عاشوق للآيسكريم

[قصاقيص البدري]

هو عاشوق الذي جعل للآيسكريم نكهة خاصــــــة جداً
http://www.alrams.net/up/uploads/images/alrams-ca63d6c1a8.jpg

[بقايا جروحك]

شو المغزااا من المووضوع ؟ ؟ ؟ ؟ ؟ ؟

واذا سويله دعاايه خبرنا بتفصيل عنه !!!!

[أسرار]

مع أن العمال شكلهم ما يشجع أبدا بس تنجبر إنك تشتري منه شو السر ماعرف

[غايوتى]

هيه والله ... الايس كريم ماله لذذذيذذذذذ

[شمس الامارااات]

صح انه ايس كريمه من سنه بالثلاجه
بس بعد حلو هع

[سفير جلفار]

ههههههههه والله اليوم العصر كنت عنده .. خذيت لي كوب قطع مانجا ^.^

بس صج شو السالفة والمغزى من الموضوع ؟

[شكسبير راك]

عاشوق وبعدين

وين باسكن روبنز وين لندن وين وين

عاد شو اقول وسلامتكم

[نادرة الوجود]

أكيد عنده خلطة سرية

[كبرياء إنسـان]

دعايه وإعلان .. ههههههههه..

عليكم بالعافيه ..

إلي ياكل من الايس كريم إلي في متجر هارودز الشهير .. من عند الايطالي .. ماوده يقرب من عاشوق ..

تحياتي لك يالبدري ..

[القناص 87]

شكله فنان الاسكريم نده

اشوفكم تمدحونه

[راكو]

ماااحبه مره شريت من عنده ايسكريم بحباااات الرمان ولقيت شعره جااان تلوع جبدي ومن ساعتهاااا ماتجاربه

[ام مريم]

شهتوني والله

[TOY STORY]

البدري .. بيني وبينك :sm12:

تطري عاشوق ولا إللي حوالين عاشوق .. شباب وفاهمين بعض :sm123::sm123:

[Bo 3@bdallah]

بصراحه المانجا ماله مب شي
احسه مقطع من سنة ومحطاي فالثلاجـــه
والايســكريم عادي كله مال التعبئــة

[مايد راك]

بصراحة ما يستاهل المدح والدعاية !!
أنا آخر مرة خذيت من عنده تقريبا كان قبل شهرين بس والله والله يوم العامل ياي ياخذ الطلبية كانت ريحته أبدا ما تساعد شكله كان لاعب كريكت وطوالي ع المحل لا دش ولا غيرة والسموحة إذا لوعت بجبودكم بس هذا إلي حصل معاي وأتنسيت أطلب من عنده
والسموحة أخونا البدري **

[سفير جلفار]

انسحاااااااااب

.. ما بيي صوبه عيل ..

فيه واحد ثاني صوب مكتبة دبي للتوزيع ^.^

[اماراتيه2009]

انا جربته مره يلوع الجبد

باسكن روبنز احلى شي

والي بعده من ماكدونالز ماك فلوري روعه

[السامعيه]

سمعت عنه والكل يمدحه بس للحين ماجربته....

[ابتسامة رضا]

البدري .. بيني وبينك :sm12:

تطري عاشوق ولا إللي حوالين عاشوق .. شباب وفاهمين بعض :sm123::sm123:


وأنا فهمت بعد هههههه>>رازة ويهي

بس من زينهم عاد مصاخة

((يحليلة مسكين يمكن مايقصد يالله إن بعد الضن أثم))

[حور راك]

انا جربته كذا مره بس ما عجبني

[متفيجه]

طااااح كرته ...
من جربت الناس اكل المحلات الراقيه عرفت الفرق ...
الحمدلله راس الخيمة اتطورت ..عندكم باسكن روبنز و فورتي فروتي ...

[شباصة منقصة]

يــــــــمي اشـــتهيـــــت


بس شو سالفة الموضوع..!!!

[حبوبـــّ~ــ خيماويـــّ~ــ]

صراحه عاشوق وايد يعرفونه حتى من برا الامارة ويمدحون طعمه . سمعت في محل ايسكريم بعد بيفتتح جريب يرتبونه الحين بشارع الجولان نفس عاشوق , صدق ؟ جان زين بيكون قريب شوي

[الطرف الاغر]

لا باسكن ولا عاشوق ولا غيره حلات الاسكريم مال لول يوم اييك بقلاص جبن "محمر" وهذيك الحطبه مال صناديق الطمام ويطلعونه من الفريزر وتلذذ به والدنيا حر "القايله" والكوب بنص درهم
انه اسكريم فيمتو
http://img385.imageshack.us/i/2966914774481abbd792vn9.jpg/

غااااوي

[شمس الامارااات]

حتى لو وصخ
والعامل ما يساعد
والمنجا مثلجه من سنه
والشعر تارس قلاص الايس كريم


يقولون جديم الصوف ولايديد البريسم هع
شدخل

[حلاوة الحب]

أكيد عنده خلطة سرية

[سلطان البلوشي]

معقوله محد يعرف سر عاشوق .. صح قبل ما كان له نكهه بس الحين لا المحل والايسكريم اله نكه

والي بيروح هناك بيشوف خصوصا" بعد المحل الذي افتتح مؤخرا" لبيع العطور مقابل عاشوق

زحمة شباب ما تخلص ..

البدري يقصد شي وانتو تقصدون الاسكريم هههه

الله يهدي شبابنا بس