يوم حب الحبسي ج2

يلس حما في خيمته موكر طيورة وشاب ناره جدام الخيمه وقهوته بارزه جدامه وفكره يسرح بعيد وايد بعيد وربعه يرمسون وهو جنه مب عندهم يفكر منو بو حسن وشو قصته ويا ابوه وليش هاقطاعه الشديده بينهم وكيف يوصل للحقيقه ومن اللي بيخبره بالصدق وهو على هالحال دخل عليهم خاله سلم ويلس عدال حما وقال : وش فيك يا صغير السن توك على الهم صغير خل الشقى عنك خل واترك الكون لصاحب التدبير
رد حما يخال تراني مابي من هم بس هو سؤال في خاطري صغير ويش اللذي جرى بين لأبو والعم
وخلى الموده بينهم غير ؟
بوراشد : ياولدي هذا خبر جديم ولا تبطل دافتر طوتها السنين
حما : بس يا خالي هذا الامر ما يصير وهذى دنيا حياه وممات ولابد من معرفة شو يصير
بوراشد : اسمع ياولدي ان بغيت تعرف الخبر عليك ب سيف بن راشد
حما : وين بلاقي سيف هذا وين هي اراضيه
بوراشد بوسيف مكانه جريب من مسافي تلاقي اراضيه
شد حما رحاله صوب مسافي وخذا الدرب وتم يسير ويوم اظلم ليله نوخ وقال اريح وعلى عين النهار اسير
حط فراشه ونوخ ناقته وشب ناره وتمدد وهو بين المنام واليقضه حس بخطى مسير انتبه واذا بشيبه واقف عند
راسه قاله يا حما ارجع ولا تنبش في الماضي ؟
قال حما : منو الريال وكيف عرفتني ؟
قال الشيبه انا اعرفك واعرف اهلك من سنين وبنين ارجع يا حما ولا تنبش جروح السنين
قال حما لا زم اعرف الصدق واعرف الخبر اليقين
قال الشيبه اما الخبر فهو انه ابوك سرق عمك في ماله وحلاله وما كفاه طلق مرته وخذها منه وخلى عمك
منبوذ بين العرب !
قال حما شما ؟
قال الشيبه هيه شما ست الحسن ومحد عليها يزيد
مال وجمال ودلال سبحان رب العبيد
قال حما بس شما هذي امي
رد الشيبه ادري ابوك طلقها من عمك وما صار لها ايام عنده
قال حما وليش هذا كله
الشيبه : طمع دنيا يوم مات يدك ورث اموال واطيان كثيره وكان عمك توه معرس على شما وكان طالع بها
بعيد عن البلاد شوي وانتهز ابوك الفرصه وانه الاكبر سنا واخذ كل شي وخلى عمك بدون شي رضى عمك وما قاطع
ويوم شاف ابوك شما غوته بجمالها بغاها لنفسه
اما كيف طلقها فهذي رسمه رسمها شيطان رسمها شيطان رسمها شيطان وتم يرددها لين اختفى لحقه حما وهو يقول
يا فلان يا فلان رد علي خبرني رد الشيبه من بعيد يا حما المر بالمر وكما تدين تدان كما تدين تدان يا حما وانا ان بغيتني
تراك عرفت المكان واحرص ان يكون نفس الوقت واحذر من غلط السؤال
يلس حما مكانه والدنيا كلها تلف وتدور حوله وصوت الشيبه ملا المكان كما تدين تدان
مع بزوغ اول خيوط الصبح سير حما صوب مسافي وعند سوق مسافي الاولى مب الحين وقف يسال عن واحد
اسمه على بن سعيد وكنيته بو حسن وكل ياشر صوب الوادي ويوم مر على واحد جنه شايفنه من قبل بس وين
ما ادري سمع الريال يقول هيه جنه ان الاوان ؟ جنه ان الاوان ؟
وقف عنده حما وقال بعد السلام يا حجي وين بيت فلان ؟ رد الريال بتحصله عقب هالبيتين ؟
بابه اخضر مجابل الشرق وجدامه اربع نخلات خلاص
