يالليل قل للصبح اني تمنيت ... بس ابتسامه تنتشل قلب منصاب

كان طيـــبي عيب ومشكلتـــي اوفيت ... امــوت صادق وارفــض اعيــش كذاب

يالليل ماذكر في حياتي تمنيت ... مثل ابتسامه تنتشل قلب منصاب

مليت ورب البيت يالليل مليت ... من الجروح اللي تجيني بلا اسباب

تدري يالليل اني على الجرح غنيت ... غنيت دمعه والصدى ضم الاهداب

تبي الحقيقة والصراحة ترجيت ... فرحة ولكن الزمن بالعطا خاب

يالليل قلي بدنيتي ويش سويت ... حتى الهموم بداخلي تفتح ابواب

ان كان طيبي عيب ومشكلتي اوفيت ... اموت صادق وارفض اعيش كذاب

طبعي كذا من ميزتي ماتخليت ... عندي مبادئ دونها ترخص ارقاب

بيني وبينك ياكثر ماتعنيت ... اركض بغرفة مغلقة مالها باب

غرفة وراها فرحتي دونها جيت ... اركانها عتمة ولاحولي احباب

كاس الفراق المر منة تقهويت ... انا اشهد أن الشوق بالليل غلاب

يالليل انا لاشفت ماعفت قفيت ... اقفي ولو خلفي كثيرين الاصحاب

الا جروحي كل مارحت واقفيت ... جتني تحمل صدتي لوم وعتاب

ماذكر ولو مرة بحياتي تهنيت ... اضحك كذا والصدق عن شفتي غاب

صارت دموعي ضيف وعيوني البيت ... ودايم تشوف من المناديل ترحاب

لاشفت شمس الصبح لايديك حنيت ... وفي داخلك حبر القلم بالشقى ذاب

اسريك بحالتي واذا رحت ونيت ... مابي تروح ودمعتي بين الاهداب

اكتب شعوري في ظلامك على ايت ... ونورك ختم قصة عذابي في اب

يالليل قل للصبح اني تمنيت ... بس ابتسامه تنتشل قلب منصاب


الاميره الحسناء

كان طيـــبي عيب ومشكلتـــي اوفيت ... امــوت صادق وارفــض اعيــش كذاب
يالليل ماذكر في حياتي تمنيت ... مثل ابتسامه تنتشل قلب منصاب

إنتقاء مميز لمشرفه مميزة ,,,لاهنتي
ربي يحفظج ,,,, دمتي بكل سعاده ورقي

اقتباس:

---

المشاركة الأصلية كتبت بواسطة القـــالكبيرـلب

كان طيـــبي عيب ومشكلتـــي اوفيت ... امــوت صادق وارفــض اعيــش كذاب
يالليل ماذكر في حياتي تمنيت ... مثل ابتسامه تنتشل قلب منصاب

إنتقاء مميز لمشرفه مميزة ,,,لاهنتي
ربي يحفظج ,,,, دمتي بكل سعاده ورقي

---

شكرا لتلك الانامل الثمينه


التـــي عودتني على ابداع الرد الراقـــي


لاهانك الرب في حفظ الله دائما اين

ماكنت ...

ربي يوفقج ومشاعر فياضة بالشوق للحبيب
وأتمنى تبلغي مطلبك
جزاج الله خير أمتعتينا بالشعرك المميز

اقتباس:

---

المشاركة الأصلية كتبت بواسطة الدلع من شراتي

ربي يوفقج ومشاعر فياضة بالشوق للحبيب
وأتمنى تبلغي مطلبك
جزاج الله خير أمتعتينا بالشعرك المميز

---

شكرا لبوح قلمك من ابداع


امتعك الله بثوب السعاده فالدنيا والاخره ,,,