~~ كل مـا جيت ابتدي فيك انتـهيـت~~

اهدااااااااء خاص

كل ما جيت ابتدي فيك انتهيت=وكل ما جيت انتهي شفتك بدايه
ولو نظمتك بيت وفي قافي سريت=شاب قافي وانت ماجيت النهايه
ولو كتبتك حرف وبكتابك قريت=راح عمري بينك وبين الرواية
ولو شربتك شوق ما ضني رويت=ولو رويتك زاد شوقي مع ضمايه
ولو نسيتك لحظة كلي بكيت=ولو بكيتك صاحت اشواقي معايه
ولو ذكرتك ونسيت إني نسيت=هلت دموعي وهذا من وفايه
كيف ابانسى من بروحي له فديت=وكيف ما اذكر غاية آمالي ومنايه
فالوفاء طبع ورثت وبه عليت=طول عمري نجمه يشع بسمايه
ولو أذوق المر ما قلت اكتفيت=وانهله كله حلا لا واهنايه
ولو جروحي تشتكي لك ما شكيت=دامها منك انت انا ما ابغا دوايه
وفوق جمر النزف لو منك استويت=ما اقول ارجوك يكفي لا حشايه
لاني بسوق الغلا كلك شريت=فرحك بحزني وراحتك بعناية
فخلني ازعل إلى منك رضيت=وانت بس ارضى وعده من خطايه
سقت حظي في دروبك ومشيت=ومشى حظي وانا اتبعه بخطايه
يوم لبى القلب لأمرك ما هقيت=انه بيوم يجيك ومن ورايه
انت ميقاته ورامك ثم نويت=آصلك مهما ابتعدت وعن مدايه
محرم بالود وباحساسي سعيت=وطفت في كعبة غلاك وذي حكايه
ادري إني غايتك لو ما دريت=وتدري انك غايتي وانتا رجايه
وبحياتي غير ذنبك ما جنيت=وبمماتي ما يبي ذنبك وصايه
ابتديتك بالغلا وفيك انتهيت=وانتهى فيك الغلا وقلنا كفايه
وكــل مــا جـــيت انتــــــهي فــيك ابتديت = وكــل ما جــيت ابتدي شفتك نهــأيه


[marq]الاميره الحسناء[/marq]

وووووووووووووووووووووووووووووووووووووايد
رووووووووووووووووووووووووووووووووووووعة

جميل جدا ,,
اشكرك اختي ع الكلمات .,.
الجميله ,,
دمتي بحفظ الله ورعايته.,.

اقتباس:

---

المشاركة الأصلية كتبت بواسطة أسرار

وووووووووووووووووووووووووووووووووووووايد
رووووووووووووووووووووووووووووووووووووعة

---

• تواجدج الاروع
• شكرا لقدومج الراقي اختيه دمتي في رعاية المولى ...

اقتباس:

---

المشاركة الأصلية كتبت بواسطة * خياله*

جميل جدا ,,
اشكرك اختي ع الكلمات .,.
الجميله ,,
دمتي بحفظ الله ورعايته.,.

---

تسلمين الغاليه مرورج اسعدني
دمتي في رعاية المولى ...