(( مجنون مريم ))

..السلام عليكم ورحمة الله وبركاته..

قصيدة للشاعر (( المناعي )) بعنوان : " مجنون مريم


ارسمي من حر شوقي يا الغلا ضلعي ثقـاب ..... واشعلي قبل ابتعادك فالحشـى قلبـي وفتيلـه

فجري في الصدر حلمي دام ما لصبـر نـاب ...... يغرس بحده كياني لجل مـا احصـل جميلـه

لا تقولي ليه طيب ؟ .. لي بقى فالراس شاب ..... يا تشبيـن بحشايـه يـا تشوفـي أي وسيلـه

كل ما جيتك بشوقي جيتـي وكلـك صـواب ...... وان تحكمت بصوابي تطلعيـن بالـف حيلـه

انفعل وافقد شعوري ومن عذاب ليـا عـذاب ...... تخزريني بطرف عينك ويرجع القلب الدليلـه

كنك فعيني حياتـي وكنـي بعينـك رحـاب ..... وين ما يجتاح شوفك صرت انا معلـم بديلـه

والله اكبر لو تدخـل كبريائـك فـي عتـاب ...... لو هجير الصيف يلفح رافت بحالـي مخيلـه

وابتدي من ضيم حالي في الهوى اطرد سراب ....... وعر واللاش يعثرني ومن محيل اليا محيلـه

والله انك شي مقنع لو افتحـو للكـذب بـاب ....... وصفو بوجهي عـواذل وكلهـم قـدم دليلـه

عادي ما اصدق حكيهم لو احلفولي ع الكتاب ...... بس ما استبعد صراحه لو يقولو انـك عميلـه

آه انا والليل شعـرك لـو قفيتـي بانسحـاب ....... ينكسر وجدان قلبي من ردوف ٍ لـك تشيلـه

كن قلبي يوم حبك ما عـرف دون الحجـاب ...... وان تلفتـي تخالـط داج ليلـك مـع مقيلـه

كنك الشمس بسناهـا يـوم تقبـل بانسكـاب ....... تطوي هموم الفطاحل والحـزن عنـه تشيلـه

وهالله هالله عا نهار ٍ محتضن لون السحـاب ...... انعكاس النور منه يزهـي الارض المحيلـه

ترتوي من نهر عينك كل ما ترمش هضـاب ....... وكل عفرا في طريقك فاحت بعطر وخميلـه

واليماني لي توسـط بيـن دعجـات الهـداب ...... لو شهده الزير سالـم ارتـدع والهـم خيلـه

من شفاتك ضاع حقي يوم للجانـي ارتكـاب ...... ولا معي حق المحامي يـوم للمجنـي كفيلـه

اذكر اني جيت واحد وقلت له تنـال الثـواب ....... بس لي شوف القضيه وكنت يا حسره دخيلـه

يوم مالي من خوي ولا قريـب ولا صحـاب ....... رحت عانله وصاحب مـن ملفاتـي الثقيلـه

قال لي ادفع مقدم و قلت له تحـت الحسـاب ....... قالي وبكل صراحه رح جتـك ستيـن نيلـه

او وين اولي من نحرج يـوم للتلعـه رقـاب ........ دام صافي الماي وسطه يستر الصدر بضليله

جان لشيطـان رجـم انتـي للفتنـه شهـاب ....... يطوي الباب الرواجح من لحظ نظره ويحيلـه

وان وصلت لحد عودك هو سبب عود الثقاب ........ لي تمركز فالجوانح ولا قوى غيـرك يميلـه

اشعليـه او لا تخلـي بيننـا يوقـف نقـاب ....... يا تشيلينه بقناعـه والا انـا والله مـا اشيلـه

أيه انا احبك ولكـن تشهـر العـزه حـراب ....... يسفر بعيني ضياها قبـل لا اوطـى الرذيلـه

ومن يحب بخلاص مريم عن هوى الباقين تاب ....... لو يشوف الموت الاحمر ما تدوس الذنب ريله

يا قصيده اهتوتني يـوم صلـب القلـب ذاب ...... وانتشى من خط اسمك بين يـوم وبيـن ليلـه

شاعر ٍ من صوت حسه ينتفض شعر الجناب ...... يوم مال الشعر طاري غير ذكرى من رحيلـه

كمّ شاعر يا خساره كل مـا يمسـك خطـاب ...... قال انا وآنـا وآنـا كـن هـو محـد مثيلـه

صراخه الله يحفظ لي على المسـرح قـراب ......... دام ابعدهم كراسي قـم يشكـي مـن عويلـه

إمامجنونك يا عمري ما شكى دونك ضبـاب ...... بس يطري فيك حاجه شبـت الدنيـا شعيلـه

ما شكى الجمهور منه ولا صرخ يبغي جواب ...... بس يتحنحن رزانه و يبتدي الجمهـور سيلـه

ومن ورا المسرح تخالط صوت شبان وشباب ...... وبينهم حتى الخلايق اذكـرو دمنـه وكليلـه

وكل عذرا تشبه اسمك سال من ثمها اللعـاب ...... وابتدت من سرد اسمك حرب عاشق مع خليله

لنه اسمك يوم اقوله يذهـل السبـع العجـاب ....... واتسابق كل ايْدي حتـى لـي ايدينـه شليلـه

يرجع احساس المشاعر لو عنه سنتين غـاب ...... ويصفق اكفوفه تواضع قبل لا يمسـح هميلـه

ولجل ليدين البخيلـه باقـي فقلبـي مصـاب ......دامها شحت عليـه ليـه مـا اشفـي غليلـه

من تظاهـر بالوفـى يلبـس اقنـاع الكـلاب ...... والعفو للي تظاهر لا يهزلـي طـرف ذيلـه

اقسم اعيون الموده من قبل حشـد الحسـاب ........ رايتي بيضا وشخصي عارف ٍ من هو مثيلـه

وان غدى للشعر حاضر آنا له حضرة جنـاب ........ جيتكم مجنون مريم مـن بعـد مجنـون ليلـه



وسلامتكم

( المنـاعي )

كلمات في قمة الروعة...

تسلم أخوي يمناك لأروع ما سطرته...

صح لسانك المناعي ..

ربي يعطيكـ ألف عافيـهـ ..

اللهـ لا يهينكـ ..

السلام عليكم ورحمة الله وبركاته


يااااااااااااااااااااااااي يا سلاااام على القصيده واحلى ما فيها عنوانها وكلماتها

ما عليك زود اخويه المناعي لاهنت يعطيك الف عافيه

[frame="2 98"]
مشكله بعد مجنون مريم ههههههههه
يسلمو على الطرح يا المناعي وتقبل مني اجمل تحيه من اختك بنت الامارات عسل كوكتيل
[/frame]

صح لسانك يا بوحميد وتسلم يمينك على القصيده

واااااااااااااااو في قمة الروعه يالمناعي تسلم طال عمرك كلمات وااااااايد حلوه

كل من مر على هالمتواضعه له جزيل الشكر والتقدير على مروره السامي

كلمات رائعه
تسلم أخوي