بسم الله الرحمن الرحيم
يا جماعة حبيت اخذ رايكم في
ناوي اخذ سيارة و محتار بين اللأودي q7 v8 و نيسان بترول 2011 مع العلم عندي كروزر 2004 والسيارة المحتار فيها ابيها كسيارة رسمية يعني تطلع حق مناسبات في الشهر مرتين او ثلاث
عرض للطباعة
بسم الله الرحمن الرحيم
يا جماعة حبيت اخذ رايكم في
ناوي اخذ سيارة و محتار بين اللأودي q7 v8 و نيسان بترول 2011 مع العلم عندي كروزر 2004 والسيارة المحتار فيها ابيها كسيارة رسمية يعني تطلع حق مناسبات في الشهر مرتين او ثلاث
انصحك بالأودي ... شكره عريقه وجميله والسياره فخمه وماعليها كلام
وما انكر انه شركة نيسان شركة مميزه لكن النيسان اليديد مثل ما يقولوا اخواننا المصريين (لسه طازه)
يعني فيه خرابات شوي وهو تحت التجربه ,,, فيا انك تصبر لك سنه على أقل تقدير او انك تتوكل وتاخذ الأودي
وها مجرد راي ...^^
وبالبركه مقدما ...
عزيزي خذ من أخوك .. شراء السيارات والاختيار مابينهم تخضع لمعاير معينه من أهمها الشخص نفسه واستعماله والقيمه وبعد معيار السوق وقطع الغيار والأستعمال والبيئه نفسها .. خلنا نضرب مثال بشخصي انا
كانت عندي أودي قبل كمن سنه .. وفعلا الموتر عليه ضمان ويحيه ومايقصرون .. لكن .. يحددولك كل 5000 كيلو لاااازم تصك للوكاله تبدل ايل عندهم وفلتر وتجيك عالمكينه وياويلك لو بدلت برع .. اسهل جلمه ( حبيبنا الضمان بيروح دير بالك ) .. وثاني شي لو كنت من سكان راس الخيمه وين فيك هبه على سيرة شارع الشيخ زايد ساير ياي وتعالو ودوني وتعالو يبوني .. شغله صعبه . وفوق هذا الاودي هالنوعيه شكلها اسمحلي يعني .. ميني باص ولو رتبته بكت اس 7 يتم شكله بالنسبه للرنج والأكس 5 صفر عالشمال .. وياعين لو فكرت تطلع العايله الكريمه جدا البر شوي للكشتات والحين الشتاء على البيبان .. أخافه يخذلك ومن تجبره ليتات الكيج كلهن ولعن .. جيك انجن وجيك انجن !! وتعال فكر بيعه ولا أعرضه للبيع .. ثجيله بيعته ويالله يوصل نص القيمه .. اما بالنسبه للنيسان .. سلاااامي على الياباني والله منو يقدر يذم النيسان .. يمر عليك بالشارع هاليديد ويجبرك تحترمه وتحبه .. هيبه والله .. والضمان مفتوح ووكالات النيسان تارسه البلاد وحزة البيعه الجماعه عندك بالبيت يحايلونك .. ( بيني وبينك كانت مقارنه ظالمه مابين الموترين )
ونسيت شغله عمي ( من بداية السنه الضمان مفتوح لخمس سنوات كل المواتر اليدد فلاتستعيل ) والسموحه
اقتباس:
المشاركة الأصلية كتبت بواسطة TOY STORY
كلامك اقنعني ...
:i like it:
عموما بالتوفيق اخويه في اختيارك للسياره وبشرنا من تاخذها ... نبا غوزي ...^_^
حسب استعمالك اخوي
لكن معروف الأودي بروعـة ومتعة القيادة
بالشكل الأودي احلى وهيبة اكثر واكشخ
لكن النيسان اضني يتحمل اكثر ويتحمل طرق وعره وصراويه وقار
صراحة النيسان فخم بعد وكشخه اليديد حلو
شوف انته اللي يناسبك واللي خاطرك فيه
واستخير وتوكل على الله
ماخاب من استخار ولاندم من استشار
ربي حافظك
السلام عليكم
نصيحتي لك اذا كنت تبا راحه بالك
ابتعد عن الاشياء المعقدة مع احترامي للاودي... بدون ضمان ماينفع ابدا..فبلاد بره اوك لكن هني اسمحلي
خذلك من وكاله نيسان هالانفيني هذا وريح بالك الصراحة ياخوي
بصراحة وبنظري انا انه افخم من الفتك الجديد وشكله الوحشي احلى من النيسان فتك الجديد
ملك الصراحة وفخم جدا جدا
وهذي الصور....(ابيض لؤلؤي ) والسلام عليكم:fantk::3jeeb::3jeeb::sm136:
اذا عندك كاش توكل على الله وخذ اودي ....
شكل وقوة وثبات ..
تحياتي ...
ولد زايــــ999ـــد
والله ياخوي سبقتني بسالفة الأنفنتي
ثاني شي الأنفنتي والنيسان التأمين ماله ارخص بوايد من الأودي
الأودي اتوقع تأمينه السنوي مايقل عن 20 او 25 الف درهم
بعد الأستشاره قرر وعليك بالأستخاره
ربي يوفقك