التناكر بين (( خلق الله )) بدى

هذي آخر قصائد الشاعر : فيصل بن طوالة ..







التناكر بين (( خلق الله )) بدى

.................................... صار هذا تقل مايعرف هذاك..!

(( الفتن )) خلت رفاقتنا \ عِدى

.................................... (( والوجيه البيض )) تطعن في قفاك..!!

إستمع صوتي \ ولاآبيلك صدى

.................................... ذاخرٍ (( ياذيب للمرقب )) اعواك..!

بح (( صوت العقل )) من طول الندى

.................................... إلمس المحسوس \ وإستخدم ذكاك..!!

(( فرصة التغيير )) لاتذهب سُدى

.................................... قبل تبدى .. خطوتين \ إرجع وراك..

طيبتك مع (( بعض خلق الله )) ردى

.................................... لاتواضع (( وأسفل العالم )) رقاك..!!

الحقيقه .. زيف \ والمصلح .. غدى

.................................... والنصيحه \ أوشكت تصبح هلاك..!!

لاتقول : إن مالي \ ومالك جدى

.................................... (( ياعزيز النفس )) ماينفع غنَاك..!!

وش عشاك .. وإنت ماتلقى غدى..؟؟

.................................... لاتقول : إن الغدى \ تالي عشاك..!!

أدري إن (( العافيه )) ثوب \ ورِدى

.................................... لكن .. الخوف \ المرض .. إذا أعتراك..!!

للطموح إن مات (( واحدنا )) فِدى

.................................... البلا لاعشت \ ماحيٍ رجاك..!!

للعطش .. غيمه \ وللورده .. ندى

.................................... والوسيله \ قد تبرر مبتغاك..!!

(( إنحلال المجتمع )) ماله مدى

.................................... ناظر أصحابك \ قبل تنظر عداك..!!

الفساد (( بدُورنا )) قام يحدى

.................................... أضعف الإيمان \ تسأل .. وش بلاك..؟؟

(( النبي )) بدّل ضلالتنا \ هدى

.................................... بس مايقدر إذا \ ماالله هداك..!!

يسلموووووووو ع الطرح الجميييييييييييييييلـــ

ام شوق شكرا ع التواصل

تسلم أخوي ع الطر ح المميز للموضوع...

تسلم اخوويه ابدعت الطرح ..!!

وربي يعطييك العافيه..!!

ونتريا اليديد دوومزز..!!!^^!!