فى كل خطوة تمشى فيها حتلاقينى

اهداء الى صديقى العزيز والغالى عبد القادر محمد احمد الشحى شرطة ام القيوين


فى كل خطوة تمشى فيها حتلاقينى
فى كل صوت الليل وهمسة تسمعينى
مهما طال البعد ويا الافتراق
مهما زاد الشوق واضناه الفراق
قلبى عبد وبين اديكى اؤمرينى
حتلاقينى

حتلاقينى قلب يحمى ليل هواكى
قلب حيعدى الصعاب علشان لقاكى
والامل فى بكره شايفو من سماكى
شيفوا شمس تقول وتحكى للنجوم
شيفو طلة نور متخفيها الغيوم
ياللى نور الدنيا فيكى كلمينى
حتلاقينى

حتلاقينى مركبه ماشيه فى بحورك
ترسم الحب فى خطاكى وفى شعورك
والقمر لو غاب شويه يكفى نورك
اصلو مخلوق لجلك انتى فى الحياه
لما سار من غير ضياكى والله تاه
ياللى فى وجودك وجودى اسمعينى
حتلاقينى

حتلاقينى دار وجار لو جار زمانك
قلب صافى وحضن دافى ان غاب امانك
صوت يلف الكون عليكى يشوف مكانك
صوت بلهفة ام ضاع منها الوليد
صوت بيبكى زى ترنيمة شهيد
ياللى بداوى الجراح ليه تجرحينى
فى كل خطوة تمشى فيها حتلاقينى


ويارب تنال اعجابكم ومنتظر ارد

ماشاء الله

الله يحفظ صديقك