سل

ليش يسمونها سلطة قيصر
Ceasar Salad
http://www.2chefs.com.au/store/images/T/caesar.jpg

كل مرة أشوفها بالمنيو اتذكر يوليوس قيصر القائد العسكري المشهور من اليونان،
رحت اشوف صج اسم السلطة عليه ولا هو مكتشفها ولا شالسالفة بالضبط؟
أول ما دورت طبعاً طبيت ويكيبيديا ولا انصدم بالجواب.
يوليوس قيصر باختصار ماله خص من قريب ولا من بعيد بهالسلطة،
مكتشف السلطة طباخ اسمه سيزر كارديني – Ceasar Cardini
(مكسيكي مولود بإيطاليا).
يقولون مرة كان قاعد وخلصت مكونات السلطة بمطعمه ولا يقعد يخبّص باللي عنده من الخس وجبنة البارميزان وجم شغلة وعطاها الزباين وعجبتهم.
في قصص ثانية ومحد متأكد منهم بس اللي متأكدين منه هو اكتشافها سنة 1924م.
مكونات الوصفة الأساسية حسب طريقة اللي اكتشفها: خس افرنجي، ثوم، كرتونز (قطع خبز محمص)، جبن بارميزان، بيض مفيوح، زيت زيتون، صلصة وورسسترشاير
(Worcestershire) .
بعدين يوم اشتهرت قاموا يغيرون وناس تزيد (مثل يضيفون دياي) وناس تنقّص عليها (مثل البيض المفيوح)،
“لولا الأذواق لبارت السلع”.
أهم شي لا تحطون صلصة رانش مكان الصلصة اللي قلت عنها، الترقيعة هذي تقلب السلطة فوق تحت. حسب ما مر علي وايد ناس يستخدمون سلطة رانش ويخففونها بالماي عشان تصير مشابهة حق الصلصة وورسسترشاير ،،،
لوّع جبدي اسمها مادري شلون ينكتب بالعربي!

طريقة عمل السلطة منسوبة إلى منال العالم:

المقادير
4 شرائح من التوست الابيض منزوعه الاطراف ومقطعه على شكل مكعبات صغيره
3 شرائح من الديك الرومي المدخن
خس افرنجي
50 غ من جبنة البارميزان
الصلصه:
2او4 حبات من سمك الانشوفه (انا اشتريهامن السوبرماركت تنباع مع قسم التونه والساردين)
بيضه
ملعقتين اكل من عصير الليمون
فص ثوم
نصف كوب من زيت الزيتون
الطريقه:
1) سخني الفرن وضعي قطع الخبز في صينيه ودعيها في الفرن الى ان تصبح ذهبيه اللون
2) قطعي الديك الرومي الى شرائح طوليه نحيفه ثم ضعيها في قدر فيه قليل من الزيت على النار الى ان تصبح مقرمشه
3) قطعي الخس بواسطه يديك الى قطع صغيره وضعيه في طبق التقديم مع مكعبات الخبز والديك الرومي وجبنه البارميزان
4) لعمل الصلصه : ضعي الانشوفه والبيض (البيض يكون ني لكن انا اغلي ماء حار في قدر صغير ثم اضع البيضه فيه لمده دقيقه دقيقه ونصف تقريبا يعني تكون شويه متماسكه )
وعصير الليمون في خلاط الاكل ودعيها تختلط مع بعض لمده 20 ثانيه ثم ارفعي الغطاء والخلاط يخلط المكونات وضعي الزيت ودعيه تخلط جيدا الى ان يصبح الخليط ثقيلا وكريمي،
ضعيه فوق السلطه وانثري شرحات جبنه البارميزان فوق وجه السلطه للزينه ثم قدميها حالا.