كان ودك بالفراق ابشر عسى عمرك طويل

من بغى الفرقا لقـى لـه عـذر واسبـاب ودليـل
خل عنـك العـذر والاسبـاب دام الحـب ضـاع


كان ودك بالفراق .. ابشر عسـى عمـرك طويـل
لا تـردد وانـت لـك كلمـه ولـك امـر ٍ مطـاع


لـي عليـك انّـك تبّـت بكلمـة ٍ تشفـي الغليـل
ولك عليّ انـي لأ وّقـف وقفـة الرجـل الشجـاع


لا تجاملني مخافة ( قال ) مـدري خـوف ( قيـل )
عمر ( هرج النـاس ) مايسمـن ولا يغنـي جيـاع


كان قصدك ( سر حبك ) .. اوعدك لأصبح بخيـل
واحمل اسرارك معي للمـوووت قـدر المستطـاع


بس قلها … قل ما احبك … وابشر بصبر ٍ جميـل
لا تحسب أني مثـل مـن طبعهـم لـوي الـذراع


صاحبـك ماهـو كـذا يا صاحـب القـد النحـيـل
صاحبـك طبعـه غريـب وغربتـه غربـه طبـاع


فـي الهـوى ما يقبـل الحـل الوسـط ولا القليـل
مثل ماهو لا شـرى يشـري .. ليامـن بـاع بـاع


ثابت ٍ لو هـي تميـل الارض حـدره … ما يميـل
يـدري ان الفقـر ماهـو عيـب والدنيـا مـتـاع


ماعشـق لـذّة حياتـه كثـر عشـق المستحـيـل
ولا كـره حتـى مماتـه كثـر كـره الأنصـيـاع


كم تعلّـم مـن شديـد البـدو وش معنـى الرحيـل
وكم تعلّم من غروب الشمـس وش معنـى الـوداع


وكم تعلّم من سحاب الصيف وش معنـى الحصيـل
وكم تعلّم مـن ليـال البـرد وش معنـى الضيـاع


ايه انا هذا طريقي ( موحش .. وصعب .. وطويل )
وانت لا منـك تعبـت .. العالـم فجوجـه وسـاع


اعتبرنـي فـي بدايـة سكّـتـك عـابـر سبـيـل
و رح وانا قلبي معك من ويـن وجّهـت الشـراع


يكفي اني لا انذكرت فـي سالفـة عشّـاق .. قيـل
عاشر احبابه شجـاع .. وفـارق احبابـه شجـاع


منقوووووووووووول

الكلام واااااااااااااايد حلو دومها مواضيعج حلوة اختي تسلمين ~

تسلمين غلااي ع الموضوع الطيب

شكرا على المرور الطيب تحياتي للجميع