المعلم صار ملطشة الطلاب والوزاره

بسم الله الرحمن الرحيم الحمد لله رب العالمين والصلاة والسلام على خير الخلق اجمعين سيدنا محمد صلى الله عليه وسلم وعلى اله وصحبه اجمعين اما بعد
احبتي لحد يفهمني غلط بس هذى هي الحقيقة المعلم المظلوم
ليش انا بخبركم
يدرس 20 حصة في اليوم وغير والوسائل اللي يسويها من جيبه يدخل عليه المدير ويهزبه ليس والله الصف وصخ ؟؟؟؟؟؟؟؟
يدخل عليه الموجه ويهزبه ليش الوسائل المعلقة مشققه؟؟؟؟؟؟
يصدر قانون من وزارة التربية اول ما يطبق على المعلم ؟؟؟؟
ولي الامر مكسورة عينه في البيت يطلع حرته في المعلم
عند المعلم اربع شعب كل شعبه 30 طالب يعني 120 كتاب و120 دفتر لازم تصحح اليوم
وفي الاخر معاش المعلم 18 الف ويابت الوزاره امريكان واوربيون باقل كفاءه والراتب 40000
وغير الامتيازات الاخرى
وامس طلع قرار السبت دوام وطبعا الادارة راقدين لين الساعة 11 والمعلم الحصة الاولى موجود
وعقب يطلع مسؤوووووووووووووووووووووووول وزارة التربية ويقول مصلحة المعلم من اول اهتماماتنا

[align=center]
كلامك صحيح اخوي
وانا وياك
ما يحسون فالمعلمين
فارين كل شي عليهم
كم بسوي وكم بيتحمل
مشكور ع الموضوع
[/align]

لا تعليق

واللهـ تبى الصدق .. كلامج صح 100% ..

وانا وياكـ ..

اللهـ يعينهم ويصبرهم ..

تسلم اخوي ..

لا تعليق

السلام عليكم ورحمة الله وبركاته


لا حول ولا قوة الا بالله

ما نروم نقول شي

صدقج مانروم نقول شي ، غير الله يعين اليميع

الله يعينهم ...

لاتعليق

ههههههههههههههههههههههه

تصدق ولد المطر

انا 6 من اخواني في التدريس والمدارس

واشوف المعاناة كل يوم في البيت

القرارات اليديده صعبه واااايد

لا تضرب حتى لو سبك الطالب

اشياء غريبه عجيبه

والشي الي يقهر زود

ان الطالب راسب وتي اتصالات من فوق

انهم ينجحو

نحن نبى الطلاب ينجحون بس مب جي

خلهم يبذلون مجهود مع المعلمين ولو شوي

وخلاف ينجحون

وماشاء الله على اولياء الامور

مسكتين ,, ولا يدرون عيالهم بأي صف

لكن في اشياء الوزاره تسويها تشكر عليها

الصراحه وفي ميزات وايد للمعلم محروم الغير منها

وفي النهايه نقول الله يثبت الطلاب على الدراسه ويوفقهم

والله يآجر المعلمين على الجهود الي يبذلونها

ويكمل مسيرة الوزاره في نشر العلم والحرص على وصوله للطلاب