:sm151:
حسستني في مرّتك يوم مريت
إما دلع ولا عتب جات صدّه
حيرتني وأنا أنتظر كل ماجيت
بسمة شفاك الغاليه مستعدّه
عليك عزة نفس لاجيت ماابديت
وأنا السحا دونك خفوقي يحدّه
عجزت مشتاقك وأنا ما تجريت
ومليت شحّك ببتسامك لمدّه
وسمعت به من هو تحييه ووحيت
ماعاد للمشتاق طرفك تلدّه
أبيك دام انك من الكيف قفّيت
إن مت شوقي بين الاحباب عدّه
يا شين من حبيت إذا قال مليت
وأنت تحبّه والغلا فوق حدّه
وتقول يمكنّي بلاسبه أخطيت
يعيّشك بفكار بسباب ردّه
يلعب بك الهوجاس وتقول ياليت
والدمع حوّل فوق جفنه وخدّه
تبيني أحلف إني ما قد تمنيت
مثلك وصدك لي جزاي وتمدّه
في ذمتي ماشفت في حسنك وريت
وأستغفر الله من تحبه تضدّه
الله يجازي حضرتك كل ماابطيت
وشلون تقطع من تحب وتردّه
عطشان حبك ليه ماجيت وأسقيت
قلبٍ ظما وصلك وضيعت ودّه
ماعاد أبي منك سوى كل ما جيت
بسمة شفاك إن شفتني مستعدّه
الاميره الحسناء
