يامطول الغيبه علينا بلا اسباب
متى عيوني تفرح بشوف لونك
شف حال منهو من سبايبك منصاب
وعالج صوابه وضم كونه لكونك
وانسى الزعل ومعاتبٍ بين الاحباب
لجل الوفاء واسكات من يحسدونك
غرقان في بحر الحزن وانت بعتاب
خلاص وارحم من بقلبه يصونك
الوقت ضاق وسكر بوجهي ابواب
تعال فك الضيق وابعد ضنونك
ونرجع كما كنا قريبن واصحاب
واسمع كلام الحب باعذب لحونك
واضم روحك بين جفني والاهداب
وانعم بقربك واهتني في عيونك
[marq]الاميره الحسناء[/marq]
