عرض للطباعة
حدث في صباح يوم الاثنين سرقة في أحدى الصفوف في معهد التكنولوجيا التطبيقية أثناء ذهاب طلاب الصف إلي غرفة الكمبيوتر وبعد رجوع الطلبة اكتشف أحد الطلاب اختفاء أحدى مستلزماتة في الصف فاكتشف الطلاب أيضا سرقة مستلزماتهم
وهي:
3هواتف متحركة من نوع N70و N73
12 فلاش من 1g ,2gو4g
215 درهم
10 كتب من فئة كل واحد 75 درهم وهو كتاب اللغة الأنجليزية
وكتاب الفيزياء يبلغ 450
الله المستعان
وأصلا الطلاب ليش يحطون تيلفوناتهم في الصف
ولو ممنوع ليش مايحطونه في الخزنة
جنهم يقولون لأصحاب النفوس الضعيفة تعالوا سرقوني
الله يهدي الناس جميعا
هالزمن ماتقدر تأمن لحد
بلاوي تصير بهالزمن
وين الرادع الديني عن السرقة
وين ضميرهم
ربي يحفظ الجميع يارب
يستاهلون أحن دشين الجامعه ومبايل ماعدنا وهم توهم ماطالعين من البيضه عندهم هاي البلاوي
في البداية المفروض هم ما يخلون التلفونات والأغراض في الصف
وثاني شي تعليقي لاخوي نسيم البحر .. صح اخوي قبل الواحد يدخل الجامعه وعقب يحصل التلفون
صح انا حصلته قبل
لكن الزمن تغير وظروف هالزمن تطلب ان كل واحد يكون عنده لفونات وبالذات هالأيام
الحين صغارية صف اول ابتدائي عندهم تلفونات ويوم صاروا ثاني ابتدائي قالو ما يعيبنا هالفون
نبي يديد
والجديم نبغيه بعد بنحط بهاكي الرقم الثاني ههههههههههههههههههه
لا حول ولا قوة الا بالله
هالمعهد لما كنت ادرس فيه على ايام كان مدموج فيه كاية التقنيه
كنت اشوف بلاوي والله وكنت اتوقع اكثر من السرقه
الله المستعان على اللي يصير
والله يستر من اللي ياي
ومن ناحية السرقه على ما اعتقد شي بصمات والشرطه موجوده
صدق يوم سمووك Cnn
هذا شي عاادي صار الحين
ترا فيه وايد يهال هناكـ
تعرفون يعني
ناس مالهم اصل ولا مربايين
عيل حد يسرق فلاش ولا تيلفون ؟
هالاشياء عااديه
نحن قبل سنتين انسرق عن واحد لابتوب بكبرهـ
و استوت مشكله ف المعهد بكبره
و من بعدها حطوا الكاميرات اللي تشوفها ف المباني اليداد
و مره بعد انسرقت ساعه واحد من الرمس
والساعه مب رخيصه ترا
..
ع العموم تسلم ع الموضووووع
المفرووووض ما يأمنووون على اغراضهم ويخلونها جي عرضه للسرقه
لو مب حد من عيال البلاد ،، يمكن حتى عمال النظافه يدشون ويسرقون اللي يبوونه
مشكوور اخوي ع الخبر
والله يستر من الياي يوم ان السرقه صاارت شي عاادي