وصل حما للبيت ودق الباب وجاوبه صوت من داخل من ؟ قال ريال يبا بو حسن ؟ قالت بوحسن عند الزرب برع
سار حما صوب الزرب وحصل ريال بين الخمسين والستين من العمر في شبه من اخوه سعيد وله شامه بين البنيه
والسودا مثل ابوه سلم عليه حما وقال السلام عليكم رد الريال وعليكم السلام منو قال عابر سبيل مار وسلم
قال البيت اقرب للضيف اقرب قال جريب الله يبارك لك في بيتك قال الريال ابدا لازم تقرب وخذا بايده ودخله بيته
وقال له بيك يلس حما في المجلس يفر عينه في كل مكان واخذ يتقرب من الدريشه الخشب ويلس عند مدخل البراد
وهو يالس سمع صوت يردد ويقول الله على عيشة في بلادي هنيه
حلوة اوطاني واهلى غنية
حاول حما يعرف مصدر الصوت بس مداري ما ينشاف ويوم وصل عمه ساله قال هذي ميثا بنتي
بس خبرني انته شو قصتك وشو خبرك ومن وين انته ؟رفع راسه حما وقبل ما يرمس قال العم والله
اني شفت هالعرق الاخضر اللي تحت رقبتك بس وين مدري؟
قال حما في خاطره اقول له منو انا والا اسكت واجس نبضه واعرف شو هوا راسه ؟ والله مشكله
رد الشيبه منو انته يا بوي وش خبرك خبرني
قال حما عطني الامان والاطمئنان وانا اخبرك بالخبر كله
قال الشيبه لك ما طلبت وزياده خبرني خبرك
قال حما انا محمد بن وقبل ما يكملها شاف عند الدريشه بدر مضيء وجهه ما شابهه وجه وجمال مثله ما شافت العين
رد الشيبه محمد بن من يا ولدي ؟
قال انا محمد بن سعيدبن راشد رد الشيبه الحبسي قال حما نعم ولد اخوك
سكت الشيبه شوي ورد ليش ياي وش خبرك خبرني جان ابوك مطرشنك لشي ارجع قبل ما عهدي لك يخلص
وجان ياي للسلام ترا سلامك وصل ومهناك شي لك عندي غيره
قال حما قاصد صوبكم عاني ما همني هم ولا سؤال
ابغي وصلكم تراني ولا ني طالب عز ومال
والكم فؤادي حاني ولصوبكم انا شديت الرحال
قال الشيبه ارجع ياولدي تراني تبدلت احوالي باحوال
وانت هيجت بي المعاني وصحيت في داخلى الوبال
قال حما ما ارجع الا اعرف وش اللي صار وليش هذا كله صار
قال الشيبه سالت ابوك عن هالاخبار وعرفت منه اصل السالفه وشو صار
عود حما صوب داره وفي طريجه للبيت ما غابت عن عينه ميثا وقرر في نفسه قرار ان ميثا له قصر الزمن ولا طال
عود حما لداره وحصل ابوه وامه وساله من وين ياي وين هاغيبه ؟
حما من مسافى طال عمرك
الاب شو مسافي وش تسوي هناك ؟ وعند من بيت
حما عند واحد ينقاله على بن سعيد
الاب بتعجب من قلت
حما على بن سعيد
الاب ومن امرك تنهى ليه وكيف وصلت ليه خبرني وشو قالك وش استخبرته
حما ما قالي شي ولا خبرني بشي لا تخاف
شما وانته شو يخليك تنهي لواحد مالك خص بيه
حما كيف مالي خص وهو عمي اخو ابوي
قال الاب هالمرة سرت ولكن لا تعيدها
حما اسمح لي يا بوي مب بايدي بعيدها وبارجع لهم مرة ثانية
قال الاب ان عاودت فلا تسال عن ابوك بعدها لانت مني ولا انا اعرفك
قال حما يا بوي اسمح لي هذا حكم القلب وما يريد وانا لهم معود وافعل انته ما تريد