شي غريب وعجيب في زمنا هذا

عندي موضوع ما ادري بس اشوفه مهم لاني سمعت انه تسبب في خراب بيوت تسبب في حالات طلاق كثيره بالوطن العربي والسبب تاااافه وما ادري ليش العالم العربي عامة والامارات خاصه ورى هذا الشي الساعه 11.00 مساء بتوقيت الامارات كلهم في البيت الصغير والكبير يالسين يلسه وحده يوم الواحد يشوفهم يقول ما شاء الله على هذا الترابط الاسري والكل ساكت ومندمج والي شاد اعصابه والي تبغي تصيح من كثر الاندماج والتأثير من 135 يوم وهم على هذي الحاله وبعدهم على هالحاله ما ادري لي متى يمكن تخلص هذي الحاله مع بداية رمضان الكل بيكون مشغول بالصلاة والقران والبعض بالسهر والنوم طول النهار على انه صام اليوم ونش وقت الفطور عسب بطنه طبعا ما اعتقد ان الكل فهم كلامي وقصدي انا قصدي كلمه من ثلاث حروف هي البطله والبطل من اربع حروف خلو العالم متيمين بأساميهم ومدمنين عليهم
البطله اسمها نور والبطل اسمه مهند
فسؤالي ليش كل هذا الاهتمام بالابطال ( نور ومهند ) وكانهم شخصيات كبيره ؟
وليش الاهتمام بكل حلقه من المسلسل ؟
وليش حالات الطلاق الي مستويه بالعالم العربي على شي اتفه من التافه لانه بالاول والاخير تمثيل هب حقيقه؟
والسموووووحه منكم

السلام عليكم ورحمة الله وبركاته


والله يا اخويه شو بنقول غير الله يهديهم يا رب كم بتقول ما يفيد الله المستعان.........

تقبل مروري.............

في البدايه تسلم اخوي على الموضوع النايس

رح اقول راي واتمنى مايصير زعل

في البدايه هذا مسلسل حاله حال اي مسلسل ينعرض

الناس انجذبت له عشان الممثل لو يايبين ممثل مو حلوو جان ولا حد بيتابعه صدقني

بعدين ليش نحن نلوم مهند ونور هم اشخصهم ها مسلسل حاله حال اي مسلسل ينعرض هم شو ذنبهم اصلا هم قالو والله بنسوي المسلسل عشان نعرضه حق العرب طبعا لا سوووه عشاان اللي يشوف المسلسل يكون نفس اشكالهم عيل والله نحن ماسمعنا تركين اطلقوو عشان مهند ليش ما نلوم القنوات الاعلاميه هم اللي اشترو المسلسل وعرضوه لو الدوله ما اشترت هذا المسلسل ولا القنوات العربيه جان اصلا ولا حد عرف مهند

بعدين كل الناس وخاصه الشباب حاطين اللوم ع مهند هو شو ذنبه اذا البنات اطلقو والله هاي البنت غبيه اطلقت وهدمت بيتنها عشان مهند واللي يقول مهند داري فيها والله هي لازم تفكر بعقل

يعني وحده دوم محافظه ع صلاته ودينها وعارفه ربها لو شافت مسلسل نفس هذا مارح ياثر عليها ويخليها تطلب الطلاق من ريلها بسبب جدا تافه

انا بقولك شي مره انعرض مسلسل كويتي مايحضرني اسمه حاليا بس الابطال خالد امين ولمياء طارق كان هذا المسلسل كله حب وكيف يحبون بعض ورومنسي ما اشوووف الناس اتكلمت عنه ولا شي بس يوم سو الغرب اتكلمتو وقلتو بيخرب عقولنا وليش المسلسل الكويتي نفس ها ما خرب عقول الناس ولا رمستو عنه

مهند حلو صح بس ما اعتقد حلم فتاه خليجيه بناتنا مايحبون الشاب جيه يحبون السمر ومب اللي فيهم جمال واايد

وبعدين انا ما سمعت حاله طلاااق بالامااارات كل اللي سمعتهم بالسعوووديه ودول برع

صح نسيت مسلسل نمر بن عدوان بعد الناااس وااااايد اطلقوو منه بنفس السبب ليش يحبها وايد ويدلعها

والله الغلط من الناااااااااااااااااااااااااااااااس مب المسلسلات هم اللي عليهم انهم اشتغلو وسو مسلسلهم وعرضووه لدولتهم ما قالو والله ودوه الامارات خل يختربوون

تسلم اخوي ع الطرح الرائع والسموحه ع الاطاله

اختك

قد الحـــــــــب

انا مآ أشووووف المسلسل !!
بس أطالعه لمآ الكل مجتمع عليه !!

على قولتهم { حينمآآ يصمت الجميع !!

لا والمشكلة بعد ماخذين نص نكي !!
ما بغوا غير ‘‘ نـور ..

ويآ راسهم

صراحة أنا ما أعرف شي عن هذا المسلسل ،، وخاطري أعرف ليش هالإنجذاب كله له ،، بس للأمانه اليوم قلنا خل نشوف بس شو السالفة ، والله العظيم إني حطيت وشفت لقطه أعوذ بالله منها ،، بقمة الوصاخهـ ،،، الواحد ليش يعزعز إيمانه ويطالع مثل هالأشياء ، أنا مجرد إني لقطه بس حطيت وشفت جيه ، عيل شو لو خليت كااااااامل الحلقة ...



ما بقول غير الله يهدينا ويهدي الجميع ...


ومشكووور ع الطرح أخوي

شكرا اختي سلا الروح على مرورج الطيب واشكر اختي قد الحب على مرورها وشرحها الي ولا اروع منه واشكر نور البدر على مرورها الطيب واقول لها ليش ما طالبتي باسمج من المسلسل ( تعويض ) هههههههه عسب مره ثانيه ياخذون شورج واشكر اختي اماراتيه لين الموووووت واقول لها لا تطاعين هذا المسلسل مره ثانيه عسب لا تتدمنين عليه شرات الناس والله يهدينا ان شاء الله والسمووووووووووووووووووووحه منكم

أنا ما اعرف شو هالمسلسل بس سمعت أنها شو سالفت هالمسلسل

انا شفت حلقه وحده ولاعت جبدي منهم
وانا للحين بصراحه مستغربه


شو الحلو فالمسلسل ><


مشكور اخوي عالطرح

وربي يعطيك العافيه