السلام عليكم ورحمة الله وبركاته
حبيت افكر واناقش بس بصوت شويه عالي :sm105:.. يمكن اكون انا الغلطانة .. بدت مواقف بوظبي تطبيق النظام على اماراة بوظبي .. مواقف 3 دراهم في الساعة و 2 في الساعة .. كانت مشكورة مواقف انها خصصت موقفين للمواطنين من غير رسوم عند سكنه .. قلنا الحمدالله .. على الاقل شويه عرفنا وحسينا الحين انه نحن مواطنين وعيال البلاد .. فجأة وبدون مقدمات .. اسمع من كل صوب في الدوام والجيران والشارع احتجاج الوافدين من عبارات "ظلم - حرام - تفرقة - بتسوي حساسية - حسبي الله ونعم الوكيل - الله موجود فوق - نشتكي في الجرائد (ترا في بعضهم اتصل بجريدة الامارات اليوم) - نوصل صوتنا لمنظمة حقوق الانسان .. الخ" وما بعور قلبكم بعد .. المهم .. الوافد يتعامل عندنا كانه مواطن بس من الدرجة الثانية والحين مبلغ 15 درهم يوميا وفي الشهر 300 درهم خلته يرفع القناع عن وجهه ويعرفنا شو هو .. وكم قلبه حاقد على المواطنين وعلى الحكومة .. بصراحة هانت عليه دولتي ودول الخليج انه نحن فتحنا لهم بيوتنا وتم معاملتهم معاملة احسن من معاملة بلادهم لهم .. شوف اليوم الوافد كمعيشة واستقرار حياته احسن من اي مواطن المسكين اللي ساكن في شقة وفوق هذا عليه الديون .. الله يساعده .. كنت اتوقع منهم هذا الشئ بس بهذا الحجم ما كنت متوقعة .. في قلبي غصه وآلم .. بس اشكر مواقف لانهم كشفوا لنا شو هم الوافدين .. ويا ريت حكومتنا والجهات الحكومية والمواطنين ما يعطونهم وجهه ..
هذا تفكير بس بصوت عالي .. وربي المستعان ..
ربنا يحفظ حكومتنا وحكامها وشعبها .. امين يا رب العالمين .. احبج يا بلادي
عاشقة تراب الامارات
