوع ،،،مب بس المطبات مب مصبوغة غير جي متكسرة يعني الواحد شو بيقول غير الله المستعان .

[شباصة منقصة]

تســــــــــــلمين الغالية ع الخبــــــــــــر


الله يـــعــطيــج الصحة و العافيــــــــــــــــه

[كلي دلع من يومي]

صح كلامج أنا دايما يوم أسوق السيارة بليل أمشي بسرعة

لان مافي حد في الشارع وفجاءة يطلع جدامي مطبه

[**عيون المها**]

O___________________O
that's rigth

[أسرار]

ليش بوي نجمع تبرعات و نحن من اغنى دول المنطقة
الدولة ملزومة تصبغ المطبات و تحط اشارات ضوئءة و (((((تصلح الشوارع المتهالكة)))
و إلا كلامي في غلط؟؟؟؟؟؟؟؟؟؟؟؟؟؟؟؟؟؟؟؟؟

[صوت راك]

شكرا على المروور و التفاعل مع الموضوع





ليش بوي نجمع تبرعات و نحن من اغنى دول المنطقة
الدولة ملزومة تصبغ المطبات و تحط اشارات ضوئءة و (((((تصلح الشوارع المتهالكة)))
و إلا كلامي في غلط؟؟؟؟؟؟؟؟؟؟؟؟؟؟؟؟؟؟؟؟؟


اختي الناس عيزت من تتكلم , محد يسوي شي , لين متى بنتم نتريا , عالاقل حل مؤقت لين ما تتعدل الأمور

[مهيري وافتخر]

خخخخ والله أنا ستوت من عاداتي الأسبوعية أطير فوق المطبات ...
لأني من الله ما جوف...

[نجم راك]

تســــــــــــلمين الغالية ع الخبــــــــــــر


الله يـــعــطيــج الصحة و العافيــــــــــــــــه

[سفير جلفار]

اتخيل لو سرنا وقلنا لهم اصبغوا الشارع بتحججون ان مصنع اصباغ نشونال احترق وخلص الصبغ ههههههههههههههههههههه

ان شاء الله حد يتبرع ويضبغ المطبات

شكراً ع الموضوع المهم

[TOY STORY]

تدرين أختي .. والله أنه موضوع مهم مهم .. ياللي يبقي يحسسك أنه المطبات أنحطت للأمان ولتقليل السرعه وحفظ أرواح البشر :sm117: ( ياحبي للفلسفه )
أستوتلي مره وياالوالد الله يخليه جد مظهرينه من المستشفى عنثر مبيت اسبوعين ولايعه جبده من التنويم ومتى متى يقبض الباب ويمقط ريوله بالموتر ساير البيت ,, وطالع من المستشفى طر أبقي أفرفشه وأرفع معنوياته .. جيه ماتطلعلي مطبه مخفيه من أياهم ,, من وين ماأدري جذه بعد بدون صبغ ماأدري الصبغ طاير من العج .. وأجز بريك ومالحق وتم يسلب وعفد من على المطبه وتضرب روسنا السقف وترد .. خيبه تخيب العدو .. وأطالع الوالد يخزني بملامح ونظره تميت أهجول مكاني .. انا متلوم من صوب و متغربل من صوب ..أشهد أنه وصلت عقلتنا لين الدبه ,, اسميني استحيت قلت يالله الوالد مسكين توه ظاهر ومستانس تبون اتردونه مره ثانيه .. هذيج الساعه بشتري رش من عند الدكان وبيلس بشخط المطبه روحي ولا مذلة حد .

[صوت راك]

شكرا على المرور و أتمنى نشوف المطبات مصبوغة



المطبات أنحطت للأمان ولتقليل السرعه وحفظ أرواح البشر



للأسف هني صار العكس (الله المستعان )

[omkhalid]

تســــــــــــلمين الغالية ع الخبــــــــــــر


الله يـــعــطيــج الصحة و العافيــــــــــــــــه

[صوت راك]

تسلمين أم خالد عل مرور

[رمش الغلا]

تسلمين اختي ع الطرح

[V.I.P]

الموتر بعده وكاله ماصار له شهرين تقريبا ,,

والسفايف ,, علـــه >.<

عزكم الله ,, من أمس : كنت مسرع 80 كم ,,

والحمد لله ما كنت أسوق اللكزس ,, خخخ ولا جان كسره تكسير ,,

وفجأة انصدم راسي بسقف الموتر مال قوووو ,, وجان أقول أووه مطبة , و بعد , غير مصبوغة

غربس بليس ,, كسر الموتر ,, و كسرني بعد ... خخخ

وهذي هي حال شوارع رأكـ الجميلة ,,

وماشاء الله شي جميل إلي قاعد يترتب فـ المعيريض ,,

وإن شاء الله رآكـ تتطور أكثر فـ أكثر ,,

والحمد لله ,, قليله تكون من هذي المطبات ف شمل و غيرها من المناطق ,,


وكل المطلوووب : صبغ المطبات ,, \

وسلامتكم ,, وسمحونا ع الإطاله . , ~~

[شمس الامارااات]

شو فايدة المطبه اصلا؟؟؟؟؟؟؟؟؟؟؟؟؟؟؟؟؟؟

الواحد ما في مجال يسرع في راك


الواحد جنه راكب بعير مب سياره والسبه ها الشوارع العله ><

[فارس الامل]

سيااااارتي القديمة اتبهدلت من المطباااات ، كلها اصوااااات ؟ الله يستر ع الجديدة

[متفيجه]

انا بعد عندي اقتراح ...
الشباب بدل مايحاوطون اعطوهم كم قوطي صبغ و سوولهم يوم تطوعي ما بيقصروووون

[صوت راك]

شكرا على المرور و التفاعل مع الموضوع

لو كل منطقة يشدون حيلهم ويرشون المطبة او يصبغونها جان زين .

[* خياله*]

كمن مره سوينا حادث والسبه المطبات لابعد مب مصبووغه ومكسره
تسلممين اختي ع الموضوع

[&& مشكلتي دلوعة &&]

تســــــــــــلمين الغالية ع الخبــــــــــــر


الله يـــعــطيــج الصحة و العافيــــــــــــــــه