هذي الدنيا مصالح ..
مراحب ..
شحالكم؟ ان شاء الله بخير
اليوم منزله لكم موضوع اتمنى اشوف رايكم فيه فلا تحرموني من رايكم..
شو رايكم باللي يكون علاقة مع شخص ما يعرفه إلا في فتره قليله
أو شخص يعرفه من زمان ويتقرب منه وايد وبنفس الوقت هو عارف
ومتأكد بان هالشخص راح يجرحه ويتخلى عنه في يوم من الأيام..
( كل الجروح أطيب إلا جرح القلب ما يطيب ولا لقى له طبيب يداوي جرحه)
وشو رايكم بشخص تحبه وتتعلق فيه ويكون شي مهم بحياتك وما يهتم لك
إلا إذا بغى شي منك يعني مصالح وأنت تدري وتسوي له اللي يبغيه وودك بس ترضيه
مع انك تعرف انه شخص يفكر بمصالحه بس..هالزمن مصالح!!!
أنت قصدك تكسب شخص ممكن يكون سند لك في يوم من الأيام وهو قصده مصالحه بس..
يمكن يكون هالشخص حبيب أو أخ عزيز أو صديق أو زميل عمل أو أي كان هالشخص..
للأسف في هالزمن في وايد ناس من هالنوعية ..
انا عن نفسي مريت بتجارب تعلمت منها وايد وأحيانا ادخل بتجربة اعرف نهايتها
بس أخوضها عشان أتعلم منها والدنيا تجارب..
بالنهاية وباختصار اقول ان هالدنيا مصالح..حقيقة لازم نعترف فيها..
