يوميات رمضانية ج ((1)) الله غني عن العالمين

بسم الله الرحمن الرحيم الحمد لله رب العالمين حمدا كثيرا طيبا مباركا فيه كما ينبغي لجلال وجهه وعظيم سلطانه والصلاة والسلام على خير الخلق والانام سيدنا محمد صلى الله عليه وسلم اما بعد
اسمعوا هالسالفه وهي حقيقية 100 % رمضان اللي طاف سرت احد الدوائر الحكوميه لحاجه سرت الساعة تقريبا 12 الا ربع ووقفت عند الكاونتر وطبعا كان علينا رمضان وانا واقف عند الكاونتر اتريا سالت وين هالموظف لو سمحت قال لي سار يصلى قلت بعدها الصلاة باجي نص ساعة تقريبا قال سر عند المسيد دوره سرت ادوره لقيته عند مكان الوضوء يخلع الجوتي ماله في عشر دقايق والشراب في خمس دقايق ويسولف مع ربعه عن اليمين وعن الشمال وبعدين دخل الحمام وطلع وتوضا وبعدين سمعنا الاذان وما انتهت السالفه بعد دخلنا المسيد وطبعا يلس يقرا قران ويتسنن لين صلينا ومن ثم تم يقرا قران لين خلص الدوام وطبعا كلمة تعال باجر ابسط ما يكون عندهم ليش ؟؟؟
ترا العمل يعظم العباده والمعاش اللي جي يصير حرام في شهر حرام لا تفهموني غلط بس امور الناس امانه عندك لازم تخلصها وهي عبادة تتقرب بها لله سبحانه وانت صايم
اما القران والسنن فمجالها كبير ولازم يكون مكان العمل للعمل مب تضيع ساعة ونص علشان والله صايم وما اقدر هذا الكلام ما يجوز تراك مب بروحك صايم كل امة محمد صيام وياك عيل شنقول للي يشتغلون في الطابوق والمقاولات وشنقول للي يلف على ريوله يشل الزباله وهو صايم
ترا العبادة بالنية لله وحبا في الله ولا تجعل العبادة كواجب مدرسي تؤديه مكرها لان الله جل في علاه غني عن العالمين
(( ولو ان انسكم وجنكم على قلب اتقى رجل فيكم مازاد في ملك الله شيئا))

تعال باجر صدق كلمه سهله ..

صح كلامك اخوي ....و النوعيه هاي من الناس الله يعينا عليهم والله يهديهم ..