وين بتشوفون مباريات كاس العالم ؟

السلام عليكم .. وشحالكم ..
والله أني مب مصدق أنه باجي عن مباريات كاس العالم أقل عن أسبوعين وبنرد للأثاره والمباريات القويه مع أعظم لاعبين كرة القدم بالتاريخ واللحظات الحاسمه والمتعه والوناسه .. بس ودي أنام وأصحى جد أنقضن هالاسبوعين وبلشت المباريات .. الله وكيلكم من أول يوم أنا ناصب خيمه جدام الشاشه ومابقي حد يرمسني ولا يطفربي وتيلفوني حزة المباريات مغلق .. خلونا نعيش هالأجواء المجنونه الحلوه ,, لحظات الترقب .. لحظات كتم النفس .. لحظات الحماس .. لحظات الدموع .. الله ياهي أجواء من عقب بساطة وضعف الدوري المسكين .. إللي يبقي يعرف مفردات كرة القدم الحقيقيه لايفوت من عمره هالمباريات .. كل 4 سنين مره .. وهالمره أتوقع بتكون غير غير .. كل اللعيبه متواجدين وأعنف الفرق إللي تطور مستواها موجودين ومحد أحسن من حد .. من الحين بسير أشتري فانيلة المنتخب الأرجنتيني والبرازيلي والأسباني والجزائري مبيض ويه العرب ..
وسؤالي لكم .. وين بتشوفون المباريات .. في البيت ولا بالكوفيات ولا بالميالس .. أتوقع الكورنيش حزة المباريات بيلتهب من الزحمه والحمااااس .. مافيني صبر .

ما يبالها كلام !!!
أكييييييد في المقهى بس بدون شيشة
لأن الأجواء هناك تكون حلوة والميلس ما يساعد تشوف فيه مباريات وخاصة إذا كانت مباراة قمة
ومتى بتبدأ البطولة ونشغل نفسنا فيها وفي متابعة الفنيات والأداء
والسموحة أخوي
*** بالتوفيق لمنتخب الجزائر ***

بالبيت

بالبييت

والنهااائية طبعآآ

بالمقهى

بتابع
:p

على اي قنـــــــــــــاة ؟؟ ؟؟ ؟؟

أحس بالبيت ماشي مزه .. الولفه غير بالقهاوي يوم تتناطر القلاصات وينفر المبسم وتسمع الزعيج والتصفيج والهرانه ..

( غمازه ! ) شقايل وين ؟ من الحين حيسي العنتل على قناة فتافيت وسبيس تون .. الجماعه بلشو .