أسئله أحتاج لها أجوبة

السلام عليكم ورحمة الله وبركاته
مساء الخير
كيف الحال؟؟
شو آخباركم

بس بغيت أسالكم كمن سؤال للي يعرف عن ((المعهد البترولي و جامعة خليفه للعلوم والبحوث ))او يعرف حد يدرس هناك

1) وين تدرس في جامعه خليفه ولا المعهد المعهد البترولي ؟؟؟
2) شو انطباعك عنه ؟؟ نادم على انك دخلته ولا
3) ليش اخترته ؟؟؟:sm111:
4)شو تخصصك؟؟*::sm105:
5) تنصحنى اسجل فيه؟؟
6)كيف جو الدراسة:sm103:
7) شو الصعب في الدراسه :sm79:

لا تبخلون علي بالردود
أترياكم
والسموحه
مختفي

وعليكم السلام ورحمة الله وبركاته
مساء النور والسرور
بخير عساك بخير وسهاله


1) وين تدرس في جامعه خليفه ولا المعهد المعهد البترولي ؟؟؟

انا خريج المعهد البترولي

2) شو انطباعك عنه ؟؟ نادم على انك دخلته ولا

الايجابية الوحيدة: اني ضمنت شغلي بعد الدراسة، ولو ان مجال البترول يرحب بالمواطنين المهندسين كلهم
اكيد ندمت لاني لو دخلت مكان ثاني -والله أعلم- كنت بأدي افضل، بيئة المعهد البترولي غير محفزة + الادارة غير جيدة والى الاسوأ+ القوانين تتغير بين يوم وليلة بمبرر وبدون مبرر+ المدرسين فيها مب كلهم اوكيه، واللي كانو اوكيه قامو يطلعون

3) ليش اخترته ؟؟؟

من اللي سمعته.. الناس يوم تقوللها بترول تمدحلك مديح
صحيح هالشي قد ينطبق على مجال الشغل، ولكن لاينطبق البتة على المعهد البترولي
الشهادة قوية نعم. الدراسة صعبة نعم. يضغطون عليك نعم، لكن تقدر توصل للنهاية بدون كل هالسجن

4)شو تخصصك؟؟

هندسة ميكانيكية

5) تنصحنى اسجل فيه؟؟

لو كنت تحب تنكرف عالفاضي، توكل على الله
ولكن كأخ، لا انصحك البتة
واللي اسمع عنه، انه كلما ياه يسوء
وغير هذا، قامو الوافدين ياخذون فيه نصيب الاسد، بعد ما كان فقط للمواطنين

6)كيف جو الدراسة

لولا يمعة الشباب والقروبات، جان انتحرنا انتحار جماعي خخخ

7) شو الصعب في الدراسه

الدراسة يضغطونك فيها بالعمالة..! الهندسة يبالها جدية طبعا، والاصل ان الدراسة مب صعبة بالمره ، لو كنت تحظر و مواضب اول باول، ولو كنت مستمتع باللي تتعلمه

السموحة منك ولكن لو رجع بي الزمان لورا، احتمال كبير كنت بختار جامعة خليفة.. ولو ماكانت هالجامعة بيكون شي غير المعهد البترولي

اقولك بكل صراحة.. وتمنياتي لك بالتوفيق :)

مشكور أخوي Eng.Khaled على النصيحة ويشرفني وجودك ومشاركتك في موضوعي
تسلم ^_^ والله يوفقك إن شاء الله